吉勝吉列串揚專門店

營業中

休息中

行經大角咀見到有間新開日本菜啱曬唔知今日食乜好嘅中島😂就等中島去試下咩料先—————————————————————原來呢度主打炸物類有中島好中意嘅吉列牛仲有中島未食過嘅炸串😋既然未食過就一於試下反正都唔知幾時先有得番鄉下😔先試左冬菇 秋葵 蓮藕 南瓜 呢啲蔬菜南瓜好有驚喜超甜炸粉又夠薄秋葵本身中島唔鍾意但經過脆炸之後中島係可以接受嫌蔬菜太淡味可以試下店家自製醬汁有淡淡嘅辣味帶微酸但可以提升到蔬菜嘅甜味👍🏻之後再叫左啲肉類其中有個好特別嘅叫做子持昆布咬開入面有一堆魚卵用昆布隔開好特別然後特別推薦黑豚肉韭菜卷老闆娘話係用日本韭菜所以味道特別香濃沙錐魚都好食 魚肉滑嫩無骨可以一試呀最後叫多個角切刺身丼清熱🤣面頭刺身肥美非常充滿魚油每一種都鮮味十足特別係三文魚入口即溶 帶子爽口彈牙清新青瓜放係一堆魚生中間又可以增加爽脆口感👍🏻中和油膩感最得意係西柚梳打有得飲有得玩因為會俾罐梳打水半個西柚同榨汁兜由你自己去親手榨汁做成梳打所以每個人飲到嘅都可能唔同味😂————————————————————◖ 蘆筍 $24◖ 蓮藕 $12◖ 冬菇 $12◖ 秋葵 $12◖ 日本南瓜 $12◖ 子持昆布 $42

好味大角咀串揚店！大角咀都幾多嘢食，行過見到間串揚店決定入去試下！日式串揚小店，剛開無耐！兩個人叫左好多野食，好開心！秋葵：$24日本迷你甜薯：$24冬菇：$24芝士：$36日本南瓜：$24煙肉蠔卷：$44雞髀菇：$24黑豚肉蘆荀：$48和牛肋肉：$48紫蘇雞肉：$36吉列日本生蠔拼大蝦定食：$88巨峰乳酸梳打：$24白桃梳打：$24好中意個黑豚肉蘆荀！炸到好juicy ,又多汁，好好味！和牛肋肉牛香味十足，好食！煙肉蠔卷都好正！啖啖肉！炸蠔一直係我至愛！呢度d炸蠔好大隻！炸芝士既口感都好得意！餐廳中途仲送椰菜沙律清新下，平衡番d油，幾細心！

🌟⁡日本菜除左壽司刺身拉麵烏冬，其實中有日式炸物串燒都可以做得好精緻，今日去左一間位於大角咀既炸物店，非常之有驚喜😆⁡——————⁡🐽 牛油果沙律一坐低首先叫左個沙律開開胃，沙律菜好新鮮，可以自由搭配酸汁或者芝麻汁，牛油果岩岩好熟，好爽快⁡🐽 日式串揚串揚有好多唔同既食材選擇，各種唔同種類既蔬菜，以及煙熏豚肉、 黑豚肉蘆筍、同埋好特別既子持昆布（炸魚子），食材全部都食得出好新鮮，而佢既炸漿亦非常之薄，同平時食到既好唔同😆⁡🐽 吉列佐賀A4和牛定食最後叫左個和牛定食埋尾，吉列既功夫做得好出色，a4和牛食之前輕輕燒一燒2面，令到油脂香散發出嚟，再配埋冷烏冬一亦食，簡直一流🤤

🍴七品刺身 HK$388串揚專門店主角當然係串揚，即炸需時，先來一碟刺身做頭盤，七品分別有帶子、牡丹蝦、油甘魚、三文魚、吞拿魚腩、三文魚子、海膽。刺身除咗新鮮，解凍亦做得不錯，甚至比坊間唔少日本餐廳做得更好。帶子、牡丹蝦非常鮮甜。中拖羅無筋，入口即溶。三文魚子有柚子鹽點綴，份外清香。海膽甘甜，無怪味。🍴炸牡丹蝦頭食得唔好嘥，頭先刺身食剩嘅牡丹蝦頭可以炸埋嚟食，酥脆可口，仲有蝦膏，蝦味十足。🍴紅薑 HK$24、芝士 HK$36、鵪鶉蛋 HK$36、日本南瓜 HK$24、日本迷你甜薯 HK$24、蓮藕 HK$24、蘆筍 HK$48、冬菇 HK$24、秋葵 HK$24、沙錐魚 HK$68、子持昆布 HK$84、黑豚肉韭菜卷 HK$48、煙燻豚肉 HK$36叫咗12款串揚，有菜有魚有肉，乜都試下。每一串都沾有一層薄薄嘅炸粉，盤底一滴油都無，證明炸得夠乾身，半點油膩飽滯感覺都無，一咬落去先係酥脆香氣，然後再食到新鮮食材嘅口感同埋原汁原味，火候控制出色。餐廳醃製嘅紅薑酸甜爽口，整成串揚口感相當特別。南瓜、甜薯軟糯香甜，蓮藕、蘆筍爽脆，蘆筍亦配有鹹香明太子醬。沙錐魚肉質結實唔易散，富有魚味，唔腥又無

大角咀一向多美食，冇諗過宜家連串揚店都有！見價錢唔貴，呢晚就去咗新開無耐嘅吉勝試試，估唔到平日都好有人氣，730pm左右已經坐滿人！小店除咗供應串揚，亦有刺身，魚生丼及定食提供。我哋點咗唔少串揚，包括：沙錐魚 ($34@)黑豚肉韭菜卷 ($24@)煙燻豚肉 ($18@)鯡魚子昆布 ($34@)冬菇 ($12@)日本南瓜 ($12@)秋葵 ($12@)日本迷你甜薯 ($12@)芝士 ($18@)串揚好有水準，炸漿好薄脆，唔會厚粉，炸得金黃香脆，乾爽唔油膩。煙燻豚肉值得一試，豚肉帶有淡淡煙燻香，好惹味！鯡魚子昆布食落脆卜卜，口感十足。黑豚肉韭菜卷使用日本韭菜，韭菜味唔會太搶去豚肉嘅肉味。蔬菜串揚價錢好抵，用料亦冇將貨就價，店員表示好多都係使用日本食材，芝士亦使用法國品牌，性價比好高！餐廳都有沙律無限refill，減低串揚嘅膩感。燒日本花魚一夜干定食($108)三品刺身（加配價$58)定食好豐富，除咗主食及飯之外，仲有埋味精湯，沙律及甜品，非常豐富！日本花魚一夜干好大條，風乾後嘅魚肉肉質緊實嫩滑，味道帶海水鹹鮮，油脂與香氣俱備，簡單調味已經好好食！伴碟仲有一小碟日本漬物送飯，風味十足！我哋仲

吉勝吉列串揚專門店🌟🌟🍡🍢🙈之前睇youtube，見到台灣好似有得食任食既自製日式吉列串，直頭有個爐係尼面前，自己揀想食咩吉列串，然後自己點粉漿再自己炸，一直都好想試下，今次雖然唔係自己整，但都可以試下日式既吉列串。🌟今次忍唔住試左好多🙈每一串既炸衣都係超薄，超脆，佢仲有提供吉列串既醬汁，醬汁望落好似好濃好重口味，但其實味道岩岩好☺️但我想介紹左豐富又抵食既定食先🙈🐟吉列鯛魚柳定食 （白飯和椰菜絲任添）包湯，白飯，椰菜絲，前菜和甜品一份 $88吉列鯛魚既份量唔少，完全無腥味，魚肉好嫩滑，好軟綿。配上沙律醬，去除到油膩感，沙律醬仲要唔係普通既沙律醬，入面仲有粒粒蛋碎，風味好溫和。珍珠白飯煮到岩岩好，椰菜絲很嫩，唔會有草青味。其實佢仲有好多其他定食，仲有吉列牛，下次想試下。🍠日本迷你甜薯：鍾意食蕃薯既你就真係唔可以錯過啦！因為佢真係好甜，好軟，我食多幾粒都仲得😂🧀法國芝士：來自法國既芝士，就咁食，芝士好香濃，再配上醬汁就會岩岩好☺️🥕日本南瓜：南瓜又係好甜😂口感好軟，但外皮係脆，真係唔錯🥒秋葵：顏色仲係好鮮色，完全無煮過龍。口感岩岩好，無渣🧄雞脾菇：好juicy😂😂真係好好味，好夠厚肉🐠沙錐魚

9 0 後 的 味 蕾最近愛上喺大角咀搵好嘢食，今晚周圍捐窿捐罅，發掘美食，見到有間新開嘅串揚餐廳，新裝修，簡簡單單，幾乾淨，價錢又唔係好貴，就入去試吓喇😋.🤩絕對冇浮誇地講，第一次覺得日式炸物原來係可以好好食，我對呢間餐廳評價真係幾高🤩餐廳主打「串揚」，意思即係食材用竹籤串起之後，醮上麵包糠，炸成脆脆口感。強烈建議大家一定要試下呢間師傅嘅手勢，所有食材都係炸得啱啱好，麵包糠好薄，保持到食材嘅原汁原味，炸出嚟嘅溫度、油份控制得好好。😋😋以下呢四款係必點：💁🏻‍♀️ 蘆筍配明太子醬、新奇、爆汁、新鮮 、明太子醬惹味💁🏻‍♀️ 子持昆布、一粒粒魚卵、咬落去卜卜脆、散發魚油💁🏻‍♀️芝士流心、奶香濃郁💁🏻‍♀️煙燻豚肉、肉質好淋、但又夠厚、煙熏味好濃其他食材都好新鮮，鵪鶉蛋蛋黃好大粒，秋葵又唔會好潺，雞髀菇好滑有菇汁，小紫薯同南瓜都夠甜。.餐廳仲會提供特製嘅醬汁，少少酸酸地，又唔會搶過食物原味，令到好開胃😋.📸吉列豬扒 $98有西班牙、熊本同美國揀，我哋就食熊本嘅豬扒，肉質軟爽，外層炸得好鬆脆，一入口索索聲，內裏又有肉汁，點埋甜甜地嘅豬扒醬汁，加埋磨好嘅芝麻，口感豐富。呢間餐廳仲可以無限追加椰菜絲同

之前幾年同姐妹們食生日飯唔係麻辣火鍋就係韓燒。今年想食D特別D另類D嘅料理，所以搜尋了呢間新開嘅炸串專門店！環境幾舒適 座位寬闊 同姐妹飲野傾計一流等齊人時叫左個芥辣八爪魚伴青瓜試下先，wasabi味好足! Chef推薦了off menu嘅小食鱈魚乾同一些漬物, 我特別鍾意個鱈魚乾！好脆！到齊人時就梗係叫返碟刺身先啦！不過人多所以叫師傅將個7品刺身加倍。所以超大碟超壯觀D刺身都幾新鮮。特別係個蝦頭之後炸連殼都食埋超級正！黎到炸串店就當然要食炸串啦！D炸串皮薄唔會覺得油，點返個酸味炸串汁好配！特別要提到個子持昆布口感超級特別 入面係魚籽 所以外脆內爽 我地忍唔住要再reorder多幾串！食到呢度其實已經好飽 但姐妹覺得既然都係吉列專門店 冇理由唔試下吉列！所以我地就叫左個豬柳定食一齊試下！佢本身跟前菜湯同飯，仲要飯同椰菜任添，不過真係食唔落了😂（想影相之前已被清左一半的吉列豬柳）個豬柳味道好香 可能因為係美國黑豚。我自己就好鍾意食椰菜絲加胡麻沙律醬。In general 所有野都幾好食 不過如果等佢有埋酒牌可以飲杯啤酒配住D炸串就會更正咯！

Kitsuahou is a newly opened Japanese eatery in Tai Kok Tsui.  Osaka-style Kushikatsu is the main highlight here, it offers you an affordable yet high quality skewers that can satisfy your craving!If you’re looking for the best kushikatsu in the area, look no further, it is definitely a dream destination for fans of Kushi.Veggies Mixed PlatterFor veggies lovers, this platter was loaded with all your favourite skewers, such as 日本南瓜 ($12 x 2), 秋葵 ($12 x 2), 冬菇 ($12 x 2), 蓮藕 ($12 x 2) and 富士蘋果 ($12

好懷念去通天閣食炸串既時光，喺香港食炸串既餐廳唔多，誤打誤撞試左位於大角咀新開既炸串店，好有驚喜！ 每一串炸串包住薄薄既麵包糠，口感酥脆。仲有椰菜絲可添食講下最中意既飛魚子昆布，長條形狀。第一啖細細口咬，窺探一下內層材料好自癒。大量鮮白色微細魚籽，好鮮味吖！仲有滑身昆布，充滿海洋風味。煙燻豚肉豚肉經煙燻處理後添上木香氣味，輕力咬開外層，可見豚肉仲係粉嫩色，配合本身咸香感帶少少油香，美味可口。黑豚肉蘆筍鮮嫩juicy黑豚脂肪芳香，包住蘆筍中和肉膩鵪鶉蛋 白滑鵪鶉蛋，外層軟軟地，蛋香夠。冬菇大Size厚厚地既冬菇，質感爽口夠彈牙。將頂層𠝹出星型狀，好睇又好食原條蘆筍呢款有睇頭，長度足兩隻手指跨距，幼幼地原條封漿，味道相當清新嫩口芝士三角造型幾少見，咬開一刻熱騰騰既芝士好似熔岩既溢出狀態，有流心般感覺，幾香滑！秋葵只選取中間幹部分切成兩段，咬開仲食到秋葵黏黏地天然汁液，外皮唔會乾身日本迷你甜薯甜薯質感軟潤，味道甜蜜，以為佢細細粒，食落好有飽肚感。點上荔枝梳打、蜜桃梳打好fresh，消消熱氣感！最後加點燒日本赤魚一夜干定食赤魚肉質厚身大條，經風乾既魚肉較為實淨，不失油香又唔腥。定食包含沙律、味

今個週末呢就去咗大角咀，又唔係好想喺商場食呢啲連鎖店，咁不如去下舊區搵下餐廳， 今次去呢間日本餐廳喺舊區邊呢應該算係最近開張嘅。 裝修都係比較新，都係典型本地嘅日式餐廳嘅格局，無咩驚喜，但座位間距離都算夠，所以成個感覺都舒適。我哋食左唔少野，由串燒到刺身，再到定食，好多款菜。胡麻波菜沙律 ($38)前菜都幾醒胃，胡麻沙律醬加上清新嘅蕃茄同波菜。吉列串燒蘆筍（$24）加上明太子沙律醬，和脆身蘆筍相當夾。鵪鶉蛋 ($18)芝士 ($18) 尚算入囗即融，若果有拉絲嘅效果會更好！煙熏豚肉 ($18) 有一定厚度，肉質都算好，可惜既係食左第一啖，麵包糠隨即同豚肉分離。冬菇 ($12) 作為過度，餐廳有沙律提供，有胡麻醬和酸醬，減少串燒嘅油膩感。套餐追加刺身三文魚 (3 切) ($28)油甘魚 (3 切) ($42)定食套餐另有沙律，白飯，味噌湯。吉列極上海鮮拼盤 ($168)一個拼盤有齊虎蝦，蠔，帶子，鯛魚柳，一冰過滿足多個願望，好抵食！吉列豚肉 黑豚 ($118) 白豚 ($78)豚肉質素都好，不過比起海鮮拼盤，我覺得有啲失色。值得一提既係，定食沙律同飯都可以無限添加。甜品有密瓜草餅，唔錯既

如果在愛情中同時兼備安全感也能保持新鮮感我想這段關係不會太短暫大多的愛情也是因為欠缺以上其中一樣拍拖太久不主動給予另一半儀式感新鮮感慢慢減卻掉激情也退下來了你明白嘛安全感也是以為一齊久了可以拈花惹草.這天我也想找一點新鮮感，因為在大角咀來來去去也是吃點台灣麵，石板燒，也太過沉悶吧，就是上網看過這邊開了新店是日本菜式，還要是串揚，在香港串揚店舖一隻手也能數得完，要在大角咀突圍，要靠甚麼？今日先來試一試新餐廳，吉勝吉列串揚專門店，能稱上專門店，是把食物製造得很專業吧。因為是午餐時間，我們倆點了刺身五品，吉列極上海鮮拼盤，串揚：煙燻豚肉、黑豚肉韭菜卷、沙錐魚、多春魚和冬菇。五品刺身餐廳選擇都算彈性，設有三品刺身，五品，還有七品。我們點了五點盛：牡丹蝦，三文魚，油甘魚，帶子和拖羅。蝦頭會吃完刺身後可以炸過變小食，蝦肉嫩身口感黏口，鮮甜的味道。油甘魚，厚實滑嫩。油甘魚腩色澤紋路分布均勻，如大理石，魚肉細緻甘甜肉厚刺少，肉質鮮嫩肥美，脂厚油香，魚油甘香細膩，油份極吸引。拖羅的脂肪分佈是可用肉眼看到，雪花般散落每一個位置，入口軟嫩，即溶在口腔中，油脂後勁不得不讚歎。吃過刺身後當然要來點主食，吉列極上

朋友在附近返工，放工找地方聚餐剛好經過，又好掛住大阪的串揚，就入去試吓，一坐低就有侍應姐姐介紹食物同飲品，五色刺身非常新鮮，鮑魚都好鮮甜，重點的串揚真係好好味，我地只有兩個人，但係真係會為咗試多幾款不停點，店員好親切會俾意見同推介，最後我地叫埋A4和牛，雖然貴少少，但係真係堅好味，極度推介，同朋友食左差唔多三個鐘，好似返左去鄉下日本咁，店舖雖然唔大，但係比起尖咀既串揚店抵食，而且味道好，服務亦親切，一定會再去。

同朋友一齊喺大角咀覓食，經過呢度，我見到餐廳名字又有「吉列」又有「串揚」，幾特別，「吉列」大家都知道係乜，「串揚」Kushiage (串揚げ) 或者叫 Kushikatsu (串カツ) ，據說起源於1921年 日本🇯🇵大阪一個叫「新世界」地區嘅一間小店，用竹籤穿過各種蔬菜、肉類或海鮮，於外層裹上麵衣，然後油炸，係平民食物；後來發展到東京同名古屋都有，亦都有高級版本，不過直到現在大部份提供「串揚げ」嘅餐廳都依然係比較大眾化，係 soul food 😆。講咗咁多，喺大角咀見到「串揚」，咁當然要入去試吓啦😆我哋叫咗好多食物 share 😋：- $58嘅「雜錦刺身」：有三文魚、油甘魚、帆立貝，全部都新鮮😋喺日本🇯🇵食「串揚げ」，每張枱（或者吧枱）都會有一大甖醬汁俾大家一齊用，醬汁僅限沾一次，不能回沾，如果唔係就唔衛生又唔禮貌😅。喺呢間餐廳，會有一碗秘製醬汁跟食物一齊上，所以超級乾淨😆- $18嘅「芝士（串）」：用 Brie cheese🧀, Brie 本身都已經係軟芝士，炸完之後熱辣辣就更加流心，又有鹹香😋- $12嘅「紅薑（串）」：紅薑 tempura 係關西地區 平民小食，睇吓「深宵食堂」

最近炸串喺香港非常流行，不過每次都要去到尖沙咀或銅鑼灣先有得食，而且炸串喺香港被視為高檔類食物，定價都比較貴！難得行過大角咀搵食，發現呢度新開咗間食炸串嘅餐廳，環境好企理，而且定價仲好親民，最平$10幾蚊就有一串，吸引我地入去試試！炸串嘅食法係先點少量酸醬汁，可以提升炸串嘅味道，串與串之間，仲可以邊食椰菜沙律解膩。！炸串心水推介：煙燻豚肉～食落有種煙燻嘅味道，感覺好似食緊厚身嘅煙肉咁好香。飛魚子昆布超驚喜，咬入去係粒粒脆脆嘅飛魚子，好特別！黑豚肉韮菜卷～餐廳選用日本韮菜，所以咬落無渣又爽脆！沙錐魚魚身好厚，炸起上黎好香脆，連魚尾都食得！其他清新又好味之選～黑豚肉蘆筍、日本南瓜、日本迷你甜薯，芝士。呢度嘅炸串一樣做得好好，無論味道、炸粉比例同喺外面食嘅幾乎一樣，但係價錢平最少一倍，性價比高。五品刺身（三文魚、帶子、油甘魚、牡丹蝦，吞拿魚腩）刺身新鮮甘甜，牡丹蝦爽彈，蝦頭食剩仲可以攞返入去炸，即炸真係超香脆，成個蝦頭連觸鬚都可以食埋落肚，不過小心被拮親！燒日本赤魚一夜干定食～定食包括沙律、味噌湯、定食同甜品。味噌湯好好飲，比平時多咗蔬菜，蒟蒻，味道亦好易入口。定食入面嘅魚身，顏色燒得好均勻