18
18
9
電話號碼
35801550
營業時間
今日營業
12:00 - 23:00
星期一至五
12:00 - 23:00
星期六至日
11:30 - 23:00
公眾假期
11:30 - 23:00
付款方式
Visa Master 現金 銀聯 八達通 JCB 微信支付
座位數目
80
其他資料
Wi-Fi
酒精飲品
自帶酒水
切餅費
外賣服務
加一服務費
食評 (59)
等級4 2018-12-18
4599 瀏覽
主張「讓平民也可隨時,以合理價錢,享用美味鰻魚飯為目標」的日本連鎖品牌 –「名代宇奈」登陸香港。恰巧開幕日我是放假,在12:00前到達,長鱔陣迎入眼簾。因有68對食客「買一送一」優惠,招徠人龍。我沒有享用,對此鰻魚丼無興趣,話題亦從這裏開始。封建的「鰻魚丼」此店肆業期間,網上食評偏差,我認為問題主要出自此碗68元的「鰻魚丼」。在門前開放式厨房觀察了一小時,我認為此丼質素偏低,與香港人的高期望,有瀑布般的落差,大大影響了評分。師傅以高級備長炭,在店舖內將鰻魚現火烤煮,將鰻魚原汁原味送上檯。備長炭可提升油香,奈何鰻魚如封建的奈良時代,等級階梯分明,師傅只會把「次選」以下的「落選」貨,擺上此類「鰻魚丼」。因此,香港人會覺得,日本百貨公司的雪櫃貨,都比你肥美 !我的全鰻魚餐設計分享如下文。頭盤先飲鰻魚肝湯($18),以新鮮剔除的鰻魚肝,熬煮魚肝湯,以柚子絲辟去苦澀,非常鮮甜。如全熱便更甘味。伴以鰻魚天富羅。曾嚐谷原秋光先生的「天丼」,是原條鰻魚天富羅,著重粉黃的脆醬外表和淋上的濃郁醬汁。此店的不以形態取寵,平實的4大件,伴上野菜。入口味道偏咸,伴湯同食為佳。58元(不設加一費,茶水費)為全店性價比最高食品。需等15分鐘以上(宜稍後才落單,點鰻魚肝湯),熱騰騰地上檯。供應鰻魚天富羅的食店不多,年餘沒有吃,我略蘸味粉,倍覺滋味。此店傳承關西形式,粉薄色黃。「掛漿」不多,沒有滿口炸粉的流弊,肉彈味香,瀝油程度好,故不覺油膩。小碟小食之中,店方推介鰻魚燒玉子(58元),亦是一般香港人喜愛的。我個人認為,鰻魚與蛋捲,未必是最佳拍檔。鰻魚冷豆腐(38元)以冰涼細嫩冷豆腐,配搭燒烤鰻魚,有真正冰火兩重天口感!對比強烈,給你的味蕾帶來震撼。不怕「熱氣」的,可選「鰻魚串燒盛合」(128元),賣點是嚐稀有的鰻魚肝串。我不需它佐酒,亦嫌肝苦。主食鰻魚丼/飯之中,我傾向推薦「雙層鰻魚丼」。一如在封建階級之中,鰻魚飯共有5級楷梯。除了上述的68元鰻魚丼和鰻魚飯不計算之外,像我這樣的「丼局者迷」,只有選唯一的丼,其餘4款都是日式飯盒。第2級(第5級最高)的「雙層鰻魚丼」,賣108元,十分合理。「蒲燒」源自東京建城,近海低窪地工人燒鰻魚以充飢,因無暇處理鰻魚,以竹串燒,鰻魚形似蒲花。一個丼有兩大件鰻魚,鰻魚、飯及醬汁的黃金比例非常合宜,鰻魚燒好再淋上醬油燒烤,確保鰻魚由內而外皆可沾上。最重要是鰻魚肉厚,酥軟味腴,令我饞涎欲滴。酣暢淋漓,頓感滋味無窮。嚐食鰻魚肉的,可加餸,價格是魚尾88元,腹98元,整條208元。重點是讓鰻魚肉的油脂滲入米飯,令你感覺幸福。日式鰻魚飯盒,稱為「鰻魚重」,那4個等級是「重」,「重上」,「特上」,「特大」,價格分別是98,138,158,258元。對比之下,「雙層鰻魚丼」抵食。建議可加入12元的溫泉蛋,提升飯香和軟糯感,蛋汁,鰻魚,醬汁,米飯十分匹配。米選用日本埼玉縣超過700年歷史嘅稻米供應商。鰻魚來自福建特定養殖場。醬油係自家配方,混合了砂糖和醋製作。我卻覺得特色有限。平價食店,食材,服務,座位,裝修都不宜苛求。餘話玩味,古味多於食味的,是「鰻魚飯三食」,88元的三重奏,當然是相機大哥的恩物而已。不予推薦。三食指原味、調味及茶漬,是文化傳統,亦是小玩意。鰻魚粒小如炒飯版本,我同時扒數粒,才覺馥郁甘甜。第二重奏加少許芥辣,頗為有新意。一試無妨。第三重奏是沖入茶漬。茶漬亦有絲絲柚子,淡淡的,女孩子會較受落。我的三重奏,我的鰻魚飯三吃,共嚐了四種食物,付款222元,兩人共食,分開時間點食,十分便宜,是廉價的鰻魚飯專門店。聽聞銅鑼灣店食品選擇會更少。在名代宇奈とと的首間海外分店,正式營業日午市進食,別具意義! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-01-20
83 瀏覽
週日晚上八點幾先見有d餓,既然有新野開仲要係開宗明義鰻魚專門店就試下啦去到門口有小人龍,但大概等左20分鐘就到。門口有大玻璃見到入面燒鰻魚,老實講,嗰個真係算不上係廚房,得個飯煲湯煲3個爐頭仔。唔太聞到汁/鰻魚香。坐低前店員就講明所有order要等20-30分鐘,當時我冇乜所謂,真建議餐廳可以喺門口貼大字報講定,唔係有客等完一輪先知又要再等,都咪話唔金首先叫左個鰻魚肝湯,望落好清,入面有一小粒鰻魚肝,飲落冇乜味,鰻魚肝食落似善字牌魚肉腸 (笑),唔太值得試之後就到燒鰻魚肝,拿,呢個就唔同勒,有肝既味道,比平時既膶軟滑d甘d,但近尾處理得麻麻,有d平時洗魚洗得唔乾淨既苦味,但前段係正常既最後就係鰻魚重 特大,橫掂都係兩個人share,呢個好似抵d。原條鰻魚上,唔係其他咁切開一件件燒,飯既鰻魚汁唔太平均,要食咁d鰻魚再撈底既飯。鰻魚汁偏淡口,鍾意濃既可以會差d。鰻魚食落骨有d多,而且唔夠油脂香,所謂既炭火燒亦唔夠,可能怕燒燶,令鰻魚少左份焦香整體而言,味道唔差可以一試,但冇野令我會特意再去食 繼續閱讀
(以上食評乃用戶個人意見 , 並不代表OpenRice之觀點。)
等級2 2019-01-15
377 瀏覽
呢間嘢應該淨係得1個碳燒爐,個爐每次整得個幾份飯。於是等位等左45分鐘,等嘢食上又再等多45分鐘有多,仲要莫名其妙地兩個人叫同一個飯兩個隔20分鐘先到。燒咁耐,至少都要熱卦?錯啦,係微暖嘅,味道超級普通,真係唔值呢個價同埋等咁耐。認真認為普通一間居酒屋都食到呢個水準不單止。想食住小食等,不過特別d嘅小食好珍貴架每日限量發售,所以無得叫。原來蛋係咁稀有架!除非你唔係好肚餓,同埋唔介意食凍飯,其實大把其他餐廳可以食。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-01-13
607 瀏覽
星期六放假,知道最近有間日本鰻魚飯專門店起香港開了店,就去試一試。特上鰻魚飯鰻魚肉厚,而且肥美,燒得還算香,放在白飯上,再淋上鰻魚汁,味道不錯,不過不是日本鰻魚飯專門店的水準,以我所見,佢只不過是將一早已加工好既鰻魚再返燒而已。鰻魚飯三食三食是指第一食是食原味,第二食是加入配料,第三食是加入高湯一齊食,是一道料理,可以吃到三種口味。不過呢度一黎已經加了配料,只有wasabi 是分開上,即係少了一食。就咁食同上面的特上鰻魚飯冇咩分別,加入高湯,食起上來有陣陣鮮甜之餘,還有微辣味。鰻魚天婦羅天婦羅炸得乾身冇油淋淋,一口食落去,皮脆肉嫩,非常滋味。總結來說,唔係日本級數既鰻魚飯專門店,只可以講係香港級既水準。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-01-13
527 瀏覽
哩間野難食到一個⚫上網睇fb有介紹哩間鰻魚飯店我們在出面排隊近20分鐘,侍應叫我們入去時,有好多吉檯,可能廚房人手唔夠喇,樓面又唔夠員工,唔敢放人入去一坐低,隻杯已經好污糟,已經換杯,叫左份鰻魚玉子燒,侍應放低隻碟,唔熱亦唔夠味道,鰻魚既份量亦好少,雞蛋出水。而鰻魚三食d飯係爛飯,撈極都撈唔勻,那刻已經覺得有伏味。咬落口鰻魚燒焦,口感係硬的,唉,等30分鐘既野食,黎到係唔熱既,俾d誠意得唔得,老實講Aeon賣50蚊即食鰻魚都好食過哩間野#真心哩間野大家可以唔駛幫襯#伏味爆燈 繼續閱讀
(以上食評乃用戶個人意見 , 並不代表OpenRice之觀點。)