名代宇奈備長炭燒鰻魚飯專門店 (希慎廣場) (已結業)

首先我同友人都係鰻魚控，我地喺大阪食過呢間，果時覺得質素好一般，真係一分錢一分貨，條鰻魚感覺上冇燒過，口感唔知點解係煙韌嘅口感，最後冇食晒就走人年廿八搭lift上希慎12樓，一出門就見到宇奈とと，冇人排隊，梗係試下啦佢淨係得鰻魚飯同小食供應，選擇唔多，但入嚟都係為咗食鰻魚飯，所以不成問題想食fresh啲嘅野，清一清味蕾，叫咗個冷豆腐同青瓜漬，冷豆腐睇佢size正常，食落舊豆腐係好有份量，佢吾係滑豆腐果種口感，而係好綿密嘅，上面粒鰻魚一樣有燒過，仲充滿醬汁，如果粒鰻魚大粒d就perfect青瓜漬基本上就係新鮮青瓜一條加小小鹹味，個人認為，芥末醬冇乜特別作用對女仔黎講，呢個飯份量絕對足夠，鰻魚面燒到有小小脆，魚肉夠諗，濃郁焦香，油香，醬油味，超好食丫！！！同大阪食果次有極大對比，一反我對呢間餐廳印象！香港好小小餐廳一賣鰻魚就過百蚊咖啦，但d鰻魚真係普通超市貨仔，我自己買黎叮熱食咪一樣，今次我真係食到有特別烹調過嘅鰻魚，好滿足丫！唯一吾夠日本好嘅係米飯做吾到粒粒分明。anyway, 我一定會再幫趁睇其他評價話魚尾部份幾多魚骨，我諗真係要睇彩數，我哋食時真係一啲骨都冇喎，魚腩位肉係再厚小小，同

之前諗住食尖沙咀果間，排隊排到飛起，所以放棄左。點解一間松屋level Ge 食店都咁蛋人排， 黑人問號出晒黎呀。今次行街路過希慎，結果路駛排呀，即衝入去試啦同侍應哥哥傾左陣，佢話呢間分店比尖沙咀少左d野叫，即係玉子果類就冇，所以大家要留意返，可能因為咀，就少d人 ，仲好啦 反正我都係一心想食鰻魚飯，冇所謂鰻魚重 特上$158加$10要左個湯鰻魚飯都幾香ge鰻魚係幾脆，有碳香，但飯份量偏少，鰻魚質素就唔好咁大期望，一分錢一分貨，佢係將普通林身果d 鰻魚燒香佢，不過可以過下口癮，因為響香港以呢個價錢食到呢個同日本相近口感，都ok ge

中午約了媽咪行維園花市，去行之前上希慎12/f 揾野食，見呢間居然仲有少少位！其實媽咪本身都鐘意食鰻魚飯系列，而我就記起上次名古屋旅行既燒鰻魚都唔錯，諗住呢間日本開過黎，可以試下都好餐牌上主打燒鰻魚為主，睇完一輪，一致決定叫左兩個鰻魚重上（138蚊）餐牌上還有少量小食，我就順手叫埋一客暖枝豆同埋鰻魚冷豆腐！份量方面，我地兩個一致覺得燒鰻魚重上料係好足，飯既是份量適中，味道算濃味不過我keep住食到些許細魚刺，要吐番（怕插到喉）但媽咪就話佢不算太覺太多魚刺，或許是看彩數！小食方面，枝豆正常，相片如下：價錢25蚊但有一大碟，算合理！鰻魚冷豆腐，相對地我覺得味道一般，價錢係38蚊！總結一下，如果比較燒的味道，都好味，但比起係日本食過既個種味道，還有距離！媽咪既意見就覺得鰻魚未去到肉質幼嫩，不排除因鰻魚太大隻既關係吧！題外話，我覺得間舖員工服務都熱心，見我最後食唔晒整份鰻魚還關心問是否質素問題！最後一定要附上完整鰻魚重上既相片俾大家參考，賣相都靚

見到新開左炭燒鰻魚店好吸睛！星期五放工就決定黎食 ！6點幾黎到 時間尚早完全唔使等位😛我叫左個鰻魚三食 男朋友叫左雙層鰻魚飯三食即係1- 就咁食碗飯 2- 倒埋d漬茶落去食 3-加埋wasabi一齊食最後我都係覺得就咁食碗飯好食d 但感覺飯同鰻魚都唔夠熱 味道一般雙層鰻飯好食d 有炭燒既味不過份量略少左d 總括比想像中低分左d

銅鑼灣希慎廣場啲餐廳都轉得好快，又有一間新嘅鰻魚店開張，同事就話去試吓。我對鰻魚飯麻麻哋，就叫咗一個最細嘅飯。你見到我post第一張相就知道我會想講乜。上枱嘅時候，個面係好靚嘅，但係一反轉，就見到舊鰻魚好濃，我自己唔係太鍾意。除咗碗飯，乜嘢都要加錢。我冇加任何野，好快就食完碗飯。半個鐘頭唔使，睇餐牌叫食物食完，真係好快。門口見到有個師傅喺個窗後邊燒鰻魚，應該都係做表演，因為啲鰻魚應該已經燒好唒，佢只係將啲鰻魚燒濃咗佢。

琴日行希慎經過 原來係新開鰻魚飯店見佢真係用炭火燒鰻魚 引到我同男朋友入去食🍚鰻魚重 特上$1582舊幾肥美嘅鰻魚腩位加鰻魚尾有炭火香味 入口軟熟有油香 但未去到似日本食超肥美油香 不過不失啦重點係有魚骨! 由其是魚尾位 一咬落去成口骨😵對比起雙層鰻魚丼$108 會比較抵食因為多咗舊多骨魚尾唔值$50囉🙄🍚鰻魚飯三食$88勁取巧 一個鰻魚碎飯 加個茶漬飯湯 同個所謂嘅配料”wasabi”就叫三食😥啲鰻魚係切到好碎好細舊 亦無鰻重咁多油香茶漬飯個湯係好普通沖粉個種 好淡 好一般🥒青瓜淺漬$18鹽漬青瓜 咸咸地無咩特別 想有啲菜落下肚先會叫-我會覺得唔好期望太高叫個$108雙層鰻魚丼會覺得幾好真係有炭火燒嘅香味 但因為冷氣凍 野食好快凍 記得襯熱食！

在朋友推薦下，午餐嘗試在希慎廣場新開的燒鰻魚飯專門店；中午12:30到達已經要開始等位置可能是因為新店的關係，和鰻魚飯本來就有他自己獨特的吸引力🧲，所以也等了差不多15分鐘才有位置。外面能看到廚房炭烤鰻魚我自己就點了一份雙層鰻魚飯嘗試，他們餐牌的選擇都主要是根據你需要的份量制定，如果不計交整體感覺，單純以味道來說，鰻魚，飯和醬汁的比例很好，上餐速度也十分快，是屬於那一種每一兩個月我也會回去吃一次的地方，不過始終屬於商揚開放式餐廳的緣故，不適合和朋友聊天。朋友就選擇了這一款三食，分別是正常吃法，Wasabi吃法及加入湯的吃法；（其實就是鰻魚飯的意思）味道不知道怎樣，但不是十分吸引我的做法結論是值得一試，以午餐速食的選擇來說，7/10！（唯一敗筆是他們可樂只有百事！）

名代宇奈備長炭燒鰻魚飯專門店 (English name: Nadai Unatoto Charcoal Grilled Eel Specialty) is an affordable fast food chain from Tokyo focusing on charcoal grilled eel. Their chains in Tokyo are just like Yoshinoya. As some of the best unagi restaurants are usually very expensive, you can still get a taste of this at a very affordable price.Recently, they have expanded to Hong Kong where people here just love all things Japanese. Me included. With their first shop in Tsim Sha Tsui, they now have another branch

好小有專食鰻魚飯既鋪頭🌟呢間係Hysan 半開放式既日本餐廳，見到有人即燒鰻魚，有誠意👍🏻環境唔算好靚不過店員服務幾好加分，成個menu 都係鰻魚飯，我同男朋友都唔知有咩分別下，問店員好有心機解釋比我地聽👍🏻有魚腩🐟同魚尾🐟之分，又或者mix，大部分飯既分量其實差唔多。所以想試juicy d 可以選最小都有有魚腩2層既-雙層鰻魚丼🍚🥢骨都小d 💓雙層鰻魚丼（$108）🍚🥢魚都幾厚，不過唔夠燒汁，但都幾好味既，👍🏻飯身亦無日本米個種粒粒分明既感覺，雖然呢個價錢唔貴，不過飯質地真係浪費左個魚🤔鰻魚 重（$98）🍱🥢魚尾部位 ，好多骨，亦比較燶，一樣係個飯質比較差，我本人比較鐘意魚腩位多d！鰻魚飯既飯都好緊要，有空間進步🌟

2018年年尾已經見佢裝修，2019年一返工就發現已經開咗重經常有人排隊，所以就約同事一齊lunch試試佢。12點半左右去到都要排佐幾張枱先有位。環境不錯亦不算嘈。三個人每人點了一份$98蚊的「鰻魚重」果然沒有令人失望，鰻魚幾大塊亦充滿炭燒味 （所有鰻魚都經過炭燒加熱），醬油味道亦非常香甜，如果飯再多啲就好了因爲醬汁加上好味的鰻魚非常之適合送飯。如果要說希望改善的地方，希望會有熱茶而不是普通水的話會更加完美。

新一年送舊迎新，放完長假返到公司，見到樓下間東南亞野已經執咗，變成我最鍾意嘅鰻魚飯！成個星期lunch 經過都見到好多人排隊，今日同同事特登早啲去， 終於食到喇！呢到基本上只有鰻魚飯呢個選擇，你只要揀要大定要細！我見到店入面大多數人都係揀我呢個呢度啲鰻魚全部都係炭火燒，喺入口你就見到有個玻璃廚房，見到啲廚師係入面燒緊啦。味道都尚算唔錯，當然冇得同京都米之蓮一星嘅廣村比較啦。呢個價錢呢個質素，中規中矩啦。好處係佢新鮮燒，啲鰻魚仲熱辣辣。個鰻魚汁都唔錯，但個飯底其實有啲少，男仔可能唔夠飽啦。總括來講都OK啦會再嚟！

01JAN2018並無尖沙咀分店食評講得咁差， 話尖沙咀分店的鰻魚係未燒熱嘅， 但銅鑼灣分店既鰻魚 燒到熱辣辣先上檯， 而且元旦當日食飯時間七點去到唔需要排隊，點咗之後25分鐘就有得食。 我諗同當日嘅客人流量有關，冇咁得閒人就可以燒耐啲。點咗個中等size $138既名代宇奈備長炭鰻魚飯外層魚皮燒至脆身，內層肉質厚實有咬口，魚腩部位油脂比例適中， 可以食到龍口嘅油脂香味，而且更能嚐到淡淡炭燒特有的香味，實在驚喜😋美味指數5顆星（5分滿）

去咗希慎行街，到食飯時間，無意中發現開咗間鰻魚飯專門店，記憶中好似尖沙嘴有一間但好似話要等好耐，👀見只有幾個人排隊，而且吸引我係見到佢地係有專人即燒鰻魚，而且見到d魚肉都幾厚身，於是即刻排隊。🍱雙層鰻魚丼 $108 （2塊魚）🍱鰻魚重 上 $138 （半條魚）主要分鰻魚份量而定，先試飯粒，唔算係上等日本米，米粒偏細，但煮得剛好，粒粒分明。鰻魚汁都係市面一般味道嘅鰻魚汁。鰻魚燒得幾香，但好似唔太夠熱，可能唔係一燒好即刻送上。魚質算肥美，不過偏腍左少少，魚身都厚。