吉壽日本料理 (已結業)

想當年啱啱開始興放題冇耐，已經約埋一班同事朋友去吉壽開餐，吉壽亦係我地最常去嘅放題。咁多年嚟食過唔少放題，唔同價錢，唔同質素，唔同服務。本身近呢兩年已經好少食放題，今年聖誕飯聚，個舊同事講起好耐冇食吉壽，兜兜轉轉，我地又返到最初嘅放題起步點。雖然吉壽嘅選擇未必有出面咁多，但已經好夠食，而且每款食物嘅水準都較高。出面除咗有沙律bar，仲有各款前菜，湯，碗仔翅，意粉都有。大大個飲品櫃，選擇多，仲有梅酒清酒任飲👍🏻刺身新鮮，帶子刺身大大粒完整上，好鮮甜😋壽司每款都好好食🍣雖然叫壽司係易飽，但我地都叫咗起碼兩轉😂好彩細細件唔會好飽。羊架我真係要大大力推薦俾各位，燒嘅火喉啱啱好，肉質燒嫩juicy，外皮少少脆，上枱時已經聞到香噴噴🤤食落仲熱辣辣👍🏻吉壽做咗咁多年放題依然屹立不倒真係有佢嘅原因同吸引力，上菜快，啲單跟得足，我地全晚一張單都冇漏👏🏻全部食物送到嚟都仲係熱辣辣👍🏻👍🏻而且係每款食品都好有質素。甜品選擇多，我主攻雪糕🙆🏻最開心嘅係，呢到有香芋味雀巢雪糕！出面放題少有呢隻味。仲連道地綠茶雪糕同朱古力雪糕批都有得食，好滿足👏🏻👏🏻👏🏻👏🏻👏🏻埋單$251一位，咁嘅價錢，咁嘅質素，真係好抵!!

就到聖誕，辛苦左一年，係時候要食下好野獎勵下自己，所以決定食番個放題輕鬆下。我就book左吉壽，因為聽朋友講，性價比幾高，所以就去左試下。呢間食店食物種類都算幾多，有刺身，壽司，火灸壽司，手卷，卷物，吉列，天婦羅，煮物，燒物，串燒同海鮮等等。佢啲刺身非常新鮮，分量又大，味道唔錯。佢啲串燒同壽司味道都唔錯。串燒呢講我個人就比較喜歡佢既雞軟骨同埋牛舌。壽司黎講我比較鍾意吉列蝦沙律，蟹捧沙律同埋花之戀壽司，味道認真唔錯。天婦羅味道唔錯，唔會太油膩同太多炸粉。至於燒物黎講，我個人比較鍾意佢既燒菠蘿同埋燒羊鞍。燒菠蘿無燒到燶哂，反而火候啱啱好，酸酸甜甜，最啱開胃。至於個羊鞍，就啖啖肉，肉質鮮嫩，一啲都唔韌。正佢仲有多款既飲品同埋甜品提供。

朋友提早兩日同我講話想食放題，咁就提早book定啦，夜啲嘅時段價錢平啲，自取位好多呀~~有好多唔同款式嘅食物選擇，有好多飲品，仲有甜品添！出去攞咗一個非常足料雞湯，裏面有好多唔同嘅配料味道比較濃郁。蟹粥質感非常之綿，調味做得不錯，也有一些甜粟米在裏面。燒菠蘿味道都係比較甜，時間處理得啱啱好，作為飯後甜品一流。Mini海膽手卷比較清新，因為份量唔會太多，所以食咗都唔會特別飽，好似食咗一個壽司咁。海膽嘅質素都比想像中OK。雞軟骨香脆有鹹香，實在不錯。Sushi左口魚//三文魚都係好正呀，上面嘅魚好新鮮好清新！值得下次再嚟食放題！

同朋友兩個人一齊嚟食，雖然係好近地鐡站，但我地搵左一陣先見到係邊。上到去好快就有位，可能我地早去，走果陣好多人係門口排隊。食物選擇都幾多，坐係位到見到一大本ORDER紙，出面另外仲有沙律區同幾款小食俾你任拎，不過ORDER 紙都已經有好多款食物可以揀。出邊嘅熟食有章魚小丸子同埋葡撻，兩樣都試過，葡撻細細粒一啖一粒，個皮幾鬆脆。章魚丸子入邊真係有章魚，而且仲大大粒，個皮食到少少雜菜唔止係粉漿。講下我地叫左Ｄ咩，我地ORDER左”御品鮑汁燴花膠”，味道有少少淡，不過好大份、好抵食。而”黃金焗帶子”就麻麻地，咁大個錫紙兜粒帶子SIZE 應該係得一半，但味道唔錯。其他燒物算係咁，”串燒蕃薯仔”好香好甜，一啖一粒好滿足，”芝麻雞翼” 食落都好香，反而”鐵板牛柳粒”唔知係咪煎得太耐，咬落韌左少少。叫咗牛油炒雜菇，一上枱已經聞到好香牛油味，但食落呢又唔會太油。炒雜菇真係有好多唔同種類嘅雜菇，呢個係推介最後我地嗌埋燒菠蘿，同埋最後一定要拎埋雪糕，食到飽一飽好滿足。

雖然呢間野好近地鐵站出口，但我哋轉咗幾個圈都搵唔到，原來佢就係正地鐵站出口右手邊果幢大廈有個門口入去，如果大家驚Miss左嘅話一出地鐵站即刻望向有手邊頭頂就會見到佢個招牌。上到去好似冇乜人咁，有少少擔心，入邊個內龍幾大下，分咗ABC區，一路行入去一路已經流緊口水，因為有好多熟食已經放咗喺出邊。好多款選擇嘅嘢飲櫃凍飲唔啱有熱飲的，但我冇影到相，嘢飲隔離就有甜品櫃新鮮水果都有啊，仲有啲熟食小食，同埋有湯飲！都係參雞湯，淡淡地，雖然味道唔算太濃，但調味唔錯同埋暖粒粒。打開本order紙，第一樣必叫嘅一定係花膠又係花膠我的最愛，花膠好大塊，有手掌咁大塊，有啲厚有啲薄， order左幾轉。芝麻雞翼同埋芋頭波波，相嘅右上角有個芝士菇雞翼，呢兩款雞翼我覺得芝士菇雞翼比較好食，因為芝麻雞翼係炸嘅，感覺有啲熱氣。芋頭波波好好食，甜甜地有芋頭香，咬開係紫色嘅。芝士菇釀雞翼，真係有好大個菇係入邊㗎，同埋雞翼好滑。食放題梗係要食壽司，我又叫哂所有熟食壽司，食咗第一轉之後，第二轉再叫有以下幾款推介首先係蒜蓉蝦壽司，好香蒜蓉味。第二係蟹柳壽司，蟹柳仲長過飯，而且佢個蟹柳唔係啲好假味道嘅蟹柳，點可以唔叫佢。最後推介

第一次食呢間位於旺角既吉壽放題，收到樓下派的傳單，價錢黎講二百零蚊真心抵食！一入到去就覺得呢間放題5樓全層超大間！而且環境衛生整潔，有唔少既sofa位坐得舒服。多款飲品酒水選擇自取，啤酒都係任拎任飲，驚喜的係連韓國的蜜桃汽酒都有而且仲有自助沙律吧同甜品區。無限既海膽手卷任叫，唔會限人頭。味道鮮甜，encore左兩次😋😋😋鵝干帶子卷物。雖然鵝干好細舊，但要讚既係壽司飯都細細舊唔會哂胃期待已久的刺身！上枱果下連埋d乾冰真係好吸精刺身新鮮足料，特別推薦帶子同劍魚腩，新鮮肥美！好滿足熱食黎講串燒有好多選擇而且都好美味。 發現有咖哩炒蟹食，不過太飽無食到，下次可以再試下。自助甜品區有多款雪糕雪條選擇，開心既係竟然有呢隻道地宇治抹茶雪糕杯！第一次食，好重綠茶味。兩百幾蚊食到咁多野真係超值！會再黎

雖然呢幾日天寒地冬，但係我同朋友都興起想食日壽司同刺身，就一於試下近地鐵站嘅吉壽放題喇!入到去發現裝修幾有豪華感，坐位亦闊落，好適合一大班人入黎享受👍👍除左要落單叫嘅放題食物外，出面亦有沙律吧，熟食區，甜品區以及幾個放滿唔同種類飲品嘅大雪櫃，亦有梅酒清酒飲斟，符合唔同人嘅口味需要👍👍 至於放題食物種類亦非常繁多，除左基本嘅壽司，刺身，亦有火炙壽司，手卷，燒物，煮物以及一品料理等選擇，唔洗擔心食物種類不夠👍先講刺身，我同朋友都覺得帶子刺身比普遍其他放題更加厚身大隻亦十分鮮甜。甜蝦，三文魚同蜜汁鮑片都係水準之作。火炙三文魚腩，鰻魚同左口魚同蟹棒壽司成功保持到刺身嘅新鮮度之餘帶出適當炙燒風味👍👍個人欣賞呢間放題將壽司做到較小嘅size, 唔會令你好快飽肚，可以繼續品嚐其他美食👍👍手卷亦都一樣，只有大概食指長度。推薦龍蝦沙律同海膽手卷👍👍👍其他料理，燒物方面亦保持到水準，個人最佢鍾意嘅鐵板牛柳粒同黃金焗帶子，忍唔住番叫左😋

講起食放題，我相信唔少食家即時會諗到幾個名。我自己就鐘意去旺角吉壽，無他既，方便、坐得舒服、抵食。佢未必係全港第一既放題，但以同樣價錢絕對可一食再食。就算係兩個人去，佢都會安排卡位比你，唔似好多其他餐廳有大量二人位，坐得唔舒服之餘，食物上檯都擺唔哂。講返食物先，放題應該有既，吉壽都有提供，甚至有好多驚喜。刺身有差唔多十種，主要係魚類，包括三文魚、希靈魚、劍魚腩、油甘魚等，當然仲有甜蝦、八爪魚、北寄貝。最驚喜係珍寶帶子，堅係大粒，絕對唔係碎上 。手卷壽司都係水準之上，仲有好多特色卷物，手卷細細舊，可以留肚食其野，推薦海膽手卷。熱食方面，串燒、天婦羅、一品料理、鍋物齊哂。最鐘意燒翠肉瓜，雖然係好大舊，但依然咬落依然嫩滑，加埋少少黑椒味勁夾。天婦羅今次有少少失望，粉比較厚 。飲品種類係放題黎講亦係比較出色，有多款果汁、汽水、啤酒，仲有梅酒、清酒。有時食放題係種心癮，未必需要去到五六百級數，吉壽絕對係性價比之選。

今日去咗吉壽放題到食咗餐晚飯～一入到去已經見到一個超大嘅嘢飲櫃，入面有好多吾同類型嘅飲品。同埋有一樣嘢值得提嘅係佢哋張凳有一嚿迷你玻璃嘅東東，開頭我都吾覺有咩特別，但睇睇下先知原來係塊倒後鏡， 方便行出行入唔會撞親人，都真係幾細心😆，講返嘢食啦！佢D嘢整體都good。自助區有湯，沙律，章魚小丸子，碗仔翅，好多吾多款嘅甜品同雪糕，啱哂D甜品主義者～～但最令我深刻嘅係黑椒牛肉炒意，真係幾正，佢調得D味幾好，而且啲牛肉好林。         點餐嗰部分有好多嘢揀，不過我只係介紹幾樣～ 第一樣係鹽燒蝦， 佢個殼炸得好脆，可以好易剝，啲肉質都好 幾彈囗，唔錯。 第二樣嘢就係佢嘅燒牛肉粒, 當你擺入口嘅時候, 你會感受到啲肉汁仲要好juicy～ 呢個真係冇得彈！😋😋 呢度嘅壽司同刺身都好新鮮。 最後，重頭戲嚟啦～ 就係佢嘅榴槤炸彈。 由於本人係一個非常鍾意食榴鏈嘅人， 所以依樣嘢好啱我，咬開嘅時候有啲好香又熱嘅榴槤汁流曬出嚟 真係超級正

隔咗一段時間冇食日式放題, 見阿女考完試食番餐獎勵下佢呢段時間咁努力。 吉壽日式放題聽咗好耐食評都唔錯但未試過， 所以今次試下佢。 地方寬敞 裝修優雅。 大卡位三個人坐好鬆動好舒服 入門口位後有自助區， 有甜品有熱食有湯 ， 同好多放題一樣清酒梅酒任飲 飲品選擇多。 多款糕點及新鮮生果提供。 飲品勁多選擇。 有甜筒雪糕糯米糍， 豆腐花等等。 先來個前菜 開一開胃， 我最愛的芝麻八爪魚同泰式鳳爪味道好出色 鹽燒蝦燒得香口夠味， 蘑菇雞翼第一次食幾特別幾好味 肥牛鍋加烏冬 指定動 燒牛柳粒黑椒洋蔥好香，牛肉都好入味 燒羊架最出色柯打咗三次 芝麻雞翼,天婦羅牛油炒雜菇ok 其實仲有刺身拼盤不過掛住食冇影到相 全部刺身都好新鮮唔覺舊口， 已二百零蚊呢個價錢食絕對超值 溫馨提示間日去食最好都係訂咗位先， 因為6:30后全場爆滿

放題成日食，貪佢可以一班朋友唔使諗食咩咁煩呢日大概一點鐘去到，雖然一入門口見到好多人，但係因為鋪面夠大，所以就算好多人keep住入都仲有好多位ready!!!!我同朋友兩個人都好細食，所以唔敢一次過叫咁多嘢食，分開少少少少咁樣叫佢俾我哋嘅份量真係二人分量，實在太好，咁樣就唔會浪費嘢食！最鍾意佢嘅壽司細細舊，食咗幾件都唔覺得滯，鍾意食嘅又可以叫多一次，實在太好而且有個炸榴槤，對於勁鍾意食榴槤嘅我來講實在係太感動啦個榴槤香到不得了

呢間放題價錢同其他放題差唔多 但菜式就幾均真貼地大路野佢都有齊晒，刺身，雞翼，羊胺，牛舌，炸物壽司手卷方面，大家唔洗擔心叫太多晒位，因為佢個size仲細過一口size，岩晒d細胃口，想試多d野既人鍋物方面，佢有水煮牛，同炒手，岩晒d想過下辣隱既我飲品方面 本人鐘意佢個 解茶，蟲草湯，熱鳥龍茶，全部都幾消滯暖胃，飲完可以仲多幾轉😂呢啲飲品好多放題都無甜品方面 幾鐘意佢d生果 食完咁多刺身，肉類後 有d生果消下滯 好過食啲甜溜溜既甜品（不過呢啲個人喜好黎既，可能女仔會比較鐘意甜野）鐘意食甜品既朋友，可能會有啲失望

今日難得同朋友都係放早，一於Happy Friday 食番轉放題先，俾自己放縱下先。我地book左旺角吉壽，之前都有食過，價錢唔貴，食物質素亦唔錯。刺生拼盤朋友話刺生好新鮮，每次佢都會叫好多希靈魚，表示好爽口。而我每次都必叫火炙壽司鹽燒三文魚腩/蒜蓉牛油大蝦/蒜蓉牛油帆立貝/蒲燒鰻魚/醬燒帝王蟹棒，特別推介鹽燒三文魚腩同埋醬燒帝王蟹棒，可以一食再食黃金焗帶子上枱熱辣辣，焗得好香，encore多左次羊鞍啖啖肉，好味炸蠔同雞翼，炸野黎講無得輸，但係唔敢食太多，本身都病病地串燒牛舌同雞軟骨牛油粟米，牛油份量岩岩好，可以一試龍蝦沙律手卷/海膽手卷/鰻魚，手卷細細件，同壽司份量差唔多👍🏼飲品選擇亦有好多，但係我都係鍾意飲茶，keep住消滯咁就可以食得更多🤣食飽飽，很滿足的一晚

今晚要返通宵，決定夜晚六點鐘就嚟食放題，食到飽飽先至返工。今晚一於試吓旺角站E出口一上樓梯就到嘅「吉壽日本料理」。餐廳環境都算幾舒適，地方整潔，裝修幾有貴氣。大家都肚餓喇，一坐低就點刺身拼盤。帶子大大粒，鮮味無窮；希靈魚勁爽；三文魚厚切肥美大大件，仲點咗其他海蝦同埋甜蝦、北寄貝、墨魚，正呀喂。刺身咁高質素，係回本之選。再點其他食物，就覺得賺很大。香草紐西蘭羊鞍，燒得剛剛好，肉質鮮嫩。火炙壽司十分精緻，照顧啲唔食魚生嘅食客。自助甜品區，選擇10分多，真係睇到花多眼亂。自助飲品櫃，有韓式啤酒、忌廉牛奶、可樂、凍烏龍茶、檸檬茶、菊花茶，一次過試到咁多口味的飲品，真係令人很滿足。自助沙律區，有豆腐、泡菜、番茄仔、粟米、沙律菜，就連乳酪都有。燒牛舌。金菇牛肉鍋，牛肉份量很足，湯底甜甜地。估唔到鍋物都做得咁出色。芝麻雞翼，超正！真係炸到金黃色、10分香口。今餐放題真係10分抵食，食飽飽，差足電。就去開工了。

姨甥仔生日，姐夫家人提意嚟呢度食放題，我們已訂檯，一行十八人，派位後，根本唔夠坐，叫侍應幫忙加櫈，擬似經理的男士仲問我們訂了幾位，好像是我們有錯似的，親友說，訂檯已經講明十八位，在長檯加位後，我們分頭同尾兩張檯號落單，免得張檯太長，難夾嘢食。第一轉叫刺身及壽司，全部上曬去另一邊，越等越不對勁，唯有再寫紙入去重新落單，再同侍應講，叫她睇清楚檯號才上食物，免得另一邊呆等，再有食物上檯，我們便要每次問侍應，是幾號檯的??不然，他們都是放錯檯的。這兒款式唔算少，食物整體上是OK的。雖然..明知道食放題既潛規則，就算寫某款食物9件來落單，都必定少幾件給您，這是預期的事，但我寫的是18人，要9件(我們尾檯有九位，每款食物每人一件都冇，只有刺身夠數的)，咁都仲要cut幾件，這就有點誇張了。甩單，追單，甚至食物上檯了，都重覆上多兩次(不是我們叫的，當然唔會去啃囉！) 給我的印象只有兩個字”混亂”，這間食肆，雖然價錢平，但食得唔開心，以我個人而言，絕對不會再來，我還是覺得尖沙咀的殿大XX，食得較開心。