名館 (黃埔天地) (已結業)

是日同朋友慶生，朋友想食中菜，所以揀咗黃埔間名館。坐位唔算太迫，侍應都好有禮貌。是日燉湯，份量比想像中大，兩個人都夠飲。味道好味，應該無味精。飲品：菊花蜜酸酸地已，好開胃。但每飲一啖，都會食到菊花，我要拎番出㴝，影響整體口感。不過，朋友連花渣都食落肚咕嚕肉：炸醬唔會太厚，味道酸酸甜甜，好味！糯米釀雞翼：雞翼炸得好脆，好香口，同入面軟淋淋的糯米形成好大對比，食落又好夾粉皮：正常，無乜驚喜蓮藕餅：推薦！比例剛剛好，好好味黑金流沙包：個涵好流心，味道正常好味蜂蜜柚子蝦球：好脆，上面的柚子醬好開胃整體所有食物都好味，其中蓮藕餅同雞翼釀糯米最有驚喜！太飽，所以無叫黃金泡飯！下次要試！PS. 要收100蚊切餅費，所以我地無係餐廳切

聖誕節睇完早場差唔多食lunch了，就泥食精緻點心，一直都好想食佢個紫薯蕃薯棋，同埋黑金流沙包，仲叫左個真係菠蘿包同石鍋鮑魚雞粒炒飯。兩個人食真係好飽飽~但真係每樣野都好有心思，好熱辣辣，個流沙包如果加埋少少咸蛋味會更正！個蕃薯棋好有gimmick, 上枱係連埋棋盤上，但原來係真蕃薯蓉，有d飽xD 個菠蘿包入面有流心+粒粒菠蘿仔，幾yummy, 個飯d鮑魚粒都唔少野，係真係原粒細鮑魚落去炒，加埋有石鍋飯焦，係好味的！

今日同小朋友去完冒險樂園玩，就緊係要揾野食，見到呢間好似唔錯，所以去試一試私房金黃球泡飯中間球體係炸飯，所以變成飯焦橋底混醬豬粉腸其實同普通腸粉無分別，可以唔洗試黑金蒜扣豬手我覺得比較甜，而且價錢偏貴，不過豬手夠軟，有入口即溶感覺鮮蝦野菜春卷幾好食，好脆，感覺到即刻炸完就上台

昨晚到黃埔逛逛，看到菜品頗有新鮮感，便排隊一試，點了酸菜魚，泡飯等招牌菜，酸菜魚一般水準，用龍利柳可能是方便吧，無骨但口感很差，完全無魚味，泡飯頗特別，我留意到十台有六台點這個，牛雜沒有牛蒡，反正是雪藏的，點心反而有驚喜，紫薯天鵝賣相不錯👍

同事午餐，近近地上左蔡灡美食坊搵食。又靜靜地咁當然要行後啲就望都呢間廣東菜。同事連我夾埋3個人，望望餐牌，有點心套餐飲茶又有小菜套餐。我地就揀左幾款小菜。套餐仲可以配竹筒飯蜜汁义燒·拍黃瓜🥒·兩條菜心义燒唔太油膩唔肥，亦唔乾，但份量就少左點，見圖啦，得兩條菜。沙爹粉絲牛肉煲呢個似返個樣，仲要好惹味，無味精，唔太咸。嫲婆豆腐正，唔太辣，豆腐又夠滑

今日舅父突然來探訪，於是臨時臨急揾到這間餐廳－家人食飯，貪佢有點心又有小菜，而且食評都很高分。餐廳環境不算太大，但都有卡位，坐得舒適不會有壓迫感。茶位8蚊，另收加一服務費！我地點了:海綿叉燒包 - 第一眼看到覺得好特別，外層不是普通的中式包，也不是西式餐包，是中式蛋糕外層，裡面包著滿滿的叉燒，咬落軟綿綿，同叉燒味道份外合配，我第一次食已經俘虜了我的看得出是手工點心 鵪鶉蛋燒賣 - 大大粒的燒賣，裡面包著滿滿的蝦膠同豬肉，口感豐富，好味私房金黃球泡飯 - 賣相吸引器皿又靚！有一粒大大個炸過的飯球浸於湯裡，好特別！湯裡也有些雜菜粒，泡著飯一齊食不錯，但食到最尾略嫌咸了點。厚切叉燒皇 - 真的是厚切，叉燒肥瘦適中，咬落啖啖肉，醬汁甜甜的不會太咸銀湖天鵝酥 - 賣相吸引酥皮鬆化，紫薯香甜，但略嫌油了點。天麻川芎白芷浸大魚頭 - 這個是為長輩而點。藥材味香濃，湯味濃郁，魚頭新鮮，除了魚頭食哂，連個湯都飲光石鍋鮑魚雞粒炒飯 - 熱辣辣飯裡有好多細細粒鮑魚，炒飯好惹味青瓜藕尖炒螺片 - 好特別的藕尖，形狀長長尖尖的，橫切面好似蓮藕，味道有點辛辣。螺片不會炒得過靭，整體炒得不錯各人都食得好滿意果然名不

放假想食個悠閒既午餐但又想食啲特別啲既菜式就決定去呢間飲茶呢間一直都想試有3間分店環境都幾新穎 幾舒適食物種類都多 同埋好特別唔同傳統茶樓黑金流沙包入面係奶黃味 真係一咬即流出黎好熱辣辣 好濃奶黃味私房金黃球泡飯賣相好特別又吸引金黃球係用飯焦同米飯炸成再放上上湯湯底好鮮甜 配上香脆飯焦口感一流湯底都有好多雜菜粒混埋一齊食好好味金薯棋子酥其中一樣為左佢而來賣相好精緻 真係一個棋盤有兩款口味一邊係紫薯 一邊係蕃薯味道不太濃 但好鬆化

OT 下唔洗死嘅， 最重要係OT 之後食返餐好嘅， 幾個同事去我仲未起身嘅去附近美食廣場，食返餐飽飯先返屋企休息食中餐又唔一定去酒樓嘅，好似呢度啲風景夏至，坐得咁舒服都可以食到雲南凉拌貓耳朵云耳好爽口啊，而且味道酸酸地真係好開胃。和麻醬雞絲粉皮鮮肉一口小籠包金銀蒜蒸勝瓜金菇好鍾意呢一個餸，炸蒜嘅味道好香，味道蒸晒入去勝瓜，同佢嘅清甜嘅味道好配石鍋鮑魚雞粒炒飯正啊！唔使去食韓國嘢都可以食到石頭鍋飯！好夠味嘅炒飯，仲有啲鮑魚雞粒做送，令人好滿足蜂蜜柚子蝦球甜甜的蜂蜜之間仲有少少柚子嘅香，爽口嘅蝦球！超鍾意呢一味餸，口感又好味道又好，仲好開胃。姬松茸燉花膠傷了元氣，不如叫個燉湯補補先，呢個花膠湯真係超正，花膠份量都算幾多，個湯又燉得夠晒火候，好好味。

同朋友行開黃埔行街順便食飯佢話想食中菜又唔想去茶樓🤡跟住帶佢去呢間名館試下有幾味小菜食落都唔錯值得推介第一味係蜂蜜柚子蝦球用淡淡幽香又酸酸甜甜既蜂蜜柚子醬淋係現炸既脆蝦球度感覺新鮮得黎又好夾第二款係金銀蒜蒸娃娃菜娃娃菜好甜，再配上香口既蒜同埋鹹鮮香既白飯魚（應該係） 送飯真係一流仲有一款金黃球湯飯個飯係預先炸到成個波咁再浸係濃香既湯入面食落有飯焦香得黎又吸曬湯既鮮甜呢三味都唔錯唔錯👍🏻不過佢款和麻醬雞絲粉皮就麻麻地個醬略嫌酸少少可能我都係鍾情於傳統既麻醬配雞絲粉皮啦整體都唔錯

名館係一間主打精緻特色點心的中菜館，菜單上既點心和食物都別具心思。某天晚上同家人前來品嚐一下，當晚點左以下幾款食物：叉燒皇，微溫的厚切叉燒肥瘦均勻，入口香軟，帶有蜜香蒸勝瓜，好爽口，調味足野菜炸春卷，都幾大條，材料豐富有鮮蝦、椰菜絲、雲耳等等野菜，所以口感層次都好豐富，春卷炸得不油膩柚子蝦球，蝦球沾上薄薄麵粉後去炸至金黃色，再加上柚子醬，造成甜甜脆脆的味道。蝦球大大隻，爽口彈牙金黃球湯泡飯，即是一球炸米飯放進湯裡成為泡飯，金黃球外層脆脆的，增添左口感。上湯泡飯好好味啊！名館蝦餃皇，外皮柔韌，裡面有一大隻鮮蝦，好味道酸菜滑魚片鍋，魚片同酸菜既份量都幾多，魚片好滑溜，帶酸辣但唔油膩，正流沙黑沙包，裡面既流沙甜度唔高且帶有蛋黃香牛柳粒土豆，安格斯牛柳粒爆得好香口，好濃郁牛肉味，配埋炸得金黃既薯仔方粒好正哦最後甜點係棋子酥，好重薯味呢間中菜館食物好，服務都好好，要推薦啊

由於想食中菜，同埋依家多左黃埔站，交通非常方便，於是就選左呢間名館！一早訂左七點半，不過七點就去左，侍應好好照比我地入去坐：）坐低先點個開胃小食，雲南木耳！之後叫左個真菠蘿包，個餡真係啖啖菠蘿肉😋😋如果唔係要試下其他菜，真係想食多碟前菜食完，係時候點主菜，分別叫左黑蒜燉響螺湯、蜂蜜柚子蝦球、金黃球泡飯、金銀蒜蒸娃娃菜先講個湯，超級足料，勁多螺肉，每一啖湯都係精華所在！至於全晚最喜歡嘅菜式，莫過於蜂蜜柚子蝦球！酸酸甜甜，外脆內爽，好食得嚟又唔膩！！最後食埋個金黃球泡飯，又香又脆，再配合靚湯，食落又有另一番風味！可惜今次得兩個人去食，試唔到其他款式，下次一定會約成班人再食😋

生日當天屋企人帶左我去位於黃埔美食坊既名館食中菜，名館在港九都設有分店，主打精緻特色中菜，早前公司午飯已經惠顧過中環店，幾欣賞佢地既食物質素，今次順道試試黃埔店的品質前菜類點左涼拌海蜇頭這個味道是微微香辣的，海蜇頭特別爽口，底下有青瓜條，增添清新感覺私房金黃球泡飯賣相好特別！金黃球即係用飯焦同米飯炸成的，再放進上湯裡變成泡飯。上湯裡包含一些雜菜粒如粟米、毛豆、紅羅白粒等等，增添口感，成為一個非一般的私房泡飯蜂蜜柚子蝦球每顆蝦球都炸得金黃香脆，炸粉唔會太厚，蝦肉keep到新鮮爽口彈牙鮮蝦野菜春卷長長的春卷內有滿滿的野菜餡料，餐廳採用鮮蝦而不是豬肉餡，使口感比較清新，冇咁膩，外脆內軟！酸菜滑魚片酸菜份量極多，底下仲有寬薯粉，酸中帶微辣，份量都幾多，建議3-4人share食！但有點兒失望既係用的是龍脷柳魚片，而不是生魚片黑沙流沙包黑漆漆的鬆軟蒸包內藏了超流心的奶黃流沙，唔會太甜，食既時候要小心哦厚切叉燒皇厚切的叉燒肥瘦適中，燒得香口，肉質鬆化，帶有蜜汁的香甜土豆安格斯牛柳粒牛柳加左蜜糖同黑椒煮所以香甜可口，配埋粉糯薯仔粒一齊食好味道啊銀魚蒸勝瓜軟林林的勝瓜面上加左大量蒜頭同銀魚，好香口，唔多

上次同朋友食完名館之後就愛上左係呢度食中菜，今次特地帶全家來食晚餐。因為有老人家一定要有飯啦，風味臘腸蒸雞飯$58，啲臘腸細細條襯番個竹筒，雖然睇落細，但底都幾深，所以份量都多架，雞肉幾香。名館蝦餃皇$48蝦肉好爽口彈牙，食得出新鮮，又皮薄，好得。西湖桂芯藕$48冷盤來的，藕芯裏有桂花糯米，香甜而且唔好太淋，有口感。蜂蜜柚子蝦球$78呢度既名菜，酸甜之餘，外脆口，內爽口，不得了。厚切叉燒皇$78厚身有口感，蜜味同調味都足夠，可以燒得更燶仲正。私房黃金球泡飯$78因為上次食完呢個飲埋湯都唔口渴，今次再 encore, 湯仍然鮮甜泡焦焦既飯好索到湯。欖角肉鬆蒸秋葵 $58因為媽媽平時都會食秋葵，俾佢試下另一種食法，幾有新鮮感，而且冇滑溜溜巴口感。古潭酸菜滑魚片$168份量極大煲，而且全晚主打呢味，酸菜夠酸又夠多，有花椒少少麻而不辣，增加味道層次，魚片亦都有湯汁既酸同埋好滑，一啲都唔腥。濃湯咸燒骨奶白菜$68又係份量多又唔貴，菜嫩冇渣，湯濃而不咸，好健康。黑沙流沙包 $48必食！必食! 必食！ 包就算放到唔熱都軟身而且唔會痴牙，入面啲流沙仲係好流我諗我次次都會點呢個包。鮮蝦野菜春捲 $38

雲石枱配金色茶壺，都幾有特色！傳統得黎幾貴氣點左兩個老火湯，size幾好，兩三個人夠分得黎又唔會太多，可以留肚食其他野！呢兩個湯都好足料，個湯夠哂味得黎又清，唔會成口油！老人家最愛！奶皇包，雖然無流心，不過個外型已經拎哂分，最緊要夠熱！柚子蝦球簡單講，夠大粒，夠彈牙！單單係呢兩項已經攞咗70分以上，脆漿厚度岩岩好，再加埋味道唔錯，唔會得個甜字 值得推介！雞絲粉皮 個汁略嫌鹹咗少少，但係整體都唔錯，青瓜夠新鮮，雞肉亦都嫩滑！明火煲住既泡飯，好有型，個爐好似歷史文物咁，唔係話佢好舊，係個爐好多detail位好精致！出街食比例上一定係多肉少菜，所以尊登叫返兩個蔬菜類平衡一下。蒜蓉蒸既無咁淡口，味道唔錯！

之前其實經已同女朋友黎過呢到食一次，發現呢到好多中菜配搭都好新鮮，功夫好好，所以今次帶多左家人一齊黎呢到食晚餐！第一道係冷盤，係一個蓮藕中間釀左糯米等，對於平時唔食蓮藕既我黎講都容易接受，同時表面甜絲絲咁幾開胃。之後係厚切叉燒皇，望落好似好瘦，開頭都怕佢好乾，但原來食落好淋滑，表面既醬汁唔會太甜，重點係厚切到，口感十足，鍾意叉燒既朋友可以一試。秋葵好多時都唔係人人岩食，呢到用蒸既方式，每條出到黎都係好靚既翠綠色，欖角都好多，怕太咸可以夾走少少欖角，一樣好食。呢款係我最推薦既呢到招牌菜，蜂蜜柚子蝦球，蝦球好大隻，炸醬又唔會厚，仲有酸酸甜甜既醬汁，食完一舊好想再食第二舊。另一道都好推薦既菜式係呢個私房黃金球，整個飯團表面充滿飯焦，浸係上湯入面就算浸左好一段時間都依然好有口感，上湯飲落都好鮮味，唔會太咸！酸菜魚，雖然價錢上係今晚比較貴既一道菜，但同一時間份量都好多，每塊魚片都剛好熟透，好滑，加入左炸蒜去令成道菜更香口，酸菜清爽👍🏻黑金流沙包，上次食完今次都要再叫，比佢個麵包吸引左，唔會有平時茶樓食既咁乾同埋好煙煙靱靱，今次由於等女朋友到有啲耐，個包放耐左，但中間依然係流沙，一啲硬塊都冇，值得