名苑酒家 (已結業)

咁岩有機會住到酒店，附近無咩想食的，便到樓下最近的餐廳。星期日的早上人也不多，兩個人飲茶獲安排坐卡位。坐得舒適又方面聊天。有一種放鬆的感覺。黑䐁肉叉燒肉質鮮嫩多汁，外表微焦很好吃虎椒唔知係咪咬到粒核，好辣。但穫氣足，喜歡吃辣的會覺得好惹味牛肉球牛肉球好耐無食過咁好味了，有陳皮味鮑汁鳳爪炆得夠林夠入味，花生又夠林 好好味總括來說，可能因為本來都無咩期望，所以覺得有種出乎意外的好吃，下次有機會會想再來吃

星期日同屋企人黎飲茶，啲點心都幾好味，例如蝦餃，黃金流沙包，牛肉球，鮑汁鳳爪，炒腸粉同燒賣。甜品黎講，芒果布丁都好好味。喱到嘅食物都好味，唯獨係服務態度唔好，可能少人手，所以落單都要等好耐先有人理。我地六個人食左一千蚊，中等價錢。

今天放假，约埋幾個相好行奧海城，有人提議去飲茶吹水，之後行咗去一號銀海呢頭，貪呢度夠清静，之後入左一間叫"名苑"既酒家坐低，感覺環境都幾OK , 唔會侷促，入單等候時間亦唔係好耐，十多分鐘就陸續有得食啦，啱晒我地呢班火燭鬼最估唔到嘅係的出品真係幾掂点心精致之余，又有特色，味道又好，既有視覺亨爱，又能填飽肚皮，賺左啦但世事總難盡如人意，呢度最弱一環應該係服務，又或者是顧主們爲節省成本，精简人手关系，當天所見，服務員得小貓三兩個，根本不足以提供應有嘅服務雖有好嘅出品，但如果服務不到位，亦留唔住客再光顧，畢竟每位客人都有顆弱小的心灵.

朋友新居入伙，星期六約齊一伙人先飲早茶，然後才拉隊上朋友新居探訪，為貪方便就選在一号銀海的名苑飲茶。酒樓地點較偏遠， 由港鐵站行去要成20分鐘， 酒樓位於一間酒店裏面， 装修格調高尚， 入內亦覺得頗寬敞。我們預先訂了枱， 但去到仍然要等待一段時間，我留意到當時其實有好多張空枱，但係冇人執碗碟，睇嚟酒樓好似非常唔夠人手，導致翻枱好慢。胡椒咸菜豬肚咸菜有筋，豬肚夠冧但無胡椒味。鮑汁鳳爪鳳爪煮得過火，無乜咬口，但墊底用鷹嘴豆代替花生， 比較特別。 蝦球燒賣蝦肉爽口彈牙，燒賣味道唔錯。流沙包流沙包只係微熱，好彩唔係太甜。 叉燒包义燒味道唔錯，但餡料則太少。 帶子鳳眼餃上菜唔認真，帶子四散甩落蒸籠，影響食物外觀。薑汁千層糕千層糕薑味太濃，有啲辣，唔係個個接受得到。總括嚟講，呢間酒樓食物質素只是一般，但係坐得幾舒服嘅，要留意嘅係酒樓規定進食時間只有90分鐘，對要歎茶傾計的朋友就不太適合喇。對我嚟講，我最讚賞呢間酒樓嘅係佢嘅食具，啲茶壼同杯碟都好靚，相信女士會比較喜歡。

兩年前黎過呢度食，部分食物簡直難食到不能下嚥，今日既家庭聚會，如果唔係因為要就老人家，都唔會再嚟幫襯。雖然一早訂咗位，但係到達後依然要等位，眼見店內仲有好多位，就問店員要等啲咩，店員竟然同我地講要等執枱，成件事令我感覺非常奇怪，前後足足等左大約15分鐘，終於可以入座啦。比起上一次黎，食物質素已經有大大改善，不過仍有好大嘅進步空間。黑松露帶子鳳眼餃餃子賣相精緻，不過入口非常鹹，建議落少啲調味料去醃餡料。原籠古法馬拉糕馬拉糕整得唔夠鬆軟，亦都冇咩香味，絕對有改進空間。懷舊鬆化蛋散蛋散唔夠鬆化，入口仲有陣油膉味，賣相亦都唔吸引。頂尖流沙包流沙包唔夠流沙，不過奶黃都算香濃。海皇醬蒸鳳爪鳳爪整得夠入味，而且夠稔，味道同口感都唔錯。總括黎講呢度既食物雖然比上次黎既時候改善左好多，但仍有改進空間，建議店方加強對員工既陪訓。

名苑酒家好多地方都有分店，呢間一號一海分店開係豪宅區，環境唔錯，但食物質素就未如''豪宅''質素喇。蜜汁燒排骨：之前試過叉燒，軟嫩多汁水平高，諗住燒排骨應該都好味，點知，水準未如理想，肉質鬆散，而且蜜汁唔夠香甜，有d失望。XO醬炒腸粉: 份量有d細，XO醬唔夠出，味道一般，街外好多炒腸粉更出色。蝦餃點心: 呢個唔錯！蝦夠鮮甜，而且彈牙又爽口👍🏻皮夠薄，個人認為如果再多d蝦汁同加d荀會更好😁棉花雞: 呢個賣相一般，但食落唔錯。雞好嫩好滑，而主角魚肚好入味，質感軟糯，索盡汁好好味😋豉汁蒸鳯爪: 中規中矩，同一般點心店ge質素差不多。總括黎講，食物質素同服務都有進步空間，環境就不錯了。

Went there to have dim sum, however, they kept us waiting for over 30 mins and ended up by forgetting our order. No apologize at all. The worst service ever, won't recommend to any friends .

我的工作地點附近，是銀海一號，屋苑商場內有名苑酒家。我試過兩次，還可以。所以，今天就和Honey來飲茶。銀海一號的名苑酒家，裝修格局沒什麼特別。唯一令人印象深刻的，是所用的茶具，很精緻。點心方面，價錢比美×和翠×貴一點點，和利×差不多。但是，食物比利×的好。今天我們點了溏心黑蒜炒飯。這個炒飯可以算是素食，因為完全沒有肉。有黑蒜、炸蒜和菜梗。雖然沒有肉，但是因為有炸蒜的關係，炒得很香口！很有鑊氣！而且，每粒米粒分明、爽身，炒得不油膩，吃完了，碟底沒有一層油。黑蒜果真是溏心的。另外，我們叫了四款點心：小籠包、叉燒包、紫米脆脆蘿卜絲腸粉和棗蓉糕。叉燒包和棗蓉糕沒有什麼特別。但是，小籠包就做得不錯！皮很薄，能看到裏面的肉湯。夾起來，沒有｢串皮｣。咬開小口，裏面的肉湯甜，做得不錯。紫米脆脆蘿卜絲腸粉也不錯，腸粉是紫米皮，煙煙韌韌的。炸脆脆包著蘿卜絲，很考功夫！蘿卜絲甜而軟，又有炸脆脆，又脆又軟，正！

因很喜歡這裡的環境及服務，上星期在這裡設宴數圍招呼至爱親朋，每席一萬元免加壹服務費。首先很喜歡一道菜叫白雪尋龍，其實是蛋白蒸龍蝦， 調味很好龍蝦新鮮及很多份量。 第二度菜火瞳燉翅也很出色，魚翅份量足夠及翅身有質素， 湯底雲腿另上，味道十足。 鵝掌鮑魚每客一份，做法亦很出色。 鹽焗雞做法比較普通， 但仍然要質很嫩滑 。龍蝦上湯泡飯更出色好味。 酒樓更為我們個別分菜，服務十分周到。 另外更特別為我做一個特別壽桃，做得十分精緻。 這個晚宴十分滿意及完美。

我經常到這裡午膳，間中晚餐。因這處泊車不太貴而車位亦充裕。這區來說這食肆的水準比較高一点。义燒是必食的。多汁甜美。另外炸两腸粉亦做得很好。此店間中有食品優惠。上次有鮑魚，海參。現在又做三頭濕鮑。這裡的各款点心很好及有特色。晚上試過這裡的象拔蚝但其肉質不夠。這裡都算是不錯的地方。

環境雖然唔差，裝修係幾靚，但野食又唔係好食，腸粉皮厚到爆，叉包又係厚，仲要等一個等成個半鐘，明明有枱又一直俾d熟人，俾左七八張枱人，都未到我地。叫極都冇人加水。

初三到大角咀拜年，就近到樓下名苑用餐。這間餐廳網評不太好，但實際上又未至於那麼差。餐廳座落酒店內，裝潢設計有一定保證，碗碗碟碟也很別緻。點心食品方面，雖然談不上精緻，但也算水準合理。比較好的點心有燒賣、牛肉、糯米雞及叉燒包。燒味叉燒也幾好味。炒粉麵飯普通喇！

一向鍾意飲茶的我, 知道「一號銀海」新開一間「名苑」於是星期日即去試吓, 我哋係WALK IN 客的關係，加上當日下午有客人擺百日宴，我都明白會係等得比平時耐，但眼見電話訂枱客人未齊都即時有位坐，(心想下次都要打電話留位會比較隠陣)，但我發覺原來酒樓裏面有很多枱己找數，但都安留番俾電話留座的客人，此樣我十分之不滿，再加上企在門口的知客的態度十分之差，我哋每次詢問她都說無枱，明明眼見有枱無人坐但又不叫人入座，詢問為何有枱都不安排客人入座 ? 輪候號碼下一張應該到我，但這個態度輕佻的知客說下一張竹都是留俾電話留座， (仲蔑視的回答) 此時真的受不了氣，真的不想在酒樓嘈交都忍不住和她理論，最後當然係唔飲茶喇，你估間酒樓有寶咩… 我們離開後就致電俾意見酒樓經理的張先生，點知話要我講出知客全名才可接受意見，我鬼知佢叫乜名咩？我話坐係門口的女知客，點知呢個張生都係同個知客一樣的態度回答，我哋酒樓知客係企嘅 唔會坐嘅 ，此時我回答佢，咁我而家搭的士回來睇吓個女知客姓乜名乜囉， 佢即時回答亞太太，不用勞師動眾，我哋會檢討此些事，會跟進 ，最後仲大大聲咁唔該晒我，我又大大聲回敬謝謝佢囉！其實呢間酒樓上上

位於大角咀「一號銀海」豪宅裏面既呢間「名苑」同平時去開果幾間分店真係零舍不同！因為新開既關係，門面非常新淨光猛，我特別鍾意佢果D好似去左high-tea咁既茶杯。可惜既係，呢度既食物質素真係強差人意！牛肉腸︰腸粉蒸得太耐所以個皮太腍黐立立，一夾上黎黐住晒對筷子，no good！馬拉糕︰唔知係咪蒸得太耐吸晒D倒汗水，馬拉糕濕晒水腍pat pat咁，好差！蘿蔔糕︰一夾即散，失敗！而且蘿蔔絲切得太粗喇，口感麻麻！蛋散︰一D都唔鬆脆，一係就一早就炸好晒，如果唔係就係落唔夠炸粉或者炸既時候唔夠熱！最大問題係D糖漿係酸架，有冇搞錯！潮州粉果︰粉果個皮好差，非常「黐立立」，無計可施之下唯有用暴力夾上黎整到散晒！鯪魚球︰完全冇魚味，感覺就好似食緊一舊粉咁，胡椒粉重要問左幾次先送黎！雞札︰去咁多次茶樓都係第一次食用生菜包住既雞札！究竟係腐皮好貴定係想用生菜玩fusion？總括黎講，除左D杯比較elegant之外，野食唔得、服務亦都唔掂，食完重要三催四請先收枱上面D碗碟，中間漏單亦都要問左幾次先至補返俾我地。都係果句，「無下次」！

黎開大角咀探親就黎試下呢間新開將既酒樓。餐具就幾靚下既，但食物質素真係有待改善。落單就落叉燒腸，最後黎左牛肉腸，唔食牛肉既我最後咪無得食。叉燒包都還可以既。荷葉飯係咁多樣野中最正常既一樣。馬拉榚好難整得難食既佢地都可以整到無法入口，無味之餘口感仲整差。粉果好粉，都唔知點夾，但都算係入到口既。蘿蔔榚好油又無口感，好難食。蛋散D 糖漿唔係甜既，係酸既，都唔明點解。雞扎唔係用腐皮包，而係用菜包，當見識下新野。魚肚同鯪魚球無試。