名館 (已結業)

好友、老媽和我的三人晚餐！ 香港人各有各忙，我跟摯友們不常會面，但感恩的是無論發生任何事，那份互相關心和支持的熱暖，成為困難中不倒的精神支柱！最慌亂的時間過去了，急不及待跟好友相約會面，由於老媽跟這位好友也稔熟，於是三人便一同飯聚，飯聚和叙舊吧！ 好友在銅鑼灣工作，選了獲得不少好評的「名館」。「名館」首先給我光亮、整潔的印象，左邊一列面窗而坐的座位，在用餐的同時可欣賞銅鑼灣的市景，這設計在中式餐廳來說，頗為少見！ 好友還未下班，老媽和我先來取位，因為早前致電訂位，回覆已滿座，只好早一點 Walk In，果然成功！侍應為我們倒出熱茶，我抓緊時間翻看餐牌！ 餐牌圖文並茂，以點心、小菜、焗飯、甜蜜蜜 （甜品）等系列分類，不過最吸引我的是水煮系列，惜老媽與好友也不嗜辣，心理上愈得不到的愈想擁有。 好友到了，經過商議後點菜，只要自行在點菜紙上勾出心儀的菜式，再交侍應便可！ 京川汁秋葵 HK$42 好友點的秋葵，質感爽中帶軟，配上酸汁和辣椒絲，成為我們健康的開胃小菜！ 我看上了一個脆皮鹹豬手套餐，套餐包含兩支白啤或黑啤，十幾年來從沒在我面前喝酒的好友，竟然主動提出要黑啤，令我嘩然！ 鮮肉一口小籠包

名館黎過幾次，每次都好滿意，鐘意食中菜又想坐得舒適，呢到係不二之選！係14F頂層，近窗口位置的風景真係幾好，睇裝修亦唔似黎食中菜！先黎個熱騰騰的一口小籠包，個皮夠薄，小籠包肉汁非常juicy每次黎都一定叫個燉湯嘆下！好少地方GE燉湯做到咁足料，咁入味。今次叫左招牌GE糖心黑蒜燉響螺！個湯濃郁得黎又好清甜！仲有響螺肉咬下岀街盡量都食下蔬菜，叫左碟金銀蒜蒸勝瓜金菇，實而不華的家常菜厚切叉燒皇，黃金比例的半肥瘦！入口軟滑好吃！石鍋鮑魚鮮淮山炆雞，個石鍋上菜火辣辣！個汁好惹味，同淮山好夾！ ！仲有大舊鮑魚最後嗌左個石鍋鮑魚雞粒炒飯，炒得好香！夠乾身米飯粒粒分明。兩個石鍋都好快ko晒！食完石鍋叫埋野飲，都係健康之選！左邊係海南柑桔蜜柚茶、右邊係蜂蜜紀子菊花，同燉湯一樣咁足料抵飲值得一提個蕎麥茶都好味，又係健康之選。個味幾特別香醇，而且睇介紹可以降血脂之類，加分！

hysan 食 o野都唔平但係依間中菜價錢好實惠裝修又靚, 仲有 d 情侶二人位呢~都幾新潮 wor依度好多 o野飲揀我 o地叫 o左檸檬薏米水同紅棗桂圓杞子茶好滋潤, 都係大約廿蚊朋友鍾意飲湯, 叫 o左椰子川貝炖鱷魚湯有好多湯料依度 d 碗碗碟碟都好精緻令到個厚切叉燒望落好靚, 見到都開胃 黑椒牛仔骨個汁有少少似咕嚕肉幾特別, 送飯一流 ar 個石鍋鮑魚淮山炆雞上菜 ge 時候真係有"ja ja" 聲 ga整得好惹味, 雞都幾多 o舊最驚喜係小籠包, 非常皮薄餡靚 甜品係鴛鴦黑芝麻湯圓我未食過點椰絲呢, 加埋 d 花生粒粒好好食

銅鑼灣希慎廣場，從地段到名字都帶著名牌效應，裡邊名店林立，食肆的叫價也通常較一般的為高，但想不到當中有一間新派中菜，環境舒適之餘，價錢也較其他的相對親民，據說出品質素也不俗，筆者當然要來試一下。餐廳風格走年青路線，沒有傳統酒樓的老氣裝修，綠白色的霓虹招牌，配上灰磚牆和青綠色的木製門窗框，清新搶眼。半開放式的設計格局，中間以窗框磚牆隔開，加上落地大玻璃滲入天然光，營造出室內和室外的錯覺，意念獨到，時尚簡潔，帶著舊上海風歐式戶外茶座的味道。入座後店員先端上兩杯清茶，入口一喝乖乖不得了，這並不是一般的什麼普洱或鐵觀音，而是味道獨特甘香的蕎麥茶，茶色清澈，滲著炒米般的香氣，口感有似點玄米茶，但米香更是突出，帶回甘清甜，清爽解渴，未食已有驚喜，不錯。細閱餐牌，發覺這店的菜色覆蓋範圍甚廣，由老火燉湯、上海前菜小吃和包點，到粵菜小炒、湯粉焗飯都一應俱全，就連竹桶蒸飯也有供應，部分菜色也加入了大廚的創意，實行創新與傳統相互交融，讓食客嘗出新味道。筆者先點了一客燉湯，亞瑪遜椰子川貝炖鱷魚，鱷魚肉滋補氣管，配上川貝化痰和椰子清潤，聽到配搭已感覺十分健康。原盅燉湯上枱，湯色金黃清澈，內裡堆滿湯渣，用料十足，

希慎餐廳林立，各式各樣，實在難以取捨！經過一輪篩選後，決定食中餐，於是到了名館名館係香港名苑集團餐飲旗下品牌之一，將「老餅」既中菜「新潮」起來。座位上， 沒有茶樓式圓木枱，有普通大、細方枱，還有面向大玻璃窗既單向座，適合情侶和小夥兒。叫了好多嘢食：炸子雞、紅燒嫩滑BB鴿，兩者都外脆內嫩，好食；竹筒藜麥蒸飯，好fresh好健康；糖心黑蒜燉海螺湯，好滋補黑椒鐵板牛仔骨，上枱嘅時候渣渣聲，好惹味啊！介紹左咁多樣，樣樣都唔錯，好啱帶埋父母屋企人一齊食。

同朋友行街玩左成日，晚上大約接近九點先醒起未食晚飯😅去希慎隨意搵間合眼緣既餐廳依間餐廳冇揀錯 😋餐廳裝修很開揚，門口見到入面既環境唔錯台與台之間亦很闊落，冇逼迫感侍廳很快安排我們入座😎咁夜先食飯，本身打算唔叫咁多不過樣樣都很吸引叫左最愛既小籠包小籠包熱辣辣又多汁，好好味👍🏻咕嚕肉炸得很脆口，酸酸甜甜很開胃有機豆漿個樽幾得意，唔會過甜，好飲五色陽春麵很特別，很爽口牛肝菌雞扒焗飯，d汁略嫌過咸，味道一般整體食物質素很高坐得很舒服值得推薦，亦會再光顧

銅鑼灣新式fusion 酒家有時想飲茶但去開銅鑼灣都唔知道邊度有酒樓，尤其是有陣時同埋老人家，佢哋特別鍾意嘆一盅兩件，飲下茶嘆下點心！無奈銅鑼灣大多是西餐林立，或是商場較多，冇咩酒樓選擇！今個星期日提早同母親過母親節，家人約了於銅鑼灣希慎廣場14樓飲茶，之前竟然從來都唔知道原來呢個商場上面有間酒樓，個名叫做名館！餐廳設計懷舊中有一點前衛唔好以為想到商場14樓好高，其實其實有電梯可以直接去到，又或酒樓十分老套，非也！上到去見到門面10分光猛，因為餐廳內取用玻璃窗，可以吸收到出面的太陽自然光。 餐廳內見到有不少靠邊座位，四人卡位，者長枱，有D甚至可以透過玻璃窗見到出面街，假期可以咁樣休閑休息都算不錯！我哋分別係飯，面，小菜，點心及甜品挑選。飯類我哋挑選左兩種飯，分別用不同嘅煮法。上邊果幅係叫做飯焦鳳凰蝦（$88），主要煮法應該係用飯焦炒香飯，在陪用蛋及蝦做配菜，飯粒分明，飯焦本身就10分香口，有飯味，不會太過乾，超級惹味。另外一款下面的就係竹筒黎麥蒸飯，叫做大澳蝦乾豚肉蒸飯（$48)，聽個名字，就知是十分地道香港菜式，取名不錯！因為用一個竹筒蒸飯所以有淡淡的飯香，再配上蝦干及豚肉，頗有一番

放工散了，聽聽自己想吃甚麼？彈出了“名館”，好！待自己好！飯桶的我，點了竹筒藜麥飯，一般食店，很少見這個飯，自然我喜歡吃，好吃又健康替自己點了個黑蒜響螺湯，見到已經足料，數件響螺加黑蒜，有雞肉和瘦肉，感覺在飲精華。。好潤啊！有飯有湯，當然，也點了黑松露炒滑蛋，黑松露味濃，連炒滑蛋，蛋香加黑松露在口中滲入口腔豐富了味蕾，真的停不了正！雖然，“減肥”會間中在腦海中游過。。。，但，邪惡的厚义燒仍是我的選擇，吃了再算吧！义燒的肉質，那美味，那肥瘦適中，自然給我肚子帶著走。今晚吃了一個超滿足的晚餐。

Hsbc 信用卡優惠單點八五折 好抵呀麥茶好好飲而且飲完係無限refill的 各款點心都好高水準 馬拉糕好鬆軟 重點推薦 千層酥餅 好好好好味不過應該好高卡路里 但值得一食哦！黑椒炒牛柳好特別佢用咗呢個叫蓮藕菌一齊炒 好惹味鱷魚雞燉湯好足料，湯渣比湯更多 哈哈但係我寧願飲多d湯呢仲叫左個三色擔擔面，比起其他菜式這個稍為遜色有點普通，可以不試另外，香菇蒸准山雖然賣相不討好但是也有特色最後加點了一個湯餃子，我湯唔油膩而且好好飲仲配上了娃娃菜，不錯👍

星期五放工同朋友食飯，一定要豐富及做得舒服！名館聽朋友講得多，終於去左食喇！中菜裝潢同印象中的酒樓完全不同！坐得好舒服！竹筒臘味飯！淡淡的竹筒香氣，臘腸香味滲入飯入面鮑魚雞煲 但我無食到鮑魚，但有好多爽口竹筍，入味到呢！呢個叉燒不得了！肥廋適中，甜度剛剛好！非常鬆化！我都未影就比人夾曬喇！這個菜肉雲吞，皮薄餡正！個湯底真係好濃郁！大家夾曬之後我就開始飲湯！食到超飽後，有人突然話想食雪糕，點知叫左個雪糕多士！一來就嚇親我，好大份啊！全晚一共7個菜2個甜品，每人$200，抵！味道：7環境：8價錢：7

同老公行銅鑼灣，佢話前一輪食西餐較多，突然想食吓中菜，所以上咗希慎樓上食嘢。雖然呢間餐廳响商場入面較入的位置，但內庭很光猛和有空間感，而且入座的食客可不少。見老公呢排做嘢忙咗好多，所以我掀了一下主菜單，就要點個湯滋潤吓。點了個 亞瑪遜椰子川貝炖鱷魚 呢個老火湯，個湯不但足料，好香川貝味同埋 D 肉煲到勁腍，而且一 D 都唔油，我哋都爭住飲。然後來了一籠 鮮肉一口小籠包，一籠有五件，食落個皮厚薄剛剛好，唔太厚又唔太薄，而入面的湯真係好熱辣辣，令肉質鮮味提升不少。我們一邊吃著小籠包，一邊喝著特飲。檸檬薏米水 味道清清地，容易入口。而 海南金桔蜜柚茶 味道清新得來帶點柚子的甜味。自從前年第一次出差後，就好喜歡食飯。呢味 飯焦鳳凰蝦 同一般的炒飯好唔同，因為將熟飯同脆米炒埋一碟，每食一口都有兩種不同的口感，有軟又有硬，加埋飯內有不同的配菜，口感好豐富。叫得飯食都必定會叫兩味餸菜，今次我們就有 好味醬秋葵炒花枝片 同埋 自製菌皇醬蒸鐵棍淮山。好味醬秋葵炒花枝片 裡面的花枝片真係切得好薄，口感好似食緊魷魚片咁。而 自製菌皇醬蒸鐵棍淮山 入面的淮山食落真係好腍，而且好粉，同平時煲湯嗰 d 淮山完全係

今日約咗個朋友喺銅鑼灣行街街，血拼左四個鐘終於投降攰到無晒力，就諗住喺銅鑼灣搵個舒服啲嘅地方休息一下和嘆下晚飯我朋友提議去希慎廣場，因為嗰度好多食肆供選擇。行到去14樓見到一間叫做名館嘅食店，今日星期一⋯⋯見到裏頭人頭湧湧即管去試吓啦當我哋入咗以後就有時應遞上一杯和暖嘅蕎麥茶，相當和味打開餐牌原來有好多嘅選擇先叫有機豆漿、海南金🍊蜜柚茶嘆下先，舒緩一下泡椒寶塔菜同平時啲冷盤真係非常唔同，好似一個寶塔咁爽脆非常我都係第一次食嘅亞馬遜椰子川貝燉鱷魚湯一啲都唔會🉐️過鹹字非常鮮甜鮮肉一口小籠包皮薄饀靚仲有香濃嘅湯汁流出添石鍋鮑魚鮮淮山炆雞呢個真係唔講得笑，熱辣辣咋咋聲上枱，雞鮮嫩多汁唔會乾鮑魚新鮮分量仲唔少添飯焦鳳尾蝦啲蝦新鮮彈牙分量十足，而且仲炸咗啲飯粒撈埋一齊來炒，脆脆地好過癮喺銅鑼灣呢個地段有呢啲咁樣嘅菜式又唔係太貴我下次一定會帶埋家人來試吓

放工同朋友行完銅鑼灣，係時候搵嘢食。 由於最近食得太多西餐和日式，所以想其它菜式。 在毫無頭緒之下，就從水牌中從感覺揀咗這間餐廳試下。由於當時未病好有咳，而係餐牌上面見到有個亞馬遜椰子鱷魚嘅燉湯，而聽人講鱷魚 可以止咳，所以叫來試下！一睇就知湯料非常充足，而且非常清甜。紅棗桂圓杞子茶，感覺係材料多個水清新嘅柑桔蜜柚子茶朋友最喜愛食菜，所以點了金銀蒜蒸娃娃菜！ 朋友很喜歡，但我個人就覺得好似蒜蓉蒸帶子的味道，但沒有帶子！！！小籠包是我哋的最愛，他們做得非常出色，皮薄肉汁多，肉的質感非常嫩口。飯焦鳳凰蝦， 這個口感非常豐富！ 鳳凰蝦的數量非常之多，而飯焦令到整個飯增加口感。平日晚上不吃飯的我，也吃了三碗女仔食飯當然唔少得甜品啦！抹茶布甸。。唔會太甜，食完都唔會怕肥！焦糖布甸。。出色作品， 好香嘅蛋味！ 相比一些甜品屋的更好比想像中好，下次可以叫多啲朋友嚟叫多啲唔同嘅食物！

是日晚上打算吃得清淡一點，又想喝一口湯，輾轉間，發現了希慎廣場的此店。來到希慎廣場11樓，在鋪前打量了好一會兒，見餐牌款式多，價錢中價，才決定進去一試。晚上8時多，人流不少，仍找到一角的2人座位。餐廳供應的湯款有4，其中一款較為特別的是用上黑蒜雞件豬展同燉的糖心黑蒜燉響螺（$52）。在銅鑼灣區，以這個價錢喝燉湯尚可接受，重點是雞味相當濃郁！亦帶甘甜味，相信是黑蒜留下的香味。推薦指數：5/5接著，也點了一碟灼菜（$28），份量不算多，也不算特別清甜，不過想清一清腸胃讓是點了。推薦指數：2/5當然，少不了點了一道主菜：蜜桃咕嚕肉（$68）。這碟咕嚕肉份量不少，而且做得相當脆身！酸甜汁偏向甜味重，也計是選用罐頭蜜桃的關係。整體相當美味，值得強烈推介！推薦指數：5/5而筆者也加配了一客竹筒飯（$15），雖然份量較少，但外型小巧精緻。不見竹筒香，今是完了半個竹筒夢。整體來說，餐廳的食物和服務是高水準的。食物，叫著叫著，最後也不算吃得便宜。為了這裡的燉湯和咕嚕肉，也會再來的。

系銅鑼灣收工之後，去希慎覓食。聽同事講呢間中餐幾高質，就去一探究竟。好似幾多菜式揀。入到去先有杯茶飲下，唔系平時酒樓飲茶既茶，而系一種好香既麥味，唔知叫咩。飲完侍應會主動過黎refill，服務冇得頂。同事話間野既湯系必飲，一人叫左一盅。細細盅但好足料，幾甜，唔系味精湯。又鱷魚肉又生魚，今次仲唔補補佢？！小籠包好難整得好食，今日終於俾我遇上。皮好薄，一咬就有湯汁流出，辣親個嘴。入面d肉湯清清地，忍唔住一次過啪左三隻。甜品黎講就中規中矩，我唔多好湯圓，所以俾我同事食曬。