名苑酒家 (已結業)

門面係唔錯，食物選擇都OK，價錢中上，味道還可以，但係服務員D態度非常差。點左一個瑤柱海參炆伊麵，點知瑤柱淨係見到一條碎，海參都淨係見到同手指尾指甲咁大嘅一千零一嚿。問服務員係唔係唔小心上錯左，點知佢話瑤柱炸左，所以係瑤柱碎，海參唔通比一條條你咩。公道D講價錢唔係貴，亦都冇要求同冇期望過要有一條條嘅海參，所以都唔會有唔合理嘅期望，但係佢present出嚟就係見唔到瑤柱同海參，要真係搵完全碗麵先見到一條瑤柱同一小嚿海參，的而且確係貨不對辦。加上服務員嘅態度非常惡劣，我哋絕對唔會再去!