名館 (希慎廣場) (已結業)

今日同屋企人去左希慎食中菜，餐廳位於12樓，入到去成個環境好闊落，座位舒服，觀景開陽。餐具都睇得出花咗不少心機，而且每一隻碗上面都有啲字句，食飯前可以先欣賞下！同屋企人食飯都點咗唔少餸菜，桂花鐵棍淮山幾清涼嘅頭盤，甜甜地開胃醒神，桂花味好清香，淮山好爽脆。欖菜肉鬆炒四季豆，四季豆炒得夠乾身，欖菜肉鬆味道濃郁得來唔油膩。冰鎮鮮菠蘿咕嚕肉，呢一個菜一定要點打卡一流，旁邊仲有啲乾冰噴出煙霧，用原隻菠蘿製造，菠蘿份外鮮甜，咕嚕肉嘅份量一啲都唔少，而且每一舊嘅大小平均，方便入口，酸甜到適中，加上三色椒配菜，菠蘿裏面仲有冰粒，夠晒冰涼消暑。蝦球蟹子銀絲煲，蝦球肉質新鮮，蟹子嘅味道就稍為比較濃味，撈埋銀絲粉就剛剛好，銀絲粉偏乾身，有咬口。整體覺得以銅鑼灣地段中菜來講價錢合理，足料而且質素好。