名館 (希慎廣場) (已結業)

體驗極差，90分鐘要人走，過咗一個鐘頭，第一張放題紙都上唔夠一半。同帶位哥哥追單，佢聽完就企返門口發呆。係臨到尾我哋捉住個侍應姐姐，同佢話等咗成個鍾，佢先肯去廚房拎兩碟點心施捨俾我哋。埋單仲要出錯，上網俾咗放題錢訂位，佢哋竟然想再收一次，超級離譜。雖然寫明即叫即蒸，但係都唔應該要等一個鐘吧。淨係俾人落一次單就唔好叫自己放題啦。其實唔止我哋枱係咁。我地聽到隔離枱都投訴小籠包同菠蘿包無上。有幾次侍應姐姐走過來問我哋有無叫過啲乜，佢哋都唔知邊抬叫咗啲乜。

這間位於希慎廣場內的名館，由10樓搬了去12樓，食物款式都是以京川及點心為主，菜式精緻又有特色。京川汁秋葵簡單的秋葵配上特製的川汁，帶點微微蒜香及花椒油香，開胃又惹味。冰鎮南非六頭鮑魚上枱前淋上水引起乾冰的煙霧迷離感覺，鮑魚彈牙，帶點酒香。灌湯鮮肉小籠包小籠包皮薄不易夾穿，咬開後湯汁豐富，帶肉汁鮮味。冰鎮鮮菠蘿咕嚕肉咕嚕肉入口外脆肉嫩，用了脊里令肉質更嫩腍，表面的酸甜汁剛好掛在肉面，酸酸甜甜女士至愛。十三么用了椰汁桂花糕模仿麻雀，外型仿真度高，以米紙印上花紋，椰汁香甜中帶桂花清香。

🌎 名館 (銅鑼灣)今日去咗食點心放題，好高質素，佢係位於銅鑼灣嘅分店，我今日平日去$145 就可以任食90分鐘，點心全部都好靚好精緻，服務態度仲非常非常好，雖然點心食得唔多，但係每一籠點心都好靚，超級好味，蝦餃燒賣流心包都任食，依家諗返起都好想食多次😍😍😍😍。▫️每樣點心都即叫即蒸，我今日去人流唔係好多，所以上菜都好快手，啲姐姐都好客氣有禮。環境非常舒適位置都好有空間感仲可以有吧枱，師傅仲將我啲點心放落港女架，成件事high class 哂😍😍正 可以帶屋企人去食下野享受下，都好開心㗎我今日都係帶家人去。💵人均消費：$170✨環境衛生：8/10🙋🏻‍♀️推介指數：8/10📍銅鑼灣軒尼詩道500號希慎廣場12樓1201號舖

高質飲茶 #cteateat_高質推介 評分：9/10📍 名館 (銅鑼灣)復活節帶親愛的阿婆食好野，第一次食點心放題，啲點心精緻又好味每一款點心都係用心製作估你唔到。件件都咁好味唔會伏，平日$148 加一，茶芥$8，任食$90分鐘，仲有冷盤，粉面任食。選擇唔係話10分多但樣樣點心都做得好食，真係唔簡單唔識形容咁真係款款都咁精緻好味，佢個好處係你唔使一籠一籠咁樣叫，你只要揀你想食幾多件點心叫一件兩件都得。而佢只有一款蕎麥茶挑選，好好飲，唔使淨係局限於普里鐵觀音呢啲傳統茶，其他飲品就半價。用餐心情：今日我帶咗婆婆同埋呀姨一齊去食，佢哋話款款咁好食，佢地開心就好。唔食點心都可以，仲有小菜揀選，同屋企人想坐得舒舒服服又唔想咁嘈，呢一間好適合。個扇貝因為新開張 佢送一人一隻，不是任食。菠蘿包係用咗真菠蘿🍍🤫地址：銅鑼灣軒尼詩道500味道：9/10服務💁🏻‍♀️：8/10（服務態度非常好）環境🌾：8/10人均消費：$200地點：銅鑼灣軒尼詩道500號希慎廣場12樓1201號舖（紅磡都有分店不過唔知好唔好食）

今次來了名館吃 CP值最高的任食點心🧆♥️ 座位舒適，樓層高，景觀開揚👍🏻平時食一籠精緻點心動輒就幾十元起💸，而 @名館午市只需每位$148👍🏻，就可90分鐘任點任食幾十款精美點心，巧手小食及甜品😋😋👍🏻！📍午市點心放題$148📍晚市點心放題$168大家90分鐘內可嚐盡蟹籽燒賣皇、啤梨型鹹水角、黑金流沙包、超爆多蝦蝦餃、爆汁小籠包和鎮江水晶餚肉🐷等♥️♥️👍🏻👍🏻🌈推薦以下必點食物🌈✨芝麻芋絲軟夾 - 外脆內軟，芋頭超香😋👍🏻✨鑊仔生煎蓮藕餅 - 即叫即炸，好香口🐷✨蟹籽燒賣王 - 大大粒，夠多蝦🦐✨鴛鴦流汁叉燒包 - 賣相精美，爆多餡🐷✨櫻花蝦橋底混醬豬腸粉- 腸粉好滑，櫻花蝦超香👍🏻✨銀湖天鵝酥- 好精緻，紅豆蓉餡，好好吃😋全部即叫即蒸，即叫即炸！火速回本🔥☄️！

復活節長假行街拍拖💕喺希慎行完誠品又攰又餓！見到明館搬咗落12樓，有點心放題至5點😆啱曬我哋兩位大胃王🤭🤭平日148假日168，我哋就覺得極易回本喇😉仲有麥茶，鍾意飲呀！全部有40多個item，可以每項叫一粒都得真係可以食得曬喎🤣🤣全部即叫即蒸保證熱辣辣，仲每人送咗一隻金銀蒜粉絲蒸元貝🤭🤭大隻好味好味新鮮！先呢一輪狂風掃落葉😎😎鮮肉一箱小籠包，超多肉汁點上陳醋更加提鮮😋名館筍尖蝦餃皇，超級足料超大隻蝦，彈牙爽口！加上筍之後更好吃，吾係周圍有得食🥰🥰芝士鮮蝦腐皮卷，喜歡食香口嘢嘅一定要試！超級脆🤭🤭麻辣無骨黑雞腳，泡椒魚皮絲、非常有驚喜菜式，夠麻夠辣地道特色菜😍😍七彩鬆化蛋散，算是我食過最鬆化，甜度剛剛好，🥂做好吸引添宮廷妃子笑，手工菜外皮脆脆地裏面係咸蛋黃流心，有驚喜呀🤩鎮江水晶肴肉，同樣手工菜，非常好味😋叫咗玫瑰奶黃糕腐竹鵪鶉蛋糖水2款甜品玫瑰奶黃糕煙煙韌韌好清甜，好鬼靚呢🌹🌼鵪鶉蛋糖水老公一路食一路話好味😝😝超高質點心放題，好耐未試過咁有質素嘅點心啦！好食抵食又可以試到咁多款式！下次一定帶爸媽試😋

疫情之久，好耐冇同好友聚餐，難得疫情好轉晚市放寬四人，相約希慎，當然首選名館啦🤭🤭名館有14樓轉咗做12樓，地方依然寬敞好坐，店員服務好nice👍👍菜色選擇很多有很多，湯品、粵菜、川菜都有，一定啱曬所有人嘅胃口😬招牌酸菜滑魚片，賣相已經一百分，用了加熱底座，更有風味！魚片刀工一流非常嫩滑，完全沒有骨，仲有寬粉、酸菜都非常合口味，算得上高貭川菜😍😍冰鎮南非六頭鮑魚$88好抵喎！非常爽口入味鮮甜，點芥末醬油好match🤩再來海鮮！金銀蒜粉絲蒸元貝，超級大隻鮮味，水準之上！😝豉油皇頭抽飯焦蝦 $118令人一試難忘,非常香口，飯焦粒嘅脆口每一啖都令口感更加提升,加上略略拖油嘅鮮蝦非常惹味🤩🤩同心黑蒜海底椰豬展湯$68很特別用茶壺上枱,清潤鮮甜．大概足夠二人份量長白山鮮人參雞湯 $68比較清,淡淡嘅人心香味配雞係一流😉上湯枸子瑤柱浸時,餐廳一啲都唔吝嗇,超多瑤柱湯底鮮甜👍👍signature甜品十三么 $128上枱嘩一聲🤣🤣像真度99%其實係桂花椰汁糕,成副麻雀都食得㗎🤭🤭非常有特色的一間中菜館而且價錢非常合理,銅鑼灣聚餐首選🥰🥰