吉壽日本料理 (已結業)

幾時都話吉壽係最好，今日同班朋友去慶生食放題，自然選左老字號吉壽。一坐低就不斷叫野食，呢到好在：服務態度好好（辛苦一班侍應生咁忙都保持良好的服務態度了） ，上菜又快又齊，埋單前又唔會趕你走。一大班人都感覺良好！講下食左d咩先：一大盤刺身應有盡有，件件新鮮厚切，甜蝦赤海蝦都有，好鮮甜！雖然成日話唔好叫壽司，會哂左好多quota，但係呢到既壽司細細舊，好的識，擺碟又靚，一班人叫多d share食幾好！雞軟骨即燒即上碟，加上檸檬汁，好開胃！出面自助區有好多野食攞，連章魚小丸子、枝豆都有。一路食枝豆，一路送下啤酒傾計，真係好開心！其他熱食都有好多野選擇，有太多樣野不能盡錄，竟然有不同國家美食，上至水煮牛肉，下至泰式鳳爪，真係意想不到！最後甜品方面，仲有得自己吱yogurt食，又有我最愛既紫薯波波！所以話呢，一大班人去放題，吉壽真係一個最好選擇！

今日放假冇咩野做 諗住同女朋友去食好西 之前聽朋友講話食過一間放題唔錯 今日就同左女朋友去試一試佢 位置都好方便 一上地鐵站就係 可能係我地係因為我地8點幾 唔係6,7點 同埋係上樓既關係 人唔算多 所以都係等左10-15分鐘 場地都算大入正題 一坐低之後 二話不説就掉低女朋友⋯⋯⋯⋯衝左去睇有咩飲（但我都有問左佢飲咩先既）😂😂😂 拎完野飲 就開始睇下有咩食 種類都算多 刺生盤都算新鮮 三文魚味都幾重有陣鮮味 大部份都有叫黎試（因為刺生唔飽肚 可以叫多D 😁）之後仲叫左D肉類：雞軟骨（燒得幾香 但唔會有好柴既感覺），牛舌（燒得香之餘 有咬勁 👍），芝麻雞亦（好好食 好鐘意） 仲叫左D脆肉瓜，蒜香焗扇貝（女朋友好鐘意），壽司整體都唔錯仲有D甜品本身都想食 但已經好飽 所冇食到 下次黎一會留肚食 😂😂😂

睇完戲，都已經9點半，商場裡面都冇乜選擇，又諗唔到食咩，於是又到藍妹成日食既野出場啦。旺角放題真係成日食，呢間「吉壽日本料理」第一次幫襯，唔知係咪同其他放題既集團一樣呢。🤔 可能因為夜啦，唔洗等位，兩個人亦都可以坐哂一張枱，終於唔洗疊到山咁高啦。🤣—焗帶子藍妹真係超級鐘意食呢個，本身對帶子麻麻，但佢上面既醬真係好正。😍應該有沙律醬同芝士，焗出黎酸酸甜甜，好開胃。三兩下就食左落肚，ENCORE!🤤—第一次係放題食燒魚，皮有啲燒焦，加埋啲魚油，食落去成口都好香。😜—男朋友出奇地話黑松露蝦好食，我離遠聞，已經好香黑松露既「漏煤氣味」😂—之前食既幾間放題，燒雞軟骨都會好易又乾又硬，今次呢到合格!😉 調味OK，燒得香脆。—食放題又點少得刺身盤，藍妹今次唔太餓，樣樣都叫少少，試下算。三文魚係近腩位，所以有深紅色既血係表皮，令口感特別左，要咀嚼下先。😲甜蝦就普通貨色，反而大蝦好似好食啲，雖然個味差不多。😂藍妹幾鐘意食玉子，覺得雪過既玉子特別甜，今次呢到淡味左少少。😞—炸蠔 + 炸榴槤食過啲炸蠔，裡面超水，好腥，呢間都尚算ＯＫ，起碼都叫乾身。炸榴槤正啊，出面勁脆，一咬落去，啲榴槤流哂出黎🤪—芝士蘑菇雞

話甘快已經過左半個sem，趁住做完個presentation就過黎慶祝下～之前聽朋友講過話呢間放題平靚正，食完之後覺得佢應該都係旺角CP值最高之一既放題我地五點半去到食最早個場個陣d人已經多到坐滿半個場lu呢度環境細細，排滿曬檯燈，感覺上坐窗口位冇甘大壓迫感雖然係甘，但佢既自助bar冇比其他放題細wor，反而係差唔多價位既放題入面最多野食既一間添飲品就同其他放題既選擇差唔多呢度都有3-4款啤酒～最正既係佢又得攞杯裝yogurt同埋自己攞frozen yogurt 的：）佢既沙拉bar都幾多款揀，日式配料好似螺肉、八爪魚......都可以自己裝食物選擇都幾多架刺身、壽司、手卷、天婦羅、燒物、熱食......都有最欣賞呢間既刺身成晚點左4次刺身：P本身點左帶子仲唸住佢會好似其他放題出貝柱仔啦點知係大大粒未切開既帶子啊TvT然後佢其他款式都好高質尤其係魷魚、油甘魚同埋劍魚腩！各種反差實在太大，成餐只係因為壽司已經是得好滿足呢度都有d特色壽司 好似鵝肝帶子壽司 兩款高貴既食材配埋一齊既effect又冇想像仲甘好鵝肝較濃味，會搶左帶子既味道個人都係覺得食刺身，食最原始既食材係最正既！熱食就叫左燒

如題，我真係每次放題都簡呢間，一黎CP值高，二黎我地兩條友食18:30-20:30個輪都係HKD240一人(已加一)。其實唔貴。第一輪當然係叫Sasimi 先啦，樣樣都好新鮮，蝦個到真係好出色好少放題會做榴槤波波，好重口味但我鐘意，仲有香芋波波都係重點，外脆內軟就係呢隻。仲會好似流心咁，榴槤味好重，如果朋友唔鐘意食會''香''死其實普通既野更顯功夫，好簡單既芝麻雞翼脆到一個點，而且芝麻令到佢好香。估佢唔到有花膠香姑，花膠好林身，食一條好似補左好多膠原咁~一口手捲，食多幾條都唔會覺飽。一口鰻魚都好正，上面既燒汁，重點係一點都不DRY

睇過我之前食評嘅人都知道我最愛放題，而且也去過吉壽食。今次一大班人去食，可以嘗試更多食物，發現呢度除左刺身壽司等等，熱葷也值推介，所以我今次再寫，集中講不同熱食！羊架放題必食亦是必有，但呢度突出之處就是好多肉汁，肉質嫩滑，食落口又唔肥，香料唔會過多過鹹，所有野恰到好處，自然食多幾舊。鮑汁燴花膠放題罕見之作，本身不抱太大期望，因為心想放題不會有太高質食物，更何況係花膠。但原來事實真係煲到好入味好香，在場老人家每人叫了至少三碗。燒鰻魚放題邊會食壽司呀咁多米飯，呢個燒鰻魚就岩哂，唔會太多，一口食完，燒汁濃郁，燒完即上枱，好細滑好惹味！紅油抄手上海菜都有！？係，仲要個麻辣汁整得超好味，辣得黎真係有麻味，抄手又爽口，肉質實淨。燒蝦有唔同種類燒蝦比大家選擇，有串燒、有茄汁大蝦，其實隻隻size真係大，肉質一啲唔霉，彈牙，好食，有人幫我搣埋蝦殼仲好哈哈。燒波蘿唔好以為咁簡單屋企都做到，要燒得唔太乾，但又熱熱地又燶燶地，係真係幾難。呢度道首先波蘿靚同新鮮，燒完仲有大把波蘿汁必出黎，甜品我食呢個食左5/6舊。帶子壽司最後都想講講壽司，呢度嘅壽司係一口size，係唔會好多飯咁整飽你。帶子壽司擺碟又靚，又有

一大班人聚會或者慶祝生日去食放題就最好，今日我地一大班人去左一向有保證嘅旺角吉壽食晚餐，七點去到已經人山人海，好彩我地有訂枱先唔駛排隊，直接可以入座。 途經自助區已經見到很多飲品，最令我驚訝嘅係居然有暖櫃，有暖維他奶暖茶等十分體貼。另外自助區仲有枝豆、小丸子、葡撻、雪糕雪條等等。一坐底大家就瘋狂叫野食，先來一大盤海鮮刺身，三文魚厚切，帶子、刺身、甜蝦等都十分新鮮，吉壽果然有保證！熱食都種類繁多，呢度竟然有鮑汁燴花膠，花膠夠晒入味，而且亦都很冧滑。放題當然唔少得我至愛嘅羊架，燒得香口，肉質唔會乾夠juicy，我連食兩件十分滋味!燒鰻魚上菜個陣仲熱辣辣，燒汁十分惹味，每件切成一口size，令人一件又一件咁食到停唔到口。蟹黃瑤柱海鮮粥材料十足，粥底滲透滿滿嘅海鮮鮮甜味，而且食落軟綿綿。另外，我地仲點左芝麻雞翼、紫心香芋丸、一口芝士等等嘅小吃，特別鍾意一口芝士，食落真係拉出條條芝士絲，其他朋友則鍾意香芋丸，讚佢芋頭味夠晒香濃。最後我地仲攞左成枱甜品，有葡撻、乳酪、沙冰等等大滿足!總括而言，呢度勝在食物種類多，上菜又快，果然係日式放題老字號。

吉壽聽人推介得多，今日第一次去試下佢，因為太多人侍應都好忙，出去行個圈睇下，發現超多飲品同小食，飲品種類極多，小食方面有小丸子、日本枝豆、芝士餅、甚至連葡撻都有，未入場已經覺得十分吸引。正場時間，朋友不斷落單叫食物，選了好多食物：刺身大大盤，鮮蝦鮮甜，三文魚亦切得非常厚身，帶子夠大粒新鮮，款式應有盡有，選料又夠新鮮肥美！最令人驚喜既係呢度既蟹粥，蟹蓋膏唔少，粥煲到好綿，我呢個愛粥之人食到停不了口！一口燒牛肉燒得夠冧，海膽手卷既海膽份量多而又新鮮，簡直係必叫之選，呢度食物既size都唔會好大，變相食多幾舊都無咁快飽肚，啱晒我呢啲眼闊肚窄嘅人。炸物上碟熱辣辣，一口香芋波波特別好食，唔會過甜又有咬口，一口芝士外脆內軟，芝士味亦都夠突出。另外仲有唔少食物值得推薦：羊架，鰻魚，燒蠔，有水準之餘食得出係上等貨色。甜品種類夠晒齊全，有大腳八雪條，又有yogurt。總括來講，冇諗過呢度食物種類咁多，味道好好而價錢亦唔算貴，值回票價！

久不久舊店重遊， 總會令人耳目一新。刺身、壽司幾乎是每次放題必食的頭盤，賣相一定要好看、新鮮，才夠敢說是真正的放題,對吗？所以這裡可以說是實至名歸。刺身壽司鰻魚有光澤，件件弹牙烟硬，給人留下美好的味覺。比目鱼及鳗鱼燒得好香口，食落鮮味，鰻魚好厚肉， 滋味無窮。燒羊架肉質鬆軟，外皮脆口。炸天婦羅以及炸芝麻雞翼 很適合喜歡食炸物的朋友， 非常香脆。呢度仲有花膠食， 花膠又厚又大件，而且非常入味。甜品， 生果，雪糕， 雪條，同飲品款式繁多，每樣試少少，已經很滿足。

唔知點解每隔一排就會想食一次放題滿足下自己嘅食慾，今日就嚟咗旺角嘅吉壽，喺地鐵站一出轉過彎就係，地點極度方便首先就係刺身，我哋兩個人食得唔多野，但係佢個刺身都好有心思裝飾可以見到我哋其實每樣野都係食少少，因為咁樣可以試多幾款唔同款嘅食物，同時又唔會怕飽得滯✌️不過雖然我哋少少咁食，但係未夠兩個鐘頭都已經飽咗，最後佢話last order，我哋先至再叫左啲我食咗呢度嘅雪米糍，不過都幾硬，所以我都拎左出嚟放咗陣先食仲有一部雪糕機，我哋食嗰日係蜜瓜味，之前未試過，覺得都幾特別

依家食食放題間間款式都差不多，所以最重要是食物新鮮，而這間放題不論是刺身或是燒物都能符合這個條件和要求。今天選擇了幾款刺身食，有北寄貝、鮑片、榮螺以及魷魚，刺身看來相當新鮮，有光澤感，食落富有彈性和清甜。今次再嚟食，嘗了幾款以前未食過的產品，包括有花膠、豬骨湯、碗仔翅、炸鮮奶以及比目魚。花膠好厚肉，炆得好淋，亦好入味;豬骨湯好清甜，味精不多；碗仔翅用料都算豐富；炸鮮奶就炸得恰到好處，外脆內軟，而且十分幼滑，相當好食；比目魚的肉身好滑溜，外皮脆脆的，也是推薦之一至於其他燒物，好似燒蝦、燒鱔、牛舌、羊架、日本番薯仔、燒菠蘿等等全部都燒得好靚，不會過燶，均能保持食物水準。生果架和甜品架的選擇亦不少，樣樣買相都好新鮮，好吸引，所以都食了很多。不過食放題也真的要有所節制，否則真的會食壞自己的肚皮喔！

星期五happy friday梗係要去狂歡下啦！約左朋友放工後去吉壽食餐好吉壽係旺角C1出口，一出站就見到個building，食完仲可以即刻去對面朗豪坊行下，位置正！一入到去就見到大大個飲品櫃，有好多款飲品，任揀唔嬲！仲有熟食同甜品自助區，可以自己出去拎，另外有一個櫃擺左雪條同雪米糍食放題最開心就係可以任食刺身啦！第一輪落單已經即刻落左最愛既三文魚，甜蝦同帶子〜刺身上枱個陣比啲乾冰包圍住，岩晒用黎打卡 食落去刺身夠凍都新鮮，切片厚身，啖啖肉！雖然放題食壽司好似唔係幾抵，但好似幾吸引所以叫左幾舊試下～我覺得最特出既係蒜蓉牛油大蝦，真係食到好重蒜香味，又食到蝦既鮮味炸物方面就叫左蟹棒，大蝦同蕃薯粒～上枱時係熱既，應該係即炸～每次食放題必食蕃薯粒！夠甜！另外仲叫左幾款小食芝麻雞翼勁好食！翻叫左幾次！又惹味又juicy炒雜菇咸左少少，但都好食，多啲金菇就好啦～炒牛柳粒同栗米粒就平平常常，一試無仿～另外仲食左個涼拌烏冬，麻醬撈，食一碗消濟又飽肚星期五晚市放題只係二百五左右一個人，仲有好多野食選擇，好抵！

久違的放題🤓 吉壽都係常食既放題之一～呢間放題熟食都算幾多！有白酒煮蜆，都不過不失！仲有海鮮炒烏冬！溫度都keep住！有炸豆腐乾同章魚小丸子，豆腐乾就冇食但都見到幾多人refill!章魚小丸子😍個章魚都幾大粒！最重要個皮都仲有少少脆🤓枝豆就正正常常，唔會太咸！有加洲卷同埋葡撻🤤 細細粒又係好好食！我食左兩隻 有水準！前菜就有好多沙律菜、冷盤.... 我食左少少沙律菜都幾新鮮☺️ 叫左熱烏冬同冷烏冬，細細碗唔會逼人食澱粉質😶 烏冬幾彈口 冷烏冬就配麻醬燒靖魚都唔錯～開胃的前菜每種火灸叫左兩件試下，火灸三文魚有少少細，但都幾肥美，帶子就正常，蟹柳好有肉質，鏝魚就唔係好夠熱！再encore就好好啦☺️日本小甜薯燒得好好！冇焦既蟹粥就成隻蟹同兩隻蝦，味道清清地！因為朋友病病地，都陪佢食左好多熱食。海鮮牛乳鍋都正常既，但食到太清叫左個壽吉鍋，好好食！肥牛唔係肥到好得人驚果種-_- 仲有少少粉絲！炒菇同栗米都好高質！甜甜地！甜品有好多細細件既cake同雪糕，仲有自助雪糕機 都好多選擇🙊 飲品有紙包、罐裝同埋樽裝我覺得好方便😂 有梅酒 我飲左幾杯 放題質素來講已經回番本！

呢間放題由中學食到宜家依然保持質素，走中檔既質素放題路線！由A-J 再有個S，十幾頁既選擇～ 刺身既質素唔錯三文魚都幾肥美，解涷解得溫度岩岩好。帶子都幾鮮甜。吞拿魚好滑。蝦未完全解涷，仲有少少冰😢 擺左一陣食就岩岩好🤣 芝士焗帶子同個圖有些出入😂😂 但味道就正正常常。羊架就燒得有少少乾，值再enchore叫多次就燒得好好，juicy又羊味！味道調較得剛好。鏝魚壽司唔錯唔錯！帶子鵝肝壽司鵝肝有少少硬，但壽司飯唔會大大舊食飽人都叫有良心！牛舌正呀😍一個人食左兩串 ，火侯控制得幾好～火灸三文魚好好味呀 ！我的最愛！😂仲有火灸帶子，enchore左三次🤤火灸燒蝦又係好好食😅 食左5隻。蝦都幾新鮮唔會d肉好晦甘！呢間有個杞子湯，因為有少少病，飲左幾碗🙈好潤喉，唔會好重味精～服務態度好好呀呢間d員工！好快手幫手收野！我見都好多甜品，以甘既價錢又有甘多雪糕雪條食都算係甘！ 水果都好新鮮 甜品就飽得濟冇食

之前一直想試呢間放題，但去親都好多人，今日特登早D訂定位去試下一入到去就見到。。放題居然會有湯飲平時呢D湯應該去酒店buffet先有記得隔離仲擺左D白酒煮蜆飲品櫃嘅選擇超多。。除左平時見嘅紙包檸茶、維他奶、韓國飲品等，最驚喜係見到有啤酒同解茶，果然夠哂地道雪糕竟然有得自己整。。可以揀完味道之後再加朱古力、爆珠等等，我見除左軟雪糕仲可以揀乳酪望埋隔離有個熱飲櫃，平時要唔凍最多都係放埋一邊俾人拎，呢度整埋個熱飮櫃真係好好服務除左杯裝雪糕，仲見到大腳板雪條另外見佢有榴槤雪條，啱哂榴槤控戲肉嚟啦，係我最鍾意嘅刺身食完真係覺得D刺身好新鮮，唔係擺左勁耐嘅貨仔仲要塊塊都切得勁大勁厚，一D都唔姑寒見有我鍾意嘅吞拿魚手卷，即刻叫左個試下，另外見有龍蝦沙律咁矜貴又即管試下2樣都好食壽司款都好正有帶子、三文魚腩等，都係必試之選熟食樣樣都叫左D試樣樣都唔執輸咁叫左D試下，樣樣都好味個天婦羅整得好好，外面脆，入面個蝦仲係好滑好好味甜品都唔執輸樣樣試下，鍾意芝士嘅我再encore左幾次整體嚟講呢度真係物超所值，因為D野新鮮不特止，仲要讚下D staff，個個勁快摩打手腳，上菜快，收野仲快，唔洗等好耐就有得食，食