吉壽日本料理 (已結業)

一家人好耐無吃放題，父親節期間一行八人吃，價格合理，$175加一。最好吃是刺身，夠新鮮，另外，燒物如比目魚也好吃。一家人吃得滿意。入座率好高，相信同價格合理有關。

好耐冇試過甘放肆甘食，D間放題我真係好放心加放膽去食，因為我自己本身腸胃比較敏感，但我食咗甘多次都冇事、好安全，所以真心推介。海膽手卷一定要試，因為紫菜冇淋一定係即叫即做👍刺身甜蝦同帶子一定要點，因為真係好鮮甜。至於三文魚腩同吞拿魚我覺得就一般，同埋太厚切，食多一兩片已feel到飽😂燒海蝦真係有D失望，因為嚟到已經係凍嘅😔其他都不過不失，可以少少哋試吓，抵食👍7:00前埋單仲平D，所以我哋一輪極速地橫掃，已經捧住個肚走，如果對野食冇麥要求，任飲飲食、朋友仔又係大食皇，二百蚊有找就係抵

疫情下，我去過甘多間餐廳，呢間係最好！每位客人都派一個膠袋裝口罩！場內每張檯都設有一塊板，阻隔飛沫傳染！防疫意識做得好足！下午去真係好抵食！一個餐40幾-50幾不等，已經有齊甜品，飲品，前菜，湯，小食！食晏已經好飽！仲要味道非常好😋現時餐廳好多，但好既值得推介既不多！希望保持水準！首次寫好評👍🏻👍🏻服務員都好貼心！見你食得7788，會問你需唔需要幫你上甜品等等！好有禮貌！已經推介俾同事朋友！

因為近排少同家人食飯，于是昨晚約同家人再到旺角吉壽放題晚饍，放題同自助餐的好處，當然係各食所好，各適其適啦！今次一樣，吉壽果然無令人失望。食物水準一如以往，性價比極高。尤其是：俄儸c甜蝦，帶子，羊架等等都是精選。此次我完全無飲可樂，只喝現場提供的椰青水，正（試下啦！）。 每次寫食評，我唔會寫多字，我唔係作家，無乜墨水。只要食完每一次地方，覺得會下次再去，就會偶爾寫吓，比的支持此類高性價比嘅食肆。 緫結。。食物好，地方好，服務好。會再來！！

旺角食放題首選！抵食！款式又多！除左QR落單另有自助區！自助區有甜品、飯品、冷盤小食！刺身好新鮮！大隻有頭甜蝦食落鮮甜！三文魚好大件好厚身！三文魚一邊仲要有少少腩位！油脂分布均勻！油甘魚完全唔會有腥味！好新鮮！入口即化！好好食！燒鰻魚-唔係好多放題可以有任食大大件鰻魚！燒鰻魚口感略軟！唔會有好多骨！啱晒中意食鰻魚嘅人.芝士焗蠔-蠔太細隻！芝麻雞翼必食之選！皮脆肉嫩！黃金蝦-好香鹹蛋黃味！蝦都好大隻！辣酒煮螺-唔會太辣、螺肉味道重！好大隻！除左自助雪糕仲送每位一杯Haagen-Dazs 雪糕！

今天與朋友一同四人行去食生曰飯。所有order都是電子落單。其中一個order是刺身。8：07分落單。直至8：48分都沒有黎到。其他熟食已到齊。其後我去追問經理。他再幫我跟進。怎知一等再等。我再追問。他竟然說重新落單。一小時後才有得食。還有是一些不新鮮既刺身。今次真係好失望。服務一般。下次不會再光顧。

吉壽這放題店不少朋友都講不錯，所以有時我地都會在這裡吃飯，放題好處可以選擇多而這間的質素都不錯，而這間空間感都幾好吾會覺得坐得迫同辛苦，我地叫完食物後出去拿東西食，出面熱食不少，推介炒麵，炒得夠乾身，薯格夠脆口，細撻仔有熱燈射住仲保持到溫度，而且卷物可以食住先。另一邊仲可以有沙律配料同醬，自己整，鐘意選什麼都可以，一路食一路等食物來，首先來熱食燒鰻魚，吾太咸的醬汁又夠厚好味。鮮甜的海膽手卷，厚身三文魚，帶子大片又鮮甜，仲有蟹柳，花之戀，大家都覺得味道好又新鮮，頓然覺得勁抵食，好快成桌都是物。最後當然仲有甜品啦，而這裡的櫃，雪糕雪條選擇都不少，每款想食都食不完。

上次去吉壽已經裝修了，好多卡位坐得好舒適，而且多了很多自助美食，今日去落單改了手機落單，環保又方便，吉壽不斷進步，難怪客似雲來，上菜或收碟都十分快，很有效率，雖然很忙，但員工依然很有禮貌，飲品超多選擇，啤酒都有幾款，今次去多了梅酒，很清甜好味，甜品不但有幾款蛋糕，連雪糕都有幾款，我試了榴槤雪糕和蜜瓜雪糕，濃濃榴槤味和蜜瓜味，超好味， 刺身很新鮮，熟食很美味， 質素可以媲很多高級酒店 ，2個小時任食絕對夠時間，因為上菜很快，今晚食得好滿足！

吉壽Lunch放題 $178 +10%= $196胡社生行 …… 即是以前有“旋轉餐廳“嗰座大廈後生可能唔知……彌敦道655號 入口喺橫街好多食肆喺同一座大廈 韓燒飲茶放題又多一個食嘢嘅地方吉壽 環境比較暗 放題食物同夜晚一樣 多選擇虫草花烏雞湯~足材料 濃香冇refill墨魚丸 小菜 都好味大量飲品選擇 有凍sake 啤酒汽水……豉椒炒細聖子 ~ 豉味香唔辣 唔熱帶子~鮮味 但每次點都上唔足 細切碎黃金大虾~ 濃郁咸旦黃香 虾鮮 肉爽 天婦羅炸虾~ 脆口 皮厚較油膩海鮮粥 ~ 海鮮鮮味 粥綿 粟米甘荀甜 encore 2碗牛脷~ 黑椒味香濃 肉韌口

晚餐同朋友們一齊去咗昵間醒，好多年前都有黎過幾次，都覺得佢d野食幾好食。今次再去就覺得都keep到水準,d野食都仲係幾好食，同多咗野食選擇。放題冇得輸一定係任食剋皇，永遠大家都要叫大大盤，昵到嘅剋皇都新鮮，又多款。後來都encore咗多盤刺身。方面都ok，不過不失，任食黎講係ok，仲有海膽手卷食。至於我覺得好值得大家食嘅就係佢d燒嘢，賣相又真係好好，食落都熱辣辣。其中一樣我好喜愛嘅就係芝士年糕，可能我本身都好鐘意食芝士，我一黎已經食左雨舊。朋友仲話我食靂食年糕晤抵，但我又覺得好抵0咼，因為真係好好食。但昵到最抵昵，我又覺得係估佢晤到有酒任飲，仲有梅酒，清酒同西柚味燒酒揀，所以以鐘意飲酒又真係抵食，淨係飲酒都唔只啦。當然我都覺得佢無酒精飲品都多選擇嘅，由於聽日要返工所以我都係飲左小小姐。

今晚朋友聚會三五知己總有人遲拎位是佢地講聲欠一人15分鐘會到佢哋話唔緊要我計你由遲15分鐘後開始2小時於是坐低慢慢叫野食食物當然好食啦⋯⋯還有生日蛋糕仔送真係啱晒我地班懶人慶祝其實我地一口氣食左一個鐘都已經停晒手後尾只係坐都沒有被騷擾甘當然我地無坐到甘盡啦個半鐘埋單就走啦下次會再去的！

門口的派傳單的姐姐招呼我入去，「食吉壽啦，食咗福壽雙全」，我於是接過傳單，而傳單上的價目也十分吸引，最平38蚊一個定食，有麵豉湯、前菜、沙律、珍珠飯、飲品及一客小菜。首先有兩客沙律，雜菜沙律及中華沙律迎客，之後上熱茶、麵豉湯以及一杯罐裝飲品我點左一客火炙壽司，有8塊壽司，好抵食。當中有炙燒鰻魚、扇貝、牛肉、三文魚壽司，以及加州卷，賣相唔錯。火炙鰻魚配上特質燒汁，扇貝配上牛油十分香口，味道唔錯。小菜的選擇也十分豐富，甚至有炒大蝦、吉列蠔、牛舌等，我最後揀馬拉盞炒通菜。細細碗，一人份，味道中規中矩，係一般放題的質素。最後上甜品，係百福牌豆腐花最後埋單55蚊，唔洗收加一，呢個價錢食到咁多野，食到呢個食物質素，真係好抵呀！

非常時期，除非對出面發生緊嘅事，可以不問不提！否則無論立場係咩顏色，去到唔同嘅地方食嘢都預咗會有啲心理壓力。平時嘅吉壽，如果冇訂枱都需要等過半小時左右，今日電話訂咗枱，上到嚟見到枱數竟然一對手數得哂！希望呢段日子可盡快得到平熄！講番想講嘅正題先，除咗食品一貫對辦，今次最要真心大力讚嘅係高質員工，佢哋態度比旺嘅日子更優秀盡心；其實平時都好好㗎，但因食客太多，有時真係好難兼顧做到好細心。過往一啲做飲食遇到經濟低迷時，食品質素會變差，員工冇心機等因素，都會是結業嘅原因之一。難得吉壽冇加料放負比客人。希望吉壽撐過這段時間後，响同業中繼續做高質好榜樣！

心思思食吉壽，好多飲品款式選擇。仲有清酒。雪糕雪條，第二個胃食得落。自選熱食次次必叫既燒菠蘿同海膽手卷，海膽鮮甜好新鮮。魚生片：甜蝦,赤蝦, 帶子,三文魚 炒聖子燒雞翼，同流心榴槤波波，勁香！仲有吉壽最出名既炸物，炸奶唔會好蘇。牛柳粒，無根，好林次次都勁食牛舌，一咬落去啲牛油真係好香，食完先減肥啦！燒海蝦，新鮮，咬落蝦肉係脆既。實在太多甜品揀，有多款cake, yogurt, 布甸，仲有豆腐花，食唔晒咁多款。整體係冷氣大左少少，野食是唔錯的。

背景🗺️：～位處市中心，旺角地鐵站口一出就到👍～主打日式料理放題ℹ️～多人輪候，建議先預約菜式📃：～日式放題（串燒，天婦羅，炸物，壽司，刺身，拉麵）小編總評👶🏻💭：～味道上佳，價錢合理，性價比可以👍～放題有多種選擇，符合多種口味食客👍~用料高質，即叫即製，菜式質素高 (p.s. 👍:讚, 👎:彈, ℹ️:見人見智)刺身拼盤賣相：😋😋😋😋味道：😋😋😋😋鰻魚芒果卷賣相：😋😋😋😋😋味道：😋😋😋😋鰻魚燒～鰻魚燒得脆香，d油都仲鎖到，好香魚油，鐘意食饅魚嘅唔好走寶賣相：😋😋😋😋😋味道：😋😋😋😋😋牛舌串燒賣相：😋😋😋😋味道：😋😋😋😋😋雞軟骨串燒賣相：😋😋😋😋味道：😋😋😋😋一口牛賣相：😋😋😋😋味道：😋😋😋😋芝麻炸雞翼賣相：😋😋😋😋😋味道：😋😋😋😋😋榴蓮炸彈賣相：😋😋😋味道：😋😋😋😋天婦羅賣相：😋😋😋味道：😋😋😋😋咖哩炒蟹賣相：😋😋😋😋味道：😋😋😋😋