吉列牛忌廉烏冬專門店 (百樂中心) (已結業)

星期六兩點多來這裏碰碰運氣 竟然不用排隊 所以便進來吃了 吃了這裏的吉列牛肉 賣相十分吸引 還沒有吃已經流晒口水 不過唯一不足之處是他們的飯 竟然不是用日本珍珠米 完全是美中不足 ⋯⋯ 牛肉的生熟都可以自己控制因為是自己煮的，另外叫了牛肉炒糯米飯 這個也令到我10分的欣賞 也是很不錯的選擇 不過吃完之後好飽，有少少頂住這裏唯一的不好處便是waiter沒什麼反應哈哈 可能我們去的時候是他們快休息的時候吧 所以也是明白的呢 下次試吓兩點前去 服務應該好一點

臨考試前，食餐開心嘅圍爐下自己梗係要㗎啦，如果唔係溫得咁辛苦乜都假，對自己好啲。今日呢間餐廳一睇個名就知關忌廉同埋吉列牛事，店舖嘅招牌非常有重點，即刻俾我知道入到去我要叫咩菜咖喱忌廉烏冬 : 外觀由於一座白茫茫的雪山，壯觀而不失神聖，上面嘅蔥花就好似為雪山作出點綴，白色伴隨一點綠。攪拌均勻後，下層就係非常美味嘅牛肉咖喱，食落口之後，難以忘懷，烏冬嘅彈牙爽口完全冇食碳水化合物嘅負擔，咖喱味道濃稠可口，配合忌廉嘅奶香柔滑，唔只將咖喱嘅味道突顯，反而令我食到淡淡奶香味。吉列牛定食 ：有名比你叫吉列牛定食，主角就梗係叫吉列牛啦，牛肉上枱後肉質分明，嫩得來帶點光澤，放上鐵板上面燒，香氣飄出，咬落去肉汁即刻引入口中啊，簡直一大享受。其他配菜亦都非常出彩，芝麻醬豆腐幼嫩可口，飯上邊加上芝麻紫菜配料即刻加強個飯嘅口味同層次。牛舌雞肉串：整體食落去鹹香十足，充滿着彈牙的口感，牛舌嘅濃郁加上雞肉嘅彈牙口感，係一樣非常出色嘅開胃小食。秘製蛋卷：蛋卷皮非常厚身結實，更有芝士拉絲效果，食落口鹹甜得宜，芝士加強口感和濃郁程度，更加有彈牙的口感。呢間野簡直就係我忙碌生活之中嘅一點享受，超級正呀！！

Affordable sub-$200 beef katsu that you can enjoy while it’s heated on the metal plate. Each set comes with rice and miso soup too! Super tasty 😋 It was also my first time trying the curry udon layered with cream and it was delicious as well! I’ll definitely be returning here😋🤗 Only negative is that the restaurant is quite cramped and each table is also rather small so if you order a set each you’ll already run out of space to put your food.

近排好流行嘅吉列牛係銅鑼灣有一間專門店, 就約左朋友一齊朝聖。 樓下排隊堅係多人, 等咗十分鐘先上到餐廳。 menu比較簡單, 但每款都係我心水。吉列牛定食 餐廳採用約150g來自美國牛里肌肉, 無論材料, 炸粉, 醃料, 全部每個步驟都跟足韓國總店要求。 預先煮到3成熟俾你自己按心水嘅熟度再熟。 我就鍾意食熟啲, 朋友鍾意食生啲, 各取所需。 定食除咗呢啲牛肉之外, 仲有沙律, 麵豉湯同飯。 飯同沙律都唔錯。 而麵豉湯冇特別。 蛋捲入面包咗芝士流心, 好正。 燒鯖魚調味好食, 燒到d肉林林地。 有少少骨。 蕃茄豬肉鍋呢個豬肉都好靚, 配料好多。 但相比起吉列牛同烏冬就冇咁有特色。 總結而言, 呢度食物質素好高。 又試到新野又好食。

印象中百樂中心 食肆雲集但總是有一條長長人龍通常可免則免 早前發現 自己體質不適合吃豬和雞 然後連喜歡的吉列豬扒都放棄了 之前一直沒有聽過吉列牛 樣子很吸引 吉列忌廉牛店 主打吉列牛及忌廉烏冬 對於忌廉吸烏冬實在沒有好感 但對吉列牛還是滿有期待的去到才發現吉列牛專門店竟然是韓式的設定 非常驚訝 甫坐下 見有一大個黑色燒爐還以為是裝泡菜的😂 除了吉列牛跟忌廉烏冬之外 還有冷麵及其他選擇 但相信最吸引應該 是套餐 套餐包含吉列牛以及不同味道的忌廉烏冬 配上小食及飲品 價錢合理 眼觀 旁邊的食客大多都是點套餐 同行的美女M 很想吃冷麵 於是點了吉列牛定食 以及冷麵加燒肉燒牛肉另上 已熟。餐牌上的一道菜很吸引眼球 釀蟹膏紫菜飯團 生怕太飽 還是被滿滿的蟹膏吸引好味的 滿滿的蟹膏還吃不完很期待的吉列牛定食!雖然侍應沒有介紹 但見附上了芥末相信可以兩食。 中間長這樣子試只加芥末還不錯還是喜歡放爐上淺燒數秒沾點醬油 拌飯一流還可以追加牛 但今天肉就不吃太多了還有賞心悅目的薄荷柚子梳打 吃完其實才過了不到一小時 附近工作的話午餐也可當快餐推薦

今日嘅主角係吉列牛呀我朋友最愛食吉列豬扒同埋牛肉。 今次我帶佢嚟呢度食吉列牛可以一次過滿足曬兩個願望餐廳用左美國牛里脊肉, 肉質軟唸, 咬落十分有口勁, 加上佢係來自韓國既特許經營店, 用了特製既醃料用炸粉, 連步驟都跟足韓國總店做法。 食落係外面少少咸同脆。 入面好好肉地。 唔同吉列豬扒得個厚粉同個乾字。 本身牛肉已經係3成熟, 每個枱度都有個鐵板俾你自己加熱, 我就鍾意熟d,朋友鍾意生d各取所需。 煮完咬一啖有煙韌韌嘅感覺, 好正。 我地n call左一份牛。 落下排長龍, 好在餐廳未full 唔駛等位, 提提你, 餐廳上菜速度十分快, 想慢慢嘆就好似我地咁食完一份再嗌一份喇。 飲品就比較普通喇。。。

韓國有12間分店的排隊過江龍 Kobekyu 來到香港一年多了，主打吉列牛和忌廉烏冬。最近吃了日式吉列和牛，好奇韓式店子又會如何處理，今天就約朋友試試先。 Kobekyu 有兩家分店，一間在旺角，另一間是我們今天到來的銅鑼灣分店，座落百樂中心22樓，木色作主調的裝修，光猛開揚，遠眺馬場景色，環境不錯。 午餐menu 也挺豐富的，提供吉列牛外，還有韓式茶漬飯、釜飯及多款小食。我們點了吉列牛定食，另外再點了咖喱忌廉烏冬及Kobekyu 秘製蛋卷。 先來 Kobekyu秘製蛋卷，即是是芝士蛋卷，賣相吸引，蛋狀態挺滑身，芝士流心，蛋味香濃，果然是推介小食。 當店員送上忌廉烏冬，外形感覺跟忌廉蛋糕無異，原來咖哩烏冬藏在忌廉泡沫下，一夾起烏冬，濃濃咖哩香味撲鼻而來，建議拌勻來吃，咖哩更香更滑，烏冬彈牙有咬口，內有多塊雞件，也嫩滑，少許洋蔥及西蘭花令整碗烏冬平衡美味。 最後，期待已久的吉列牛到來，賣相不錯，外脆的牛扒，內裡粉嫩，定食包括胡麻醬豆腐、小蕃茄、飯、麵豉湯、醬油及芥末沙律醬，還有少許 Wasabi 給你多個選擇。 牛肉不算厚身，將牛肉放上燒熱的石板上，十秒已可以做到早利亞喜歡

成日見到朋友打卡食呢間吉列牛忌廉烏冬專門店都好想試吓，今日晏晝終於有機會嚟到銅鑼灣嘅分店食！話明係吉列牛忌廉烏冬專門店，我哋梗係唔可以錯過吉列牛同埋忌廉烏冬啦～咁岩見到有個set係有齊呢兩樣野仲配埋一人一罐汽水，所以我哋就毫不猶豫咁樣叫咗呢個set，另外再加左兩份小食就先嚟到嘅係忌廉烏冬，完全冇失望，佢將啱啱打好嘅忌廉鋪左係咖喱烏冬上面，令到本來聽落唔特別嘅烏冬變得好有特色！另外烏冬嘅咖喱味都好入味，雖然餐牌上面寫住話有少少辣，不過我食落就唔多覺，連本來完全唔識得辣嘅朋友都可以食到～而吉列牛因為已經切到細細塊，所以擺上去燒一陣好快就食得，我哋都係見到佢燒到變咗色就食，味道都唔錯，而且牛嘅大細啱啱好朋友一直好想食芝士年糕，我哋就叫咗一人一件，咬落去好煙韌，而且芝士係半融狀態，好正！最後仲有一份雞軟骨餃子，雞軟骨一般都係少或者配椒鹽咁食，第一次見佢做餃子嘅餡料，食落都覺得幾特別

近來少了打食評，因工作實在有點忙到喘不過氣來，連好好享受食物的心情也忘記了，男子看我無精打采的，就趁我下星期到泰國出差之前，帶我去銅鑼灣吃吉列牛忌廉烏冬。上次來應該是8月份吧，是我們第一次來，這家一直都是在TO EAT LIST裡頭，就是一直忘記它的存在。上次吃了招牌吉列牛和忌廉烏冬，雖然這樣說有點「大鄉里」，但當時真覺得驚為天人(哈哈)，吃下去就是幸福的味道。*Kobekyu秘製蛋卷 $68我和男子都是愛吃蛋的人，這個蛋卷裡面有半溶的芝士，又肥又好吃，唯一一個小缺點是蛋皮老了一些，但幸好裡面還是半熟的狀態，這道菜我們是秒清！*吉列牛定食 $148因為想吃吃新的食物，在吉列牛和忌廉烏冬之間，終究也是選了吉列牛！定食除了主角吉列牛，還有飯和湯，冷豆腐和蕃茄，醬汁也有兩款可以選。我個人覺得跟朋友可以點兩款分著吃，一人吃一份吉列牛定食可能有點「漏」，不過如果是男的又不一定啦。*上桌的時候外層是吉列，裡面是完全生的。*吃之前就放上去預先加熱的陶瓷小爐上面燒，燒多久多熟就自己喜歡，我是2-3秒就轉另一面燒。*我喜歡的是外面看起來是熟的，但裡面還是有一點點生這個狀態。*醬燒黑豚肉釜飯 $88除了吉

朋友推介呢間食吉列牛既餐廳，其實吉列牛都hit左一排，我都一直未試過！咁岩星期六下午得閒，就去食個lunch喇～-我地叫左一個set，包一客吉列牛，忌廉烏冬，麵豉湯，白飯，一口豆腐同埋麻醬蕃茄仔。再叫多一份吉列牛同埋一個蟹膏飯團做小食。-個蟹蓋真係有超級多蟹膏!!!!配飯食一流～-今次係我第一次食吉列牛，可能初初唔係太掌握到個火侯，燒得太熟，之後慢慢就開始熟習喇～燒到7成熟就岩岩好，唔會太生又唔會太熟～-忌廉烏冬好有驚喜！其實忌廉本身冇乜味，可能係eye catching d，上碟既時候靚d咁～-下次會再encore!

餐廳的招牌菜是吉列牛定食和咖喱忌廉烏冬，當然要試一試，所以我們決定要Set2再加一個小食！咖哩忌廉烏冬烏冬表面有一層厚厚的忌廉，忌廉是輕盈的泡沫質地，細滑微甜，並沒有想像中的膩！忌廉下層是咖哩湯烏冬，濃郁的咖哩略帶甜味和辣味！把咖哩與忌廉二合為一，令咖哩烏冬更香滑，十分美味！另外烏冬還有嫩滑的雞肉，雜菌和西蘭花，令整個烏冬生色不少!吉列牛定食吉列牛定食擺盤十分精緻!吉列牛的外層是薄薄脆脆的炸粉，內裏的牛扒仍保持全生! 好神奇，技術一流! 餐廳提供一個塗了牛油的日式鐵板細爐仔，將兩邊輕輕香煎， 生熟程度由自己控制，個人喜歡八成熟! 吉列牛外層鬆脆，內裡充滿肉汁，牛肉味香濃! 如果沾少許沙律醬一齊食，令牛肉味更突出，味道提升! 好滋味! 秘製蛋卷雞蛋卷上有少許飯素，增加口感!  雞蛋卷香滑, 內裏有好多好多芝士! 仲可以拉絲架! 好味道!芝士控一定要試一試!

知道百樂中心多食肆，呢日喺銅鑼灣行完街，就到咗22/F 嘅吉列牛忌廉烏冬專門店食晏。餐廳兩邊牆身裝有大玻璃窗，感覺開揚舒服。醬燒黑豚肉釜飯 ($88) - 喺飯味香濃嘅白飯上面加上鮮甜嘅黑豚肉、香滑嘅蛋絲及滋味嘅紫菜碎，再淋上香甜嘅醬燒汁，啖啖滋味！咖喱忌廉烏冬 (牛) ($78) - 上枱時碗面鋪滿creamy豐富嘅忌廉。將忌廉搞勻後，忌廉令咖喱更加香滑有質感，烏冬口感滑溜彈牙，每一啖烏冬都掛滿香滑嘅咖喱汁，再加上嫩滑嘅牛肉，Yummy!味噌蟹蓋配紫菜飯糰 ($58) - 味噌蟹蓋蟹味濃郁，口感帶點黏口，配上熱辣辣的飯糰及紫菜，意想不到咁好味！牛舌雞肉串 ($38) - 肉串表面香口，裏面仍然保持到肉计，味道唔錯！韓國蜂蜜紅棗茶 ($28) / 蜂蜜菊花茶 ($28) - 味道清清甜甜，最近天氣乾燥，最適合飲返杯蜂蜜茶，滋潤一下！

位於銅鑼灣百樂中心的吉列牛忌廉烏冬專門店係一間人氣韓日菜餐廳，主打吉列牛同咖哩忌廉烏冬中午黎到設有午市餐牌，$50幾起就有豐富午餐，都幾抵食的哦照燒雞扒茶漬飯雞扒唔算肥厚，比較薄身，但肉好柔滑，照燒醬汁充滿住整塊雞扒，都幾入味嘅！茶漬飯個壺湯好清甜，入口好舒服，把湯拌進飯裡變成湯泡飯都幾好味的哦！建議先食左飯面上既嫩滑炒蛋先至好加湯喔吉列牛定食吉列牛肉排切成左約10塊，厚薄適中，使牛肉更易燒熟，客人可自行把吉列牛燒熱至所喜愛的熟度。我同朋友將牛肉燒至差不多全熟，但肉並唔會因此變韌，仲好軟林添！入口好濃郁既牛肉脂香，四邊仲有微脆口感呢！另外好欣賞呢度既日本珍珠米飯，有嚼勁，富米香，加入左飯素更添美味雞軟骨餃子餃子則比較失色，雖然餃子肉餡飽滿，但用油過多了，導致餃子內外都是油油的Kobekatsu秘製蛋捲秘製蛋卷厚厚的，內裡卷了香軟的芝士，使蛋卷出現芝士拉絲效果，味覺同視覺都一流哦

都有一段時間無出去食好野啦，返工返學真係太累了。今日終於得閒少少，一於收工去食d好野獎勵下自己。閒日食飯真係舒服d，唔洗同人迫又唔洗等幾個鐘位。依間餐廳叫得做吉列牛，梗係必食推介。兩個人黎，都有幾個餐可以選擇，等大家唔洗咁傷腦筋食乜好。可以兩份吉列牛定食一人一份，又可以一吉列牛定食，一份忌廉烏冬，等大家開心share試多幾味。價錢又唔係貴，二人餐都係三百蚊左右，係銅鑼灣旺區算係抵食推介。今次無要set，鐘意散叫多d選擇！吉列牛定食，份量算多。特別在於每枱都有個爐仔，鍾意幾多成熟都可以自己控制。建議唔好煎太耐，煎到兩面岩岩轉色就夠啦。肉汁先唔會流失，肉質又夠嫩滑，加埋趣卜卜既吉列面，名副其實嘅外脆內軟，點埋芥辣醬又係另一種嘅感覺！加埋白飯一齊食，冇咁油膩之餘仲夠晒飽肚。原條鰻魚蟹子釜飯，估唔到係驚喜之作，原來鰻魚下面各有一層蛋絲同紫菜，加埋蟹子撈勻黎食，味道真心唔錯。而且份量多到真係要開心share先食得晒。鰻魚比想像中大，燒得岩岩好，食落無膩口既感覺。仲有個火係窩下面熱住，冬天慢慢嘆都唔怕凍晒。小食—海鮮薯餅。熱辣辣新鮮炸起，味道黎講都ok，但係就無乜海鮮既口感！沙律醬係薯餅既靈魂所在

Visited last night with my girlfriend around 9:30 pm. They started to clean the restaurant around 9:50 with wax and hot water. Had to see the dirty waters coming out from next table and floor while we were eating, and gave up finishing our dishes. Wax smells were so bad, and told to the manager, but seems like she doesnt know what the issue is here. We had to stop eating and come out. Never want to visit again. No basic sense.