吉列牛忌廉烏冬專門店 (百樂中心) (已結業)

幾個月前試左人生第一塊吉列牛，一試愛上，不過香港真係唔多餐廳食到。今日有幸發現多一間餐廳有吉列牛，仲要開係我經常出沒既銅鑼灣，以後可以經常黎食喇🤤。果陣岩岩好中午時份陽光好猛烈，係窗邊透入黎既日光再加上餐廳日系風格，令我恍如置身於日本，好舒適享受☺️。哩個咁精緻既鐵爐專門燒吉列牛。每張枱上面都放左一個，黎到當然要試下。吉列牛定食份量一啲都唔少，飯份量都頗多，吉列牛有成九件咁多🤤。吉列牛外邊金黃色，內面就處於生既狀態粉粉地色。我個人覺得吉列牛燒一分鐘，牛既口感同火喉係最好。燒完後吉列牛邊邊會脆脆地，牛肉肉質好結實，不過咬落好淋充滿肉汁。如果一份唔夠喉，可以加$98追加多一份列吉牛。哩到既饅魚飯都唔錯，用火爐烘分半鐘左右就食得。饅魚份量睇相就知有幾足料🤤。饅魚肉質結實，無腥味。蟹籽、蛋絲、海苔同珍珠米混合埋一齊，真係好夾。紫薯Latte超香紫薯味，甜度適中，奶油部份都唔膩。😍😍😍大愛～～蜂蜜紅棗茶好養身，甜度同樣調較得岩岩好，味道都好好👍🏼👍🏼。

經常睇IG都會見到賣相好吸引嘅吉列牛+忌廉烏冬🤩今次終於有機會拉埋朋友仔試下呢間人氣網紅店❤️。💓套餐2️⃣ 吉列牛定食+咖哩忌廉烏冬 $246👉🏻吉列牛🐂真是超級超級超級正🤤🤯上枱時還是生的 要用旁邊的鐵板弄熟♨️要幾成熟可以自己調節🕦大約弄5-10秒再翻一翻便可 肉汁完全被鎖住所以好juicy 而且肉質好淋 牛味亦十分重👍🏻難怪是本店的主打😍。👉🏻咖哩忌廉烏冬🥘原本以為會好膩🙈但事實上並不會 撈埋下面嘅咖喱烏冬 令整體上更加香滑😋。💓Kobekyu秘製蛋卷🍳 $68蛋卷有特別調味 所以吃起來香香的☺️再加上入面有芝士‼️令整個蛋卷更加豐富❣️。💓雞軟骨餃子🥟 $38意外地有驚喜 入面的雞軟骨餡有咬口令口感更加豐富😳。📍吉列牛忌廉烏冬專門店 (銅鑼灣)銅鑼灣耀華街3號百樂中心22樓

吉列牛X忌廉烏冬.吉列牛定食&咖喱忌廉牛肉烏冬🍛呢個差太多係二人必嗌既餐，吉列牛🥩賣相唔算太討好，但燒完之後又幾軟滑喎，質素比預期好！咖哩烏冬面頭係一層滿滿既忌廉，原來底下先係咖哩烏冬呀！撈埋一齊後個咖喱汁會變得好creamy，烏冬都好滑嘟嘟，牛肉都好多，好欣賞呀好美味💕😍朋友加左特色餐飲：紫薯Latte同綠茶Latte☕️.午餐其實有唔同既set，其中一個係帶子蜆肉蟹籽釜飯，上枱後要繼續蓋住一分鐘，打開之後好香呀有啲似韓式既壽司卷！因為落左好多紫菜，仲有大量蛋絲同蟹籽😋，值得一提係啲帶子好滑同埋微微燒過夠晒香👍🏻👍🏻👍🏻.小食就點左味噌蟹蓋紫菜飯糰🍙，蟹蓋細細個既，不過啲蟹膏都唔錯，飯糰有三件，size稍為細件，一口就食左🤣

用心·做·牛肉在店外擺放了長椅，方便大家等待時可以坐著等，已經見到店家的體貼。一進到店內，便聞到陣陣牛肉的香味，而且聽到滋滋的燒烤聲音，令人非常期待。今天點了蟹膏小飯團，蟹膏味道香濃，加上蟹肉，再以紫菜包裹，一口的大小非常方便食用，一口香濃🦀好味道。骨付腸則為喜歡啖啖肉朋友必須要一嚐的好味道，一客兩件開心share。今天的重頭戲是吉列牛定食，配菜味噌湯等全部都是開胃的好選擇。主角吉列牛肉必須讚賞店家的心思，它預先已吉列了牛肉，上桌後客人只須再烤香兩面，相對由自己燒烤整件牛肉，需要顧及的東西相對較少易掌握，不怕烤得太熟浪費了美味的牛肉。第一件試了原味不加醬，牛肉質地好不會咬不開。第二件加了醬油，牛的味道便立即得到提升，香味更突出。第三件我再加了沙拉醬，但原來它混合了mustard，與牛肉味道超級搭配，自此每件都必加這個醬😋😋最後的一件我再加了一點跟吉列牛一起上的wasabi ，辛辣味道再增加，如果喜歡辛辣的朋友不妨一試。由於這個吉列牛實在好吃得太犯規了，我們忍不住追加了一份，而且也是吃得光光的一點不剩🤣🤣甚麼減肥大計都先放一邊了

見好耐無食過吉列既食物，上網一搵，見呢間咁多好評，決定一試，果然名不虛傳👍🏻見樣樣都好吸引，於是兩個人叫到成枱都係野食😻（1）首先係二人套餐吉列牛定食拼咖哩忌廉牛肉烏冬個吉列牛可以自己燒架，咁樣唔錯，幾時食就幾時燒，舊舊都新鮮燒好唔怕凍左🐄🐂（2）再黎既係味噌蟹🦀蓋紫菜飯團🍙有三舊，一口一舊岩岩好，味道唔會好濃，而且食到清甜既蟹味😻（3）小食叫左好有特式既咸蛋薯條🍟呢個製法都係第一次咁食，好似黃金蝦咁樣，外脆內軟，極好味。（4）杯抹茶🍵latte 都滿滿驚喜架睇佢以為淡淡色無乜味？咁就錯喇。唔單只有好濃郁既抹茶味之外，奶味都好濃架，中意飲抹茶🍵既朋友記得試喇

朋友介紹話幾好食，所以早幾日午餐專登去試一下，兩個人睇咗一陣餐牌，諗緊究竟要個二人套餐好定係散叫好呢？ ！最後我哋決定叫一個吉列牛定食同埋一個忌廉咖喱牛烏冬！可以試晒兩種出名嘅菜式忌廉咖喱牛肉烏冬，賣相幾得意，估唔到又真係好夾，湯底好香咖哩味！牛肉唔算多，但夠嫩！最初以為呢個配搭好奇怪，食落先知好好食！一定會再試！推介叫這個！吉列牛肉定食，打卡厄like必選！其實都不錯，石板唔會黐底，幾好用，又唔油！牛肉兩邊燒一燒就可以食，幾好，冇乜油煙！認識來講，都幾抵食，好多舊牛肉！有啲人話旺角分店冇咁好，我就唔知道啦！

去日本旅行都食過好幾次炸吉列牛，相當回味。近兩年香港都開了好幾間主打吉列牛的餐廳，而在我公司附近就有一間，無理由唔試下掛😆餐廳位於耀華街，地點方便，而大廈多食肆夠集中，係揾食好去處。餐廳裝修設計時尚，員工也服務周到。餐牌主角菜式當然係吉列牛同忌廉烏冬啦，但釜飯都相當吸引。我地點了吉列牛定食：賣相吸引，牛扒幾大件，沾上包糠炸得金黃，牛肉呈紅色，差不多全生，要再按自己喜好用爐仔煎熟，點上醬油、奶油、芥末，好味又好玩！鰻魚釜飯：原條鰻魚夠肥美，加上蛋絲同紫菜絲，秒速食晒成鍋飯😋。下次一定要試埋忌廉烏冬👍

一直都好想試試吉列牛，但奈何旺角分店成日都滿座。所以特意跟朋友約在平日，到銅鑼灣的分店試一下。店舖位於耀華街，附近都有好多食肆，看來附近應該很多食家出沒。餐廳主打吉列牛和忌廉烏冬，但也有其他菜式, 如釜飯、涮涮鍋、串燒等。餐廳亦引入左本地手工啤，喜歡啤酒的朋友絕對不能錯過。味噌蟹蓋配紫菜飯團$58蟹蓋醬很特別，個人挺喜歡配上紫菜和飯團以後的質感。而且飯團小小一顆，個人覺得好可愛。吉列牛定食$148外層薄薄的吉列脆皮，包裹着粉紅粉紅的生牛肉。一看這味菜我就想起炸雪糕，若是師傅技巧不夠好，內裡的牛肉過熟變老。一片片地烤，伴隨牛肉吱吱作響，十分治癒。盤內配有麵鼓湯和冷盤，另外有 芥末, 日式醬油及沙律醬蘸醬。忌廉牛肉烏冬$78滑捋捋的忌廉烏冬給我一個全新食感。當忌廉和咖哩烏冬拌勻後，味道昇華至另一種感覺。而且忌廉烏冬的外相精緻，十分適合打卡。南瓜煎餅 $38南瓜蓉打得十分仔細，入口即溶。整體不會太甜膩，作為甜品小點，是不錯的句點。

兩年前第一次自己去首爾旅行，其中一個行程就係食當時剛興起的吉烈牛同忌廉烏冬，食完後返港一直念念不忘但又無咩餐廳有得食，近期終於發現呢間主打吉烈牛餐廳，二話不說要去試下。吉烈牛份量比我預期中多，上台時係生生地，咁就可以比我地自己再燒到自已鍾意既熟度，而且佢比較厚切，所以可以食到牛肉既質感，肉味juicy 之外可以自己燒下又幾好玩另外再叫左個帶子蜆肉蟹子釜飯， 釜飯裏有紫菜同蛋絲，溝埋啲蟹仔蜆肉有啲似日本親子丼，但比親子丼乾身， 食起嚟吾加醬汁都夠味之餘又無咁漏，連一向吾鐘意食飯既男友都話正!仲叫仲個南瓜薯餅， 雖然冇乜南瓜味，但炸得夠香脆， 邪惡得耐好滿足今次太飽食吾到忌廉烏東，下次一定番卓試下!

食完之後極之肚痛，應該係啲cream溝咖哩太油啦。我哋仲叫咗自己燒嘅牛肉定食，side dishes是切開的番茄仔和小豆腐加了點日本醬汁，但牛肉嘅quality真係比較差，所以唔建議點呢個牛肉。There are other restaurants out there that provide this kind of Japanese beef, and probably with better service, 所以我哋唔會再去呢一間餐廳啦，同埋驚再肚痛啊。

去銅鑼灣行街前必須尋尋美食 位置在時代廣場後2條街的耀華街百樂中心全棟大廈都有不同國家的美食 平時食得多日式定食，所以今次同愛人嚐嚐韓式定食Set 2 $246吉列牛定食  平時食得多吉列豬，這次專登來品嚐吉列牛 只用了少量木槺粉炸一炸 所以不會食得出一口粉炸 上枱時眼看全生似的 除了炸粉是熟之外枱上有一座小鐵板 用來烤一烤吉列牛 每邊燒5-10秒吧 但內也生生的 肉質也比較淋身 嫩口但唯一的不好 員工落枱時沒有介紹食法 隔離枱不知要燒一燒便一口食落肚話味道怪怪凍凍的 幸好我不懂食立即上openrice睇食評配上芥末和沙律醬 令到食吉列牛時不用全熟也可以殺殺菌芝麻醬豆腐+車厘茄+麵豉湯咖哩忌廉牛肉烏冬 上枱時鋪滿了一整碗的忌廉 ，不是一般甜品或飲品的忌廉味 不甜 只會令底下的咖哩入口更滑身 咖哩不辣配上牛肉粒 但份量太少 不會飽肚 紫薯Latte 第一啖飲落有少少紫薯的沙粒 但Latte在腦海中應該是咖啡+紫薯+奶 一切都錯誤了 只是紫薯+忌廉 綠茶Latte 綠茶味比較重 飲落都滑身 配上滿滿的忌廉在上面 另外有一款更特別的是南瓜Latte 下次有機會才嚐試味道賣相衞生服務抵食推介

上星期同朋友剪完頭髮都八點幾，衝過黎平日勁多人嘅百樂中心搵野食😋我同朋友兩個人睇錯menu，以為可以散叫吉列牛，點知total叫左3個set!!!😂😂 肥到爆！記住依度無得散叫吉列牛，一定要叫定食🤦🏻‍♀️吉列牛定食 $148 咖哩忌廉烏冬 $78原條鰻魚蟹籽釜飯 $128對比招牌菜吉列牛，想同大家介紹咖哩忌廉烏冬同釜飯！愛忌廉嘅你，絕對要試個烏冬，啖啖忌廉溝埋咖哩，整體唔算”溜”，反而幾夾，肥仔之選！👌而鰻魚好正！加上蛋、紫菜絲同蟹籽，正😍😍😍😍

今次黎介紹下呢間吉列牛忌廉烏冬先!1) 味噌蟹蓋紫菜飯團飯糰細細舊，但蟹膏既份量係多到包唔曬。蟹膏好新鮮而膏味好濃，蟹膏上面重有啲蟹肉，所以成碟嘢嘅蟹味都好充足..2) 吉列牛定食炸出黎既吉列牛金黃鬆脆，大概只有三成熟， 嫌佢太生的話可以放上爐端上面再燒到自己適合自己既成數。燒完之後牛肉外表依然鬆脆，牛肉味好濃，好有油香，唔燒得太熟的話口感岩岩好，配埋白飯就真係一流。3) 忌廉咖哩烏冬呢碟烏冬面頭全部鋪滿曬白色嘅cream睇落好神秘，白色比人嘅感覺好清新完全估唔到佢真係一個咖哩烏冬，但係一撈埋啲烏冬就會聞到咖哩嘅香味同埋變返黃色，一時之間好有罪惡感，因為好似破壞左碟白雪雪烏冬咁。烏冬食落好彈牙，咖哩味好香好濃，加上面頭果浸厚厚既cream 就令到啲咖哩好滑嫩，而且烏冬同咖哩既配搭又唔會好怪，呢啲創意菜式真係值得一試。4) 帶子蜆肉蟹子釜飯係食之前要焗佢大概五分鐘，五分鐘分後就會聞到海鮮既飯香飯入面有蟹子，蜆肉，帶子，芝麻， 紫菜，蛋絲。成碗飯餸菜嘅點綴得好色彩，睇落好吸引，而最重要飯面頭既海鮮都好新鮮，啲飯撈埋啲紫菜蟹子蛋絲同埋脆卜卜嘅蟹子比起就咁食白飯感覺更加豐富。5) 綠茶 lat

知道了韓版吉列牛引入了香港但一直未有機會去，今日特意找個朋友食午餐！位置優越，正正在銅鑼灣時代附近！吉列牛定食 HKD 148 追加吉列牛 HKD 98 平時多食日本，今日來個特別D — 韓版吉列牛 . 肉質呈現粉紅色，紋理也清晰。個人喜愛比較生，很快燒一燒便吃了 ！ 而這個有灑了鹽來提提味。 肉質有咬口。放在1～2人爐上燒 ，同樣生熟度可自己控制。咖哩忌廉烏冬 （牛肉） HKD 78 咖哩烏冬再加上忌廉後更滑溜而帶點微辣，刺激一下味雷。有牛或雞選擇，而牛控的我也選了牛肉，肉質有口感沒有被「那過」的感覺。

黎到sem尾，真係日日都好忙好chur，難得呢日下午得閒，就同同學一齊黎食返個好西輕鬆下！一坐低，感覺都幾舒服，可能因為又高層數又帶陽光，再望住個跑馬地景，真係放鬆咗少少。都係咁啦，每張枱都有一個燒吉烈牛既爐仔！我地兩個人黎，兩個人份量既野食都放滿晒成張枱，有少少逼，如果張枱大d就好！【咖喱忌廉烏冬】（配牛肉）呢個烏冬可以簡牛肉或者雞肉，我就簡咗牛肉！我係第一次食忌廉烏冬，好驚喜，之前一直都好怕會好膩，但完全唔會，忌廉既奶香反而中和咗咖喱既濃味，好易入口，而且個烏冬好彈牙好好食，好滑，真係推介。【吉烈牛定食】朋友叫咗吉烈牛定食，個爐好快就燒熱咗，我覺得牛環燒耐少少，因為有一定厚度，唔好睇到個面熟咗就食，雖然牛可以生食，但個心唔夠熱有少少凍我就prefer熱d咁食啦！但口感都幾豐富，肉軟，面頭脆，都值得一試。【Kobekatsu 滋味單骨雞翼】呢個好香口幾好味，單骨好方便我呢d唔係好識食雞翼既人，如果要我形容佢個味，我會形容佢係，加強版m記bbq蜜糖粉雞翼！總結，如果下午係銅鑼灣食飯，想靜靜地食個好飯傾下計，呢到一定岩晒，我應該會帶朋友再黎encore啦～