吞POT 雞煲火鍋.住家菜 (已結業)

My sister brought me here the other day and I quite liked the chicken pot/hotpot here!I’ll start with the very flavourful chicken pot.The chicken was heavily seasoned but the meat remained tender and juicy. And the chicken weren’t too bony. The broth was very flavourful too!The hotpot was nice with ingredients like beef cubes, veggies, dumplings etc.The beef cubes had a nice mix of lean meat and fat, giving them a nice texture when chewed. The veggies were very fresh and tasted sweet when cooked

呢排變番涼涼地，我即刻約左個friend去打邊爐。之前去過油麻地嗰間，覺得幾好，今晚就黎左Mongkok 分店。兩個人叫嘅野有限，但叫左嘅野都質素唔錯，會再encore👌🏻👌🏻👌🏻👌🏻👌🏻先講個雞煲，雞件份量好多，同埋係啖啖肉，唔會係好多骨嗰啲。雞肉好入味，食得好滋味🤤食完雞煲就打邊爐，我推介啲魚皮餃同牛肉粒。魚皮餃魚皮幾薄，餡好味，我食左5粒有多😂 牛肉肉味濃，口感實淨但唔韌，油脂分佈ok，只要記住唔好淥得太耐就ok了。呢度環境都唔錯，坐得幾舒服，通風都ok，食完唔會成身濃濃嘅雞煲味咁走😂😂😂 另外，服務都唔錯，上菜落單都好快，餐牌好多野揀，下次同多啲人黎就可以試多啲野！！

話說早排見朋友FB分享話吞pot雞煲嘅花膠雞煲好好味好滋補養顏，所以今次係衝着呢個而嚟嘅！呢度嘅食物選擇都多同埋特別，不過我同朋友目標明確，所以就下定決心落單！自助調味醬都多選擇，啱晒花心嘅人，不過覺得個醬油好似咸咗啲，甜返少少會比較好花膠螺片雞煲（半隻）$208主角終於出場😻奶白色嘅雞湯好吸引，湯料有半隻雞，花膠同螺片，好足料，啲雞都好滑唔會太肥，湯好鮮甜，飲咗兩碗好滿足！頂級雪花牛肉$238雖然已經去到頂級，但係油花分布唔算好均勻，淥完直情有啲鞋口！有點失望😞芝士炸響鈴$48店員介紹係現場師傅將腐皮夾住芝士即刻炸，非常新鮮而且好大舊！口感特別，即食咬落口好脆而有芝士溶好creamy,火鍋滾一滾都好好味,鍾意芝士嘅朋友一定要試吓!生菜$38鮮甜之選

繼上次食過呢幢大廈嘅咖喱烏冬同埋燒肉之後 今次再試是最高嗰層嘅雞煲平時百幾蚊食既雞煲放題就食得多 好少會揀啲主打高質食材嘅雞煲店 佢評價幾高就嚟試一試租得最高嗰層環境一定冇得輸 個高樓大廈景幾好 但係食得遲 已經冇晒窗口位一嚟到有人介紹啦佢嘅嘢都係即炸所以就叫咗個魚皮同埋出名嘅芝士響鈴試吓炸魚皮熱辣辣脆pok pok 同平時食嘅魚蛋粉鋪頭炸魚皮差唔多但係即炸嘅一定香口好多 所以忍唔住叫咗支啤酒送一送再嚟就係芝士響鈴 響鈴都係即炸 因為都係放落湯度先所以一開始唔明有咩大分別原來一放落去浸1秒就要拎返起身 因為新鮮炸起嘅會好索水好易就會林晒 所以大家記得一秒定論個雞煲叫咗重慶麻辣 小辣本身就咁食唔會覺得太辣 但係當食菜嗰陣啲菜成日唔小心卷埋啲花椒 搞到我成日唔小心中招牛肉入嚟就是最貴嗰碟切得好薄 白色都叫均勻 唔算好肥嘅雪花叫做本地牛 整體質素就平均唔會話有一邊特別突出 略嫌小貴 三個人食咗八百幾蚊 其實都係貴任食5 6 十一個人 好似唔係太肚餓但係又想食雞煲嘅話寧願去自己點嘅地方 始終人大左開始個胃細 食唔到太多

星期三晚收工約咗個朋友去食飯，噉樣我哋見好耐冇打边爐，於是呢就去咗旺角嗰間吞pot。一入到去就見到個大型魚缸，個魚缸裏邊啲魚好大條，其中有一條類似魔鬼魚噉嘅樣，都幾靚嘅。睇完魔鬼魚之後，餐廳安排我哋入座，安排咗一張窗口位比我地，因為呢間鋪頭比較高，所以個view唔錯嘅。睇完餐牌，噉我哋就點咗個招牌魚湯火鍋，另外點咗牛肉，芝士響鈴，同埋雲吞, 餃子。個魚湯嚟咗之後，我哋要等一陣，要煮熱個魚湯，噉煮熱左之後，我哋就試下飲個魚湯啦，噉裏邊有豆腐，番茄，同埋一啲冬姑，噉個魚湯都好夠魚味，幾鮮甜下嘅。另外試埋其他配料，整體嚟講都唔錯值得一試。埋單大約400幾元啦，兩個人食。醬汁方便除左有普通嘅醬料之外，噉呢度有芝麻醬。

食過返尋味，之前朋友介紹我吞pot 雞煲，食過覺得唔錯，今次又約左朋友係mk 就諗起呢間餐廳係門口就見到大魚缸，好大條魚啊店員安排左最角落位俾我地餐廳座位不多，都坐滿不少人發現側邊原來有雞仔既裝飾擺設，好得意可以揀雞煲or 火鍋，上次試過雞煲，今次就試下火鍋，我哋叫咗招牌鮮魚湯個湯底乳白色，好濃魚味，又唔腥，裏面仲有蕃茄、豆腐同菇，好好飲，豆腐好滑溜見到其他檯啲牛肉幾靚，我哋又叫左碟特級雪花牛肋片，好多雪花，啲牛新鮮有牛味，又唔肥，點埋麻醬一流，唔錯朋友鍾意食魚皮餃，上次試過手打丸，咁今次就試吓餃餃陣，係店舖自製，有魚皮餃、鮮蝦雲吞、韭菜餃同埋蟹粉蟹肉雲吞，皮薄餡靚打邊爐梗係唔少得響鈴，每次必叫，呢度特別有芝士響鈴，上次食完，今次再encore，佢係即叫即炸唔會淋，芝士咬落入口即溶，好正啊兩個人食到超飽，每人二百幾蚊，咁既質素都唔算貴

無論春夏秋冬，全年都好想食雞煲一坐低，就見到有個醬料九宮格擺左喺度俾我地混醬，好齊全👍🏻兩個人嗌左半隻重慶麻辣雞煲，唔食辣嘅我地叫左BB辣，夠哂惹味又唔會辣到食唔到😎雞塊大小剛好，亦唔會好鞋口。另外配料例如洋蔥、芹菜同芫荽都好足料，夠哂重口味，豐富口感👍🏻食得太多肉，要叫返啲菜中和下。呢個蔬菜籃比我想像中大份同多料，下面白菜仔墊底，夠哂纖維🥬🎲🐂骰仔牛柳粒好靚，份量又多，好抵食🤑🤑 基本上淥一陣，已經可以夾上黎食，好淋好有牛味👍🏻👍🏻最後叫埋個紅薯粉，吸收哂湯汁，好好味，同出面啲紅薯粉唔同，呢度嗰啲應該係預先出過水，所以係淥一淥就食得，唔會焯到2046都未食得間餐廳喺23樓，如果天色好，個景其實幾靚😀

難得唔使OT 即刻決定出去食番餐好嘅獎勵自己-上open rice搵咗旺角打邊爐見到呢間吞pot都幾多人食 評價又幾好 同朋友二人就諗住嚟食下-先講個環境一入門口就見到個大魚缸 成間鋪又有落地大玻璃 個裝潢都唔差 枱與枱之間嘅空間唔似其他雞煲邊爐咁逼 整體環境都好舒服-店員都好好笑容同禮貌 亦都好詳細去解答我既問題雖然一開始幫我地落錯單 仲希望我地照食但係我地堅持下都幫我地換番-重點戲黎啦！花雕藥膳雞煲！我本身好好好中意食中藥味重既藥膳所以我會覺得個湯底花雕味OK 略嫌藥味不足可能因為本身叫咗藥膳煲個湯底我已經覺得清所以飲完啲湯再加水去打邊爐就變咗冇咩味下次可能要返啲濃味少少嘅或者直接要打邊爐嘅湯底唔食雞煲會好少少😉-食物方面，🐔真係好滑 雪花🐮都唔錯 竹苼同鯇魚片就不過不失我對響鈴既期望係好高 因為都要60蚊唔算平一上到黎見到係岩岩炸起 即刻急不及待咁食左！點知... 有少少失望... 脆度未夠之餘 香口程度都一般 連我最愛打邊爐食嘅油麥菜 都好難食😢唔知會唔會關個湯底事呢🤔 -總括而言 我覺得呢間食店都值得一試既 不過如果佢地加落雞煲比人打邊爐個湯底可以濃多少少 我相信會更好

今日放工同朋友去旺角食雞煲，呢間雞煲地理位置唔錯，喺旺角或者旺角東站去都好方便。一入到去發現環境都唔錯，座位舒適，坐窗邊仲可以望風景添。呢到嘅人服務態度都好好呀。同朋友叫左半隻重慶麻辣雞煲，建議唔係好識得辣嘅人叫BB辣就好喇，我地叫左小辣，但已經辣到每食一啖都要飲野飲。雞煲香味濃郁，好有麻辣香味，雞味道不錯，同埋都好多肉下。野飲方面，我地叫左杯西柚特飲，西柚味十足，都好大杯呢，如果唔係辣到不斷飲野就應該岩岩好夠一餐飲。配菜方面，我地叫左牛柏葉，娃娃菜，豆腐，烏冬同金菇。兩個人食呢啲都已經好飽，每樣配菜份量都好多，每一份嘅份量都好足夠兩個人食。配菜擺入煲內吸晒煲入面嘅湯，唔洗點醬油食都已經好好味喇。

環境乾淨，6個人食左n碟牛都只係每人$85 仲要係有雞煲 任加牛❤️店員服務仲超好 仲不斷問我哋仲洗唔洗追加 上牛速度超快👍🏻😋雖然係$1牛 但質素都好好 係絶對食得過❤️😋👍🏻

尋日接老婆放工兼撐枱腳，去咗旺角食雞煲，都ok驚喜。九點半後入座所有火鍋配料同埋小食都係有半價，超抵主菜我哋叫咗一個辣酒花螺雞煲(小辣)。不過原來都幾辣， 好在食到。個煲份量都ok多，啲雞幾嫩滑，又夠入味， 花螺就更加不在話下啦，索曬啲汁，冇得輸。另外我再點咗份牛柳粒，分量好多， 大大粒，肉質又夠林，食肉獸非常欣賞老婆之前食過話芝士響鈴好食，梗係點返畀佢食啦。上枱時 waiter 話芝士響鈴新鮮炸起，仲熱辣辣㗎，so fresh 老婆話夜晚食咁多嘢好肥，但係我未夠喉喎。。。所以點多咗份雜錦餃子試下，老婆唔食，我食。一set有四種唔同口味餃子，每樣兩粒，點會難到我。我就最欣賞佢個韮菜餃，韭菜味好出，夠曬香， 撈埋啲勁 juicy 嘅豬肉，冇得輸。蟹肉餃子都幾啖啖肉，不過淡啲囉。今晚餐飯整體都唔錯，地方ok舒服，嘢食因為有半價所以好勁抵。值得再來

今日收工得閒, 又約同事去食好西 之前食過油麻地間辣雞煲唔錯, 今日去佢哋旺角間分店幫襯下.七點半上到去唔使等枱, 仲可以坐到窗邊睇夜景，so lucky 呢度嘅裝修同油麻地嗰間一樣，簡簡單單， 雖然枱枱都係食緊雞煲，但都唔會一陣油煙味，坐得幾舒服。 呢間個缸魚仲大過油麻地分店嗰缸，好多魚好靚吖同事食得辣, 所以今次我哋點咗中辣既花螺辣雞煲, 勁多花螺呀個雞煲麻多過辣， 勁多花椒啲雞好夠味，又嫩滑，上枱嘅時候已經熟曬，即刻可以起筷，唔使點等食完個雞煲，個胃仲有少少空間，我哋點咗一碟餃餃陣 ( 有韭菜餃, 鮮蝦餛飩, 蟹粉蟹肉雲吞, 魚皮餃 每款兩隻 ) $120/8隻餃有少少貴, 但係自家制, 出面食吾到喎, 樣樣都試下麻 我最欣賞佢個韭菜餃, 啲韭菜真係好香蟹粉蟹肉雲吞勁多蟹肉呀, 成個包滿曬, 又大粒, 好足料其餘2款餃都 OK.佢仲有尖沙咀分店, 已經約緊同事去喇, 哈哈

呢幾日撞正落雨又開始凍番，最岩就係約班friend一齊去雞煲打邊爐喇。不過我地今次就揀左齋打邊爐，恰下恰下都幾好啊！脆肉鯇片碟魚一到，第一印象就係賣相好靚！薄切魚片一淥就熟，食落勁新鮮。不過略嫌太多細骨，有啲唔方便，總括而言可以一試。大咸檸七Classic港式飲品，就如其名真係幾大杯。整體而言不過不失，就係七喜加檸檬。不過值得一提係枝飲管幾好玩。。。*娃娃菜($36)*本來都沒有什麼期待，就是蔬菜嘛，怎知端上來的時候就被那個份量驚喜到。用竹籃子盛著，份量十足，而且新鮮無比，打邊爐時吸收湯底和其他肉類的精華，非常好吃。餃餃陣($115)總共4款8粒餃子，包括韭菜餃，鮮蝦雲吞，蟹粉蟹肉雲吞和魚皮餃。他們標榜餃子都是自製的，所以每隻餃子都包得非常飽滿，咬下去的時候都會感覺餃子皮快要爆開，湯汁溢出來，而且餡料很新鮮。特別是韭菜餃，韭菜和豬肉的比例很好，不會想其他地方，很多時候只吃到其中一樣，口感和驚喜十足。hite mango lingo mango flavoured fruit mix beer ($18)升降機門打開第一時間就看到宋仲基的代言海報，手拿著hite 芒果啤酒，所以還沒坐下就

【尋找鮮魚Fish系列】平時食雞煲火窩，慣左食任食，平料但勝在但量多。今次揀間單點逐碟計嘅，身痕想食靚料了！明明係雞煲店，但我同男友作為魚嘅愛好者，真係好想食鮮魚湯，就叫左鮮魚湯底。黎到係白色㗎！！ 雖然無魚塊喺入面，但一飲落就好濃嘅魚湯味！正。推介脆鯇魚片，好爽口，不要煮太耐！另外佢個炸魚皮都係高質的。魚片，魚皮配魚湯，真係岩哂鍾意食魚嘅朋友。我哋仲叫左廣島蠔，皇帝菜，三色滑（蝦滑，魚滑同墨魚滑），都唔錯。好想提下佢個醬料盤，我無意中揀左佢個唔知係沙茶定XO醬，超好食！有蝦香，雖然魚湯唔駛要咁濃嘅醬，但真係忍唔住一點再點！大家記得試！特別一提，食雞煲都想食得有情調的話，可以在預約時要求店員盡量安排近窗邊位置呢～ 因為食店在高處，晚上時可以鳥瞰旺角。夜景+雞煲，真係少有嘅combination。

同朋友嚟到呢一間旺角嘅火鍋店食晚飯。店舖係位於樓上嘅，入到去環境舒適，又唔會話好迫。而且有得對住窗口坐，一覽旺角區嘅城市景色。可以揀嘅火鍋料都頗多但係價錢就偏貴啦🙈咁所以我同另外一個朋友都只係揀咗幾個餸特級美國肥牛 一碟嘅牛都差唔多200蚊但係份量真係好大差不多應該有二十幾嚿咁所以價錢都ok用料的確唔錯賣相亦都好好見到牛肉嘅色澤鮮紅脂肪比例相當好感覺非常新鮮其實係相都唔錯嘅一塊牛都偏厚身唔會係好薄嘢飲方面叫咗鹹檸七同埋西柚特飲兩杯其實都非常之靚感覺好清新味道唔會有藥水味 配肥膩食物都係相當之清新🌱🌱然後叫咗個烏冬同菜因為實在係比較貴嘅所以都叫番啲麵下肚整體呢間嘅食物質素其實係幾高坐得舒服湯底係幾好飲好可惜價錢偏貴