吉壽日本料理 (已結業)

每次同朋友聚餐都會諗起旺角放題～不過講起好坐又有旺角街景睇嘅就緊係吉壽啦🥳一黎到落左單但野食未到，就忍唔住手拎左d炸野食🤣又俾朋友仔笑我唔熱氣都唔食～不過薯格炸得甘脆又點忍到口呢🙊登登登登～壽司登場🤤左邊嘅係黑松露壽司，右邊就係我至愛三文魚壽司👍🏻三文魚一如既往甘肥美🤡花之戀壽司一流！迷你size食多兩件都唔怕滯～而火炙壽司就燒得岩岩好，特別係帝王蟹棒壽司，惹味得黎配上少少美乃滋，口感讚👍🏻牛舌一咬落去就成口肉汁～咸味等都恰到好處😍當然唔少得我至愛— 榴連炸彈！咬落去直頭好似有新鮮榴連汁流緊出黎甘～超濃烈嘅榴連味！🤤中意食榴連嘅一定唔可以錯過🥰燒雞軟骨串 - 保持一貫嘅水準，燒得香脆入味，略微少少咸（不過重口味嘅我岩岩好🤣）經典嘅刺身拼盤 - 每次都例牌叫好多三文魚，而每次都冇令我失望👍🏻三文魚肥厚，咬落口都十分鮮味😝臨尾一定要食燒菠蘿結尾～呢間嘅菠蘿比平常嘅厚左兩三倍😆咬落去d汁流到我下巴都係，而且十分甜！一d都唔酸👍🏻👍🏻值得encore 嘻嘻臨走都要飲番碗中式老火湯先～出乎意料，d湯真係有媽媽嘅味道🤣飲落竟然冇味精，控讚～總括黎講，吉壽應該會係我一試再試嘅放題餐廳🥳👍🏻

大時大節同一大班朋友去食放題，今次選擇近地鐵站出口的吉壽，一出站口就到，地點方便。只係7點多餐廳已經坐無虛席，店員上菜快又禮貌好，印象分已經大大加分。首先例牌刺身擺碟放得好靚，份量十足，亦都好新鮮，特別推薦帶子，又大隻又厚肉。出面有好大嘅自助區，由一排排的飲品櫃到不同嘅甜品，仲有中湯、薯格、枝豆，真係包羅萬有。而且走廊夠闊落，出出入入拎野食都方便。熱食都有不同選擇，上菜時食物仲係熱辣辣，特別推薦羊架，舊舊大大隻，肉汁多而且肉身唔靭，叫了一大盤之後仲要encore。炸物又係另一亮點，有炸蠔炸雞翼等等，最特別的竟然有炸榴槤波波，一咬開，熱辣辣榴槤蓉就湧出嚟，平時出面食榴槤甜品咁貴，係呢度當然要多啲!總括來說，以呢度嘅價錢嚟講，真係物超所值，係一大班人聚首嘅好地方。

早2日同朋友去開旺角唔知食乜 最好就係食放題了我地揀左吉壽 呢間可以講得上係放題始祖好多年前已經開始食了價錢仲係咁實惠！250蚊唔洗一個多嘢食又多種類 食到飽一飽！我最愛係芝士年糕同燒牛舌燒牛舌真係好有驚喜 本身怕會韌都唔敢叫得多點知到左 即食係爽脆 同好香呢款唔係厚同軟果款牛舌 好食好多啊！芝士年糕同係街食果啲應該係同一種貨都係到左就快啲食 凍左會唔好食另外黃金焗帶子都好正加左龍蝦沙律醬一齊焗好香呢3樣都不停encore 可以話係必食😍.羊架會騷少少 睇下個人接唔接受到份量都幾大件 燒蝦係鹽燒 好香 配埋蛤仔一齊食唔錯 別有一番風味。.初嚐日本料理放題既不妨試下呢間！

又黎食放題啦！因為今個星期既母親節不在港 所以同屋企人預早慶祝最好就緊係食任食既放題啦可以有多嘢食選擇今次黎食放題始祖 吉壽想當年人生第一次食放題 中學時代都係食呢間.唔同既係嘢食種類多左好多竟然有自助凍盤 熱飲 乳酪都有了～最愛呢度有小小既海膽同辣味三文魚手卷佢好就好在手卷既飯係少架唔會質飽人 海膽就中間質素 不過不失呢個價錢 200多 任食海膽手卷真係好開心當然唔少得必食既壽喜燒份量都係正常 娃娃菜浸左甜豉油就最好食牛肉質素都好ok.媽媽最愛呢度既天婦羅🍤 唔厚粉仲食到蔬果既juicy感 .嘢飲方面 唔止有凍櫃 暖櫃都有有熱維他奶 竹庶茅根等等我最後食左士多啤梨乳酪 健康👍🏻.呢度仲有個好大既優點 就係地鐵站出口1分鐘唔洗就到了 就算落大雨都唔怕

約好同朋友一齊食生日飯，因為落雨不想去太遠便來到這間吉壽吃。裝潢不錯，價錢又實惠我們book左6點半，人流還未開始多，坐位很寬闊，不會覺得迫。來到一定要叫魚生先！另外大廳亦有小丸子/葡撻/薯格/沙律等前菜自己拿。另外很貼心，有個暖櫃可以飲暖的紙包飲品，岩哂我啊！來到一定要食魚生喇！先叫每款一d先，來到嚇一跳，魚生都超級肥美啊！！量也很足！！再來各款美味小吃！還有天婦羅忘記影相！！炸蝦，炸蟹柳，炸鮮奶⋯都很好吃，各位來到一定要試試！食物款式雖然不多，但質素不錯，與價錢成正價比，值得到此放肆大吃一頓。最後吃了甜品都吃不下雪糕雪條了

好耐冇食放題啦。適逢有朋友生日又想食魚生，於是就黎咗地方就腳既吉壽食個生日晚餐。其實放題都不外乎嗰啲菜式，而呢道都算做得好出色！生食熟食各有千秋。魚生都尚算新鮮，上碟快。熟食方面，炸物好似天婦羅同都幾香脆，唔會淋晒似擺咗好耐咁。肉食香口醬汁濃郁。我地仲點左牛肉鍋同蒜蓉菇，兩樣都唔錯。至於甜品種類都幾多，有我鍾意食嘅cheese cake。飲品種類繁多，好似我黎食放題為咗回本，都不太傾向飲有氣嘅嘢。而呢度就有道地茶，食到咁上下可以抖抖可以消吓滯再繼續作戰。另外環境衞生，冷氣充足，整體黎講都幾滿意。

又是下雨嘅星期天，整日都係同 friend行商場，臨近晚飯時間，我哋啱啱行完雅蘭中心，個 friend心血來潮，話附近有佢讀書時候經常去嘅一間放題餐廳，呢間餐廳可以說得上係香港放題餐廳嘅鼻祖喎，咁我就一定要去試下。呢度位置超方便，非常近旺角站出口；入到餐廳，裝修都幾靚，地方好大，有好多座位，服務員好有禮貌，未食已經俾了幾粒星。翻開落單紙，食物款式都算多：壽司，刺身，炸物，手卷，海鮮，熟食 ..... 應有盡有。我哋總共落過3次單，上菜速度超快，侍應好有禮貌，好有效率；除了刺身魚生外，熟食都烹調得好美味，我最鍾意食係黃金焗帶子同芝士年糕，encore咗兩次。自助甜品區和自助沙律區嘅食物擺放整齊，用具清潔，食得放心。

前排又再黎呢旺角既吉壽食放題，貪佢地點好方便，係旺角之餘地鐵站一行上去就係。飲品都幾多野可以揀，連熱飲都有唔少選擇。員工服務都唔錯同幾主動，叫過既野都無漏單👍🏻佢地有沙侓bar同埋部分小食可以自己拎，葡撻味道都唔錯而且幾新鮮同熱，可以一試🤩熱飲有栗米湯都幾好味，好濃同埋好香，另外都有其他湯可以試下。食放題當然要試下天婦羅🍤啦，出面放題會有既呢度都有例如蝦蕃薯南瓜蟹柳之類，上菜既時候又熱又脆，連蝦都好彈牙。吉列炸蠔，一開始正係叫左一隻試下先，結果好好食又叫左幾次，今次食左既海鮮大部分都幾新鮮。中間叫左一個烏冬，份量都唔少，海帶同烏冬好夾，食落唔酸好煙韌。甜品除左蛋糕🍰、雪糕🍦、雪條仲仲有啫喱、豆腐花、泡芙等等，多到唔知食邊樣好，我比較鍾意食木糠布丁同甜筒總結來講，服務食物環境位置平均都唔錯，值得再來食。

最近因為有朋友生日想慶祝，但又食滯左西餐中餐，一於就同佢食餐日本野賀一賀佢！咁由於放題依加市面實在有太多選擇，我地就揀左吉壽呢間相對具知名度ge餐廳，咁起碼有知名度嘛！😝我地就book左7:30,由於係閒日的關係唔洗再等好耐就可以入去。而我覺得吉壽第一個好處就係地方相對寬敞，我地三個人都俾到一個好闊落ge些卡位我地，心情大好！😌咁一坐低我地實左太肚餓la，所以我地就分頭行事-我首先去攞前菜熱食，另外兩個friend就分別負責攞野飲同埋點住菜先。因為我地因間就食刺身，所以我就諗住攞d熱食暖下胃，就攞左葡撻同墨魚丸子，不過又忍唔到手攞左幾件加洲卷xd食落d小食都算唔錯，大家肚餓又未有野食黎時不妨試下😝到戲玉-當然就係刺身la!朋友分別叫左三文魚，甜蝦，北寄貝，玉子，鮑片，帆立貝，呑拿魚，劍魚同榮螺等等。其中本人就大推三文魚同呑拿魚，因為都比想像中肥美，而朋友就鐘意食甜蝦，貪佢夠鮮甜😋壽司呢我地都按份量嗌左每款一d，而最得我歡心的就莫過於火炙三文魚腩同埋帆立貝，前者充滿三文魚香氣油脂四溢，後者配上蒜蓉十分香口，令人吃過番尋味😋而燒物同炸物方面，我就大推燒牛舌同埋炸芝麻雞翼，十分香口而且惹味，

記得以前成日食放題大個咗都好少食 細個食過唔少嘅放題都伏伏地 價錢平就食物麻麻 中學時期食過呢間之後基本上所有同學聚會都會去呢度食個人覺得放題來講呢間嘅刺身算幾鮮同種類都算多 呢度大概幾年前好似翻新過 變咗有得自己出去拎嘢食同埋價錢來講佢比其他高價放題平得多 性價比算唔錯！刺身來講一路都幾鍾意呢間因為好少放題鋪頭有蠑螺同鮑片 呢度嘅甜蝦種類亦都有幾款三文魚亦都大大嚿脂肪唔算多 岩晒我呢啲又鍾意食又怕肥嘅人！ 其他嘅熟食有鯖魚鰻魚壽司最特別嘅係呢到而家仲有海膽手卷同埋咖喱蟹咖喱蟹咖喱蟹！ 講到呢個真係不得了 喺出邊食閑閑哋一都兩三百 呢度嘅咖喱蟹大大嚿要返兩三碟都抵！ 仲要勁多肉！ 嗰日係咁食返到去飛滋都生幾粒☺️☺️ 強烈推薦大家一定要試吓其他嘅熟食就有大蝦 炸物個人最推薦嘅就係呢一度嘅芝士年糕同埋榴槤炸彈 ！ 我諗黎過嘅大家都知 呢度嘅芝士年糕唔算太膩岩岩好 榴槤炸彈就係咬落去脆入邊榴槤味出晒嚟 可以話係呢一度嘅特色出邊亦都有唔同種類嘅甜品可以用自助形式出去拎 唔駛等幾好！總括嚟講呢間鋪頭都開咗好多年可以堅持咁耐一定有佢嘅原因 所以我對呢間鋪頭嘅回頭率都幾高💪🏻

雖然食放題瘋狂食壽司會有啲唔抵嘅感覺，因為食太多飯，好快會見飽，但係！尼到吉壽真係會忍唔住，佢啲壽司超級好味！首先要讚佢嘅壽司飯，一尼壽司飯痴得夠實，飯粒唔會一夾就散開哂，或者係咁跌咁，同埋佢飯口感都好好同埋飯同餸嘅比例都好好，唔會大大舊飯咁樣食飽你，所以好滿意呀！另外，有幾款真係要特別推介嘅首先講左卷物先：吉列黃金帶子，上面有啲三文魚沙津，balance返就唔會覺得炸帶子係好熱氣，一啖食哂，個感覺就剛剛好！花之戀都係好好，個三文魚痴得好好，同埋唔會散開哂咁樣！好滿意呀至於壽司🍣左口魚真係燒得好香！白松露油甘魚絕對係今餐嘅亮點！！！個白松露好香，再加魚香味，好match!尼啲都係推介！！同埋真係坐得好舒服，多野食嘅放題有好多，但係坐得舒服真係唔多！吉壽is my choice!

天氣突然間咁熱，真係想食下啲涼野，最岩梗係食放題，食下刺身歎下😂😂今日尼到吉壽，可能因為我地8:30 先去到，又係閒日，就唔算好多人，同埋佢本身個設計都係好闊落，枱又夠闊，唔會食兩三樣野，張枱就full哂，郁都無位呀。佢亦都有自助嘅沙津吧同埋甜品，沙津都幾多選擇，有啲泰式個啲，同埋有龍眼食呀一尼就梗係要食刺身喇！特別推介係個帶子呀！大大粒又有鮮味！個鮑片都係幾好，口感好！炭燒雞肉串都係有驚喜架！燒到超級香，個汁唔會太多over左，我地點多左好多次😂😂😂最愛嘅鰻魚！無骨汁香好味！估唔到尼個黃金焗帶子都咁好味呀，好有食pizza個種香味，個汁好濃，正！又有我最愛嘅炸榴連呀！一口牛都係好香，好鍾意尼間所有嘅燒物呀！

泰式生蝦刺身有蟑螂屍體, 真係估唔到, 唔會再黎食, 環境都唔係好乾淨, 之後都無哂心情食, 淨係叫d熱食就算。周圍地下都見到有昆蟲屍體既出現, 係鰻魚同粟米最好食, 呢間野可以blacklist, 仲影响到我開始唔想再食放題。

這間放題的食物好味，屬於高質食物，而且價錢合理，在旺角應該是最便宜之一，有些食物其他放題是沒有的，例如：炭燒雞肉串、燒丸子、肥牛鍋等，而且食物種類繁多，上菜速度快，沒有任何漏單情況，服務態度良好，在昨天訂座然後在食飯當天有專人whatapp題示。如果有機會的話，會去多幾次！

今晚同家人黎呢度食飯，係旺角E1出口行幾步路就到,十分方便。我地一行3人，佢俾左張大枱我地，擺完手袋🎈坐低都好鬆動。😎食刺身絕對係當務之急🤘！我叫左帶子同甜蝦🦐，帶子竟然好厚肉，咬落去好正！啖啖肉！同平時食開個d唔同，甜蝦都幾鮮甜，唔錯。仲叫左份牛油粟米🌽，呢樣嘢亦係我每次必食嘅item之一，粟米好金黃色，一睇就好有食慾，食落亦都冇失望，粟米甘甜有濃郁牛油香味！呢份咖哩蟹🦀媽咪好鐘意食，咖哩🥘味夠哂濃郁，蟹雖然唔係好大隻但都叫有d肉食，每樣試少少就岩哂！臨走時仲見到雪櫃個度原來有好多雪糕🍦！可惜食到好飽好飽，真係再也食唔落喇，惟有下次再試啦。🥰咁樣埋單都只係二百幾蚊，真係好扺！！