名苑酒家 (已結業)

近月黎每天都有7-8個推銷電話, 實在令人不勝其煩, 唯有唔再接聽一d “2”/ “3”字頭既電話號碼。復活節假期過後一朝早, 忙於工作中, 又不停咁收到一d唔同電話既來電, 實在忍唔著接聽左一個, 原來係openrice 通知我, 已經被選中參與「法國廚皇豪華鮑翅試食晚宴」, 真係既意外又驚喜, 即時就答應出席, 連細節都沒有過問。放工後同友人閒聊, 得知她之前參與Openrice 食友聚餐既不愉快經歷後, 曾經打算放棄參與, 但係友人反而覺得我應該參與, 因為對於好似我e類型既黑仔, 咁多年黎連六合彩安慰獎都未中過, 今次既機會係一個Luck, 又點可以放棄呢?!!基於我係個不折不扣既路痴, 為左唔想因迷路而遲到, 所以試食當日準時收工, 找尋於大角咀的名苑酒家, 由奥運站開始起行一路問左3個人, 才找到, 原來離mtr 不遠!!!!!!!!!! 去到酒家門口, 再攞出email收到既地址同酒家名再次確認一下, 部長同侍應姐姐就即時熱情咁上前問我係咪參與Openrice 試食會既？侍應姐姐仲專程帶我去到試食既宴會廳, 去到報到後, 侍應姐姐好細心咁問我想要水定係要茶, 當我問姐姐洗

有幸抽中出席於名苑酒家舉行之試食晚宴，當晚得到酒家方面熱情招待，試食了多款酒家出名既菜式。清宮明火雞煲翅首先上場既係清宮明火雞煲翅，雞湯及翅分別上檯給眾人拍照後再加熱。酒家負責人解釋因為佢地係新派粵菜，所以是晚像吃西餐般，先喝湯。雞湯加有大量雞腳去煲，本身已經十分濃郁，含有豐富骨膠原，單喝這個雞湯已經十分美味，加上爽滑的排翅，果然係酒家既招牌菜。加拿大冰海帝皇貝介紹既時候負責人這個帝皇貝因為體積較大，所以會煮得外層剛熟而中間半熟，以免太熟會入口會韌。可惜當晚我及隔離的openrice攝影師吃到的都是全熟，帝皇貝的肉比較乾了一點。意大利砵酒珍寶蠔珍寶蠔份量巨大，脆漿做得夠薄及脆，配上的醬汁辣得來又很惹味，加上蠔的生熟控制得剛好，肉身仍有肉汁，不錯。伴碟的麥芽糖裝飾很有藝術feel，我們每人也分吃一點，結論係呢個裝飾好睇，但欣賞價值比食用價值高，哈哈。蠔皇扣三頭鮑魚大廚先後花六日炮製的三頭鮑魚，食入口帶點黐牙及黐刀，大廚的心思加功力應記一功，伴上的玉掌也不能錯過，本身我係唔鍾意＂損腳指＂，但呢個玉掌做得很淋滑，加上鮑魚汁十分美味。頭抽皇生煎澳洲大老虎蝦大老虎蝦差不多有整隻手掌般大，炸得連殼

有幸首次被抽中參加「法國廚皇豪華鮑翅試食晚宴II」真是既驚又喜這間位於大角咀的分店是名苑酒家 的新力軍, 開業半年也不夠(聽聞下一間新分店將座落杏花邨)。 大角咀這地方......我想暫時來說我到過的次數是十隻手指也數得完, 沒想過由奥運站行去新九龍廣場的名苑酒家 只需5至10分鐘, 奥運站B出口經匯豐銀行中心行落地下, 出門口會見到兩三間酒巴(海景街), 沿左邊條直街(富貴街)向前行, 再過條馬路就到達新九龍廣場, 好易找昨晚的試食晚宴由7:30pm開始至11pm完結, 全晚對我來說是獲益良多, 不單是食方面還包括廚藝常識等等 暫時昨晚是人生第一次一嚐價值近萬元一席的豪華鮑翅席, 還未包括名苑酒家特別為這宴席而設的無限量添飲紅酒及白酒。酒家負責人特別推介這法國紅酒Chateau de Lamarque 2003, 我覺得果香不弱,順喉而且單寧及酸度適中首先第一道菜就是清宮明火雞煲翅 ; 厨師用海南雞及金華腿熬十幾粒鐘所以湯面有層骨膠原薄膜, 雞湯濃且帶肉甜味。 雞肉熬過湯成渣, 雖然有粗糙感但是依然感覺好有雞味。 那一梳梳名貴的勾翅, 口感滑溜, 可是總覺得雞湯才是主角 經

名苑比其他大集團式的酒樓, 宣傳相對少, 所以我比較少聽到朋友介紹此酒家. 今晚有幸第一次品嘗名苑的菜式, 感覺十分驚喜. 名苑幾位負責人在3個半小時內一再重申其酒家是新派粵菜, 會比其他酒家的菜式有分別, 確實在試食當中我感覺到酒家是花了很多心血的.試食晚宴菜式共有13項清宮明火雞煲翅加拿大冰海帝皇貝意大利砵酒焗珍寶蠔蠔皇扣三頭鮑魚(玉掌伴)頭抽生煎澳洲大老虎蝦乾坤沙巴海東星班 - 碧綠炒球、淮香頭腩黃金脆皮雞金柱鮮竹泡菜苗生拆龍蝦肉泡西施飯養顏蛋白杏仁茶燕窩流沙大壽桃鮮製呂宋香芒布甸宮廷桂妃糕 清宮明火雞煲翅翅既份量多, 而且好整齊一排排, 十分爽口.用老雞煲的湯, 火候十足, 一開煲蓋, 香味已經擴散到席上每位食家都感受到. 此湯味道十分濃郁, 品嘗時即令我覺得補充了不少骨膠原. 加拿大冰海帝皇貝整體賣相突出, 帝皇貝體積果然很大, 經理有提及此貝不會煮到全熟, 中間會保留像刺身的嫰滑感, 但唔知係咪我地影相花了很長時間, 到上碟品嘗時, 中間並未有嫰滑感, 反而整體覺得有點overcooked. 意大利砵酒焗珍寶蠔一出桌已經十分吸引我既視線, 因為中間有一座形似珊瑚既裝飾, 經

有幸再次參加Openice舉辦的試食會，多謝主辦單位和名苑酒家畀機會我嚐試新派的名貴粵菜。老實講，真的很新派，很新鮮...某些菜式好fusion。原材料來自世界各地，食完好似味覺環遊世界一周！打頭陣的是「清宮明火雞煲翅」，未上檯已經聞到雞湯的香濃，聽說是用了大量的雞和雞腳煲餚成，含有豐富的膠質。可見湯面有一層膜，實在是所言非虛。入口鮮甜味濃，配合爽口彈牙的翅，實在是完美的配搭。接著是「加拿大冰海皇帝貝」，很欣賞雕花裝飾，很精美，單看已經是賞心樂事。皇帝貝夠份量，只可惜有點老，有少許嚡口。燒汁口味很重，如果可以淡少少就完美。紫椰菜造的「貝殼」也很有特色。從加拿大去到歐洲的意大利，來個「意大利砵酒珍寶蠔」，呢味係我喜愛的菜式之一。鮮味的珍寶蠔，配合一個類似豆板醬的汁料。外脆內軟，十分滋味。脆口來自生菜和脆皮，是兩種不同層次的「脆味」。生菜令蠔沒有油炸的油膩，而辣汁帶出了蠔的鮮嫩可口。Perfect Match!好...到南半球的澳洲鮑魚登場！蠔皇扣三頭鮑魚(伴玉掌)鮑魚炆了六日六夜，很入味。但不夠糖心。三頭鮑比雞蛋還要大，其中有隻特頭鮑再大幾個碼。可惜我答不中問題，沒法品嚐如此巨型的特頭鮑

有幸抽中試食晚宴十分開心, 可以食鮑魚, 又可以食翅, 所以先要多謝openrice….晚宴地點為大角咀, 地點上真的有點不便, 但吃到飽飽飽, 什麼也不再計較了~第一道菜:清宮明火雞煲翅酒樓安排先讓一眾食家拍拍拍, 才把食物分成一份份, 經理說我們這天吃的是勾翅, 一梳梳的,湯是用老雞和一斤雞腳煲了6小時!!看見湯面是奶黃色的, 還有一層薄膜, 喝一口, 濃香而不膩, 好喝! 勾翅更是好吃,(可能因為以前自己在酒樓吃的都只是碎的翅吧! ) 有口感, 也能吃到翅的味道!第二道菜:加拿大冰海帝皇貝上枱時食家們都嘩嘩嘩, 顏色鮮艷非常吸引!,名苑捨棄一般酒樓用帶子殼上碟, 選擇紫椰菜作殼, 加上碟中用紅蘿蔔雕成的雀仔, 色彩很美, 令人未食先興奮, 從來,好吃的食物都應是食香味俱全吧! 厚厚的帶子,我想有3cm的厚度!! 不過這帶子吃下來外面有點乾, 可幸帶子中心仍然軟熟, 如廚師能夠照顧這一點該更好!伴碟的粉紅色炸條原來是炸粉絲, 經理也叫我們一試, 不試還好, 一試,, 腍的, 一點也不好吃呢!第三道菜:意大利砵酒焗珍寶蠔又是一道先以視覺吸引食家的菜色, 大家對中間伴碟又黃又綠的”水

各位開飯朋友:今次和大家分享一次開懷鮑參翅肚的新派粵菜。有幸獲邀出席名苑　豪華鮑翅 試食晚宴，一試名苑的鮑參翅肚和甜品。名苑位於大角咀新九龍廣場1樓，裝修華麗，是一中菜館。看見是晚菜譜，甚為豐富，共十三道菜餚，很後悔自己吃了一個下午茶！先來明火雞煲翅，湯底好香濃甜美，翅爽彈牙味美，人吃人讚！冰海帝皇貝是別緻之作，以紫色生菜包燒汁元貝，賣相醒目，元貝新鮮大粒豐盈。意大利砵酒珍寶蠔是又一水準之作!　珍寶蠔經炸配辣汁，香口味濃，真的好吃！配生菜也是健康之選。　好味一浪拉一浪，蠔皇扣三頭鮑魚，蠔皇扣鮮鮑是傳統吃法，鮑魚不算很大，難得的是它一點也不韌味道濃郁，不俗。頭抽生煎澳洲大虎蝦，味道鮮味，適合愛蝦人士如我。海東星班，－人分到約四片，伴以小雪耳蒸，味道不錯，魚肉很滑。黃金脆皮雞，愛它不韌有雞味。金柱鮮竹泡菜苗，健康菜一道，味道合格。龍蝦肉泡西施飯有特色，經油炸的飯香口好吃。共四道甜品，先來養顏蛋白杏仁茶，甜度剛好有口感。燕窩流沙大壽桃即流沙飽，多流沙汁。有燕窩感覺矜貴。香芒布甸做的滑而清香，我喜歡！貴杞榚也是滑而清香。飲品有紅酒白酒 加可樂 ，還有一種自家製西柚汁，清甜開胃。整體環境、服務（

又同班同事食飯, 今次無去尖咀嗰間而去呢一間, 結果發現水準係一樣咁得嘅!!!!上載嘅相只係一部份, 其他嘅例如甜品就保持一貫水準, 用呎個價錢食到啲咁嘅水準嘅嘢，我唔敢話超值, 但係就真係超OK 囉!!!

又係姨公既生日~參與左好多年喇~真係年年有今日, 歲歲有今朝每一次的壽宴都會係不同的場地搞今次就係係名苑~我地都係第一次去~係一間好唔起眼的商場內~上一樓就到~個場都幾大~ 而佢地就BOOK左貴賓廳~放左張16人的大檯~有電視睇~ 裝潢唔錯~好光猛乾淨人齊後就起菜~ 有2位侍者全程協助~十分勤快~亞姐十分有禮貌又醒目~一上檯~係白灼大蝦~ 唔可以用中蝦形容~真係好大隻~ 手指2倍咁粗非常爽甜又有D膏~好好食~第2道係燒味拼盤~叉燒好靚~好好食~ 其他的小食就OK了~不過乳豬皮都係脆口的~只係叉燒太出色~第3道係珊瑚蚌炒甜豆~幾惹味好食~而且好好好大盤~第4道燉響螺湯~ 勁好飲~好醇~2碗都嫌唔夠第5道扒花膠~ 好厚下~不過太膩~太多芡汁~第6道上湯油麥菜~ 我唔食的~不過媽媽話好甜~大家都清曬第7道蒸海斑, 好食!無剩第8道~炸子雞~佢話係新鮮雞~我食雞胸位~唔多似~似冰鮮第9道上海面~好食~有D蝦呀火腿料~第10道荷葉飯~好乾身~都夠料~清最後上杏汁蛋白~唔熱~暖暖~示太重杏味(對我而言好事) 不過都係好味的~再最最後~壽包~ 做得好好~唔係好似出面個D一味死大個~係SIZE中唔係原

今天行一網經大角咀較僻的地方＂新九龍廣場＂，上網查過名苑，原來是在這區新開的，於是一試，地方寛敞，裝修高檔。入正題，酒樓推介－－－－魚翅鮑魚＂燕＂１）宮廷皇燒翅　－　是清湯翅，翅湯不俗，味道濃郁。２）古法扣四頭鮑魚　－　扣鮮鮑，味道ＯＫ啦。３）頭抽皇生抽煎澳洲大花竹蝦　－　是雪藏蝦，不鮮味。４）古法蒸深海龍躉球　－　共四片，用小雪耳蒸，味道不錯，魚肉很滑，好吃。５）日本金瓜泡田園蔬　－　以濃湯浸熟一些雜菜，南瓜，味道也很好。６）鮑魚荷香珍珠雞　－　怕太飽，沒有吃，打包回家去。７）生磨蛋白杏仁茶　－　一般貨色，但蛋白太多，一舊舊，太有口感。８）燕窩養顏流沙飽　－　例牌貨色，如一般點心。試食價每位＄２６８（兩位起）加一加茶兩位埋單＄６１０