名館 (黃埔天地) (已結業)

朋友試過話依度的食物不錯，所以就一行四人去左食晏。🎈環境🎈在蔡瀾美食坊一樓，比較入的位置，店內燈光不是太光猛，有方枱有卡位，我們選擇了比較近門口的卡位，開始進餐的時候，感覺到有點熱，下次應該坐入面。🍊食物🍊午餐有頗多選擇，我們揀了兩個點心套餐，一個小菜餐及一個即炒餐。小籠包 - 皮薄多汁 😋💁🏻‍♀️服務💁🏻‍♀️服務員不多，每人都好似好忙，服務一般。 🧽衛生🧽目測環境也算衛生。💰價錢💰午餐沒有加一，價位比茶餐廳貴一點，質素也是好一點，算不錯了！

提早食母親節飯，家人又想早d唯有就我響黃埔食啦！揀咗幾間比媽咪，佢終於揀咗名館！由於星期六又係母親節前，所以佢分時段，我地bk咗六點，八點前要交枱。。。收工已叫家人叫定餸，我6：15左右去到已經陸續上菜，我地都快快食，食飽再切蛋糕(100費用）。。。我再望吓隻錶只係7：15，諗住去埋洗手間都埋單喇，點知我去完行到門口見家人攞哂，一問之下佢話店員同佢地講唔夠椅子要攞埋我地，雖然門口有人等位，但我地都無諗住佔用太耐時間，而且未夠鍾，點可以用埋呢種手法迫我地埋單架！服務唔差，但臨尾呢一環大扣分，令家人講唔會再嚟！

朋友帶我食呢間位於黃埔美食坊的中菜，呢間並非一般酒樓，似南小館(貴價少少嘅南小館)咁有點心紙揀食咩，兩個人食都okay！🤘🏻.古罈酸菜魚片 $168酸菜魚放於熱鍋用火燒住，有魚塊，冬粉，大量酸菜，辣椒幾條，唔食得辣嘅人會覺得幾辣，如果怕辣者可以走辣啊。水蜜桃咕嚕肉 $78咕嚕肉皮脆，肉厚又無骨，甜酸醬剛剛好，仲配有水蜜桃，菠蘿同燈籠椒，好豐富啊😀 咕嚕肉算好食嘅，唔會話放耐左就淋哂，而且份量又幾足喎。👍🏻

黃埔花園美食多 ，不過今日胃口一般，兩人只點一飯一餸。拿破崙焗鮮茄豬扒， 鮮茄幫助開胃， 焗飯好乾身， 一粒粒米飯依然保持軟腍！砂鍋焗小黃花魚， 薑蓉鋪滿黄花魚上， 更能提升魚味！飲一啖茶， 感覺似曾相識 ，茶味特別，原來係蕎麥茶！營養價值高， 又可減肥消脂👍🏽！

隨意選了這間中菜餐廳，餐牌很吸引，因為很多選擇，而且感覺很抵食。是晚點了兩個餐和散叫一味小菜，令人驚喜火喉足，上菜快，而且環境服務也不錯。所以兩星期後已再光顧飲茶，亦都有驚喜，點心多選擇而且有特色，還有點心拼盤很識相機食先的吸晴道理。但飲茶無影相，反而晚餐有。相信會再光顧。

今日星期六，兩口子想食好嘢，突然諗起黃埔美食坊入邊嘅名館，反正未夠六點半，唔需要排隊。今日叫咗三個菜。👍🏻手打魚蛋泡米線：手打魚蛋彈牙爽滑，一啲都冇腥味，魚湯香濃帶有胡椒味，食晒米線之餘我哋連湯都飲晒，一滴不留。👍🏻濃湯鹹豬骨奶白菜：豬骨鹹香味好正，濃湯配白菜雲耳唔錯。👍🏻水蜜桃咕嚕肉：細細碟，一夠多餘嘅嘢都冇，咕嚕肉件件都係肉，不是肥肉，味道剛剛好。雖然樣樣細細碟，但絕對有驚喜，我一定會再嚟。

喺CWB食過幾次，原來黃埔有分店，一於試吓。因為上一次都幾年前，嗰時menu好多選擇，今次發現得1張双面A4紙加1張套餐紙(大約A5)，明顯選擇少咗，有少少失望!我哋揀咗晚市小菜套餐(咕嚕肉+餃子)，晚巿點心餐(蝦餃+蓮藕)，小籠包，秋葵，湯。食物嚟得算快。湯:1碗湯，內有烏雞件，豬肉件，紅棗，初時以為1人份量，原來咁大碗(2人份量)見到都嚇親。餃子:皮夠薄，大小適中。有啲辣油，但唔算辣，帶出餃子味道。咕嚕肉:有紅椒，桃作伴，肉唔算肥，酸甜度適中。蝦餃:皮簿，足料(每粒有2舊蝦肉)。蓮藕:餐牌中文名叫"西湖桂花藕"都唔知係乜，睇英文就明-蓮藕釀糯米飯，都幾好食，因為係點心，份量少少，不會太滯。小籠包:皮可以簿啲，肉汁足夠。秋葵:有欖角肉鬆同蒸，夠清新健康。突然有棕一隻，當它出現，以為來錯，侍應聽到我哋對話就提示跟餐嘅，原本剛好嘅食量就有壓力。棕size唔太大，都足料，算乾身。

香港一名食肆多, 一直都有看過位於黃埔美食坊名館, 點心新鮮好味 , 種類多: 蝦春卷, 蝦餃, 手工蔥油餅, 黑金流沙包(個包軟 內有奶黃) , 熱辣辣小籠包. 味道賣相都出色, 推薦試下名館, 主打精緻中菜, 超推介呢間高質中菜館!!

同朋友farewell，所以就Search 下附近有咩餐廳食🤔有位朋友想食中菜，於是我哋就揀咗名館😁 我哋都係第一次食咋，唔知原來佢喺中環同銅鑼灣都有分店😆-排隊時見啲食客攪攪下粒波唔知咩嚟😲我地見點菜紙有😆就叫咗一份試下原來係飯嚟嘅😂😂😂超特別呀！四圍係飯焦，督平佢撈啲湯真係超正😍😍超推介！-鮮蝦薯仔薄餅一睇個名就嗌咗！一上桌真係覺得自己嗌得好😎隔離枱兩公婆仲即刻問我地哩碟叫咩名問我地好無食 跟住佢地又嗌咗🥳-橋底豬腸粉就一般啦但癮起上嚟就係好想食😋菜苗餃都係食開點心都食😜-見朋友推介鮮奶卷下次試下先！

星期一嚟探朋友，睇完戲之後 聽朋友介紹有間餐廳啲點心好精緻。嚟到之後發現已經好多人，朋友又想坐卡位，所以就等咗一陣。坐低之後發現檯面淨係得一張晚市套餐菜單， 問下店員有冇其他menu。睇咗一陣之後決定嗌兩個晚市套餐同埋一個點心， 上菜速度都算ok，但係啲飯等咗一陣都未到。 問店員佢解釋係啲飯要即刻蒸所以要等等， 明白你哋話啲飯即刻蒸要等陣間，但會唔會調整一下我嗌嘅嗰兩個小菜放喺張枱度都開始變暖你哋個飯先出。 等埋個飯之後開吃，我個人就覺得嘢食一般般，冇乜特別。 價錢尚可，免茶免加一仲有包飯後甜品。 原本整體個都覺得唔錯。下次過嚟找朋友都諗住再食，但好戲在後。 食完飯之後白襯衫嘅男士講要兩份甜品， 佢同一位店員吩咐咗之後就行出餐廳。 等咗大約兩三分鐘之後聽到店員有啲爭執，好似話上錯檯。我哋都冇留意，但有少少不滿店員係餐廳爭執騷擾我哋傾計，而且冇管理層阻止。 約莫等咗十分鐘都仲未有甜品，我哋就打算搵返白襯衫嗰位男士查詢， 一望先知佢竟然仲未返嚟。冇辦法，我只好同店內身穿便服嘅店員反映我哋嘅飯後甜品仲未到。 因為店舖嘅設計，我哋清楚見到著便服嘅店員幫我哋入去反映甜品嘅時候冇任何一位師傅回應佢

是日情人節,特別難搵位！所以我們決定行入少少，試試名館！門口放了午餐的餐牌，發現也有不少的選擇，有點心、小菜、粉麵、燒味套餐！我們決定每人order 一個餐，然後share 食！侍應先送上飲料！由於太別緻，我們立即拍照😂乾葱豆豉炆雞：好少雞肉，大部分是「骨」反而配菜更好食！沙嗲金菇粉絲肥牛煲：是最受歡迎，因為粉絲好吸味，是重點！豉椒魚柳炒河：河粉放在底部，豉椒及洋蔥放在面，各人不自覺地以為是一道菜，食魚柳，跟著就出事了，很快變成「素河」😂XO醬茄子豬頸肉炆米：由於有XO醬，立即加分，是第二碟最快KO!

近年唔少茶樓都相繼結業，要搵好食既點心茶樓真係唔係咁易，不過呢排比我地搵到係黃埔一間叫名館既點心小館，非常值得同大家介紹下☺️地點非常就腳，基本一出黃埔站就到，好似中環同銅鑼灣都有分店~店舖唔係傳統茶樓格局，係新式既點心菜館，但係菜式選擇都幾多，基本茶樓會叫到既都應有盡有😎不過難得黎到，我地就試左佢比較特別既菜式同大家介紹下~ 🔸鎮江水晶餚肉 ($48)水準及得上一般上海菜館，啫喱狀既餚肉加左小小蔥花同浙醋，非常開胃🤤🔹蜂蜜柚子蝦球 ($78)黎到都幾大碟，蝦球有差唔多十隻，仲隻隻都好大隻，外皮炸到金黃色，賣相好吸引😍蜂蜜同柚子好有特色既酸甜醬汁，更加突出蝦既鮮味，唔錯👍🏻🔸大良鮮奶脆網卷 ($48)大良炸鮮奶大家都應該有食過，外皮多數都係用炸漿製成,而呢到用既係脆網卷包住嫩滑既鮮奶，口感更加鬆脆😀😀🔹私房黃金球泡飯 ($78)黎到我地最驚喜既一道菜，可以講係新奇又好味😍😍正常泡飯或者湯飯，飯都會比較軟身無咩咬口，浸得耐仲可能會有稀爛既感覺，但係呢道菜係將飯事先搓成球狀，再炸成黃金球 (一開始我地見只係得湯無飯仲以為人地上錯菜😂😂😂)將黃金球拆開，同湯一齊進食，感覺非常特別，一部份係正常

同朋友食團年飯，一定會揀中菜，不過上個禮拜好多地方都好難book。有朋友食過名館話OK，咁啱有位就二話不說book左。去到發現原來佢得一張大枱，我地真係好彩。即刻叫到成枱餸，整體水準平均，每一樣都好好味，有幾樣想特別講下！唔記得記低真正嘅菜名，以下嘅菜名都唔係真嘅！‼️‼️超推介呢間高質中菜館‼️‼️✨流沙包🔸黑色嘅包掃上幾條金色，賣相非常好，好得體🔸裡面真係流心！又唔會話太熱辣親嘴！🔸真係好好味，一定要叫！我地叫左3籠！✨乳鴿🔸燒得啱啱好，唔會乾，肉質鮮美🔸味道好，唔會太鹹！🔸份量足，partpart都有肉食！✨叉燒🔸一定要叫🔸燒得好好，蜜汁又甜又香🔸啖啖肉但唔肥✨蝦粉絲煲🔸好香口嘅一道菜🔸粉絲唔會硬，好入味好正！✨勝瓜炒淮山🔸瓜甜，淮山粉粉地一樣係好入味🔸清淡得黎有驚喜✨薯仔粒🔸呢個薯仔好好味😭🔸外脆內軟嘅口感👍🏾🔸味道好香好惹味✨蓮藕餅🔸小食黎講份量真係好足🔸少少煎炸嘅感覺，都幾香口🔸食完一舊想再食！名館真係幾有質素，碟碟都好味，值得一讚！👍🏾帶長輩黎食都唔會失禮！係十分高質嘅中菜餐廳‼️‼️超推介‼️‼️

自從上次激親女人，我足足有一個月沒有吃過好東西，因為她總是在說我不是好東西。根據由這些女人多年總結出來的"男人都不是好東西"的宇宙GEM級理論，我不能同意更多，因為在生物學上而言，我根本不是東西，我明明是一個純情小郎君好嗎?!至於其它男人，那些鳥就不是我能夠控制得鳥。10點45分來到黃埔美食坊，其實在選擇湯加與名館之間，但是，由於湯加11點才營業，順理成章選擇了名館。名館11點30前是只能夠叫點心，頗少選擇，幸好我一早登記了轉數快，搞到我成個人都轉數快左，想到我可以11點30分前先點兩款點心，然後11點30分後再叫廚食咪得羅，係咪先。宮廷點心盤$128：宮廷點心盤，一上枱，一個圓形的宮廷擺設呈現眼前，有銀湖天鵝酥、黑金流沙包、名館蝦餃皇、如此賣相，出乎我意料之外，我以為是食物上賣宮廷Feel，原來是擺設上賣宮廷Feel。我似乎還做了名館的生招牌，給隔離枱見到，又照扳煮碗叫了一籠。我是衝著宮廷兩字叫這款點心的，我跟女人說因由，因為我想做一次公公出宮，她說"幸好你有自知之明，仲以為你想做皇上。"我即刻Objection"。WHAT?我做皇上，你有意見?你變左皇后喎!但若果我做了公公，你就.

今日特登入紅磡搵朋友，隨便附近搵間餐廳食飯，時間仲係好早，就入咗去試吓呢一間門面幾靚嘅名館。黑洞胃既我哋，叫咗都幾多嘢食。叫咗個晚市套餐 肥牛粉絲煲配藜麥飯$88另外加$30可以有多個是日精選湯肥牛粉絲煲分量非常多，而且好味，另外個湯呢就不得了，係花膠烏雞湯，加$30真係超抵飲，因為湯嘅質素非常高！叫咗個精選點心晚餐 $88 有三樣野，包括海南黑毛豬糭，名館蝦餃王，京川滑餃子。依個滑餃子好食到不得了，皮薄餡料豐富，而且非常入味，食完想再叫多碟tim!真•菠蘿包 $48純粹覺得幾得意就叫咗，味道就不過不失然後見到點菜紙有個 橋底混醬豬腸粉$38 就好想試吓點左，醬料非常多，而且腸粉係好滑，下次嚟都會再點依個