吉列牛忌廉烏冬專門店 (百樂中心) (已結業)

近排好流行嘅吉列牛係銅鑼灣有一間專門店, 就約左朋友一齊朝聖。 樓下排隊堅係多人, 等咗十分鐘先上到餐廳。 menu比較簡單, 但每款都係我心水。吉列牛定食 餐廳採用約150g來自美國牛里肌肉, 無論材料, 炸粉, 醃料, 全部每個步驟都跟足韓國總店要求。 預先煮到3成熟俾你自己按心水嘅熟度再熟。 我就鍾意食熟啲, 朋友鍾意食生啲, 各取所需。 定食除咗呢啲牛肉之外, 仲有沙律, 麵豉湯同飯。 飯同沙律都唔錯。 而麵豉湯冇特別。 蛋捲入面包咗芝士流心, 好正。 燒鯖魚調味好食, 燒到d肉林林地。 有少少骨。 蕃茄豬肉鍋呢個豬肉都好靚, 配料好多。 但相比起吉列牛同烏冬就冇咁有特色。 總結而言, 呢度食物質素好高。 又試到新野又好食。