吉壽日本料理 (已結業)

今日放左工好攰好想好好休息下充下電！所以決定去搵間好野食下，於是同朋友一三人係旺角搵食！ 當時8點左右，等左半個小時。當中的火炙壽司非常好吃，左口魚火炙壽司，三文魚火炙壽司，還有鰻魚壽司我非常推介。當中的左口魚火炙壽司，火炙令到左口魚的油脂分布在壽司，入口嘅口感非常豐富。還有就是黑松露海蝦壽司都非常推薦！！這裡的刺身也非常不錯！三文魚的油脂分佈還好，但北寄貝和扇貝不算很新鮮～ 而有些燒物也非常不錯👍🏻 例如牛舌，燒得脆脆的～一口牛也可以一試～ 最後還有encore一輪花之戀～最後要讚既係呢度既服務！出野食出得幾快下，而且無遺漏！ 服務生都好幫得手，主動收碟幫手轉碟，唔洗出聲已經做左！所以整體感覺都很好！！

好想食放題，諗起之前食過嘅呢間，就一早訂定位。去到門口講訂位號碼，職員就即時帶我哋入座。雖然係閒日都差不多滿座，跟以前相比，感覺空間感多了，座位闊落好多，坐得幾舒服。一入門口就有一排雪櫃放滿各式各樣嘅飲品。旁邊係甜品櫃。再多幾步就係雪糕雪條。一坐低見到本字典咁厚嘅點餐紙已經急不及待劃劃劃，每樣都點左少少嚟試。食放題最開心就係想食咩就點咩，份量唔多，樣樣都可以試下。首先當然係必食嘅刺身啦，刺身無雪味，帶子肉厚，蝦亦好爽口！卷物壽司都好有水準，份量細細件又可以試多幾款。食完生蝦再食熟蝦，肉質爽口，無令人失望。芝麻雞翼好有驚喜，外脆內嫩，有肉汁又入味，香口惹味。日式雪花牛肉鍋，牛肉嫩滑唔太肥，豆腐都好滑。清酒煮大蜆，d蜆都幾大粒，味道鮮甜。最後就係甜品，推介紫心香芋圓，外皮香脆，內涵QQ，有紫薯香味。燒有機菠蘿好甜，好多汁，無渣。由於樣樣都食吓，食咗太多嘢，未能盡錄，所以只係寫左幾樣最印象深刻嘅食物推介。二百幾蚊一位放題，性價比高！

諗唔到食咩，又係放題嘅好時刻，揀左係旺角嘅吉壽作為我地今晚嘅着落。店面好大，我地book左6:30食，入座時已經有大概7至8成人入座，非常熱鬧！刺身固然唔錯，但其他熟食都幾值得推介。天婦羅上枱時非常夠熱，食落外層炸漿好脆卜卜！我地試左蟹柳同蝦天婦羅，二款都唔錯，值得encore!平時自己好鍾意飲餐廳d中湯，難得放題自己有得任斟，都飲左3 4碗！今日嘅係杞子圓肉豬骨湯，一樣咁岩，食得凍野多都想飲下熱湯暖胃，湯🥣幾清淡，冇乜味精feel 👌清酒煮蜆夠清淡，蜆幾大隻下，肉質感唔硬，清酒🍶幾入味，nice！亦都叫左一份炒雜菜，人真係好怪，會岀街叫菜食，返到屋企又唔煮，我就係這樣的人👍雜菜都算少油，不過不失👌🎈其實佢既燒物都唔錯，菠蘿好多汁好甜😆仲有羊架都唔會好韌，有水準🤤

朋友生日想無拘束咁不停食，所以我地就揀左食日式放題，貪佢價錢唔貴又多菜式選擇，而今次就試下吉壽日本料理，睇下佢正唔正。首先一入到去已經見到有令人食指大動嘅沙津Bar、一盤盤簡單冷熱小食和飲品櫃整齊排列著，俾曬signal我地要開始任飲任食喇！沙津Bar簡單冷熱小食飲品櫃當晚大家咁開心就梗係想飲翻兩杯，同壽星賀下壽啦，吉壽除左有啤酒、水果罐裝酒，還有日本清酒和梅酒俾大家揀，好正！食日式放題第一時間就梗係叫刺身食，我地分別叫左三文魚、甜蝦、北寄貝、鮑片、帆立貝、呑拿魚等等。其中我好鍾意佢啲三文魚同帆立貝，因為兩款都好鮮甜肥美，而朋友就鐘意鮑片，覺得佢食落唔「鞋」唔韌，亦十分新鮮好味。而熱食和炸物我地都試咗唔少，其中大推：鬆脆炸蝦天婦羅入味唔韌燒牛舌滋味牛油雜菌大隻無沙清酒煮蜆新鮮炸起的芝麻雞翼和蕃薯波波最後當然唔少得甜品啦，除左有Brownies、木糠布甸、豆腐花等細細件嘅蛋糕甜品，仲有成個雪櫃嘅雪糕雪條任君選擇，真係十分滿足！

位置相當方便，旺角地鐵站旁。店舖都算大，星期天晚上好快就滿座了。行開旺角又想食放題，上次吃得挺滿意的，今次決定再encore下。前菜方面，有泡菜、八爪魚、螺肉。還有其他熟食，肚餓的話可以再下單前先吃。不過如果想食多d野，建議小食肉類，因為一食就飽晒。例牌了點一大盤刺身，入面有三文魚、北寄貝、希靈魚、帶子、甜蝦、鮑片等等。飲品都好多，多過其他我試過的放題。還有日本清酒、日本梅酒等等，梅酒味道容易入口，可以一試喔。很貼心的有個熱飲的熱櫃：維他奶、菊花茶、麥精等等。十分喜歡那個蟹粥，蟹挺新鮮的。鯖魚用了蜜糖燒，很香很甜呢。炸雞翅膀和榴槤球炸得香脆入味。甜品的種類很多呢，包括雪糕、雪條、豆腐花、布甸、生果糕點。這間服務的確唔錯，職員非常主動收食物紙，上菜速度都好快，坐位挺大、地方寬敞。全程都沒有漏過單，下次一定會再黎過！

黎到旺角緊係要食下放題，地點方便，有好多間選擇，今次就揀左好耐冇食既「吉壽」。同朋友仔卜左6點鐘，特價時段$228一位，任食2小時。入到去都唔算多人，可能太早吧！環境幾舒服唔算好迫。坐低左就拿拿臨寫野食。首先就緊係食刺身，種類都幾多，有我最喜歡既北海道帶子，大大粒食落好鮮甜唔會有雪味。三文魚好肥美，又係要瘋狂食既！雖然食飯會好快飽，但都想試下呢到啲壽司！款式都幾特別，有火炙壽司，卷物，細細件一口份量，唔會驚食得太飽！炸物有大熱榴槤炸彈，好難得會有芝士年糕，之前去好多間放題都冇得食，炸物新鮮炸起，熱辣辣，芝士年糕入面啲芝士流出黎，係我既最愛，食唔停口😅仲有芝麻雞翼炸蠔同埋紫心香芋丸。芝麻雞翼有少少辣，炸到岩岩好，一咬落去會有肉汁食到飽一飽，好滿足，最後食埋甜品就走了！價錢合理食物質素都幾好，值得再試！

臨時比朋友通知夜晚食飯相聚，原來係book左吉壽放題！吉壽係正旺角地鐵站出口隔離，夠晒方便，入面環境都好大，食得舒舒服服～食放題最緊要就係啲魚生！吉壽既魚生好新鮮，食落完全冇雪味個人大推夠晒肥美既三文魚，大大粒既北海道帶子，同埋甜蝦雖然壽司多舊飯，佔多左個胃既一部份，但有啲特色野都要試下既～蒜蓉牛油大蝦同帆立貝係其他地方食唔到，特別得黎又冇違和感食完生冷野就要食番啲暖野啦～咖哩炒蟹好似係期間限定產唔，睇得出好足料，惹味！日式雪花牛肉鍋，牛肉份量唔少架！入面仲有啲菜食，感覺食完都冇咁重罪惡感haha牛柳粒熱辣辣上枱，唔韌炸物燒物都食左幾款，最中意芝麻雞翼！炸得好香脆，熱氣都encore左幾舊最後梗係要食番啲甜品點綴下，有好多選擇4個人食每人都係＄250，係放題界黎講性價比極高！

平日六點嚟到唔洗等位 即刻入得 店員好有禮招待 經過一大排自助飲品雪櫃同自助小食區就入到我地個位喇燈光充足 位置方便👍🏻👍🏻旁邊盞燈仲係一個小提琴 真係幾有型嗰本落單紙非常厚 內容都好多 壽司 手卷 刺身 熟食 小食 甜品都有 都幾吸引 上菜速度非常之快 話咁快啲嘢就黎曬啦 開頭以為啲嘢會好大件好快就飽 但原來每件都係細細舊的的式式咁就唔怕食多幾款啦刺身都非常新鮮三文魚好有油香 好食！連平時唔係幾食魚生嘅我都食咗好幾舊 呢度其他熟食都好好味 特別係呢個芝麻雞翼好香好脆又多肉仲有其他炸嘢都係新鮮炸起熱辣辣食到差唔多就可以去出邊個自助飲品區到攞嘢飲 有超級多款可以慢慢飲 仲有日本清酒同梅酒揀添當然唔少得甜品啦有好多細細件嘅蛋糕 味道都唔錯 仲有成個雪糕櫃嘅雪糕俾你揀

朋友生日🎂想食放題 特登空左個肚半日 準備食返夠本😆😆😆由刺身開始點 😋A B C D 點單紙咁落我地好似餓鬼咁鬼食 分頭行事出去揀飲品 同 小食 前菜 我揀左桃味酒 同埋清熱酷😍刺身一大盤😋😋出餐都好快 三文魚🍣帶子 同大甜蝦 赤蝦😋好肥美新鮮另外都叫左海膽手卷 飯少膽多 正 當然唔少得最抵食嘅燒羊架😋好有味 啖啖肉😍😋😍仲有好多串串 雞翼串 雞軟骨 同燒大蝦等 熱辣辣 脆卜卜yummy我地仲叫左想食好耐嘅天婦羅🍤蝦 蟹柳 蕃薯🍠 食左兩三round 仲叫多次刺身食🍣😍最後仲叫左啲甜品🍮食 好彩都係細細客 可以樣樣都食啲

如果想食放題，去旺角真係一個唔錯嘅選擇，因為價錢比較平，啱曬鍾意抵食夾大件嘅我今次揀咗旺角呢間吉壽，又近地鐵站，旁邊又有朗豪坊，地點算係幾方便！一入門口就已經見到有熟食可以攞， 例如八爪魚丸、麻辣雞煲等，連湯有得飲。飲品櫃就喺旁邊，種類算好多， 有果汁、茶類，而且有啤酒可以飲。另一邊有擺咗甜品同埋雪糕。一坐低即刻睇下有咩好食， 見佢選擇都幾多，有刺身、壽司、卷物同埋其他熟食等等呢度上菜速度好驚人，叫咗嘢食之後冇耐已經有嘢食喇！刺身嘅牌場有啲嚇親我哋，份量十足，我哋寫幾多就真係畀幾多我哋。味道食落新鮮，而且每一片都切得大大塊，食落有口感。壽司嘅款式好多，我哋每樣叫咗少少試下好鍾意佢嘅size細細件，啲飯唔會塞飽個肚，搞到食唔到其他嘢。炸物同肉類同樣做得好好， 尤其欣賞炸嘅食物全部都炸得好靚，唔會搞到燶曬。最後食埋個甜品，呢餐非常滿足

今日去咗朗豪坊到行街， 行完大約六點左右， 然後睇下附近有咩好食， 經過朗豪坊門口附近， 接咗張日式放題嘅傳單， 價錢唔係好貴， 決定上去試下。 餐廳環境都幾大， 全部枱都係卡位或半卡位， 座位都幾闊落和整潔。餐廳有細部分做咗自助區， 有提供飲品，甜品，沙律， 雪糕和前菜。柯打紙都差唔多有十多張， 刺身，壽司，手捲等， 都幾多選擇。去到食日式放題， 想回本嘅食物當然係刺身， 我哋都點咗5，6款刺身， 師傅都幾有心機砌隻刺身船， 我哋叫咗油甘魚，帶子，甜蝦 ，三文魚等， 質素都唔錯幾新鮮， 解凍嘅溫度都做得幾好。跟住點下啲壽司類， 壽司嘅款式都好多， 同埋有啲都幾有特色和味道都幾好， 壽司飯唔會好大舊， 好處就係唔會好快食飽， 可以試多啲其他款式。然後點咗啲熟食類， 羊架，串燒蝦，串燒牛舌等， 質素都唔錯， 之後叫咗個白酒煮蜆， 啲蜆好大隻夠鮮味。總括嚟講呢間餐廳嘅食物質素都幾好， 性價比都幾高， 上菜和收嘢嘅速度都好快。

嚟到呢度當然食放題啦咁有刺身啦刺身都幾新鮮食放題我好少會食壽司因為覺得唔係好抵我就另外叫咗一啲串燒 有菠蘿我得菠蘿幾甜幾好食另外天婦羅都唔錯炸得熱辣辣唔會凍冰冰感

每隔兩三個月，我都會食放題，今次已經是第二次吃這間。記得上次帶朋友黎食，大家都表示非常滿意。去到熟食都一定食牛舌串燒、牛柳粒同羊架，食落質素比之前好食左！牛柳粒生熟度適中，咬落好軟腍，羊架都好惹味。每次都會例牌點一大盤刺身，入面有三文魚、希靈魚、帶子、甜蝦、鮑片，依然保持到新鮮質素。壽司方面點了三文魚腩、黑松露蝦、赤貝，都非常新鮮呢。 前菜方面，有泡菜、八爪魚、螺肉。之後就點左海膽手卷，佢細細件，但可以試到多點東西，所以都OK。 味道都挺新鮮的。煮蜆，d蜆超級大隻，每隻半隻碗那麼大。蒲燒鰻魚，好香、趁熱很好吃呢。炸雞翅膀好好好好吃！！比出面那些餐廳都炸的香脆。 湯類有豬骨湯跟粟米忌廉湯。甜品的種類很多呢。

同朋友一齊試下呢間放題，夜晚食，因為電話無電，只影咗幾張相，呢度有時限食，所以嚟齊先拎位，開始計時，佢哋都好準時拎張單畀你埋，放題食物種類都好多，刺身熟食飲品好多，仲要有湯飲，炸物真係食少少好啦，好快飽，有我鍾意食嘅海膽手卷，不過甜品就一般，味道麻麻，對我唔太吸引，雪糕都一般 所以我都心無食，但總括嚟講呢個價錢抵食，推薦海膽手卷，咖啡蟹，好正但都好多人，有時想要嘢食飲品都畀人拎晒，服務員好忙，但都唔算差

喺香港食放題來講會回頭嘅來來去去都係得嗰幾間呢間就係其中之一啦細細個到而家基本上間唔中都會去食下一黎覺得佢嘅價錢唔算貴 二來覺得佢嘅刺身同其他熟悉都算唔錯同新鮮首先講下刺身呢度最特別嘅就係有幾多種類嘅刺身連鮑片 螺 個的都幾齊所以都覺得幾滿意另外就係呢度嘅熟食例如係榴槤炸彈芝士年糕 個人覺得做得好食嘅放題唔多 呢度嘅榴槤炸彈同芝士年糕算係唔話得呢度亦都有羊架雞翼 壽司等等嘅經典熟悉總括來講質素都唔錯有時食到好飽一定會叫幾舊燒菠蘿燒下濟！呢度亦都有一個甜品吧可以比大家自己出去拎鍾意食嘅甜品份量亦都可以自己就總括嚟講覺得呢度嘅食物新鮮環境唔錯 上菜速度都幾快幾推薦大家黎試下