吞POT 雞煲火鍋.住家菜 (已結業)

同老友慶生，揀咗呢間雞煲。可惜因為皮膚敏感唔食得辣，迫住揀呢個花膠雞煲，d湯好味精吓飲完第日喉嚨超乾，但d雞就勁滑，食到停唔到口。配料方面我哋唔係叫咗好多野。始終3女1男唔太夠食力囉‼牛肉唔錯，但餃子同墨魚滑就太普通唔值咁嘅價。我鐘意芝士響鈴，雖然熱氣，但我現食冇用湯，正好多…講埋5顏6免果d丸，覺得唔太特別。反而我鐘意小食豬大腸，超好味

呢一度嘅環境超級靚， 因為呢度位於高層，可以飽覽以下嘅景觀。而醬料呢，就一大盤放住係度，任客人選擇自己所想要嘅醬料，點配都得，任君選擇。自由度高而且咁樣放置，真係好吸引人多用配料！呢一個就係雞煲啦，大大煲雞煲，材料豐富而且味道濃厚，再加上份量夠多，我同埋兩個朋友一齊好足夠！呢一個就係珊瑚蚌，食落去就已經唔係咁款，而且仲好好食添呀，超級推薦大家都叫呢一款餸呀！呢一款十全大寶丸呀，呢一度最出名嘅材料呢，就係呢一款，當然要試下啦！呢一度總共五款，每款兩粒，合共十粒，而每一粒都好好食，一定要試下！而竹生亦都係必選擇嘅材料之一！呢一個雖然係已經加左湯嘅雞煲，但味道更加濃郁入味，超級好食！！！

今個禮拜變凍左🌬❄️，最岩打邊爐🔥，所以約左係中間點，旺角，試下呢間邊爐，都幾就腳，地鐵站出行唔洗5分鐘就到！👍🏻Book左位，餐廳安排左我坐窗邊位置❤️，呢個view望旺角幾靚！😍對住魚缸既側面，d魚🐠幾cute幾好睇！雖然唔係好肚餓，但係我地都叫左好多野: 🥢餃餃陣、🥢蟹子蝦滑、🥢特級美國肥牛、🥢開心樂園餐（蟹柳、芝士腸、雞肉腸、餐肉）、🥢紅薯粉、🥢自創爆芝響鈴、🥢娃娃菜湯底就要左👑🥢招牌螺片濃雞湯鍋~點完餐，店員好快咁比左d醬料我地溝~都幾齊全既~最緊要有我最愛既蒜！❤️呢店係用gas爐既~ 鍋身幾高~ 個湯一上已經係好好味既樣子了~有d螺片同好多菇~未落野已經飲左半碗試下，飲落都好夠味😭，幾濃~唔係口渴味精湯~正！👍🏻👍🏻👑👑🥢自創爆芝響鈴好好味! 索完d湯汁之後，咬到中間d芝士就流出黎！唔係黃色無味芝士，係白色cream cheese個隻，好好味好邪惡啊！咁岩朋友好飽，我食左2舊！👍🏻👍🏻😻🥢特級美國肥牛雖然價錢最平，但一d都唔「吞POT」，唔hea！d肥分佈都平均，唔會好肥，食落有牛香，正！👍🏻🥢蟹子蝦滑既分量比我想象中多！幾彈牙！可以一試！👌🏻👌🏻一定要叫🥢紅薯粉啊！佢索完d湯

雞煲湯底上碟就係咁，面頭全部雞油。6個人去，入面嘅花膠螺片都有一頭嘅份量，不過雞似得半隻份量。海中蝦都新鮮，牛叫左兩款，不過推介叫牛小排個款好啲。手打蟹粉墨魚丸就一般啦。芝士響鈴係即炸，味道一流，好味。

好耐無搵埋班小學識到而家的老死出黎食飯喇，難得今日公司野做得7788，可以早啲收工，就約左班friends出黎聚一聚食個雞煲打個邊爐🍻🍻今次揀左呢間係旺角的吞POT，上到去可能樓層高難得係旺角搵到旺中帶靜的感覺🙂🙂 佢唔係任食雞煲個啲，所以食物質素一定有保證，一分錢一分貨🤩🤩九宮格，任君選擇重慶麻辣雞煲（小辣）係呢到的招牌雞煲，因為我地有三個人，所以就叫左全隻雞，細食可以叫半隻都夠😙😙雞件全部都大大件，雞脾，雞胸，雞翼都有齊，個汁小辣中麻，十分之香！因為我地揀左滋補螺片花膠湯底，所以食完雞煲之後，店員就好好咁主動幫我地換煲。果然無揀錯，個湯底好足料，大大件螺片、花膠，好入味，成個湯都好濃郁、好補身的感覺😋😋仲點左呢幾款火鍋料：頂級安格斯牛小排必點！無得輸！海中蝦生猛海蝦脆肉鯇片滾廿秒左右就食得，同個湯底好夾，好鮮甜皇帝菜炸魚皮脆卜卜，好正啊！凍檸樂，超級大杯，兩個人share飲都得

最近天氣凍，又落雨，最岩就係打邊爐，約左朋友去美食區旺角聚一聚，朋友介紹有間餐廳食物質素唔錯，吞pot 雞煲，岩晒我地呢d 最鐘意吞pot 既打工仔🤣就決定試一試開頭都唔算full, 後尾就座冇虛席我個位望到夜景架，都幾高凍冰冰最岩叫個滋補螺片花膠雞煲，滋補一下有不同口味既配料首先黎既雞煲，即刻飲碗熱湯，個人暖晒，個湯奶黃色好香濃足料，花膠螺片都唔少，半隻雞都好多，同朋友兩個都食唔晒打邊爐又點少得啤酒，一支青島都係2x 蚊，同其他野飲差唔多價，抵叫左十全大寶丸，好有特色，全部手打，好彈牙大粒，有黑松露墨魚丸、蟹粉墨魚丸、鵝肝蝦丸、芝心牛丸同海膽墨魚丸，最愛係海膽墨魚丸，幾新鮮，好有墨魚味當然仲有我至愛既響鈴，仲要裏面有芝士，入口即溶，好正炸魚皮都唔少得，即叫即炸，好香口，就咁食都得，食唔停口兩個人食得超飽，下次要再黎過

最近，邊爐怪從佢朋友口中得知旺角有一間打邊爐，環境唔錯，啲食物水準唔差，重要好足料。上 openrice 搵左資料，知道佢夜晚9:30後入坐，火鍋配料同小食重要半價。講到咁，邊爐怪又點會放過佢。就book左星期日晚上去會一會佢喇！泊左車係始創中心，行過去唔洗5分鐘。上到去即刻比佢門口個魚缸吸引左。成個魚缸都好乾淨，加分😆。樓底算幾高同通風算做得幾好。成個menu都好colorful，睇到人都開心啲。招牌螺片濃雞湯+香濃沙嗲鍋佢個鍋好足料，我地打完之後，一致決定下次黎淨係要濃雞湯，因為好正！手切本地牛頸脊都好大碟，$328半價，抵到爛！自創爆芝響鈴呢個係全餐飯入面最有驚喜果樣野！滾一滾之後，入面啲芝士溶溶地，必食！十全大寶丸手打芝心牛丸，手打香煎鵝肝蝦丸，手打黃金海膽黑墨丸，手打黑松露墨魚丸，手打生拆蟹粉墨魚丸一人每個味都可以試到一粒，我最鍾意手打芝心牛丸。可以又係因為有芝士🙊。餃餃陣有韭菜餃，鮮蝦雲吞，蟹粉蟹肉雲吞，魚皮餃個蟹粉蟹肉雲吞出面比較少機會食到。又幾好味。野生竹笙呢個唔講得笑，半價完左$39，超多條竹笙。先唔講價錢，份量都比出面啲邊爐多一倍。牛柏葉岩岩冰菜賣晒，想試又試唔到，

Openrice book枱功能太方便啦. 一星期前預約左，晚飯當日電話confirm booking. 7點黎到嘅時候都坐滿左. 我地七點食到十一點，店員完全無催趕我地走. 所以黎傾計好適合！十全大寶丸牛肉丸入面有芝士，最驚喜同好食. 其他四款係正常口味，不過我就覺得口感比較散，唔夠彈牙餃餃陣因為我地烚耐左，所以熟到有d散. 牛頸脊有牛味，又唔會太”un”皇帝菜 好新鮮同又好香 鱔片朋友話好味，配個麻辣湯好正魚皮就咁食有少少太咸，用個芫茜皮蛋湯洗一洗就岩岩好金菇，南瓜就正常口飲品就咸檸七同凍檸茶（$32/杯），不過就無五花茶個類下火涼茶. 總括黎講都好好味，如果可以係佢優惠時段去食就好啦😆😆😆順帶一提，用匯豐信用卡八八折

呢幾日天氣開始凍，可能係因為落咗雨嘅關係，啲風都涼涼地。同朋友約咗去打邊爐，因為打邊爐嘅季節開始啦！我哋嚟到最多嘢食嘅旺角，朋友上網見到呢間雞煲好似幾好食，一於試一試佢市面上有好多唔同主題嘅邊爐，靚肥牛/藥膳/四川麻辣/特式配料，呢間呢就主打雞煲。俗語話，廣東人做雞，有好多種，佢哋除左一般酒樓見到嘅湯底，仲有雞煲翅同螺片花膠雞煲，咁養生就試下啦！餸就叫左炸魚皮，芝士響鈴，十全大補丸同稻庭烏冬。 落單冇耐個煲就黎啦，佢地好貼心，一黎已經熱辣辣可以飲住湯食住雞先！乳白色嘅湯，濃濃嘅螺味雞味，打開我地嘅胃口，雞肉很嫩，就算係雞胸都唔會好鞋口。 飲多幾啖湯，我地叫嘅野食都到啦。正所謂打邊爐，冇爐點打？最重要嘅爐係好傳統嘅卡式石油氣爐！開細細火，個湯已經滾滾下唔洗等。首先嚟到有十全大補丸， 手打嘅丸包住唔同既食材，粒粒飽滿份量夠！生拆蟹粉墨魚丸：唔算彈牙，口感鬆軟， 餡似菜肉包嘅味芝心牛丸：好彈牙，爆芝心，一定要小心熱黑松露墨魚丸：入口有淡淡地嘅黑松露味黃金海膽墨魚丸：濃墨魚味，海膽結實香煎鵝肝蝦丸：鵝肝油香十足，熱愛嘅朋友一定唔可以錯過跟住又來咗芝士響鈴，呢個係真心推介！即叫即炸，上枱個時熱辣

天氣開始凍，又到了打邊爐的季節。作為一個曾連續一個月天天打邊爐的人，我可以話比大家聽打邊爐係有一定流程先為之色飲色食，不過呢點就以後有機會再講。11月某個晚上的7點35分，極肚餓的我走入呢間吞pot，上到去之後，我極專心咁望住呢缸魚。唔知d魚望到自己d同類比人當係魚滑會有咩感受，會否好心痛？有人話魚記憶只有三秒，唔知係咪佢地也有好多野唔想記得。但當我食到呢度的墨魚滑之後，我只有滿足的感受！！！一埋位waiter就比左呢個九公格醬料架我，咁多款醬料，根據我中學狂操probability的經驗，估計可以產生出362880種醬料配搭！先睇下menu可以見到好多款式，而且價格合理。湯底有好多款，我好手足話啱啱病好唔想食得咁激，我地就叫左個蕃茄薯仔濃湯鍋。唔係講笑話，個湯非常足料完全唔係其他地方落茄膏個種！幾個原隻蕃茄，切片薯仔，仲有d菇，濃湯真係濃湯，越食越滋味！蟹子墨魚滑，食得出佢打得好滑，食落非常彈牙，而且仲好有墨魚味，不過如果蟹子多多少少就wonderful啦！自製的韭菜餃，入面的韭菜切的大細適中，咬落keep住韭菜味！一碟八粒脹扑扑，我一口氣吃了四隻我家下都脹扑扑了。為左令個湯甜d，加

彌敦道高層開揚雞煲🤤 比起平時人多熱鬧 呢間座位闊落 坐得舒服得黎 食物質素都唔錯 重慶麻辣雞煲$118半隻 有少少咸左啲 要加多兩次水先岩打邊爐 不過雞就幾滑 $148美國肥牛份量足有牛味😂 記得整杯大檸樂丫

吞pot午市係做到好似客飯咁嘅餐，由$52起包一個住家主菜，加個冇味精嘅湯不過賣完就冇，仲有一碟菜同一碗飯，最後當然有個餐飲啦，十分抵食！四個人叫四個餐D 豉汁蒸排骨 - 味道普普通通，正常嘢。但唔夠熱，失策E 鹹魚雞粒豆腐 - 估唔到咁夾，鹹香加雞肉同滑豆腐，幾種口感加埋D汁，「送」飯易入口F 香芋臘味煲 - 是日最最好味的超粉芋頭，混埋臘味的咸咸甜甜味，都絕G 京都豬扒 - 肉份糧都足，都冇得輸，味道亦剛好甜味多點，個汁又一「送」飯之最下次想試下獨食籠仔飯，希望唔好係榨菜牛肉

天氣凍凍地，放工之後一於約埋班同事一齊去食翻個雞煲啦！聽講旺角呢度既吞pot雞煲唔錯啊！今日終於有機會黎試啦！呢間雞煲係23樓，夜晚上黎食重可以睇下夜景添!中意食辣，但又唔係好食得辣既我，呢個重慶麻辣雞煲bb辣就岩曬我啦！呢個雞煲真係好香, 味道好吸引!重叫左我最中意食既竹笙!煮熟距，嗦曬d雞汁味真係好正!醬料可以自由配搭!!飲品方面就叫左杯青瓜特飲, 顏色靚之餘重要好好飲啊！好多醬汁配料。好多人食雞煲!呢度既自家製十全大寶丸，五種唔同既味道，好獨特啊！

已經係第二次光顧吞po了，幾鍾意呢間餐廳，有夜景睇之餘，環境開陽坐得非常舒適，食物質素也真的唔錯。一步入餐廳映入眼簾的係別具一格嘅魚缸調味架一應俱全，自己自由配搭想要嘅醬料。 呢排天氣乾燥，同埋朋友唔係幾食得辣，所以今次叫左螺片花膠雞煲諗住潤補下，湯底奶白濃郁，雞肉完全唔似半隻雞份量，非常之足料，而雞肉亦鮮嫩，同辣辣雞煲風味截然不同但十分骨膠原，正！當然仲有多種唔同款式嘅鍋底雞煲選擇，有重慶麻辣雞煲，胡椒豬肚雞煲等等，配料有自家炸響鈴，炸枝竹，雞子同埋一d特色小食炸魚皮等等。手打丸種類非常多選擇，有手打黑松露墨魚丸、貢丸、蝦滑、芝心牛丸、、等等我地叫左四寶丸，（牛丸、蝦丸、墨魚丸、手打黑魔丸），全部爽口彈牙，推薦黑魔丸，必試。食雞煲必搭之紅薯粉蝦滑混合粒粒蟹籽，口感豐富，味道鮮美。蔬菜有皇帝菜、娃娃菜、冰菜，小白菜同各種菇類，值得一讚的小白菜幾好味，味道清清甜甜的夠晒新鮮。一個dinner，一個雞煲，食下嘢，selfie下，暖烘烘、大滿足！

上次食完油麻地嘅吞pot依然意猶未盡，今日係旺角行完街終於有機會試埋旺角嘅吞pot。同油麻地分店一樣，餐廳採用落地玻璃，感覺特別高尚。每一張枱都有一整set調味料，讓你慢慢調味。雖然環境比我想像中細，但係食物同招呼都好好，安排窗口位置正，一開始叫左雞煲，好入味，平時如果食少少辣嘅朋友建議叫BB辣，炸魚皮必食，即叫即炸，自家製響鈴正，自家製黑松露墨魚丸好大粒，新鮮，爽口，牛柳粒大大粒好味道我哋兩個叫咗一個重慶麻辣雞煲，半隻雞有唔同辣度比你揀，我哋就揀咗BB辣，我自己就覺得剛剛好，我諗食小辣都ok （平時譚仔食三小辣）如果真係唔食得辣嘅朋友，我諗要同佢講BB辣再少辣😆大大杯咸檸七送雞煲真係一流😆總括而言呢間野食物質素係中上既 而且真係好 大 份 好 抵 食如果夜食飯既話本人好推介 好正啊