吉壽日本料理 (已結業)

講起吉壽，數下手指，我諗中間已隔左有差唔多十年既時間，再黎食。一別十年，由舊時同成班中學同學嘻嘻哈哈，慳慳埋埋同朋友慶祝生日，呢家既同桌已變成未婚妻。吉壽，亦由寫紙落單，變左做掃barcode用app落單。不得不讚，相當方便，同相當準同有效率既改動。佢地提供比你出去拎既野食，仍然係相當吸睛同多花款呀今日有蘿蔔牛腩，炸雞，章魚燒，小籠包等等。話說太吸引，我好快已經比呢啲質飽我半個胃，但真係忍唔到都係個句，食放題當然係瘋狂叫刺身，佢地黎既速度同數量都相當準繩。三文魚，鰻魚，同帶子呀，都大大粒，食落好有口感，勁有滿足感。如果唔係好食生野，其他小食都好正同新鮮，比如係咖喱炒蟹，蟹粥。都好入味。最推薦都係黃金蝦，個皮一級棒。野飲方面，超級多選擇，你見幾多凍櫃就知，仲有幾隻sake飲。最意外係有熱野紙包野飲。係咁食刺身，可能會食到個人凍凍地，有暖野飲算係細心之舉

最近心情都好差，所以想食返多D美食中和下，一於搵間任食放題放蹤一下自己先，旺角最多選擇，地鐵站一出就收到傳單，上到去地方寛大，店員帶我左穿右轉下便坐低了，環境佈置都幾Grand,睇下有咩食先，店員同我講如果想落單快D，可以掃個二維碼，自己係當中選擇跟住落單，D野食一陣間就會到，店內仲有埋WIFI提供。第一Round我點左些北寄貝、海螺片、鮑魚片刺身、赤貝壽司、加州卷、燒羊鞍、焗帶子、紅油抄手等食物，落完單，我出反去近門口位置想拎飲品，嘩，估唔到哩度仲有好多自助食品任夾，章魚小丸子、葡撻、炸饅頭、老火湯、酸辣鳳爪、小龍包嘜都有，飲品櫃仲厲害，四個大雪櫃，30幾款飲品任揀任拎，我為左想放鬆心情，於是拎左罐有點酒精成份的蜜桃飲品，返到埋位，剛剛點既食物都巳經放左係檯面上，刺身新鮮、彈牙，而海螺片刺身比較少見，哩度既壽司食落去仲係暖暖地，証明係即時新鮮製作，我鐘意D飯仲軟身既感覺，章魚小丸子咬落唔會淋啤啤，用料好足，而燒羊鞍，肉質好淋好嫩滑，食完兩件都想再食，但要留肚食其它美食，清完檯面上既食物，我再落單，今次叫左個海鮮鍋、刺身、雞串同日式小蕃薯，我再次出去拎飲品同食品，見到甜品櫃有好多迷你甜

因為我同男朋友都比較鍾意食嘢，所以我哋成日都會搵放題食。男朋友早幾日了我食吉壽，咁我就即刻OpenRice睇下有啲咩好食😋望啲相都覺得幾吸引，咁就應承佢book枱啦。呢間放題都比較易搵👉🏻地鐵站一出就係啦。搭lift上到去之後見到成個門口都企滿左人🧐我同男朋友都嚇親。然後入去講Booking Number，等咗大概10分鐘左右就入得去啦！所以大家記得一定要book 位啊😆如果唔係唔知你哋要等幾耐啊❤️入到去先發現自己好似大鄉里，原來佢哋係用barcode落單，然後就可以喺電話度揀嘢食，好先進啊真係😊等位既時候入面已經好多人🤡🤡沿途行去自己個位度就見到呢啲各式各樣嘅食物吸引着我😆太多選擇啦哩到有一樣野好好，就係佢出邊有好多嘢食，如果你一入到黎好肚餓，可以食住出邊啲小食先，再等你叫嗰啲嘢食🙆🏻‍♀️佢前菜有蘿蔔牛腩😍真係好吸引，蘿蔔好入味，牛腩都好林我每次食親放題都一定要食甜蝦同鰻魚，呢兩樣野係我必食嘅🙆🏻‍♀️🙆🏻‍♀️因為佢用電話落單，所以我就cap左少少圖俾大家，大家最鍾意嘅刺身有呢幾款😊

好耐都冇食過放題，撞正朋友生日就去食返餐好嘅賀一賀佢，估唔到又食到一間水準幾高嘅放題。原來依家放題都高科技都可以用電話落單，超級方便！入到去坐低scan一scan個barcode就可以即刻食嘢，嘢食都黎得非常之快，見到侍應都係跑住咁送嘢食，接近即叫即到！呢度就設有自助區，我就揀咗放題比較少見嘅章魚燒試一試， 每一粒章魚燒不論係佢嘅大細定係水準都同出面小食店不相伯仲，咬落仲有唔少嘅章魚肉。芝麻雞翼外脆內軟就係形容緊呢隻雞翼，上碟仲要熱辣辣，正！鹽燒左口魚邊，鹽燒三文魚腩兩款食落都好有火炙嘅味道，都係入口即溶。值得一提嘅係呢間餐廳嘅壽司大細比出面細少少，但正因為咁，可以試多啲款式，唔會食少少就飽晒。三文魚腩大大塊，講多無謂，試過就知咁大條刺身放落口係幾咁滿足。黑松露赤蝦好多好香既黑松露，同蝦嘅配搭好夾北海道帶子有圖有真相，粒粒帶子都咁大，絕對冇偷工減料㗎榴槤炸彈相信呢個係榴槤控嘅賣飛佛，入面既榴槤多到滿瀉！鐵板香蒜炒牛柳粒好難得係放題餐廳見到咁大粒嘅牛柳粒，仲要用蒜炒得好香，諗起都令人垂涎三尺！黃金焗帶子帶子嘅size佔咗個兜嘅七成都有，加埋醬汁真係回味無窮啊3.6牛乳炸鮮奶天婦羅一開頭以

放工約朋友食飯，最好就係一齊去食放題啦！好彩我哋有預早book位，一去到就有得食！行入去就見到有好大個飲品櫃，又有啲沙律吧同熟食可以任拎，正啊！試左個熱辣辣嘅章魚燒，咬入去外脆內軟，啲餡仲好豐富，唔錯！ 開始落單先發現呢度係要嘟QR Code用手機落單，可以一眼睇晒有咩食，落單又方便，而且唔使每次落單都寫紙咁唔環保添啊！放題最緊要就係食刺身，呢度都好多款揀，我哋嗌咗三文魚、油甘魚、八爪魚、北寄貝、海蝦同帶子刺身。款款都非常鮮甜，特別係三文魚同帶子刺身，食得出好肥美又新鮮，值得一試！呢度啲壽司細細件，食多幾款都唔怕濟! 我哋嗌咗三文魚腩壽司同黑松露赤蝦壽司，仲嗌咗鹽燒三文魚腩壽司同埋鹽燒左口魚邊壽司。我就覺得左口魚變壽司好最好食，入口即溶有大少少鹹香，真係令人難忘。燒物來講，我就最鍾意牛舌、雞軟骨同埋番薯仔，呢度嘅鹽燒牛舌燒得非常入味，咬落亦都油香十足，加埋檸檬汁就更加好食！雞軟骨粒粒都爽口好食，番薯仔亦都燒得甜中帶甘，簡直回味無窮！仲有唔同嘅炸物，都一樣好食！最後就係甜品啦！我就試咗雪米糍，有朱古力、雲呢拿同埋綠茶紅豆味。雪米糍細細粒又好味，就算食飽都會食得落！真係非常滿足嘅一次放題晚

同屋企親朋聚餐，親戚訂咗呢間放題，唔貴係原因，重有係有好多嘢啱食，因為我同細佬都唔食刺身架!有自助區的，可以夾下D沙律食下，先清凊腸胃，原求重有炸雞同日式小丸子同味附螺肉食下，睇下個飲品櫃，好大好多野飲，唔係大陸野，有陽光，維他，玉泉同道地，起碼好多都啱飲。其實小弟同細佬唔like刺身，所以專攻係D熟食野，一開始就先叫D串燒，燒牛舌，牛軟骨，海蝦，翠肉瓜，蕃薯仔，蒲燒鰻魚，統統好食，小弟刷得，勁叫，一路食一路飲咗唔同飲品，好鬼正。另一狂食係天婦羅，虎蝦天婦羅超好味，D蝦蝦炸完好爽，食落鮮美，又夠脆身，蟹棒，南瓜，番薯，炸鮮奶天婦羅也好吃，又係狂叫，D親戚都係天婦羅fans。但我唔食刺身，但親戚話貴嘢嚟，唔食係白痴，而且超鐘意食，結果嚇到我同細佬O嘴，係咁叫剌身，完全用驚嚇嚟形容! 總之係咁話正! 另外有D炸點，係我地共同目標，炸點有芝麻雞翼，一口芝士，榴槤炸蛋，紫心香竽丸，炸蠔，好食呀，我最覺得最好味係炸蠔，蠔味濃。因壽司係班親友至愛，我反而麻麻，但係佢地勁叫，話OK食得過，另外D蒜片牛柳粒，XO醬魷魚，黃金焗帶子，蟹粥…有D嘢食都唔鬼記得啦，臨尾留肚食甜點，有個藍梅奶凍同D酥皮Tat

I had a few English friends with me to try out this Japanese buffet restaurant. Not only were my friends impressed we are too.I would highly recommend it to anyone who wants Japanese food and beverages If you are in Mong Kok do check out this place, easy to find and very friendly staff

平日九點後旺角有咩平價好西食呢？今日上完堂九點，同朋友慶生，見到近地鐵站既胡社生行有間放題做緊九點三後入座$178😈😈😈加一後二百蚊有找，上網睇都好似幾正🤭就試下啦！九點三入座唔算多人，見到飲品櫃都幾大，又有熱湯區，沙律區，甜品區👍🏼👍🏼👍🏼到真。放題部分，當然要食刺身，全部都好新鮮，特別推介帶子，夠鮮味👍🏼👍🏼👍🏼另外甜蝦都幾好味。手卷都唔差，細細個唔會一食就飽曬，海膽就都ok，唔好期望太高，另外有墨魚手卷再黎串燒烤肉類，呢個手羽鮮值得一提，皮脆肉嫩🤩食左四隻再加單！另外雞軟骨同羊架都唔錯😬飲品有啤酒，汽水，烏龍茶，乳酸飲品，不同紙包飲品，算係幾齊👍🏼👍🏼👍🏼呢個價，都真係幾抵，可以食到十一點半🥳🥳🥳

昨晚小妹經過旺角，想食日式放題，因為收工夜嘅關係冇乜選擇，第一時間想起吉壽，食過幾次水準都保持唔錯，一行三人10:00入塲食左$587，食到11:30已經飽曬離塲。一坐底發現換左食物款式，有些少新鮮感😊其中羊架依然是好味，刺身都新鮮，出邊仲有冷盤可以自己攞，我選左泰式鳯爪同中華沙律，雪糕換了新款式，其中冲繩海鹽雪糕味道特別，可以一試，食物都黎得快，食物總類都多.不過有少少漏單，職員好快同我地處理跟進👍🏻最後飽到試唔曬😆留番下次再指教先😊

香港地物價騰貴，食酒店自助餐四五百蚊位，對於我地D打工仔嚟講真係太高消費，但又想平平地食番餐近似酒店自助餐，我揀呢間勝價比高，多嘢食樣樣有D，有自助區，任飲區，似精華版自助餐咁啦，而D嘢食質素都唔差。當晚D刺身全是厚切，我覺得厚切刺身口感最正，當晚三文魚幾新鮮，另外希靈，劍魚吞拿，帶子都唔錯，又是厚切的。而當日的壽司水平，我反而有D驚奇，水準拍得住中價壽司，主要係壽司食材新鮮，好似當晚牛油大蝦，三文魚腩和鰻魚就真係好正。而串燒D質素，我覺得呢間非常好，通常串燒多數係雪藏貨，我之前食過有間X放題，食落成陣雪藏味，醃料唔惦，可以話好難食! 但呢間無呢個問題，好似燒雞軟骨，牛舌，雞皮等都好好食，又唔會醃到勁多味，D雞皮超正，好香口有油份! 其實串燒唔係好多揀，但幾款都好好食，貴精不貴多也。海鮮宴也很推介，單單數款都是用心製作，咖喱炒蟹，D咖喱夠香辣，而隻蟹D肉多，個蟹蚶夠多肉，好正好鮮，汁醬好惹味。黃金焗帶子又係正嘢，焗到勁香，瑤柱蟹粥，鐵板蝦通通都好味! 天婦羅呢間要讚D油係好油，我之前食過一間中伏係好大陣過期油味，而呢度D油OK，出來D天婦羅夠爽身，漿又唔係甘厚，蝦，番暑，炸鮮奶，蟹棒都

辛苦左成個月，終於等到今日好好獎勵自己喇!減肥?留返俾聽日嘅自己啦XD吉壽除左款式多之外，最吸引我當然係價錢啦!以今時今日嘅物價，一至三黃金時段+黃金地段，任飲任食兩個鐘，加埋一，埋單竟然都唔駛250蚊一個。簡直係抗通脹嘅震撼價!同朋友一早bk好檯，準時入席。雖然平日但入座率都有8成，唔想等位，記得bk檯喇!係頭暈眼花嘅情況下，我地急忙落單。好彩啲嘢食好快就到~頭盤當然係香港人嘅最愛-刺身。吉壽嘅刺身款式真係好多，我朋友太餓，幾乎全部都劃晒XDD又估唔到真係一件不漏咁到齊刺身原薄啱啱好，食落去都覺得幾新鮮，特別鐘意油甘魚食到如火如荼嘅時候，迷你海膽手卷上場，份量啱啱好1啖1件，一口海膽手卷，食多幾件都唔怕飽仲有放題必食嘅天婦羅，我嘅最愛炸蝦天婦羅，即叫即炸，正!最驚喜係平時好少見到嘅炸鮮奶，居然係吉壽到見到，外脆內軟，我同朋友食完都忍唔住再叫多份，安哥XD串燒方面，有我最愛嘅燒鰻魚同牛舌，另一個邪惡之選~芝士焗帶子，一人食至少食幾件。除左點餐紙上面嘅嘢食，仲有好多頭盤，小菜可以即時拎埋位食，啱晒我依啲餓左成日嘅人，特別推介:白雲鳳爪值得一提，甜品選擇都好多，如果好甜嘅朋友，真係要留定肚

幾個月冇見班懶人，費事諗食乜緊係要bk食放題，大家識做餓足大半日黎拆番餐勁。冇諗過咁多人唔諗住減肥，平日都坐滿人，好彩bk左位有卡位坐，我地幾個肥婆坐得好鬆動椅都未坐暖，又餓又渴既我，就趕住去飲品櫃拎野飲，雖然好多飲品花多眼亂，但首選始終係我情有獨種既解茶，至少飲番兩樽，真係唔係到到都咁多選擇，淨係飲解茶都抵番晒。拎完野飲轉個背就有大個自助沙律櫃任拎開胃前菜(元X要20幾蚊既螺、八爪魚，酒樓4,50蚊既冇骨白雲鳳爪，泡菜，車厘茄果d) 唔執輸夾左d開一開胃。拿拿臨點左放題主菜刺身，咩都食既我習慣第一輪刺身全部都點番10片以上，驚黎唔足(點佢又真係黎足，搞到我唔知點唔點第二輪好) 好彩每片都好精緻下，一啖可以兩片希靈魚，唔會太漏，可以放心安歌既！特別點名讚下帆立貝好大粒又鮮甜，甜蝦咁大條都食得好爽，最怕有d地文俾甜蝦壽司果種甜蝦，咁剝蝦殼都浪費時間。所以安歌都再點過帆立貝希靈魚仲有虎蝦，正！本身真係好鐘意食黑松露油甘魚壽司，所以全肚刺身下點都忍唔到口要食番兩件，食完再食我最愛既海膽手卷，細細舊好Q，唔算太撐肚！食完一輪生冷野，食番d熱野暖下胃，每次都要食既蟹粥，幾個人share一鍋，小食

正所謂有競爭有進步，呢間平版放題係我個friend話要嚟，佢話平，我話平嘢無好嘢(我認為三百以上先好)，點知呢鋪我跌眼鏡，都忍唔住上食評讚下。地點喺旺角，幾方便，位多有D迫，但都坐得舒服，一嚟我一定食刺身先，頭三轉都叫刺身，坦白講唔係高級貨，但溶雪夠，至少食唔到霉貨! 整體新鮮，叫三轉有嚟齊。我本身鐘意食海膽手卷，所以食放題一定食，估唔到呢間D海膽手卷勝價比高，D海膽新鮮夠甜夠鮮，好好食。呢度啲海鮮料理也好吃，我覺得咖喱蟹勁好味道，D咖喱好濃又夠晒辣! 而蟹都大隻又新鮮。燒鰻魚就普通啦，但係焗帶子，蟹皇粥，燒大蝦都好好食。至於D壽司卷物軍艦，以二佰頭放題來說，水準好好，D食材新鮮，飯扎實，上壽司好快，我好讚。卷物我最愛係千島大蝦卷，好好食，好有層次。而D炸物類好吃，有索下油，唔會係成件油淋咁比你，炸蠔，一口芝士，芝麻雞翼都好食，係咁encore。自助區唔算好大，但勝在有得玩下自助咁，雪糕雪條唔係明牌，但有得食下OK，D甜品仔幾好食架，尤其草莓芝士餅同朱古力芝士餅，有埋生果食西瓜，蜜瓜，火龍果…飲品又多揀，呢間放題真正勝價比高。

之前有同事介紹旺角這間吉壽放題質素不錯，所以今日專程來試試！先在自助區除了咖喱牛腩，味道不俗，咖喱味濃，肉質夠腍。前菜點了牛油粟米，味道還好，吃得出很重牛油及蜜糖的味道。老干媽魷魚酥非常惹味，辣辣的很開胃！壽司值得堆介的有鹽燒左口魚邊，和鰻魚壽司，2個都很出色，左口魚邊很有油香，鰻魚亦很新鮮！串燒方面，點了燒蝦同雞肉，海蝦肉質彈牙，雞肉醬汁好味。刺身當然是不能不點的，總體所有都很新鮮！吃飽飽竟然有解茶消消滯，今晚的食物都令我們很滿意！

回味無窮的一晚😋😋😋今日早早就黎到旺角呢頭食放題好在6點前已經黎到 6點過啲開始就好多人高朋滿座了呢間放題鋪位置好寬敞 坐得一啲都唔逼枱又係大大張上菜都上得爽過人睇睇個menu先界面十分清楚貨亦都對辦本身以為放題啲海膽會比啲冇咁靚嘅貨點知一咬落口 好鮮甜 一試就知係新鮮入貨雖然size有啲細但唔細 之後個幾round點食喎芝士焗帶子唔算膩帶子好滑必叫嘅菠蘿 解油膩一流羊架估唔到咁大隻超滿足!清酒煮蜆鮮甜 易入口黎到重頭戲 刺身!見到啲煙飄緊出黎都覺得好grand好開胃蝦好甜 連甜蝦都大隻過人本身以為係細細隻個種甜蝦 所以叫左10隻最後係食唔曬的😭帶子超鮮甜 滑口三文魚同池魚都好厚實 口感好好埋單每人都係200蚊唔使!