合益泰小食

營業中

休息中

合益泰既腸粉一路都好出名，黎到深水埗一定要試下佢！雖然係好出名同埋好多人熱棒，但係價錢都係正常腸粉價，唔會特別貴😌買黎做早餐或者下午茶都唔會肉赤。本身覺得腸粉咪腸粉囉，可以有啲咩咁特別，但係食完之後真係覺得原來係可以有唔同架wor😯腸粉外賣有分四種價錢，$10四條，$15六條，$20八條，$30十二條。另外佢仲有燒賣、魚蛋、豆漿、粥賣。不過黎到，個重點一定係佢地既腸粉🤩  1⃣️腸粉（$10）呢度既姐姐完全係較剪手，chop chop chop三兩下手勢就剪好曬啲腸粉，然後手勢好純熟咁落麻醬、䜴油、甜醬、芝麻。食落腸粉係真係比起平時食到既果啲滑😋好似話佢哋既腸粉係有落豬油整既～滑得黎食落口感算爽彈。呢度既麻醬都係一大重點，麻醬好香🤤下次要叫佢多麻醬先得！

我今日帶個食物盒買外賣！現場係冇人排隊！呀姐同我講下次咁樣唔賣比我！我問點解，佢話麻煩！下次要收返我$1！我真係唔知咩道理！我真係好想問老闆係咪事實！如果係！請你掛個牌喺鋪頭「不支持環保」😡😡

🍽合益泰小食合益泰嘅腸粉係世一！合益泰嘅腸粉係世一！合益泰嘅腸粉係世一！重要嘅事情要講3次😆暫時係香港，我同朋友們一致認為合益泰嘅膠粉係最好食😋😋😋腸粉 $12 - 6條香、滑、正！每條腸粉都好好味好滑，應該係製造嘅時候加咗啲豬油。食起上黎，真係好香！#合益泰小食 合益泰小食 (深水埗)深水埗桂林街121號地舖📝今餐食評世一！必試必食！環境方便係細啲，但價錢係好平！環境：💛💛味道：💛💛💛💛💛價錢：💛💛💛💛 💛(五個心為滿分)

深水埗是美食天堂, 各式各樣的地道小食都可以在這裏食到這間小食店已經是老店, 常常見到門口有人排隊即埸食, 熱辣辣蒸好的腸粉, 香氣十足又香又滑的腸粉再加上混醬（記得必須多混醬）, 真的很滋味😜特製的芝麻醬很香濃, 不是仿間很杰的醬, 而是很滑的芝麻醬, 腸粉一條條不會黏住一舊, 再配上魚蛋燒賣, 已經是豐富的早餐堂食位置不多, 有點迫, 由於食小食的關係, 堂食等一會兒就可以安排入座, 店員姐姐態度不錯, 上小食速度快, 老店仍保持水準

今日同幾個朋友嚟到深水埗～地鐵站C2出口望向對面就見到店舖十分方便快捷！ 入到去都有好多座位有圓枱及方枱！店舖職員係上咗年紀的太太， 他們採用手寫單既方便又快捷～我叫咗一碗碎牛粥及腸粉甜醬辣醬芝麻任你加 粥底煲得剛剛好，碎牛仲好足料！正～～ 腸粉方面煙煙韌韌好滑溜 下次同朋友嚟到深水埗一定會再來！ 試埋其他食品～例如：炒麵及自家制豆漿～～仲有一定要試但店舖的魚蛋丶豬皮丶蘿白！可惜要等到11：30才有！唯有下次再幫襯

要排隊嘅腸粉老字號😍😍今日朋友深水埗放工，就黎搵佢食下午茶👫🏻🤤🤤………呢間小店好受歡迎，門口經常企滿人等入座，又有唔小企係街度食😆😆望落好似好正，無理由唔試下!!細細個一定會order爸爸👨🏻‍🦱返屋企🏡買腸粉比我食🤤大個左就好小食lu😶😶‼️………我地2個人叫左一入腸粉（大）$16👍🏻再加多左杯凍豆漿🥛$6好抵食👍🏻🤤🤤🥰………服務：👍🏻👍🏻👍🏻👍🏻4/5味道：👍🏻👍🏻👍🏻👍🏻👍🏻5/5性價比：👍🏻👍🏻👍🏻👍🏻👍🏻5/5………合益泰小食係深水埗站c2出口，一直望就會見到🤤好方便，去開深水埗都一定要整返個腸粉先完滿🥰🥰深水埗除左合益泰小食，仲有間車仔麵好正架🥰🥰講起都想去食🤤🤤🤤

服務無、衞生無但好食😋次次經過深水埗都會留肚食會比侍應姐姐吹你食快啲，但你又會忍唔住返轉頭幫襯除咗腸粉，佢啲蘿蔔一樣出色豬皮反而好硬，煮得唔夠時間下次可以叫淨蘿蔔🥰

老公去深水埗，以前食過呢間好想再食⋯咪叫佢嗌個腸粉外賣返屋企俾我食，路程不到半個鐘，返到黎發現⋯醬少得可憐⋯未食係咁既樣⋯以為底仲有醬？冇喇⋯食腸粉d醬係靈魂，白雪雪咁樣冇味點食⋯⋯腸粉係滑既，但返到黎可能凍左⋯偏硬好唔開心亦好嬲⋯滿心期待但食左幾條已經唔想再食⋯

每逢經過深水埗都會去鴨記附近幫襯既店一定係合益泰既腸粉雖然最近都被人垢病質素每況愈下同大不如前 , 但每次自己食既都質素唔差 , 有時食野都要講食運可能咁岩剪俾你既腸粉未熟晒或整得唔好 , 就影響食客體驗店舖有堂食部份 , 唔止腸粉 , 仲有其他小食以供選擇-白粥,豬皮,蘿蔔等 , 不過堂食位置實在不多 , 記憶不足10張枱所以大多食客都係外賣拎走, 或在小巷葱葱立食完後就離去價錢是$2/條 , 中價吧 , 不算貴不算平 , 腸粉相當滑 , 豉油唔差 , 芝麻香 , 尤其麻醬最為出色現今賣腸粉地方買少見少 , 小販都唔見有了 , 更莫講有賣腸粉既檔口

合益泰的腸粉，我已吃了很多年。腸粉上桌時只放了油、豉油和麻醬，其他的醬料如甜醬和辣醬，還有已炒香的白芝麻，就放在桌上，由食客自行添加，我每次也會狂加醬料。這店的腸粉又香又滑，沾上醬料，更是好吃，我每次到深水埗都必定一吃。以往也曾吃過這店的魚蛋豬皮蘿蔔，也不錯，這次不肚餓，就只吃了腸粉。

今日三四點路過，口痕，有啲想食嘢，諗起呢一間餐廳，就決定過去搵佢！雖然環境唔係幾好，門口好似有啲污糟，職員好似有啲惡今次叫咗細腸粉，加個豬皮蘿蔔，腸粉好似以前咁出色，不過硬係覺得企喺出邊食嗰一種好食啲。另外豬皮蘿蔔非常出色，豬皮有少少毛，不過每一舊蘿蔔都非常甜同埋冇根！呢個非常推介門口姐姐有啲惡，佢會唔會不停問你有冇掃安心出行，其實都明白佢咁緊張，不過態度可以好少少，同場見到有另一個食客都鬧呢個姐姐冇禮貌

呢間腸粉食咗好多年,佢嘅腸粉多年呢保持高水準,據聞佢嘅腸粉係直接交貨畀五星級酒店,所以老細主的係做批發,由於腸粉質素極高多年你都係排長龍,最近兩次都係9月份幫襯佢,發覺排隊買腸粉嘅人龍消失咗,原來佢啲腸粉水準跳樓息下降,腸粉又硬又難食,連續兩次都係非常差嘅水準,如果唔講真係冇人相信會係合益泰腸粉,因為仲衰過喺小食店買嘅腸粉質素,希望水準回復返以前,如果再試多次都係咁,就會永久blacklist呢間腸粉店.

今日去深水埗探朋友，她叫我一齊落街食嘢，由於下午同同事BBQ到4:00，再落街食嘢時6:30，個胃實在沒太多位置，她提議食餃子心想食餃子應該會更加飽，一路行見到這間合益泰小食，就想起腸粉好出名，又可避免吃得太多，就立刻衝入去叫了白粥、腸粉、豬皮蘿蔔和牛肉球。蠟燭很面很有水準，腸粉亦都很實淨，豬皮蘿蔔湯很清，蘿蔔很甜，可惜其中有少許渣，牛肉是在不堪的，一口咬落去太多粉，吃了兩啖都不想吃了。總體來說腸粉可說是一流，白粥也是綿很好味，有這兩樣基本的也心滿意足，值得推介。

重點係混醬啊久唔久我都會去深水埗掃街，必定去米芝蓮街頭小食榜嘅合益泰食腸粉。平靚正。勁多人排，但呀姐好快手。我選擇坐低慢慢嘆。腸粉夠新鮮才是重點，由於人人都叫，佢 keep住蒸所以人人都食到熱辣辣嘅腸粉。腸粉超細滑，好似會 sir入囗咁。有米香。一直 keep 到水準。我反而覺得個醬汁才是精髓。麻醬和甜醬都分別調得剛剛好，醬汁唔會太稀或太杰。加上烤過嘅白芝麻，簡直令腸粉昇華。豆漿就一般啦，個人認為太甜，而且豆味唔太出。

有冇遊客都日日排隊既超級人氣小店!深水埗美食多就係人都知,通常出去都會食返碟腸粉當小食掃街!價錢平之餘,仲要係好多年前已經被米芝蓮推介既香港小食店供應豬腸粉、魚蛋、豬皮及蘿蔔等港式小食店家自己配方既腸粉,食起上來特別軟Q,加上秘制既芝麻醬,豉油滑溜滑溜唔洗幾分鐘就掃清光!正因為佢咁平易近人既價錢,味道好仲有煎臘味蘿蔔糕,一客2件,方正既蘿蔔糕兩面都煎至脆口,咬開食到臘味肉碎特別滋味加多少少辣醬同甜醬,絕對係平民美食TOP5 !仲要飲埋佢既自家出品豆漿,飲到豆既自然甜味,唔會添太多化學味道!大家當然願意排隊等位合益泰小食地址：香港深水埗桂林街121號平均消費$25評分8/10