名代宇奈備長炭燒鰻魚飯專門店 (iSQUARE國際廣場) (已結業)

其實都經過左呢間野幾次不過都冇勇氣行入去食因為平嘅鰻魚通常都真係好難食下...不過香港都唔知邊度有好食嘅鰻魚所以鰻魚癮起既我今日唔理三七廿一就衝左去試食啦！星期日夜晚都算係少人不過仲好唔使排隊！然後啲嘢真係好抵食！下次都仲想去試埋其他不過既然呢間主要係食鰻魚咁梗係要食咗個鰻魚丼先啦😋😋😋佢仲有一個係雙層鰻魚丼不過我真係好飽所以放過咗佢。邊度食到咁多啊大佬😫佢啲鰻魚係喺門口度燒，隔住塊玻璃都聞到佢好香然後放入口比想像中好食好多！真係好好食冇諗過$68可以有咁樣嘅質素前菜同個麵豉湯麻麻哋不過個鰻魚嘅皮燒得好脆又多汁夠晒juicy！啱晒鍾意食鰻魚嘅你🤩以後多個地方食飯啦😚

今日禮拜六傾盆大雨搵間餐廳食飯嗌咗一客照燒雞烏冬一客鰻魚海老天婦羅盛盒一客個曼魚重唔知道佢人多定係啲單做唔切落柯打嘅時候講明話25至30分鐘眼看其他客人食完埋左單走埋都仲未有, 跟住餐廳經理走過嚟問我哋究竟我哋落咗單未呢張單之後再等多十分鐘左右先有得食首先照燒雞烏冬係真係炭嘅但係雞嘅雪味好重同梅梅地可能是因為雪得太耐個天婦羅入面炸番薯係半生熟的帶有田園風味鰻魚飯就好正常

有一日行街見到呢間食鰻魚飯嘅，好似好好味咁，見到餐牌都唔算貴，所以揀咗呢間試吓，我哋排咗一陣隊就可以入去我哋叫咗個普通嘅鰻魚飯+1個鰻魚肥牛飯嗰日仲要嘢飲買一送一燒過嘅鰻魚唔錯，有冇骨仲可以叫佢攞多啲鰻魚汁撈飯但啲嘢飲就一般般啦！

自疫情以來，都冇乜係尖沙咀食飯。今日7點去到Isquare，成個商場都冇乜人。本身鐘意食雞，所以叫左個照燒雞饅魚丼飯！望落去份量好似好少，本身有少少擔心唔夠飽，但其實分量剛剛好！鰻魚同照燒雞各佔一半。照燒雞及饅魚都燒得好香！饅魚都幾厚身啖啖肉，又冇骨，好好食😋麵豉湯略嫌有d咸。同行朋友叫咗鰻魚斧飯，送到枱上仲要煮約20分鐘先食得。直到火燒盡的一刻，就可以打開蓋了！個飯熱辣辣好香，個底有飯焦，脆脆的！👍🏻饅魚一樣的厚身多肉！饅魚多d感覺滿足d😄特別一提，呢間食店唔收加一，讚👍🏻👍🏻👍🏻

鰻魚飯可以話係小妹我每次去日本必食嘅名物，最近因為疫情關係，小妹暫時去唔到日本親嘗日本鰻魚風味，就惟有喺香港食啦。而早前從日本嚟香港開分店嘅「名代宇奈とと」，主打以高級備長炭現烤鰻魚，吸引小妹前往朝聖。是日小妹夥朋友一齊前往，嗌咗一客鰻魚重特上（$158），以原條鰻魚上枱，實在令人震撼。鰻魚經過高級備長炭現烤，由於每條鰻魚都皮肉豐腴，經過明炭烤過後，魚油滿溢，淋上以砂糖和醋秘製而成嘅醬油，完全可以突出鰻魚魚肉同魚油間相互結合、令人滿足嘅滋味。再配上產自日本埼玉縣嘅稻米飯，食落認真唔錯。如果想有多種食法，可以考慮鰻魚飯三食（$88），鰻魚塊雖然唔多，但可以配合附上嘅芥末、鰹魚湯配搭嚟食。小妹鍾意第一食為原味，品嘗原汁原味嘅鰻魚飯；第二食就可以加芥末，辣辣哋有啲似食緊丼飯；第三食就可以喺加咗芥末嘅鰻魚飯入面加入鰹魚湯整成泡飯，又係別有一番風味。小妹鍾意食微甘嘅鰻魚肝，所以特別以套餐價加咗$15附有鰻魚肝同漬物，不過個人覺得個鰻魚肝湯味道唔突出，感覺都係食番烤鰻魚肝更滋味！

疫情關係晏就得兩三台人食飯，都好既我本身就唔鍾意同人逼入場就聽到一直播動漫音樂，音量適中很好香港鰻魚飯好少有我個人好鍾意既三食，有都好貴，難得100蚊有找可以食到，即刻就點左首先好快上場就係漬物同加錢點既鰻魚肝湯，前者好普通冇乜好講，後者雖然貴左啲但好飲過普通麵鼓湯n倍，又甘又甜想再黎多幾碗再黎就係另外點既鰻魚蒸蛋，水準唔錯，所以唔洗懷念元氣喇。主角鰻魚飯三食終於上場，侍應都好貼心講左一次點樣食，自己分四份首先一食原汁原味，二食加芥辣，三食加湯，四食呢就睇自己鍾意邊種食法就食邊種喇。原味第一口已經食得出佢真係自己燒同整個醬汁既，難怪咁多人會叫多汁，撈飯真係一流，個鰻魚都好肥美，同普通超市或者日式店食到既比好好多。我原本最鍾意係加手磨芥辣，可惜佢係得普通芥辣醬，食到既檔次差好多，不過夏天加芥辣食都有返個清爽感係度同去膩。再黎佢加湯都唔錯既，應該係鰹魚加柚子既湯，冇左鰻魚汁既油膩感可以當湯飯食，相對上味道會清淡啲。其實可以有五食既，因為佢仲有七味粉同山葵粉係台可以俾你加，我個人推薦加山葵粉，除左辣味比較舒爽之餘仲會提升埋鰻魚既鮮味，正。整體黎講味道算係水準之上，埋單都係百零蚊就食到好飽，聽

星期六晚6點幾無乜人，唔使等位。因為唔太餓，就決定叫一個飯share食。鰻魚重  特上($158)赤味噌湯偏咸，味道唔錯。主角鰻魚飯，大約有半條鰻魚，鰻魚有淡淡既炭燒味，口感唔錯，幾黏口，惟魚尾乾左少少。飯口感偏硬身中又帶有少少煙韌，同軟熟既鰻魚形成對比口感，好食。鰻魚本身係熱，但又未去到熱辣辣既程度，如果再熱d就仲正。另“友人”表示鰻魚汁唔夠，有機會再食可以試下叫多汁。(個人口味S: 3.3/5)(個人口味E: 3.8/5) 想過下癮食鰻魚飯尼間都係唔錯既選擇，最平既$68有交易，以尖沙咀區而言價錢相宜。另外侍應都幾細心，見我地share食就主動拎隻碗仔俾我地。

黎過幾次都覺得水準好好，有得免費加大個飯，而家仲有買一送一野飲，平均一支波子汽水都係11蚊。開係corner 位唔係好多客，好啱呢啲時候黎，唔使驚啲人會傳染。牛肉好入味，值得一試！價錢都算公道，最平都只係五十幾蚊就有碗大大碗嘅鰻魚飯，鰻魚份量都唔算少，夠唒飽。不過唔知係咪呢排少客，餐廳員工比較少，得一兩個係出面落單，其餘都入哂廚房。不過員工態度都好好，服務都到哂位。推薦大家如果想食日本野又唔想咁生冷真係可以一試！

抗疫期間好少出街難得出去一次想搵啲正野食😋去到尖沙咀isquare人流真係唔多所以晚市都唔使排隊入座😜門口見到有個廚師燒緊鰻魚真係用備長炭 真材實料呀坐低睇餐牌果然就係大部分食品都圍繞鰻魚啦😆我地一行二人諗住除左食鰻魚都食下牛肉同雞肉所以分別叫左兩碟「雙拼」😂特別一提個飯可以免費加大架我建議男士們都可以加 友人表示佢就咁一碗未夠飽哈哈😆落單後先黎漬物同味噌湯 味道正常冇特別然後主菜出場我必須要講！個鰻魚非常好味！咬一口即刻覺得震撼！影張相先就睇到個鰻魚真係好厚身❤️我非常鍾意😍咁講返我地另外個餸 分別係牛同雞先和風牛肉鰻魚丼而碗入面既係味噌湯 顏色好深 好濃 少咸呢個飯牛肉係另上既相信係因為有牛汁係碟牛肉上面 唔想溝埋飯上面既鰻魚汁好耐冇食日本牛丼 牛肉好味呀 牛汁香濃而且份量幾多 唔錯而呢個照燒雞鰻魚丼個雞就差啦份量好少肉質地好鞋 而且味道唔新鮮唯有專心食鰻魚算另外我地叫左份炸雞share食張相影唔到不過其實份量都幾多 應該有8件左右但炸雞唔夠脆 少少淋油炸雞個雞肉係新鮮既 不過有進步空間總結餐廳既鰻魚真係非常出色不枉佢打正旗號做招牌其他就可接受但絕對可以更好另外餐廳唔收加一very

出到尖沙咀，又想食下日本野😋諗起有間名古屋過江龍，食鰻魚飯好出名🐟一於同朋友試一試佢，睇吓佢會唔會質素下降先始終喺日本食過，好懷念佢個鰻魚飯呀🏡店舖位置好方便，位於iSquare裏面好容易就搵到，座位都好寬闊🪑🟠鰻魚重 特上 $158價錢來講，一啲都唔平不過質素就唔錯，雖然冇名古屋咁好食但都有中上嘅水準㗎鰻魚好正，肥美有油脂👍🏻醬汁啱啱好，唔多又唔少但就略嫌個飯太黏，如果可以調整返個水份就一流啦🍚 🟡鰻魚肝湯 $15（跟餐價）個湯唔夠熱，但味道幾特別🍵幾清新，如果已跟餐價黎講，都可以一試

依間係日本嘅鰻魚飯店，之前係日本已經食過，身為鰻魚控嘅我見到就緊係即刻試下同日本嘅有冇大分別啦！ 一開個飯盒，就已經比佢個賣相吸引到，啲鰻魚味香噴噴，配埋佢個鰻魚汁調得啱啱好，唔會話好鹹，撈飯都好好味廚師燒得啱啱好，唔會有燶嘅地方同埋唔會話有骨。食落似係鰻魚腩，多小脂肪。食落入口即溶，口感多汁，肉質嫩滑而且都幾厚肉。飯方面佢就係用珍珠米，咬落去好煙膩，好特別。而佢嘅赤味噌湯反而相對地較鹹，同埋裏面就只有海帶。總括而言，鰻魚飯抵讚，但湯就可以有改善嘅空間。同埋雖然價錢有啲貴，但都值得encore

每次去日本都會吃他家的鰻魚飯現在終於在香港開店了吃好吃的鰻魚飯終不用去日本也可以吃到了😌真的好喜歡他家的鰻魚饭鰻魚燒得剛剛好整條的鰻魚好肥美而且那個魚油汁拌著飯吃香到整碗吃完可以再來多一碗而且價錢上也不算太貴值得吃😆

lunch 不用加一，可免費加大飯，我叫了鰻魚雞扒雙拚，熱飯加有炭燒味的鰻魚，好吃，雞扒只有四小片，份量有点不足。同事叫了鰻魚三吃，其實只是一鰻魚碗飯(味道1)，加wasabi(味道2), 加茶漬(味道3), 沒有特別。

若沒有吃過名古屋「蓬萊軒」的鰻魚飯，怎能知道炭燒鰻魚的美味。今日專程過來「名代宇奈」尖沙咀店試下個午餐先，餐廳環境舒適，貴中平價錢也有，兩點鐘後到不需等位。因為此店似大眾化格局，所以先試下最低食的普通鰻魚飯$68加鰻魚肝湯$15，不需5分鐘食物便上枱，厚厚的鰻魚肉，陣陣的炭燒香味， 堅韌的日本珍珠米飯，加上鰻魚燒汁撈飯，非常好味，辛苦了半日，有美食慰勞，夫復何求。以這個價錢及非日本人處理的食物，質素當然難與名古屋相比。

食咗一個鰻魚重$158+鰻魚燒玉子$68，怎知鳗魚汁過鹹，影響鳗魚的味道(越食越苦)。用歺一小時，我已飲1樽半水。同店員講咗个問題，但沒有反應。(客人在歺廳用歺時，侍應員就响客人身边大大聲說話嘈吵。但當客人作出食物投訴時就无反應⋯唉！真的超差服務！！)。第一次在香港食鰻魚飯⋯非常之失望。