名館 (已結業)

之前見到HK01的介紹，覺得幾得意特登寫低咗要搵日黎試下麻雀糕點！終於上星期約左2個好耐冇見的中學Besties出黎食飯，順道之後過隔離飲野傾計夜晚名館環境都幾舒適，冇冷清的感覺，亦冇好嘈影響我地細聲傾計。餐具當中比較特別係碗入面刻有唔同的詩句，叫我要一干到底...然後旁邊有一個形似安全套的濕紙巾...(嗯...)第一樣入口的就係金色的蕎麥茶，清清甜甜十分解渴。1) 精品前菜(⭐️⭐️⭐️⭐️⭐️): 點左一份開胃小食，有海蜇，青瓜同叉燒。味道出奇地好，叉燒非常非常鬆化，唔使5分鐘就俾我地推推讓讓消滅哂。2) 椰子川貝燉鱷魚湯 (⭐️⭐️⭐️⭐️⭐️): 貼心地付上三個暖的杯具，肉香幾濃郁冇異味，絕對係我飲過最好飲的鱷魚湯。3) 金銀蒜蒸勝瓜金菇 (⭐️⭐️⭐️⭐️💢):賣相十分精緻，味道...十分似蒜茸蒸蟶子4) 古譚酸菜滑魚片 (⭐️⭐️⭐️⭐️⭐️): 主主主主菜!!!侍應極力推薦我地點水煮魚，但同行其中一個朋友唔食得辣，所以我地最後點左幾個餸全部都唔辣，水煮魚亦都變成咗酸菜魚。滑魚片滑到入口即溶，味道清甜而且量十分多，食完一塊又一塊！而呢道菜並唔係完全唔辣，啲胡椒粒大大粒地食非常麻都唔講得笑。北京鍋火鍋風味一流，一

最近對中菜愈來愈有興趣 睇到呢度d菜式賣相好吸引 於是放工就黎試下裝潢都幾modern 唔似一般中菜咁連濕紙巾都可愛過人😂見到個menu花多眼亂 樣樣都想試 連點心都有得食 清酒鮑魚 HKD138都唔算好細隻 爽口入味 唔需要點豉油 清清地有酒味👍🏻不過就略嫌佢凍左啲 有少少雪味燒魂妙齡鴿 HKD68其實68蚊一隻bb鴿係算貴 但佢味道唔錯 肉質都幾實 外皮香脆 京川汁秋葵 HKD58夏天已過 但依然有得食秋葵 不得不讚佢個京川汁 甜酸比例好適中 勁開胃 脆皮燒鵝 (例牌) HKD128食過用炭火燒既就唔會返到轉頭 當然呢間一定唔係 所以零期望！ 外皮一啲都唔脆 肉質一食就知係冰鮮左好耐既鵝！不過值得一讚既係用蠟燭熱住 因為一凍左就會好肥膩！古譚酸菜滑魚片 HKD288老實說有點失望 本應見到個賣相好吸引 但一食魚片就覺得好鞋 同埋個湯唔夠濃 無左酸菜魚要重口味既精髓 配料又好一般 勝在份量夠多銀湖天鵝酥 HKD58好有心機既擺盤 不過炸得唔夠鬆化 油左啲 個紫薯餡甜度恰到好處麻雀十三么 半份 HKD68本住叫黎影相既心 出奇地又幾好食 其實係桂花椰汁糕 總括係會有第二次既到訪 因為仲

在半山探完病, 就順道約在中環上班的朋友 high tea ; 不過天氣冷冷的, 朋友說不如去喝中茶, 介紹了在擺花街的樓上店 - 名館 雖然在商廈中, 不過地方頗寬落, 有不少大枱, 枱與枱之間有距離, 不會擠擠迫迫的特別喜歡它碗裡的字句, 如果我用這個奉湯給你, 你會以身相許嗎?  因為大家都不太餓, 只簡單叫了幾個菜功夫燉湯 - 姬松茸燉花膠 ($98), 很有趣的器皿 ,一個鑄鐵茶壺作湯壺, 上桌時保持了熱度, 用小小的茶杯品嚐, 有味道有味道的不止器皿, 還有燉湯非常有功夫, 味道濃郁, 材料亦多, 寒冷天氣下連飲兩杯, 身子立時暖下來 ; 很重的松茸味道從湯裡滲出, 還有滿滿茶壺的湯料另外點了兩個點心, 一個是鮮蝦金魚餃 $58一條金魚一個頭, 兩隻眼睛游游游海綿叉燒包 ($48), 可能天氣太冷了, 如果包再熱點就更好吃再叫了一個和風櫻花蝦炒飯 ($118), 多數的櫻花蝦都放拉麵的多, 第一次在炒飯裡吃到, 有趣的配搭

餐廳環境一流，高級中菜館既格局，以藍色為主調，設計別樹一格，優雅時尚。我地只係三個人但都畀張雲石大圓枱我地，坐得好闊落。餐具都幾有特色，碟上印左啲中文詩句。杯茶綠綠地色好特別，睇番佢地既展板原來係蕎麥茶，難怪飲落有好濃烈既麥味，好好飲，而且仲有養生作用，好健康咁。金銀蒜蒸勝瓜金菇用木盒上好古色古香，勝瓜切成長條狀更爽脆多汁更入味更有口感，蒜味香濃，勝瓜及底下既金菇完全索哂蒜汁好正，好味，有水準。養肝參燉鷓鴣外型袖珍，但估唔到可以倒出好多好多杯，用杯飲又好似回到古代咁好有風味。個燉湯好濃郁入味夠火喉，用料豐富，每啖湯都好似係精華咁正。沸騰水煮螺片，個鍋一黎到都忍唔住嘩左聲，太精緻了。紅紅的麻辣湯底加上勁多螺片同其他湯料填到滿滿的。鍋中既文火令個湯一直保持溫度，夠熱又唔會太滾岩岩好。螺片好大塊好爽口，好好食，仲要食極都有，好滿足。湯裡面仲有薯粉、午餐肉、金菇同其他菜，煮到好入味，尤其午餐肉估唔到可以咁好味。見差不多枱枱都有叫呢個詐糊，好有人氣。賣相好真好得意，呃like一流，食落係椰汁糕加啫喱，震騰騰咁既質感。最估唔到連啲銀紙都食得，好搞笑。

平時都好喜歡食辣野。今日朋友話帶我去間食辣野又高級既餐廳食晚飯。係中環既擺花街。唔難搵係樓下就見到佢個招牌。好似幾有特色喎！仲好有中國風feel咁！上到去都幾多人喎，好彩朋友醒目有book位 😃周圍環境裝修都好花心思。擺左好多中國特色既擺設。而佢每一隻碟都有啲字句，都幾過癮！👍見d員工倒d茶好特別，個茶壼底部一粒粒野，飲落唔似飲開既茶。一問先知原來係 喬麥茶黎。仲好有功效：可降血糖，降血脂，降尿糖👍都幾健康。叫左個前菜小吃：麻胡貢菜鮮合桃合桃食落好脆，再撈埋d胡麻醬食幾開胃特別。而貢菜咬落好爽口，好fresh既感覺。呢個做前菜都唔錯。仲叫左個滋潤燉湯 ！養肝參燉鹧鸪☕天氣太凍，最想飲番d滋陰保暖湯！呢個湯好特別，用個茶壼上。材料夠哂足。湯既味道好甘香，好湯味！好好飲！都飲到好多杯！叫左個麻辣水煮魚！哇！！超大盆！仲一路用火爐煲住，保持個溫度熱辣辣！夠哂厲害！😍辣椒相當多！！岩哂我！😍除左魚片外，還有其他料。有薯粉，菜類，青瓜，午餐肉，甘菇等等！樣樣野都完全吸收哂成個精華所在！相當惹味！佢唔止夠辣，仲夠哂 麻！食完條脷仲有dd麻痺既感覺。薯粉好好味。好彈牙。夾左成堆辣椒出黎！😜😜👍最後

之前看到網上介紹有麻雀甜品，已心思思想出動了，這天終於成行。餐廳裝潢走高檔路線，非常優雅有貴氣，設計又不失中式風格，中西合璧，環境一流。雲石枱盡顯氣派，座椅亦很舒適。最特別是碧綠的茶，是高原野生蕎麥茶，有降血脂、血糖、尿糖的功效，非常健康，而且好好味，麥味香濃。食物甚有特式，不少菜式都未曾聽過見過，大開眼界。蜜椒土豆安格斯牛柳粒非常出色，醬汁十分香甜，帶有少許黑椒的香辣，好有層次。牛柳粒肉質超嫩，土豆炸過後好香口，惹味的醬汁滲透每一粒土豆及牛柳粒，極度美味。沸騰水煮螺片是賣點，個鍋好吸睛，就像一件藝術品。麻辣的湯裡有大量螺片，也有午餐肉、紅薯粉及蔬菜等，螺片非常大塊而且好爽口，令人吃過不停。午餐肉和紅薯粉浸過湯後好好味，連不好辣的我都欲罷不能。養肝參燉鷓鴣以茶壺盛載，別有一番風味，倒在小杯喝，可細味品嚐。湯料非常豐富，令湯味好濃郁，也十分暖胃。熱切期待的麻雀甜品賣相果然非常精美吸引，像真度極高，好過癮。麻雀由椰汁糕及啫喱製成，口感煙韌。最有趣是連鈔票也可吃，原來是米紙來的。

其實我有時都好抗拒食中菜，但假日同屋企人食飯有老又有嫩，中菜往往就係必然之選，今次嚟到呢一間新派中菜館，發現原來改良咗嘅中菜都好特別又好食！前菜要左呢一份京川汁秋葵，好香，醬汁少少甜甜地，秋葵比較爽口。幾特別。蜂蜜柚子蝦球，蝦球彈牙肉好厚，外面有薄薄一層炸粉好危口，上面有柚子蜂蜜，甜甜酸酸好開胃！呢一道菜送飯一流！中國人當然喜歡飲中湯，呢度嘅湯係冇味精， 飲完會唔會口乾！ 我哋要咗麥冬雪梨燉鷓鴣。最特別係用茶壺盛載！倒落茶杯度飲好精緻！可以用心咁品嚐每一口甜味！湯嘅味道好清甜！一點也不油膩！值得一讚！另外我哋仲要左魚米之鄉，有原條魚揸過後再加入飯炒香！飯好乾身一粒粒，每一粒飯都好香，魚亦都炸得香脆，飯之中亦帶有魚肉，有口感。做得不錯！走嘅時候先發現原來我哋一路飲嘅係蕎麥茶，好香！原來仲對身體好好！呢一餐大家都食得稱心滿意！希望再有更多呢一類型嘅餐館，中式菜都有好多唔同嘅選擇！

哩間餐廳既位置比較偏!係中上環交界, 石板街再上小小,行到一上到去果陣覺得去好似私房菜,好多外國人幫襯!佢地一路食好精緻既中菜一路飲啤酒!地方好大好光亮!用左藍白色黎做主題, 環境好闊落!台同台之間都隔得比較遠! 比較高私隱度同舒服!格調既享受!!麥冬雪梨燉鷓鴣佢用個茶壺放左d湯,望下好似好細,但好重,入面一開好多料,同埋好甜,冬天飲岩哂! 仲好潤!!我地仲叫左個秋葵,蒜味好重,下面有金菇,浸到好軟身! 但份量比較細！ 重頭戲一定係個水煮魚片!入面好多料,有豬紅,紅薯粉,午餐肉!!所有材料都吸收哂d辣汁同日月精華!簡直食到出哂汗! 吾講以為自己食緊川菜!魚片好滑溜,食吾停口啊!哩度好岩一家人靜靜地出去食餐飯！ 岩哂佢地 坐得舒服 價錢合理又好味

哩間野好蛋外國人幫襯 原來係名宛旗下 有信心保證！ 最推介佢個飯同甜品呢個菜式有一些生生地既飯焦，每次同d長輩食飯白飯都走唔掉，佢地口中既中國人冇食飯就冇飯氣，清清地既飯，又有好多隻蝦，又大隻又新鮮，絕對值回票價，款色都幾好，因為太肚餓有d都冇影到相。佢個飯上面有一粒粒好似係麥！ 食落好香口！飯焦鳳尾蝦$108咩都可以唔影，但呢個港女呃like麻雀就絕對要影啦，因為睇落真係真到冇朋友，米紙造型超逼真，我同家姐都瘋狂影，係椰汁桂花糕，味道就係正正常常，但欣賞餐廳心思。麻雀十三么$68值得提提就係餐廳比客人飲既唔係普通清水/茶，而是玄米茶，感覺好健康同養生。D碗碟都好有趣，環境同食物都令人係繁忙的都市想停一停落來。

屋企人團年，當然要帶佢地食下好西，啊爸啊媽鍾意食中餐，我又唔想食酒樓，一於揀呢間fusion中菜。 一去到同啊爸啊媽一人嗌左杯野飲。我最鍾意檸檬薏米水！檸檬薏米水，雖然杯野係熱既，但d檸檬泡熱水又唔苦，飲落好清新。啊媽不停講薏米水好寒涼，女仔最好唔好飲太多。其實仲有紅棗桂圓茶都好好飲，但我都係最愛薏米水，理得佢寒唔寒。 跟住叫咗幾個唔同嘅小菜,啲小菜都好精緻，放得好靚，味道都好正宗。焦糖燉蛋，最後點少得甜品！個甜品真係幾有驚喜。原本覺得中餐廳既西式甜品未必好食。點知一試，又令我幾喜出望外。個布甸奶味濃郁，夠凍，上面既焦糖好脆，燒得幾好。

媽咪生日諗住揾個坐得舒服又有水準嘅中菜食生日飯，咁啱之前同朋友試過覺得質素有保證就建議encore名館嘅功夫燉湯一向唔錯，今次就叫咗糖心黑蒜燉響螺，出味又足料。賣相方面，湯用茶壺裝住配功夫茶大小嘅杯，玩味十足。鍾意食湯渣嘅朋友仲可以食埋壺入面嘅響螺😂 柚子蝦球酸酸甜甜夠晒開胃，大蝦彈牙爽口👍🏻值得一提嘅係不同於一般中菜，呢度供應嘅係蕎麥茶，清清地消滯解膩如果提前訂位的話謹記hold枱淨係hold五分鐘，想有靚位坐就要準時到啦!

今次慶祝母親大人生日，所以選左老人家最愛的中菜。名館最出名既水煮滑魚片一定要試下，食得辣既朋友仔一定要食，有好多魚片，上面有一堆辣椒仔，真係嚇一嚇但愈食愈惹味。裹面都有好多料，有薯粉、豬紅、娃娃菜、金菇真係睇得又食得，呀媽仲話番屋之後要試下煮-口-水煮滑魚片$288特選三精品 $98三小碟前菜都幾精緻，有x燒，海蜇和青瓜，青瓜同海蜇都幾爽口，用來做前菜都好開胃，x燒就有d大舊，但口感一流，唔肥唔瘦，如果唔係要減肥係會食唔停口。石窩鮑魚鮮淮山炆雞$148鮑魚淮山雞就不過不失，但真係好足料，入面有7/8隻小鮑魚，用石頭鍋一直保存著溫度，所以放左一陣食都仲係熱辣辣，放多一陣d汁就更吸收，d雞就就少少焦食，但環境好舒服，用來家人聚會係個唔錯既好地方，但地方就格攝左少少。

今日要去中環律師樓搞啲嘢，咁於是就同老公喺中環搵埋食啦！咁上openrice睇到有一間中菜叫明館，係上樓嘅，咁就試下啦！估唔到原本諗住喺中環食嘢應該幾貴，點知呢度啲嘢價錢有幾公道喎！啲嘢仲好精緻，裝修又好靚。石鍋鮑魚雞粒炒飯，個炒飯係石鍋上嘅，熱辣辣勁多鮑魚、同埋乾瑤柱 都係百幾蚊超抵食。另外個勝瓜好值得一讚，因為啲蒜蓉好好味，D 勝瓜又唔會好淋煮得啱啱好。 估唔到喺中環仲係樓上舖，都可以食到又平又有水準嘅中菜。

今日約咗朋友在中環Happy hour,我話請飲嘢，佢就話帶我食好野，我緊係唔客氣啦。。。飲完野七点左右去到名館，估唔到已經咁多人，朋友話好在book左位，因為呢度平日都好受歡迎。先來兩款小吃，蒜泥白肉同蔴醬毛茄，蒜泥白肉個汁好味，毛茄又清甜爽口跟著來個水煮魚，呢個不得了，見到個煱已經好靚好特別，好有古代皇宮feel, D魚肉好新鮮好滑，裡面仲有好多料，有豬血，午餐肉，菜同薯粉，兩個人食真係飽晒！最後來個麻將甜品，好特別的棷汁糕，影多兩張相呃like先！

今個禮拜表妹從星加坡嚟香港作學術交流，身為表姐當然要盡一下地主之誼，約佢食晚飯之餘順道介紹下香港一些特色同有質素嘅餐館，今晚我哋就嚟咗中環呢一間名館餐廳，環境優雅別緻，地方寬敞舒適。侍應生親和有禮，細心介紹給我們點菜。------------------------------亞馬遜椰子川貝燉鱷魚＄78開始飲呢一個湯已經非常滿意，整個老火燉湯芳香撲鼻，當你飲下去時，濃濃椰子香，令味覺好滋味，渾圓珍珠一樣的川貝味甘且甜，鱷魚肉潤肺順喉，美味又有益。京川汁秋葵＄58正宗京川手作，爽脆秋葵被呢個醬汁牢牢鎖住，外面微辣濃甜爽脆，內裏清甜滑捋捋，開胃醒神。自製菌皇醬蒸鐵棍淮山＄78頂級鐵棍淮山，非一般的食材，特別爽口，咬下去時甜甜脆脆的，配上自家製菌王醬，細膩刀 工將雜菌，蝦米，瑤柱等等，集多款食材於一身，調味恰當。石鍋鮑魚雞粒炒飯＄118 老闆選用食材絕不吝嗇 鮑魚原是一隻隻的，跟別家 切得碎碎的不同，而且份量都不少，用上好食材，大廚當然厲害，鮑魚爽，滑，彈，火路剛好，味濃多汁。雞肉粒鮮味腍甜，多款配料配搭均勻，每顆飯粒渾圓爽口，賣相金光閃閃，調味都好考功力，提鮮味道 非常出色。黑椒蔥爆安格斯