名館 (希慎廣場) (已結業)

之前食過幾次中環店（但係而家執咗），無論環境定食飯質素都唔錯😋今日朋友生日，知佢鍾意中式嘢，特登lunchtime訂左枱嚟食☺️明明訂座1點鐘枱，見到入面都有幾張吉枱，不過職員都無安排等緊位嘅人流入座🥺結果我同朋友喺門口等到1:15先有枱🥺🥺如果餐廳係呢方面改善下就好了...我地一坐低就叫咗點心、小菜同一個午市套餐首先上枱嘅係午市套餐嘅酸菜魚米線🐟🍜酸菜味好香❤️一上枱就傳來麻酸嘅香味😆魚嘅份量都唔少😋食落愈食愈辣🔥（利申：我本身唔太食到辣嘢😂）但真心好味既❣️我哋又叫咗雞絲粉皮講真呢個有少少失望🥲平時食嘅粉皮煙煙韌韌，但係呢個就真係唔夠彈牙😣扣左好多分呢味《🐝蜂蜜柚子脆蝦球🍤》係我心目中嘅Number 1🥇 脆卜卜嘅蝦球 表面炸粉唔多 但係蝦球爽口又大舊 就算上面淋咗柚子蜜汁依然不減半分香脆 仲少咗一種油膩感🥰🥰呢味一定要encore!!!我哋仲叫咗幾款點心，每款都保持一貫水準👍🏻好食又好睇😍

希慎呢一間餐廳一直都好想食 因為見到呢間餐廳主打係食酸菜魚 覺得香港冇邊一間特別好食 所以就想來呢度食下 點知屋企人竟然應承帶我嚟食 真係好開心 食完呢餐都覺得好滿足首先嗰日我哋梗係嗌咗我最鍾意食嘅招牌酸菜滑魚片啦 佢啲魚真係好滑身 而且都好多舊 我哋就唔食辣嘅 所以就算唔食辣嘅人 你間餐廳都一定食得！而佢啲酸菜亦都係我鍾意食嗰種 唔係話酸到好奇怪嗰種另外我哋都嗌左個金銀蒜銀魚蒸娃娃菜 娃娃菜索晒啲汁嘅味道 啲蒜頭味都好香而呢一個石鍋鮑魚雞粒炒飯 真係食到唔停口 首先佢用石鍋裝住啲飯 令到飯嘅溫度冇咁容易流失 加上佢入面好多粒鮑魚 我諗至少都有10粒左右 係完整過咗 而且雞粒亦都炒得唔會好柴 成個炒飯都好食呢個椒鹽龍鬚就算驚熱氣都一定要食呀 因為佢炸得一啲都唔油膩 而且個鹹味啱啱好唔會好鹹 份量都唔少㗎以佢哋嘅馳名黑金流沙包 成個包都係黑色嘅 但係食落去其實同普通嘅包冇乜分別 入面流沙包甜得來唔會好頸渴 十三么呢一道甜品真係打卡一流！真係成副十三么擺喺你眼前！佢係椰汁桂花糕 桂花味都幾香！

希慎呢一間餐廳一直都好想食 黑松露帶子炒滑蛋 呢一個真係值得食 佢滑蛋真係炒到啱啱好 唔會老 而且黑松露味唔會好重 唔會蓋嗰啲滑蛋嘅味道 帶子雖然唔係好大粒嗰種 但係都食得出幾鮮甜以佢哋嘅馳名黑金流沙包 成個包都係黑色嘅 但係食落去其實同普通嘅包冇乜分別 入面流沙包甜得來唔會好頸渴 芝麻芋絲軟夾 食落味道都幾特別 芝麻同芋絲嘅味道加埋一齊又幾好食 芝麻醬雞絲粉皮首先講佢啲粉皮先 粉皮唔會好薄或者好厚身 而且唔會黐住啲牙嗰種 有啲似腸粉嗰種粉皮 雞絲中等 成個菜式都幾開胃雲南涼拌貓耳朵都係一道開胃菜 啲雲耳食落口好有口感 脆脆地嘅感覺 味道亦都有啲甜辣

今日同屋企人去左希慎食中菜，餐廳位於12樓，入到去成個環境好闊落，座位舒服，觀景開陽。餐具都睇得出花咗不少心機，而且每一隻碗上面都有啲字句，食飯前可以先欣賞下！同屋企人食飯都點咗唔少餸菜，桂花鐵棍淮山幾清涼嘅頭盤，甜甜地開胃醒神，桂花味好清香，淮山好爽脆。欖菜肉鬆炒四季豆，四季豆炒得夠乾身，欖菜肉鬆味道濃郁得來唔油膩。冰鎮鮮菠蘿咕嚕肉，呢一個菜一定要點打卡一流，旁邊仲有啲乾冰噴出煙霧，用原隻菠蘿製造，菠蘿份外鮮甜，咕嚕肉嘅份量一啲都唔少，而且每一舊嘅大小平均，方便入口，酸甜到適中，加上三色椒配菜，菠蘿裏面仲有冰粒，夠晒冰涼消暑。蝦球蟹子銀絲煲，蝦球肉質新鮮，蟹子嘅味道就稍為比較濃味，撈埋銀絲粉就剛剛好，銀絲粉偏乾身，有咬口。整體覺得以銅鑼灣地段中菜來講價錢合理，足料而且質素好。

午市點心放題正價$148，網上訂購$138，茶芥加一約$23現場畀。茗茶冇得揀，只有玄米茶定蕎麥茶（？）飲唔出係咩茶，總之唔係茶葉嗰種款式約30款，唔多，有前菜及主食，手機落單，每次落單須相隔十分鐘。前菜有雲南貓耳朵，微辣，貓耳朵略為厚身。有肴肉，每碟8小件，豬油太多。麻辣黑雞腳，唔係好辣，雞腳亦冇味，一般嘅白雲鳳爪仲好食雞絲粉皮，得兩條雞絲，同一大埋薯粉，都唔係粉皮嚟嘅喂咖喱蒙古羊肉餅，只係一片薄撐中間夾咗少少肉汁，另外淋啲咖喱汁，又唔酥脆又冇肉，唔推薦。生煎蓮藕餅，熱辣辣上檯，幾好食，只係油咗啲。大良炸鮮奶，前後兩截有芝麻嘅幾好食，中間半流心咁唔太鐘意，亦都太油膩。蘿蔔糕上檯有擺盤一般貨色，係蘿蔔蓉嗰種，蝦米同臘肉唔太覺眼。芝士蝦春卷，芝士同蝦一樣都食唔到大大條上，得蘿蔔生菜之類，只係雜菜春卷，不過係咁多款炸物之中難得唔油。天鵝酥打卡必叫，竟然係紫薯餡，太油。啤梨鹹水角，綠色嘅鹹水角。唔推薦。上檯唔熱，太厚皮，冇乜餡。點心應該係即叫即蒸，第一輪嘅點心跟第二輪嘅炸物同時上。蝦餃唔錯，皮唔會太厚同太黏身。燒賣好難食唔知落咗啲乜中間勁實小籠包見到扁身都知唔好食，冇汁嘅喂鴛鴦叉燒包係煎嘅，

係銅鑼灣希慎有間新式玩味中菜館，無論點心定小菜都好IG-able，令人幾有驚喜🌟 花膠海皇魚翅撈飯 $198造型夠哂特別既魚翅撈飯玩味十足😏魚翅湯裏面放有一個圓碌碌既炸飯糰😃食既時候將佢鑿開，浸入濃郁厚實既花膠魚翅湯裏面，食落帶點卜卜脆，味道都鮮甜好味🌟蝦球蟹籽銀絲煲 $98以熱辣辣既瓦煲上枱，影相既時候仲可以聽到吱吱作響既聲嫁～而且仲好香添！粉絲上面加左大大粒既彈牙蝦球同大量既蟹籽，底部既粉絲經過烘煎後口感亦會變得薄脆呢🌟 鑊仔香煎蓮藕餅 $48記得趁熱食～蓮藕餅外皮煎得香口，裏面則厚身有口感，亦可以食到爽脆既蓮藕粒同軟腍既豬肉~🌟 上湯杞子瑤柱浸時蔬 $88上湯味道濃郁；加埋杞子同瑤柱一齊煮味道比較鮮味😝🌟 京川汁秋葵 $48平時秋葵通常配芝麻醬，今次配麻辣川味汁，帶有微微辛辣感好特別🌟 煙燻嫩滑妙齡鴿 $68乳鴿外脆內嫩好多肉汁！唔使特別點咩調味料已經好夠味

星期日1:40pm入左入座後五分鐘落第一轉單，侍應都有講清楚有啲係一件有啲係一碟。蒸既係即蒸要等耐啲20分鐘先到。落左彈等左半個鐘終於黎第一籠，蒸野係夠熱亦都好食既。食完個兩籠野繼續無限既等侍第一輪點既炸物等左一個鐘終於出現！無錯係一個鐘！仲要全部炸野都係微溫，絕對唔係即炸。再叫第二輪即蒸野都大約20分鐘到左未試過食放題食左成個幾鐘都唔飽好明顯餐廳係有心拖慢啲單黎出，點完餐一個鐘啲野食先黎到真係有啲過份，其實全部食物都唔差，流沙包仲幾好食，但係咁樣既服務同運作模式，真係唔會再黎😡

大食妹幫朋友慶祝生日，朋友鐘意食中菜，所以大食妹就揀咗間坐得舒服啲嘅中菜同佢慶祝慶祝生日嘅話，希慎上面嘅名館係一個唔錯嘅選擇座位好寬敞，服務亦都唔錯，價錢唔算貴，但係嘢食有返咁上下嘅質素<花膠海皇魚翅撈飯$198>見到台台都會叫呢個魚翅撈飯，睇個樣已經好有gimmick中間嗰粒波係炸咗嘅飯團，將佢搞開咗浸落濃郁嘅魚翅湯，就係名副其實嘅魚翅撈飯個湯底好濃郁，黏黏的，真係會食到魚翅同埋花膠，好足料<金銀蒜銀魚蒸娃娃菜$68>食得咁豐盛都要食返個菜清吓腸胃，個娃娃菜煲咗好多蒜蓉喺面，所以好香<冰鎮鮮菠蘿咕嚕肉$138>冰鎮咕嚕肉一上台噴曬煙咁，打卡一流大食妹同埋朋友部手機停不了咁樣影相，咕嚕肉外皮好脆，酸酸甜甜好開胃<太極馬拉糕$48>馬拉糕好鬆化，兩隻色其實味道都冇分別，賣相有心思<詐糊$68>呢個甜品賣相好有心思，做到真係好似麻雀一樣而每一粒椰汁糕上面嘅牌面都係假㗎，搣咗層紙就會見到另外一隻牌，非常有趣

今日好攰，去咗誠品睇咗好耐書，身又攰腦又攰，想搵間舒適啲嘅餐廳慢慢坐，上一層就見到呢間中菜「名館」環境幾舒適咁，就揀咗佢。入到去好好彩咁坐到窗邊，景色唔錯，之後因店員推介叫咗幾個餐廳特色餸菜。糖心黑蒜海底椰豬展湯 $68湯飲落好香黑蒜味，而且好入味，飲落唔覺係味精湯，配上海底椰既清甜，好好飲！❤️豉油王頭抽飯焦蝦 $118食落幾有趣，有少少似炒飯，但又有啲飯焦，以蝦用頭抽炒過吓，再炸一炸，令到蝦殼好鬆脆👍🏻冰鎮鮮菠蘿咕嚕肉 $138賣相吸引，一黎到係咁噴煙😂食落菠蘿好新鮮，如果咕嚕肉冰鎮完之後外脆內鬆軟，好食！😋略嫌肉比較細粒。京川汁秋葵 $48京川汁做得不錯，酸酸地加上蒜香食落好開胃，秋葵清爽，切開咗之後擺到好似一朵花咁，係一個唔錯嘅前菜！鎮江水晶餚肉 $48呢個都幾好食，不過冇咩特別。詐糊 $68其實即係椰汁桂花糕，面頭貼咗啲用米紙做嘅麻雀字，幾得意！而且細細粒，一啖食得晒啱啱好🥰整體來講餸菜幾有特色，環境亦舒適，可以再黎試！

希慎商場裡，無論是質素及乾淨來說，真的都是會稍高的～小食先點了芝麻醬雞絲粉皮和太極馬拉糕，先說芝麻醬雞絲粉皮，芝麻醬的花生粒是粗粒，粉皮很爽身，雞絲也沒雪藏味；而太極馬拉糕就很得意，打卡不錯過!菜方面點了上湯杞子瑤柱浸時菜，看到輪桌點，自己也點一客，不錯的，菜量也多，上湯也濃味!小食炸物方面，就點了蜂蜜柚子脆蝦球，擺碟外形很靚啊，像極鳥巢般上桌，而炸蝦的炸漿很薄很脆，大蝦十分厚肉彈牙!小肥腿:脆皮咸豬手是也!很大的一盤，豬皮炸得很香脆，豬肉不咸，吃得舒服!炸薯角很厚，中間有薯蓉的，好吃!

桂花鐵棍淮山～淮山向來給我的感覺都是沒有味道的，沒特別好吃，但今天改觀了，原來加了桂花的淮山很好吃啊，清香的桂花，伴著爽脆的淮山，新食法～上湯杞子瑤柱浸時菜～上湯浸時菜很夠味，份量也不少～精緻點心拼盤～有兩層點心，十足十平日去酒店吃的High tea一樣，頂層有兩款點心，炸流心奶黃包及紫薯酥天鵝，兩者也不太甜，而奶黃包的那個外層很特別，有很多紅色波波，脆脆的，多了一層口罩～而底層則有炸鮮奶春卷，雜菌素餃及蝦餃，都不錯，很足料～鮮菠蘿海鮮炒飯～很巨大的一個飯啊🤣半個菠蘿大的飯，還有超彭湃的一倍左右的飯在盤內，配料有菠蘿，瑤柱，大蝦及青口，很抵食呢～

同快將離港的朋友farewell，特登揀了間中餐，希望能夠留給他味覺上的回憶。朋友喜歡食魚，所以要了個酸菜滑魚片，慢慢滾著慢慢食，酸菜湯不會太濃蓋過魚片鮮味，不得不讚魚片切得很薄，師傅刀工了得，魚片嫩滑不鞋口，還有點麻香，辣味就比較輕微。蜜椒脆薯牛柳粒味道不俗，牛柳粒入味又夠腍，薯仔外脆內腍。欖菜肉鬆炒四季豆有些肉碎，入口味道較濃香，主要是欖菜濃香味，四季豆爽口。最後加了個海參帶子粒煮滑豆腐用來撈藜麥飯，豆腐很嫩滑，有細細粒的帶子及炆得很腍的海參，簡單又好味。

京川汁秋葵第一次咁樣食秋葵，京川汁既味同秋葵原來好夾，冰涼既口感配合埋秋葵既爽脆，好開胃!溏心蛋黑蒜海底椰豬𦟌湯足料而且好入味，黑蒜既香味完美融合埋海底椰同豬𦟌，加上入面既瘦肉都煲到哂，整體非常高質而且夠暖胃。豉油王頭抽飯焦蝦呢個菜好有驚喜，個飯炒到粒粒分明飯焦香極濃，加上蝦既鮮味同精華滲入個飯度，食起上黎有好突出既蝦味又有頭抽吊出既香味，非常出色!冰鎮鮮菠蘿咕嚕肉新鮮即炸既咕嚕肉再加入冰塊可以迅速鎖住水份同埋肉汁，做到外皮脆而肉味鮮既口感，加上份量都好多，兩個人食一定夠!流心鵪鶉蛋燒賣平時既鵪鶉蛋燒賣粒蛋係放上面一齊蒸，但呢度係會放埋入去連埋豬肉同蝦一齊，食落好新鮮而成粒燒賣都有鵪鶉蛋既香味!烏龍茶湯圓芝麻湯圓再用鳥龍茶做個底，飲得又食得!

屋企人生日，去了希慎的名館食晚餐，網上見到這裏的小菜很精緻，而且價錢亦都不算太貴，所以就在此食生日飯。蜂蜜柚子脆蝦球蝦球外層薄薄的炸漿，淋上了酸酸甜甜的柚子汁，蝦球新鮮彈牙，外脆內彈，完全不油膩。上湯杞子瑤柱浸白菜仔白菜仔細細棟，全部都是最嫩腍的部份，以上湯浸煮，味道清甜。招牌酸菜滑魚片酸菜魚用蒸氣鍋慢慢暖著，魚肉雪白嫩滑，每片切得大小一致，全部都是剛熟，下面酸菜及粉條，味道不會過酸，而且帶點麻香味。竹筒藜麥飯用酸菜魚湯拌藜麥飯，有魚鮮甜味，加上酸菜味刺激味蕾。冰鎮鮮菠蘿咕嚕肉咕嚕肉表面香脆，用了梅頭肉，肉質嫩腍，而且以伴入新鮮菠蘿肉，酸甜開胃。

All you can eat but food served very slowly to a point some never arrived. Poor food quality, a lot of msg, ingredients are low quality. Very dish tasted the same, taste of msg and nothing else. Just waste of time and stomach quota. Will not visit again.