吞POT 雞煲火鍋.住家菜 (已結業)

朋友想食雞煲所以她就訂了這間來試試啊～～我們選了重慶麻辣雞煲(半隻)小辣還點了辣酒煮花螺火鍋配料選了頂級雪花肥牛﹑蟹籽墨魚滑﹑爆芝響鈴﹑十全大寶丸﹑廣島蠔及冰菜重慶麻辣雞煲，雞件的份量足夠，味道夠，但小辣的辣度略嫌不太夠雞件啖啖肉，都算滑，但雞味不太濃～辣酒煮花螺，雖賣相不佳，但辣度十足！！喜歡吃辣的人應該會覺得不錯～～花螺的份量不多！雪花肥牛，夠肉味，不太肥又夠嚼勁！爆芝響鈴，是這店的特色食物響鈴中間夾著芝士響鈴夠脆口，灼一灼後，吸收辣湯再加上流心的芝士～味道不錯！芝士又不會過膩！！十全大寶丸，是一些手打特色丸類，一共五款有蟹粉墨魚丸﹑黑松露墨魚丸﹑黃金海膽黑墨丸﹑香煎鵝肝蝦丸及芝心牛丸以黑松露墨魚丸的味道最突出，松露味容易辨認芝心牛丸會爆汁，要小心吃！！不過丸類算不上好彈牙～～蟹籽墨魚滑﹑廣島蠔及冰菜的質素都合格！整體而言，食物的水準算是不錯～但身為主角的雞煲今次未能十分討得我和朋友的歡心！

最近口痕想食雞煲，加上見到依間鋪promo 7:30前埋單，配料同小吃有半價，就上呢度試試。一上到黎即刻比佢個巨型魚缸震懾到，除左酒樓都真係好少見有餐廳有個魚缸，望住d魚食飯都真係幾賞心悅目。因為時間比較早，餐廳唔算太full, 我同朋友可以坐靠窗位，望住個街景。雞煲同火鍋湯底都幾多選擇，我地唔想食得太油膩就揀左個螺片花膠雞煲，另外加左烏冬、飯同生菜。Menu上配料既價錢都唔算平，但半價左之後真係超值，可以放心嗌。個雞煲相當真材實料，螺片花膠同雞樣樣都好足料，奶白色既湯底食得出燉左好耐，相當入味，但唔會太濃，淡淡地撈飯撈烏冬，或者就咁飲都好得。雖則係半價，但飯同生菜都大大份，烏冬亦係超彈牙讚歧烏冬。最後我同朋友都食得超飽，仲淨少少飯添，建議可以三四個人share一個雞煲，再嗌多d配料就岩岩好。

星期二放假冇嘢做，就拉咗男朋友去食呢間火鍋，下午5點半至晚上七點半所有火鍋配料同小食都半價呀，想試嘅朋友唔好錯過呢個機會🤪🤪🤪。我地試咗招牌螺片濃雞湯鍋，湯底都幾真材實料，香濃又唔會太渴。火鍋配料方面，我地嗌咗7樣，分別係牛肋片、象拔蚌、墨丸、牛栢葉、炸響鈴同冰菜。食物嘅質素同分量，如果以半價價錢嚟講算係幾好😆👍🏻最令我surprise 嘅係有冰菜！唔知大家有冇食過呢？食落嘅質感好得意，好似有d蟹籽卜卜硊咁！另外，呢到嘅牛肋片都唔差，大碟而且係厚切嘅，小脂肪、牛味好濃，同食雪花肥牛係唔同嘅感覺🤤🤤🤤雖然只係嗌咗7樣食物，但我地都食到好飽🤰🏻另外餐廳有樣優點，就係有好大嘅落地玻璃，望住出面個景幾舒服！

今日個朋友喺外國返嚟，特登同佢試吓食香港好出名嘅雞煲，所以約咗佢哋呢一間食，啱啱上到黎見到有個大魚缸，入邊有好多特色嘅魚，好靚。佢嘅鋪有好多選擇，我哋都係叫咗麻辣雞煲，半隻雞中辣，另外佢仲有好多小食，其實本身都好想試吓，但係又驚食唔晒所以唔叫。佢真係有好多種唔同嘅嘢食，佢最出名嘅就係手打丸，我哋叫咗個四寶丸試吓，另外在叫咗好多唔同嘅食物。調味料真係有好多選擇，有我最鍾意食嘅芝麻醬，其實唔係好多鋪頭有芝麻醬可以食。我哋叫咗四寶丸、韭菜餃、牛柏葉同埋一個烏冬，烏冬係稻庭烏冬，佢啲丸真係好爽口彈牙，韭菜餃入邊好足料。整體上呢餐唔錯，價錢中規中矩，最重要係坐得好舒服，有個靚景可以睇，有機會下次到想再嚟。

好耐冇食過雞煲同打邊爐，聽朋友介紹呢間好好食，所以特登過嚟試吓睇吓好唔好食。一去到見到環境唔錯，不過枱嘅數目少咗啲，所以如果黎食嘅話都要book定位。食物嘅種類都幾多，因為我哋今日兩個人嚟食，我朋友又唔食牛同海鮮，所以我哋叫咗好多菜同豬肉類嘅食物。啤酒類都唔係好貴，正常價，我哋兩個人就叫咗一支朝日啤酒飲。佢嘅調味料嘅選擇都幾多，特別推介有一隻係麻辣汁，自製一個麻辣豉油。食物方面真係唔錯，啲食材好新鮮，上菜速度都好快，啲同事好有禮貌，會主動過嚟幫手加湯。不過我比較喜歡食雞個part，我哋叫咗個麻辣雞煲小辣，佢真係好入味，食入口唔係好難，不過好麻，真心推介。

今日約埋兩個同事一齊去食飯，因為同事好鍾意食打邊爐同雞煲，所以我哋今晚嚟咗呢一度食，我哋預早一日book定枱，六點左右就已經嚟到，我哋係最早到個批所以冇乜人。環境舒適，佢哋嘅枱唔多，所以如果要來食一定要book定位。食物嘅款式都幾多，佢哋推薦嘅係手打丸，飲品都唔係好貴。好多唔同嘅調味料，我最鍾意食嘅芝麻醬都有。有我最鍾意嘅朝日啤酒。食材好生鮮，韭菜餃好大隻，因為我哋好鍾意食腸仔、午餐肉，所以我哋叫咗個拼盤。響鈴一定要嗌，因為佢係即炸，唔放落湯都好好食。呢個就係小辣半隻雞煲。

好多人為左一班人吹下水食下野就會揀打！邊！爐！雖然放題量係多，不過質就確實欠奉今次同朋友見到呢一間吞Pot九點半後配料半價 就一於食好啲上到去環境算企理 最緊要係夠寬躺仲有落地大玻璃，居高臨下望晒半個旺角淨係煲其實都已經有好幾款！選擇困難又唔食得辣嘅我，自然就叫住個麻辣雞煲走辣🙈🙈感覺好似等左幾耐下，不過都可能係我哋太肚餓🤣🤣雞煲一上枱原來已經食得！唔使再等佢煲雞煲香味同味道都勁濃郁雞件數量都十分足夠！唔會話骨多過肉😛另外 索晒味嘅洋蔥都勁野味！睇相都見到隻雞件可以掛到汁😝九點半後配料半價 我哋梗係唔執輸嗌左好幾樣先係爆芝響鈴本身響鈴夠晒大件又粗唔會話浸一浸就已經林晒在一咬開中心 香濃嘅芝士醬伴隨着香味湧入口腔！正！而呢一粒雲吞都內有乾坤佢係一粒特色蟹粉雲吞咬落去啖啖肉 皮又薄 蟹味亦都好驚喜仲有值得一提嘅係佢個牛柳粒各位一睇個色水 就知食得過不過小弟成日掛住食搞到烚到林晒🤣🤣最後兩個人都係食咗$400有找老實講去食放題分分鐘貴過呢個價價錢有保證質素有保證值得推介呀！

突然間好想食藥膳鍋，要搵間好食既藥膳鍋鍋都唔易，上OpenRice見到呢度有好多款唔同既雞煲，但係當然我要食返我想食既藥膳鍋坐低左之後店員就放低醬料，之後睇到原來醬料要收$12/位，都唔平架，仲要加一藥膳雞煲裡面有紅棗，杞子，黨參放低就已經食得，緊係飲啖湯先酒味好濃，有d甘甘地既味道雞肉都滑，但如果可以醃過隻雞就更加好食另外叫左個牛柳粒，牛味好香，唔使點豉油都好好味跟住又要講返個湯，落左牛肉粒之後個湯濃味左，個湯越滾越甜，再帶有小小酒香真係好好飲👍🏻👍🏻

聽朋友介紹呢間餐廳既藥膳醉雞煲好好味，配白飯一流，所以今日特登去試一下😋呢間吞Pot餐廳位於23樓，如果可以坐窗口位，望出去過View 應該好靚，但由於已經比人坐晒，所以唯有坐其他位置。一出電梯，嘩，一大個魚缸，入面啲魚好靚坐抵就睇下個餐牌先講返食物先，我同女朋友兩個人食，叫左半隻藥膳醉雞煲，因為朋友話好大煲，叫一隻會食吾晒。上菜啦，好香藥材味，即時飲淡湯試下先，個湯有藥材味之餘，重有少少我諗係花雕酒既味道，好香好好味，入口後會感覺到有少少甜味，好飲。同埋順帶一提，佢係用火爐嫁，火氣十足，好快就滾晒有得食😃食左幾件雞，件件都好多肉，而且啲雞肉算係好滑，吾會有煮過火乾硬晒既感覺，好味。本來想叫白飯餸雞煲，但見到餐牌有兩款食物好吸引，所以就吾叫飯，叫多兩個餸。第一個係佢地獨有既自創爆芝響鈴，佢地係即時炸比你，熱辣辣嫁，入而有芝士，放入湯到浸一浸就食得。好重芝士味，如果鍾意食芝士既朋友，一定要試下。第二個叫既餸係牛柳粒，好新鮮，之前試過食一啲牛柳粒，好似食雪咁....今次呢個好有牛味，但提一提大家，鍾意食生少少既，都最好放湯耐少少先食，因為太快食，牛柳粒入面會重係凍嫁。我大約7成熟左右就食，

因著朋友回港過年， 回來緊係食返港式特色野， 所以約佢來打邊爐。 雖然呢個之前聽左好耐話好食。 但未食過， 朋友都油尖咀 所以一於試下～未入門口就已經要等搭lift! 入場見餐牌、覺得前菜好似好得！ 所以叫左辣酒花螺食，本身諗住試辣酒花螺煲、 但因兩個原因： 1- 我朋友無我食得咁辣，所以叫左小辣小食試下。 2- 因為有個更吸引既鍋要食！ - 花膠花膠花膠滋補螺片花膠雞煲。聽個名都好想食！ 果然黎到個煲係好香，雞雖然半隻 但啲雞好嫩滑、加埋花膠好大舊， 又量好夠， 每人最少都有舊半至兩大舊食 。 唔會溶晒無得食！ 啲湯底好順口螺湯， 真心清潤。 所以我地好快爭啲飲晒啲湯， 到想請職員加湯時，個職員提我地留返小小湯比佢加～ 不然無得螺味來打邊爐。牛三寶好食， 由其小排最好。 牛柳粒就建議滾耐啲先食～ 夾心芝士響鈴，爆醬入味好正！唔辣湯底都好食

依座大廈差唔多層層都係餐廳，特別多火鍋、韓燒、任食依類型嘅，好啱黎覓食。今日同朋友黎吞POT，個名好有趣。首先有胡椒豬肚雞煲($168)，人唔多，淨係叫咗半隻，已經好足夠。雞食得出非常新鮮，而豬肚煲得又淋又入味。最值得贊嘅係個湯底，胡椒味好重，但又好有鮮美，我同朋友都飲咗幾碗！火鍋嘅配料有日本廣島蠔($83)、桂花蚌($110)，食落去都覺得好新鮮。蠔非常大粒，煮完之後雖然縮咗水，但係一咬，啲汁就湧哂出黎，特別清甜。桂花蚌好有口感，爽口得黎又帶點煙韌感，雖然有少少貴，但係物有所值。除咗火鍋之外，餐廳仲有提供幾款小食。我地叫咗脆皮炸大腸($72)，聽落去好油膩咁，但係比想像中完全唔同。名符其實嘅脆皮，然後有口感柔滑嘅脂肪。隔離仲配咗菠蘿，俾客人消濟。

旺角有好多火鍋餐廳，今次揀尼間主要係因為有好多種類嘅海鮮可以食，而且出名各種雞煲，一於同朋友食下。胡椒豬肚雞煲好大煲呀~有好多件雞，而且豬肚大大件，湯底仲有粟米、腐竹、大塊蘿蔔等，個湯仲有好重胡椒味，辣辣地咁好暖胃，徘冬天飲一流~因為多海鮮配料可以選擇，所以叫嗌左幾款海鮮食下。生蠔大大粒，煮熟之後都唔會縮水，因為好重海水鮮味，好jeng。而花螺冇臭味，都係好甜，鍾意嘅可以用大竹籤串起一次過食，加埋d調味料，滿分。再嗌左象拔蚌，尼個必點，因為超級甜，而且煮完唔硬，易咬，份量亦合理。食海鮮加雞煲，飽飽。

彌敦道726號大廈有多種類型既餐廳，其中尼間主打邊爐，除左可以叫雞煲做湯底，亦可以揀其他款既湯底。而火鍋配料既有肉類，又有多款海鮮，價錢不等。叫左胡椒豬肚雞煲(半隻雞$168)，牛柳粒($85)，東風花螺($58)。侍應會先俾一大盒調味料，自己調配，除左有豉油辣醬，亦有花生碎，芝麻醬，蔥等等，個盒好吸晴。雞煲等左大約10mins就上枱，速度快，而且已經可以食得。湯底煮到變奶白色，而且有大量胡椒，冬天飲，非常暖。而且唔油膩，飲完亦唔會口乾亦唔鹹。配料非常足，雞件大大件，肉嫩唔鞋口，雞皮爽口。而豬肚切得夠大，手指既寬度，所以有口感。而且煮得夠"林"，入味。另外，湯底仲有粟米，豆芽，芹菜少少，所以好甜。而火鍋配料方面，牛柳粒既大小適中，牛肉紋路清晰，煮熟後，d肉汁爆出黎，超香超濃牛肉味，即使全熟都唔會煮到變老變韌。而東風花螺好少見到火鍋餐廳有得叫，所以試下d海鮮。份量都ok，會提供竹籤方便食用。煮熟後，花螺冇沙所以清洗得乾淨。而且肉質鮮甜，肉結實，唔錯。整體，餐廳位於大廈高層位置，所以夜晚望落去，可以欣賞下夜景，而且枱與枱之間空間大，所以一定唔逼，抽風又做得好，岩一家大小，朋友聚會。

老婆朋友今晚英國返黎過年，第一時間做搵間有特式嘅打邊爐食食吞pot都係第一次去，食評介紹都好好，就去試試。早早book左位我就先去開位，地點好方便近旺角地鐵站ab出口。風風火火上到去，新樓地方唔算好大睇menu雞煲底都極吸引另外呢度主要都係食三款手打火鍋料，丸，餃，滑最後係d鮮牛肉，雞肉，雜項，菜，小食等左半個鐘終於齊人，即刻叫一個螺片花膠雞煲，真係好正，湯都真係起晒膠，雞啱啱熟好滑，未打邊爐都爭d比我地三個飲晒d湯食完滿意一part加湯我地先真係開始打邊爐，叫左個招牌爆芝響鈴，咸0七，0樂先，又叫左碟牛三郎同手打四寶丸。手打丸好值得推薦，特別彈牙，同食得出手打丸口感唔同機整出黎果種死滑。另外再叫左個辣酒煮花螺，不過都要等幾耐，一開始叫左差唔多打邊爐先黎到，另外有樣貼心係店員特別提示有大小辣，小辣已經幾辣（老婆平時食開麻辣燙都覺得小辣夠辣），不過我就覺得比較辣，食唔出其他香料味道。整體值得推薦，另外九點半會有半價，會更扺食

今日同一大班朋友嚟咗食雞煲， 因為人數多嘅關係，就嗌咗兩個雞煲。一個辣酒花螺雞煲，另一個係香辣雞煲。嗰個香辣雞煲一上枱嘅時候已經聞到浸燶味，再煮多一陣連啲雞都已經有一浸燶左嘅味道，好難食。。。原本雞煲係食完啲雞之後再加湯打邊爐，但因為個鍋已經有燶味，所以我哋想同佢講換過另外一個湯底。但佢只係比清湯我哋，覺得服務唔係咁好，始終個雞煲係上枱嘅時候已經燶，而唔係我哋搞到佢咁，但最後要係我哋食一個無味嘅清湯。。。餐牌嘅食物種類好多，但價錢都係偏貴！例如$38嘅粟米係得六舊。我哋覺得最過分嘅係一個叫開心樂園餐既拼盤，原本朋友想食午餐肉，我哋有見到呢個開心樂園餐，入面有午餐肉仲有「日本蟹柳」同埋香腸所以就嗌，估唔到呢個$82嘅開心樂園餐份量係得咁少！！上台嘅時候個個都覺得好離譜 ！講真午餐肉、香腸呢啲唔係貴價嘅食物，收得$82就應該被大份啲啦！呢個開心樂園餐真係令到人一啲都唔開心！！雖然呢間係主打雞煲火鍋店，但我哋覺得佢嘅小食更為吸引。我哋嗌左酥炸大腸同Wasabi牛柳粒，呢兩款唔錯。另外，炸魚皮同埋響鈴食嘅時候仲好脆口同埋熱，呢兩款都唔錯。不過最後埋單每人都要$400，覺得呢個價錢其實可以有更好