名苑酒家 (已結業)

這家的點心放題愈做愈多人去，閒日要預訂才可吃得到！今天星期六比閒日貴了一些，但人卻比閒日少很多，環境更寧靜而且機乎沒甚麼漏單。個人最喜歡是包括：涼拌江南美饌，包括：爽脆魚皮、淆肉、海蜇、木耳、青瓜和鐵棍淮山，不多地方能吃得到，個人尤其喜歡爽脆魚皮，比海蜇更爽口，鐵棍淮山很爽脆，口感特別，涼拌美饌爽口味夠又不會太飽肚，要不斷點選！黃金魚皮：有點像蛋黃魚皮，很酥脆像零食一樣吃不停。灌湯餃：料很足而湯極濃郁，讓人回味，如擔心太飽可2人分享1盅。鮑魚燒賣：真的有原隻小鮑魚椒鹽豆腐和魷魚：襯熱吃非常惹味椰汁桂花糕：桂花糕散發淡淡花香，搭配椰汁很清新好吃香梨咸水角：外型可愛而皮很脆，會有點飽，點1個就好！這次再出覺得樓面職員服務比之前改善，訂位時接聽的職員也算有禮貌。點心放題吃得盡興，一定會再光顧！

我聽說有人提到過點心自助餐。 所以想試。 但是，服務質量確實很糟糕。 當我通過電話預訂桌子時，那個女人對答問題的態度很不好。 我想他們賺很多錢，不在乎任何預訂。 因此，我沒有通過電話預訂。 一天后，我直接去餐廳當面預定。 禮賓（以前通過電話講個過禮賓）有相同的態度。 當我問更多細節時，她就给我點心纸， 告訴我自己看看。 當我問到由於Covid 19的緣故我是否可以坐得更近時，答案简单 ： 没有，嘴臉很差： 吃還是不吃..由你決定。

中午同家人去試下呢間係酒店內的中餐館，菜式設計中西合璧，有啲點心造型唔錯。我最喜歡，下次一定會encore 的點心係 蜂蜜小米糕，熱辣辣，底面脆卜卜，淡淡的蜂蜜味.加濃郁嘅小米味，真係食唔停口。另一樣會再叫嘅點心係山竹牛肉，大大粒，有馬蹄粒喺裏面，爽呀😊。仲有它的黑蒜炒飯，幾特別，唔係周圍都咁樣嘅配搭，炒飯加黑蒜粒，心理上好似健康d🤪。粉果都大大粒，好足料，不過，個人問題唔係好鍾意佢嗰個「金邊」，畫蛇添足，食得唔安心。

在5月15日 下午4:25分做收銀女職員，年約50+以上。態度十分惡劣，超過x3次語言兇客人。當日我們去食點心放題。無禮貌地話：「食剩一件，每件收你錢！」簡直係趕客。收銀時還叫客人「你睇吓自己張單食幾多野，下次唔好食咁多，食滯你丫！」如果係要每件食剩嘅食物計數，我當然比得起！但唔好咁無禮貌對人，尤其係客人！太過份。如果唔想比錢買難受的朋友，‼️千祈唔好去幫襯「一號銀海名苑」‼️無謂去被無禮貌嘅人恐嚇，無辜受氣！請名苑老闆好好檢討一下，以免因伙記無禮引致流失客人。

今晚去此店點了三樣簡單的菜：清炒通菜、酸菜石斑魚、咕嚕肉。結果咕嚕肉的菠蘿係「宿」左，酸菜石斑魚碗底有個衣夾。告訴經理，他只說向廚房反映了。任何表示歉意的行動都沒有，當無事發生。埋單時問經理可否取消這兩道菜或打個折扣，他只說公司無這規舉，反正我們都食咗一部分了。無言！這個經濟環境，餐飲業仍然有這種事。我自己就以後都不會回去光顧了。希望大家客戶不要像我那樣「仁慈」，遇到這種事，應該報告食環處，並向餐廳據理力爭，爭取賠償。

今日一行4人往大角咀名苑享受點心放題，這家酒樓位置不算很方便，所以感覺人流不算多，下午茶時間到便可入座，看到放題點心單的選擇頗多，也有不少平時少見的點心。乳鴿很入味；灌湯餃足料（平常單叫已42元，非常抵！）叫了一些造型別出心裁的點心，如玫瑰奶皇包、啤梨咸水角等，外型確是精緻，味道與造型並無太大的關係，味道與一般奶皇包和咸水角沒太大分別；傳統點心如燒賣加了小鮑魚、潮州粉果的邊加了金箔等，看得出點心不只好味，外型也很講究，美觀的外型為點心加分！黑金色的奶黃奶，皮薄餡靚，奶黃偏甜但加了外皮味道剛剛好，相當出色！個人最喜歡一口牛奶酥以及芒果奶酪，牛奶酥外皮香脆，牛奶味道濃郁；芒果奶酪兩者味道很融洽，夏天吃很解暑，難怪很多人都有點芒果奶酪。整體的點心味道都達中上水平，每人平均只$125! 環節境頗舒適，絕對是超值之選，唯一是只有90分鐘點餐時間，但現場侍應人數太少，收碟和出餐相對較慢，不過這個價位與質素，可以接受與理解的，下次也會再來。

呢間酒樓我地平時間中都會幫襯，因為嘢食唔差，不過今日嘅飲茶經歷都幾唔愉快，第一次喺度打食評分享下。今日去飲茶，有下午茶同點心放題提供，我地入座嘅時候已經講咗係食下午茶，亦都填咗下午茶果張點心紙，但係啲點心黎嘅時候係單件咁黎，我地初時唔知，諗緊係咪下午茶份量少啲，就食咗兩件，後來諗諗吓佢會唔會搞錯咗我地係食放題，於是就問下。我地問番啲侍應, 佢地竟然答「你填咗乜紙咪出乜囉」，好似話我地填錯咁，後來佢畀張新嘅放題紙我地，同我地填果張都唔同 (下午茶紙係滑面，而且我地叫左煲仔飯根本放題紙都冇) 咁即係你地員工搞錯啦。咁我咪話番畀佢地聽。佢地話之前食咗兩件就由佢，會照出番我地叫嘅全份點心畀我地，(當然都等咗幾耐下先出齊啲點心) 我本來都覺得可以接受嘅。 到走果時有兩件點心食唔晒，我地唔想浪費食物所以打包果兩件點心，點知有個侍應仲要”潤一潤”我地話我地著數咗，其實應該要出少番件點心畀我地，我心諗，明明係你地員工做錯，我地已經要花額外時間等，而家無啦啦仲要畀你潤就真係好無辜，所以一定要食番個食評提醒下大家呢度嘅服務態度，仲有如果你地酒樓見到呢個食評，真係要處理下你地員工嘅態度，如果唔係真係好食

每日14:00-17:00供應，入座起計限時90分鐘平日 $98/位；假日 $138/位另收茗茶$15及加一服務費✅ 食物款式多，點心小食粉麵樣樣齊，整體質素不俗，無話邊樣唔好食😌✅ 推薦大良鮮奶一口酥🥛同古法紅棗盞🥧✅ 雖然限時90分鐘，不過時間到都無催人走，呢個價錢收貨🉐❔ 基本上無漏單，點餐十分鐘後食物陸續送達👍🏻 不過臨截單叫嘅脆米泡飯同鮑魚雞粥一直無上，追問員工先知道原來已經賣晒🥲 如果想食粥粉麵飯最好早啲叫定👅Taste：7.25/10💰CP值：7.75/10🙋🏻‍♂️Service：7/10👁‍🗨Stylishness：7.25/10

疫情下，想叫外賣，兩份點心，等左超過25分鐘都未有，員工態度惡劣！完全唔想幫下手。其已經無咩客，同部長講等左好耐，咁的服務，唔知想點。叫外賣大家真心要諗真啲！😡😡😡

坦白講，疫情開始真係幾乎無飲過茶。同學仔都好想樣樣食啲既感覺😊搵左附近名苑酒家。本來都覺得飲茶平平無奇。但今次有驚喜😊選擇同普通酒樓差唔多，但我地發現有蛋散同紅米腸😊真係要讚下佢個蛋散，我第一次係酒樓食😆非常鬆軟，加啲糖漿，真係好香口。流沙奶黃包😋而家出面好多係假流沙。但哩個好正。金錢雞出面都愈來愈多酒樓食唔到😌哩個都好味。仲有紅米腸呀😆😆真係唔多地方食到好味，仲要外皮好軟屬，入面有油炸鬼好香口😘唯一失望係佢無晒炸鮮奶😭我地4個人食，人均消費$100！好滿意，如果價錢平啲仲好😊

疫症期間，都不敢外出，但都要吃東西，只好到屋企附近的「名苑酒家」飲茶。此酒家因為在屋企附近，所以都幫襯過很多次，雖然已經有一段時間沒來，但今次一來，令我有驚喜，所以忍不住要寫下食評。「名苑酒家」位於「一號銀海」樓下的酒店內，所以環境不錯。可能因為疫情關係，沒有人到附近的「室內遊樂場」玩樂，所以今次來看到食客不多，這樣反而令我更放心。而且可看見枱與枱之間的距離足夠，不會與隔離枱的人太接近，所以又令我坐得更安心。再者，放上枱的碗碟，我見到職員都用正在煲滾的滾水「煲」過，送上枱都是熱辣辣的，有一次在令我很安心。這兒的點心價錢中規中矩。我們點了這兒出名的「黑豚叉燒飯」果然每次食都沒有令我失望，叉燒很林、味道亦調得不錯，推介「黑心流沙奶皇包」本人很喜歡吃流沙奶皇包，而這個奶皇包亦沒有令我失望，金黃色的奶黃一口咬落去，火山爆發般流出來，不太甜，我覺得很好食「蟲草花上湯鮮竹卷」這個點心味道不過不失。「海皇醬鳳爪」心血來潮很想吃這個像傳統鳳爪，味道不過不失，但值得一讚的是他們用了鷹嘴豆墊底，不錯！！「蝦餃」這兒的蝦餃做得不錯，皮薄不易穿，餡料紮實，口感很好，必食！總結：食物——食物味道不錯，吃完沒有口

唔知你地會唔會咁呢？茶樓分兩類，一種裝b用嘅～一種就係家用！固言之講，裝b就係同嘀friend 子去威，同嘀出去玩呀！懶勁果類朋友食嘅！一係就好耐冇post ig 啦！頂唔順果種！但今日要介紹呢間呢！就係普通民用版，既唔洗去到稻香，好彩果嘀質數，又價錢差唔多，味道又好一大截嘅茶樓，我並唔係歧視好彩佢哋，我以前都係食果嘀，但佢地家下嘀點心中央處理後，水準真係下降好多，咁都係有果句講果句啫！名苑我一定嗌虎皮尖椒，佢真係炒得好香、好辣、好多豆豉蒜蓉，同鮑汁鳳爪，佢落好多鷹嘴豆，同好膠好濃，又夠淋，好怕食煮唔淋果嘀其他大致上都合格，佢重出咗個抺茶咸水角，其實我哋係嗌錯㗎！但係竟然出奇咁好食，煙煙韌韌，有機會試下啦！佢間中都換下餐牌㗎！

生炒臘味糯米飯：＄108 糯米飯想可以傳來臘腸的臘味香，糯米飯色澤吸引，非常均勻。米飯煙韌度：適中，面頭鋪上蛋絲，連飯一起吃更香更惹味。份量可分給四人各一碗！淮山四寶或雞扎：四寶包含淮山、魚肚、北海道蟹柳、雞柳，淮山軟綿綿夠粉；魚肚吸收上湯非常鮮味；北海道蟹柳帶魚肚香味；雞柳大件滑溜。我們四人共叫兩碟。(超值孖寶)鮮蝦豆苗餃：上枱時已看到豆苗餃晶瑩剔透，燉面皮恰到好處不會太黏而且有彈性。豆苗肧非常嫩，配合爽口彈牙的鮮蝦，味道一流！(超值孖寶)鮮蝦長春卷：鮮蝦膠爽口，春卷皮香脆不油膩，混合其他蔬菜餡料味道合適。上海小籠包：一籠有三個，滿載香甜的湯汁，豬肉餡很有肉味不酥，點少量醋吃味道一流！

門面係唔錯，食物選擇都OK，價錢中上，味道還可以，但係服務員D態度非常差。點左一個瑤柱海參炆伊麵，點知瑤柱淨係見到一條碎，海參都淨係見到同手指尾指甲咁大嘅一千零一嚿。問服務員係唔係唔小心上錯左，點知佢話瑤柱炸左，所以係瑤柱碎，海參唔通比一條條你咩。公道D講價錢唔係貴，亦都冇要求同冇期望過要有一條條嘅海參，所以都唔會有唔合理嘅期望，但係佢present出嚟就係見唔到瑤柱同海參，要真係搵完全碗麵先見到一條瑤柱同一小嚿海參，的而且確係貨不對辦。加上服務員嘅態度非常惡劣，我哋絕對唔會再去!

Honey放假，到我工作地點附近午飯。名苑的招牌叉燒，他很喜歡，當然要叫一客啦！叉燒厚切，啖啖肉，半肥瘦，肉質非常稔，簡直是天使魔鬼的混合！蜜汁甜而不膩，真的好好味！另外，叫了燒乳鴿。優惠價$32.8，實在太相宜了！也沒有因貨就價，啖啖肉！剛炸起，不肥膩。外脆，肉嫩。淮鹽的鹹度也剛剛好。還有元貝五彩湯麵：帶子大大隻！湯頭奶白色，很甜。好大鍋！還有勝瓜、芽菜、蕃茄、雲耳，材料豐富，貨真價實！茶錢@$13，平過**心。大滿足！！