名館 (已結業)

第一次光顧，朋友未到先點了推介的鹹豬手，朋友來了再點了一個響螺燉湯和一個豆支油皇墨魚仔，豬手先到，份量不少，不來想點些素菜也要停下來。先說豬手，是合格而已，皮很脆，不油膩，但肉質較乾，味道也是一般，沒有失望但沒有驚喜。至於燉湯，好足料，料太多，湯水少，有點喧賓奪主，最後是墨魚仔，跟網上看到食評的照片是兩樣呀，碟底水溜溜，味道麻麻，不能引起食欲，索性打包回家今晚配其它東西做個菜。

特登過銅鑼灣飲菜，諗住試下佢個麻雀十三么椰汁糕，點知張點心單原來冇，可能晚市先有掛。叫左個午餐大澳蝦乾豚肉竹筒飯配點心黑糖馬拉糕加杯野飲，70幾蚊，但馬拉糕好實，唔鬆軟，同便利店啲馬拉糕一樣難食，而且冇黑糖味，唔掂但蒸飯就一般啦，但啲豬肉都爽口嘅。鵪鶉蛋燒賣，42蚊原來得兩粒，普通野，山竹牛肉球30蚊，係大粒啲，但又係普通菠菜鍋貼唔夠脆，小籠包竟然穿哂冇哂啲湯汁。流沙包造型核突之外，一啲都唔流心，個包實的的，又唔夠餡。黑椒安格斯牛粒，有“那“粉，用大量黑椒汁諗住遮左陣味，不過唔掂豬手個汁唔好味，炆得唔夠林，而且搵啲豬腸粉墊底，好唔夾。天鵝酥係幾靚，但紫薯餡，唔係太好食，覺得好似啲豆沙餡咁。石鍋鮑魚雞粒炒飯係比較好食啲唯一一樣好食啲嘅野:不過杯茶好飲過平日茶樓，喬麥茶，8蚊茶位。全餐都冇野好食:點心唔出色，大把創意點心好食盅，唔會再黎好

味道是可以的，環境不錯，但為訂座安排好有問題，其中一次，本人下午六時walk in,職員已說滿座，但眼看餐廳內全是空位後向有關職員詢問，該職員讓我看看訂座表，我看見表上訂枱時間是八時多⋯⋯我承諾八點前還枱也不行⋯真不知道一張枱留兩個鐘頭是怎做生意⋯⋯⋯希望有所改善及彈性處理

友人介紹呢度個湯好正, 所以黎呢度食埋晚飯, 當天晚上其實都滿座既, 好彩去到唔洗等位...我地坐窗邊, 留堂甘食飯, 不過係面窗唔係面壁。我地點左叉燒, 小籠包,乳鴿, 兩個湯....叉燒....好肥, 肥到接受唔到, 成舊叉燒有5分4都係肥膏...........放左入口都吐返出黎,小籠包更過份, 你地望望張相, 一放低我已經影相, 張紙濕晒, 我好好奇到底咩事, 原來全部小籠包都已經穿晒,流晒D湯出黎.........到底發生咩事??? 乳鴿味道正常, 不過係涼涼地既, 唔夠熱呀上碟。兩個湯, 我地揀左海底椰....確實係幾正, 足料, 不過一間餐廳得湯好飲, 不如開間湯鋪好過啦.............

每次係銅鑼灣同朋友食晏, 為左諗食乜都真係頭都爆。唔想次次都食同一間, 又驚試新野會難食。無他既, 憑住伏一次就算既心態去食會好啲既。名館係希慎廣場14樓, 極之方便我同朋友係公司坐MTR黎食晏。12:30pm黎到, 只有2, 3枱客。地方好大, 裝修環境同個view都好舒服。坐低之後好快有侍應放低2杯茶, 好香, 個香味唔識形容, 飲落甘香, 原來係蕎麥茶。Lunch set選擇多, 價錢唔算貴, 我同朋友叫左豚王五菜陽春麵+唐生菜+凍豆漿 & 黑松露滑雞蒸飯+生煎肉末蓮藕餅+蜂蜜杞子菊花茶&混醬豬腸粉。豚王五菜陽春麵+唐生菜+凍豆漿 - 好大樽豆漿, 陽春麵好香濃, 麵有五種顏色。呢set係朋友既, 見佢食晒飲晒都應該冇問題黑松露滑雞蒸飯+生煎肉末蓮藕餅+蜂蜜杞子菊花茶 - 又係好大樽菊花茶, 不過好彩唔會好甜, 有好多菊花同杞子, 蓮藕餅3件厚身, 好熱但唔算好脆, 不過味道都唔錯, 竹筒蒸飯好似好細, 但for女生係夠食, 雞好滑, , 有香茹, 汁好味混醬豬腸粉 - 好味, 但下次會試其他野

相公很喜愛此店，因味道好，價錢又合理！所以一個月會有2-3次光顧！但最近相公失望了，因為他最愛吃的酸菜魚已改了平價的（龍脷）⋯⋯價錢更加是沒有變！早前知道中環亦開新分店，便充滿期待去試食，相信新店會餐牌會與銅鑼灣店有不同，就是吃了這個酸菜魚（中伏了，就是龍脷），雖然此店碗碟很精緻，還是食物品質才是重點啊！

我們這些老夫老妻簡簡單單食晚飯已經很幸福， 老婆話啱啱去完歐洲旅行，想食中國菜， 我們就在公司附近名館開餐……餐廳佈局簡單大方， 由於位置適中，所以非常受食客歡迎。 餐廳中間有透明玻璃可以看到廚房情況， 眼見廚房衛生整齊， 食嘢都放心啲。大良鮮奶脆網卷: 咬落去夠熱夠脆， 果然大量鮮奶喺入面。風味口水雞: 絕對啱香港人口味， 雞肉夠滑帶有麻香，小辣不會渲賓奪主！黑椒蔥爆安格斯牛柳粒: 黑椒夠辣夠惹味， 愛辣人士必定啱！菌皇醬蒸鐵棍淮山: 健康得嚟又夠香魚米之鄉: 賣相已經好吸引， 食落去好足料又有海鮮又有魚味， 炒飯炒得啱啱好，不會太多油，夠乾身， 仲多餸菜中我最喜愛這一款!!!紅棗烏雞花膠湯: 食完咁多嘢當然要飲返碗湯，補一補， 湯好足料， 因為我愛喝湯，所以湯一定是有分加的！哈哈……

今次係第二次黎名館啦，對上一次都有大半年前。上次感覺唔錯，所以今日黎開呢邊就黎食啦！呢度既小籠包做得唔錯，所以今次都叫左籠黎食，水準仲維持到，無退步。睇到張圖就知多汁啦，成個小籠包墮左落黎小籠包既皮好薄，肉汁鮮甜，唔會好咸，一啖一個，正！係度睇到師傅整小籠包，都幾忙，無停手甘包忘落去好似有啲可憐，哈哈唔算好大只，但整得好好食，超水準！乳鴿葉過黎，所以入晒味，而外皮好脆，好香，唔油膩。脾位既肉好嫩滑，咬開有肉汁流出黎燉湯叫左黑蒜螺頭燉湯，份量夠兩個人飲。材料豐富，有雞、黑蒜、豬肉同螺頭等。雖然用黑蒜去煲，但蒜味唔會好重，湯好清甜，好潤！啲湯渣林晒，甩晒骨，就知煲左好耐！菌皇醬蒸支竹，食落似梅菜肉碎，哈哈。菌皇醬味唔係太濃，唔會好咸。支竹夠林，調味唔多，夾住菌皇醬食就好夠味啦。蜜桃咕嚕肉咕嚕肉雖然炒過，但仲可以保持外脆內熱！肉係瘦肉，無肥肉。汁甜甜酸酸。西椒爽口，炒乾身，食落更惹味。再次黎到又有另一番風味，呢度係會推介俾朋友既餐廳！

今日約左長輩食飯，佢唔係甘中意西餐或日式野，所以就揀左食中菜既名館。上到黎因為係晚飯時間，所以已經好多人係度等緊位，好彩兩個人好快就有位啦。一坐低，職員就上茶，佢唔係酒樓甘俾你揀飲普洱水仙果啲，而係佢地主打既蕎麥茶。飲落唔算好濃，但好香，淡淡既蕎麥味。其實係門口都見到佢個招牌，岩飲既仲可以買走添架！個碗好得意，有條立體錦鯉係度，用黎裝湯時好似有魚游緊甘，哈哈，好搞笑。聽講呢度既湯幾出名，所以就叫左碗平時少飲既炖鱷魚湯。材料好足！有雞、椰子同懷疑係鱷魚肉既肉，唔識分！而味道就好香椰子味，湯夠火喉，好甜呢個推薦大家一定要食！炸鮮奶！米紙炸得好脆，但唔油膩。鮮奶好滑，軟棉棉又熱辣辣！好食！送如其名，厚切叉燒！熱辣辣啲！好香蜜汁味，甜甜地，個汁滲透每一舊叉燒。肉好林，有少少肥肉痴住，更惹味！厚切，啖啖肉，正！小籠包一籠五只，皮薄餡靚，豬肉夠稔，咬開啲肉汁標晒出黎！好味，諗起都流晒口水！粉絲入面有好多蝦籽，炒到好乾身，味道剛好，因為有蟹籽又乾身，加埋蔥，所以好香口。蝦球好大只，爽口！現場見到好多人叫呢個。幾好既一間中菜，啲菜好好味，價位唔算貴，值得再去！

餐廳很受歡迎， 電話訂位full了， 唯有早Ｄwalk in.這個雀籠點心有啲虛有其表, 頂層及中層麻麻， 最下層的乳鴿入味， 薯條好食， 天鵝是紅豆酥，一般般。 我們不知道雀籠點心有奶黃包， 還另外叫了添， 鬼叫點心紙上面沒有寫咩， 服務員有沒有提我們。奶皇包不過不失， 蒸籠就十分別緻。豆腐煲奶黃味比奶皇包更盛。咕嚕肉用水蜜桃代替菠蘿， 不失酸甜味， 最有特色時隻碟， 是高低斜向一邊。我們坐的位置就在廚房隔離， 與廚師近距離，很有親切感。此店用蕎麥茶， 十分健康！總的來說食物水準令人印象深刻， 能夠把中菜可以帶至另外一個境界， 此店值得推薦！

上星期吃了第一次，因為還有很多菜式想試，所以今天放工後又再來試菜。上次比較匆忙，今天時間充裕，可以細心欣賞這兒的裝修，發覺這間雖然是中式酒樓，但走年青新派路線，沒有傳統酒樓的老氣氛圍。上星期飲了清甜的「麥冬雪梨燉鷓鴣」，今次試試「花膠姬松茸燉烏雞」，材料豐富，絶不馬處，滋潤順喉，滋陰補血，有住家湯的感覺。「瑤柱冬菇肉鬆蒸飯」跟上次一樣，飯是熱騰騰的，今次沒有雞，不用擔心要吐骨，可以大口大口地吃，十分痛快。上次看到很多食客點了「橋底混醬豬腸粉」，看上去有很多醬汁，並用蒸蘢蒸出來，看起來好像很有特色和很好吃，所以今次點了這道點心，如上次所見一樣，暗紅色的甜醬舖滿了腸粉，但似乎過份多，花生醬卻很少，整體來說，吃起來比較甜，少點甜醬會比較好。上次也看到很多食客點了「粉絲蝦煲」，由於永遠都是隔離飯香，所以今次特別點了這道菜。上菜時，石鍋是熱辣辣的，石鍋的熱力迫使食物發出誘人的吱吱聲和矇矓的白煙，但吃起來卻不是想像那麼好吃，味道淡了一點兒，蝦太少，粉絲太多，正所課「妹仔大過主人婆」，有點失望。最後一道菜是「黑椒蔥爆安格斯牛柳粒」，估不到爆安格斯牛柳粒煎得脆內嫩，肉味四溢，配搭黑椒更覺惹味，但葱頭太

今天是Happy Friday，當然要找間新食肆試菜，今天就試試新派中菜--名館。今天的亮點不是點心或小菜，竟然是「麥冬雪梨燉鵲鴣」，湯料充足，鮮甜美味，好飲到連最後一滴都沒有放過。「好味醬秋葵炒花枝片」也是驚喜，估不到秋葵和花枝片都炒得清爽可口，微辣惹味。「鮮肉一口小籠包」的皮料厚薄適中，不會過厚過粉，也不會太薄穿底，豬肉配上熱湯，更能提升豬肉的鮮味，肉汁四溢，回味無窮。「黑松露滑雞藜麥蒸飯」雞的份量略嫌太少，沒有足夠的雞味滲入藜麥飯，而藜麥飯又硬了少少，有點可惜。「懷舊鵪鶉蛋燒賣」的燒賣和鵪鶉蛋味道較淡，未見突出。值得一提是所提供的蕎麥茶，味道有點似玄米茶，滲着點點麥香，感覺開胃消滯，讓人放心繼續點菜。總括來說，這間菜館的食物味道不錯，一定會再來試試其他菜式。

係銅鑼灣lunch ，普遍都人多迫爆，今日係Hysan Place 既名館一樣排長隊，但幸好服務員普遍友善有禮。叫左set lunch，價錢約每人$90, market price 啦。竹筒飯、海南雞米線同點心味道唔錯，中上水平。可以再來。

近年多左好多間新式中菜，有點心之餘亦有啲小菜，又會有上海菜式，屬新派fusion中菜。名館就係其中一間。平日lunchtime黎到都唔full，坐得舒服，又唔會好似傳統酒樓咁嘈咁迫。雖然新派，但都會好似傳統酒樓咁tick點心紙叫菜。呢度有好多江南小食，叫左黑木耳，有蒜香又有醋香，酸酸地好開胃。上海小食又點少得雞絲粉皮，雖然係涼拌小食，但有趣地用鍋上，都係冷盤黎既。呢個雞絲粉皮就有點失望，麻醬好少，而且唔香，佢加上另一啲汁帶有酸味，比較奇怪，冇左麻醬味就唔好食啦。傳統點心都會有，我最愛的流沙包，熱辣辣，裡面當然流心，甜甜的蛋黃漿真好好味！石鍋鮑魚雞粒炒飯係傳統酒樓都會有的炒飯類。呢度炒得好香，飯粒粒分明，真係有好多鮑魚粒，好足料。值得推薦！我另外亦叫左金銀蒜娃娃菜，超好味！蒜香好濃，娃娃菜好淋，鐘意食蒜的朋友唔好錯過！午餐食唔到太多，但食物質素幾唔錯，值得黎試埋個晚餐。

今日 我和三個朋友相約 打波後 去銅鑼灣開餐， 咁就去希慎 搵食， 行行下 見到一間《名館》， 就入去試試啦！陳醋珊瑚紅 海蜇頭$62海蜇頭 非常爽脆 酸酸甜甜 這個 頭盤 啱曬夏日 😊 而且陳醋非常香濃， 雖然 份量就少啲 非常好味👍魚米之鄉 $168首先將魚肉拆骨起肉， 再將魚肉炸過 ☺非常香脆， 再將魚肉回鑊一齊炒， 飯粒 充滿魚肉嘅香味 啖啖肉🤗 但係因為四個大男人分埋得三碗， 所以又再分過 😊脆皮咸豬手$188咸豬手好入味充滿 鹹 香👍 如果外皮再香脆啲就好喇， 但係都好好味後話 畢竟係四個大男人剛剛做完運動， 又或者菜色非常好味 所以覺得 份量 唔夠 所以後加咗三 款 小菜 出嚟食飯最緊要唔好 勒緊荷包,