吉列牛忌廉烏冬專門店 (百樂中心) (已結業)

朋友介紹呢間食烏冬食燒牛係超級好食所以決定帶外國黎既朋友試一試👱🏻‍♂👩🏻‍🦰👨🏻‍🦰👱🏻‍♀🧔🏻今次叫左好幾樣特式推薦既食物，Set 3（吉列牛定食🐮+ 咖喱忌廉牛肉烏冬🍜+ 牛𥚃脊肉蓋飯🍚+ 汽水x3🥤)三樣都令我地食得好滿足，吉列牛定食🐮：成個後都比吉列先包圍然後可以跟據自己想要既熟度去燒，入口即溶，好新鮮架咖喱忌廉烏冬🍜：一個好特別既製法，咖哩烏冬上面有忌廉遮蓋，睇落好似一盤打左泡既奶，然後咖哩烏冬撈埋一齊食口感好滑牛𥚃脊肉蓋飯🍚：我咁耐以後食過覺得最好食既飯，有汁撈過既紅米飯，再拼埋上面既𥚃牛脊肉，絕對係絕配，唔係誇張👍🏻誠意推薦比各位❤

第2次黎呢間食啦！佢個名係吉列牛忌廉烏東專門店！上次試哂佢個店名既野食今次約多幾個朋友 試下佢其他野食我地8點幾去到超。多。人。排。隊！不過無辦法啦好食既野係咁！因為門口太多人影吾到個門口係點唯有影少少餐廳門口個牌餐牌其實選擇吾算多！但勝在全部都係優質食材！味噌蟹蓋配紫菜飯團啲料係超多！3個飯團係吾會夠。所以就吾好浪費！配埋個咸蛋薯條點埋真心正！當然佢本身個薯條都好出色！咸蛋味好夠！重點係即炸！所以無得輸！呢個係頂級牛里脊套餐有個大大既大啡菇！同埋個牛里脊。呢個上次無食。我仲以為係直接切就食得。點知原來都係要自己燒既！高質！牛里脊肉蓋飯呢個又係第一次食既！超好食！飯係有紅米一齊。牛就吾洗講啦！啲紅米超香，牛夠多肉汁。之後主角黎啦！吉列牛定食同埋咖哩忌廉烏冬！先講忌廉烏冬，黎到係白雪雪一碗。好似一舊雲咁好舒壓。撈埋個烏冬食。夠哂滑！除左滑仲有陣陣咖哩香味！正！之後就到吉列牛，定食啦！一見到就諗起豪華2個字！多野到！前菜+飯+湯+牛。無得輸！呢到最好既當然係自己燒熟。有啲人會覺得好麻煩。但對於有要求既我當然想自己燒！因為只有自己知想食幾成熟！所以對於有要求既我呢間店必然係首選！

吉列牛定食 $148 *🌕🌕🌕🌕🌑吉列牛份量好多，但可惜厚切，搞到自己燒好難控制火喉，薄切口感會更佳。個醬油甜甜地，配搭得個牛幾好，但最夾就係Wasabi ！個醬食落一啲都唔刺激，但有淡淡Wasabi 香，減輕左舊牛既油膩感。啲配菜正常味啦，飯就加左飯素，珍珠米幾好食。-咖哩忌廉雞肉烏冬 $78 *🌕🌕🌕🌖🌑個忌廉係gimmick野，撈完無忌廉味，唔覺creamy左，食落米普通一碗咖哩汁撈烏冬。烏冬煮得剛剛好，彈牙唔腍身，個咖喱好濃郁，有小小小小辣，烏冬掛起啲汁，食落有啲太濃，想加番啲水。雞件食落有啲乾，但配咖哩汁幾夾。-我無叫套餐，因為我唔飲汽水，散叫少2罐汽水，平$20 。*需加一

最近很流行吃吉列牛  把半熟的牛自己放上鐵鍋上燒  亦開了很多專門店  但這次試了另一款招牌  忌廉炒麵  一樣好吃 蕃茄濃湯黑豚肉Shabu Shabu $98  烏冬 $15🥘蕃茄湯不太夠味  味道較淡  黑豚肉份量多  但不算太嫩滑  整體還算可以 韓式甜辣醬單骨雞翼 $65 🍖辣味剛好  雞翼每部份都有沾到醬汁  非常入味  而且甜中帶辣  加上芝麻的香味  值得一試 香辣忌廉雞肉炒麵 $78一上枱只見到淡黃色厚厚的忌廉  要攪混才吃  甜辣的炒麵加上忌廉  雖然非常邪惡  但味道十分夾  忌廉增加了整體的Creamy感  吃下去感到每條麵都沾上忌廉的味道

今次兩個朋友介紹食呢間吉列牛餐廳，其實佢好多選擇嘅。今次我食咗佢個吉列牛定食，我朋友就食咗個咖喱忌廉牛肉烏冬。吉列牛真係無得輸！因為佢其實炸咗個面跟住中間嗰啲係生嘅，佢會俾個好迷你嘅鐵板爐你即刻喺自己張枱度燒，燒完之後即刻食。同埋佢個飯係用珍珠米嘅，所以配搭得好好！另外佢忌廉咖喱牛肉烏冬，佢嗰啲cream打得好滑，而且啲烏冬份量都好夠，仲有跟住我哋想食多啲，叫咗個小食，係炸雞軟骨餃子，呢個幾特別，可以一試！

同friend兩個人食叫咗吉列牛定食再加多個忌廉烏冬。上碟嗰時佢會比舊野比你自己煎熟啲牛，個感覺好得意，同時間又好香。吉列牛真係好好食，但係忌廉烏冬真係普通到冇得再普通。

當日係銅鑼灣考完試7:00 就行去百樂中心食吉列牛第一次食呢間野係係韓國 個時香港都未開但當時覺得牛肉一般 有d位好un 但價錢大約係$80 左右到百樂中心 大概用左15 分鐘黎等lift 心諗上面一定要等好耐🤨上到餐廳 場內9成滿 好彩都可以馬上入座吉列牛定食 $148散叫左兩份定食炸粉唔算厚 但係牛肉厚度切得好不一有d 好厚有d就啱啱好 因為箍緊牙所以食起黎都有d 麻煩但牛肉比起韓國嗰間林身 而且唔un😋其他配菜就不過不失 反正都唔係今日嘅重點🤣咖喱忌廉烏冬 $78因為有兩份吉列牛 所以烏冬揀咗雞肉 以為忌廉會好飽好膩 但係又ok份量其實唔係好多 只係面頭d 忌廉厚而已🤫但2個人食黎講真係太多🤭🤭缺點就係通風唔好 食完個身比起韓燒還大味🤭

當天下午去到沒有客人，只見到兩個女待應...當時只有我一個人去食，我點了吉列牛，送餐時女待應把食物擺到對面位，之後點了火，就離開！！而我盤食物就係對面位要我自己拉過黎？？？張枱又細，左邊擺左火爐，右邊擺左餐具，我要打橫先可以拉過黎...同埋我第一次去食，其實可以講解下點食法，面唔係黑面咁擺低就咁走左去...吉列牛當然無其他人講得咁好食，好韌，點整都唔好食，有d咸兩個女待應就不停在收銀位傾計...叫賣單要叫幾次先聽到...

聖誕節想出下街食野，諗爆頭食咩之際，決定試下好多人話正平民dd既吉列牛。佳節多人就當然的了，所以我早一日訂左位，但去到發現真係唔算多人，比想像既座無虛席畫面大相徑庭。同朋友目的只係佢既忌廉咖哩烏冬同埋吉列牛定食，所以一坐低已落單。等左15分鐘，忌廉吉列烏冬黎左，外表無咩特別，同其他食評一樣，一pat忌廉放喺碗烏冬上面，完。味道呢，同普通咖哩撈冬一樣，有d肉有d洋蔥咁，唯獨係口感大慨因為有忌廉而滑左少許，無忌廉既味(大佬，烏冬本身都滑，加5加分別不大...有dd用78蚊食7仔撈冬既感覺sorry。。。再一陣，主角吉列牛到，er，賣相極普通，無wow既感覺，牛肉細件勝在算多，但定食既沙津、麻醬豆腐及面鼓湯，可不可以不要令我諗起polyU既日式定食質素。。。。賣相好無誠意。味道，燒熟既吉列牛就，係一舊無咩牛味，無咩肉汁而又不嫩既肉，重要炸粉走哂風咁，唔脆。。。唉。。。。。雖然話$148蚊不可要求太多，但真心失望，自己買塊百零蚊既扒煎好過。 *我建議拋開食牛要食生d既慨念，因為燒熟d個炸粉會好食d 講真，呢餐俾得唔太滿意，完全係玩gimick野，味道不值一試，好奇既人可以就咁叫$98成佢個石爐

其實知道呢間餐廳好耐但一直都未去食今日終於抽到時間去諗都唔諗就直問店員推薦然後期待一番吉列牛定食原來枱面個爐係咁肉，自己控制生熟度，本身炸係用麵包，所以感覺好唔一樣，有誠意好多肉質好好，味道都不錯，我自己鐘意食3成熟，就算咁生食落都好易咬開，大讚咖哩忌廉雞肉烏冬一放底覺得好搞笑，究竟會係咩味，原來係會好smooth，好滑身，同咖哩烏冬完美融合，雞肉Size比較大舊，好有質感味噌蟹蓋紫菜飯糰細細舊一口岩岩好同勁香韓式甜辣醬單骨雞翼停唔到口嘅小食，味道做得岩岩好，單骨又入味又方便食用

朋友介紹，慕名而來位於銅鑼灣的吉列牛忌廉烏冬專門店，真的沒有令人失望，非常好食。味增蟹蓋紫菜飯團$58，很特別的飯團，用紫菜裹上飯團，再按自己的口味伴上味噌蟹肉，YUMMY吉列牛定食：定食有酥脆香口肉味十足的牛扒外，還有飯、湯、冷豆腐和蕃茄，配上和風芝麻醬和沙律醬。上桌時，牛扒已經分切好，但非常有生，客人需要按自己的口味在小陶瓷加熱一下，我喜歡每邊烤2秒，熱騰騰，十分好吃。小陶瓷爐上烤上2秒就可以吃囉！Kobekyu秘製蛋卷，雞蛋香加上半溶的芝士，滑漏濃郁口感，秒殺清盤。

吉列牛定食是位於銅鑼灣吉列牛忌廉烏冬專門店的招牌之一，差不多每桌都必點的。定食除了吉列牛扒外，還有伴碟和風沙律、湯、飯、凍豆腐和蕃茄。炸好的牛扒已切件上桌，外層酥脆，但牛肉還是十分生，紅紅的，客人怕生的話，可以自己用桌上的陶瓷石板，微微烤一下，我自己每邊烤2，3秒，牛味十足又軟嫩。牛肉可隨自己喜好，烤上2，3秒就最合我胃口😁味噌蟹蓋配紫菜飯團$58賣相精緻，吃的時候用紫菜包著飯，自己伴上蟹蓋裏的味噌蟹肉，好玩又好吃。帶子規肉蟹籽釜飯$128熱騰騰釜飯面上舖滿蛋絲和紫菜絲再加上大大粒的帶子和蜆肉，最後灑上橙紅色的魚子，光是賣相顏色已經贏晒。碗底還有暖爐，確保飯底微焦不沾㡳，集野味和鮮味於一身的釜飯，一定要試。。

每次幫襯呢間餐廳我都會嗌同一個套餐皆因佢$2xx就可以食晒兩個signature dish分別係咖哩忌廉烏冬同吉列牛😛.作為烏冬嘅終實fans呢到嘅咖哩忌廉烏冬真係好高質仲要係粗身彈牙嘅讚岐烏冬真係我至愛啊♥️ 面頭嘅淡忌廉雖然得個樣 但底下嘅咖哩香濃帶甜味 每條烏冬都被咖哩包圍 啖啖都係幸福嘅感覺😭 每隔一排都會想再翻嚟幫襯😝.可惜佢個吉列牛就真係退步咗👎🏻份量少咗 但感覺切厚咗少少但其實切厚咗係更加難燒始終吉列牛只有外面炸熟咗中間依家要靠後期燒熟個石爐係咪真係有足夠火力燒呢?😅仲未計啲麵包糠其實好易痴底🤷🏻‍♀️.不過勝在位置方便 而且唔使等位價錢合理 烏冬好味😂 所以會再幫襯

先說食物問題 - 吉列牛 完完全全冇牛味 係冇味道 係連炸都唔好食啡茹餐既牛 有返牛味 但好似油浸一樣 呢個質素 呢個價錢 唔值再來 態度問題 -正值晚飯時間 搭電梯多人 唔係問題 問題在於等完一輪電梯 終於上到去 店員的黑面都不在話下 說話態度實在囂張 用餐限一小時 店員一而再 再而三 反覆 說要交還枱 何時交還枱 係 係差一個人先齊人 但絕對可以有禮貌表達而非不斷催趕唉 好不容易上到來 坐都未坐底 就不停說要幾點走 幾時交枱 真係感覺惡劣如此價錢 服務 食物 真的 - 不 值 得！

上次聽到朋友去吃了吉列牛肉，聽見也令我心心眼，真的想去感覺一下牛肉配上吉列是什麼味道。 坐言起行想食就去食，即約朋友放工去吃吃吃～Passion punch 帶有微微清新果香甜味，內有很多熱情果籽，啖啖清新又美味。吉列牛肉定食炸至吉列外層非常香脆，內𥚃牛肉就半生，由肉紋清楚看見新鮮及嫩滑質感。跟餐會有一個火爐放在枱上，可自行把牛肉燒至喜愛生熟程度。帶子蜆肉蟹籽釜飯飯面放滿煎蛋絲及紫菜絲，更好很多蜆肉及蟹籽，又有大大粒帶子，好豐富又多餡料。 碗底有個坐䁔爐，使飯底烘成少少飯焦又唔黏底，飯焦增添釜飯帶層次質感，有點吃超高級又美味煲仔飯口感。