合十 (已結業)

是日星期五下班,跟同事於觀塘樓上店吃西餐,以解一週的工作煩優。店位於apm旁,近地鐵站,有不同的多國菜,pizza, 豬扖包,扖類及各式意大利飯及粉。我們點了一客燒牛肉紫洋蔥沙律,大阪燒薄餅,巨型豬扖包及特色飲品。牛肉洋蔥沙律,大約有5大片牛肉,洋蔥爽口,沙律菜青綠爽甜,配以甜辣的沙律汁,十分醒胃;而大阪燒薄餅,有雞肉,蟹籽,生菜，芝士及鰹魚絲,配以日式燒汁及蛋黃醬;份量多,每小份的芝士夠多,綿綿的口感,吃下去咸甜的味道,燒汁緩緩流出,蟹籽為整首菜增添另一番美感;巨型豬扖包是這裏的主打特色菜,豬扖包的尺寸,雖然是迷你,但都有手掌般大,豬扖厚切,咬下鬆化多汁,沙律汁酸酸甜甜,薯條夠粗,鹹鹹的,十分脆口;一杯攞你命三千,賣相吸引,不太甜,有西柚,雜果,檸檬汁的紅茶,酸酸甜甜,味道清香;觀塘的美食林林總總,這裏的環境裝修得舒適寫意,食物質素及性價比均是值得一試的。

朋友在觀塘區上班，下班後約了友人吃晚餐，她選了最近觀塘區很熱門的餐廳。餐廳的人口處有少量座位，經過入口處，來到被小燈泡包圍的用餐區，晚上閃閃的燈光令餐廳呈現一種浪漫的氣氛。戶口設有少量帳篷區，帳篷內透着微微燈光，更是打卡首選。戀愛預告($58)，賣相夢幻的飲品，最適合用來打卡。玫瑰花蜜、荔枝汁作為整杯飲品的甜味重心，蝶豆花為甜度添上微酸，再配上梳打水和軟甜雪糕，好看之餘也有如戀愛中的甜度。藍藍天空高掛我的夢($48)，這杯的味道在外面比較少有，用上藍柑橘汁、椰漿、糖漿和菠蘿汁。比戀愛預告甜，但味道上個人覺得這杯較好喝。藍柑橘汁和菠蘿汁減低椰漿的甜味。牛油香草白酒蜆($98)，店員說是每天從西貢運過來的新鮮大蜆。大蜆配上洋蔥、檸檬、香草、牛油和白酒，令蜆肉帶着濃厚牛油和清甜白酒的香氣。頂層的洋蔥碎增加大蜆清爽的口感，大蜆本身也非常厚肉彈牙和鮮甜，這個值得再點。冬陰公海鮮扁意粉($168)，用上多種海鮮材料，彈牙的帆立貝、爽口的蝦球、新鮮的大蜆，再加上一些配菜如洋蔥、鮮甜的蕃茄仔、爽口蘆荀，豐富味蕾。彈牙爽滑的意粉掛上微微辣的冬蔭公汁，不嚐辣的人也可點一份試試。巨型豬扒跟薯菜($188)，

之前喺Instagram見過人哋嚟呢度打卡所以今日就約咗朋友來試吓!平日2pm嚟到竟然坐滿晒人！我哋坐咗喺戶外area啊~ 係有頂嘅，所以唔會晒, 落雨都唔怕上面啲LED燈好靚！隔離嘅帳篷要$800最低消費所以我哋冇坐到但可以出去影相餐廳都有唔同嘅打卡位戶外座位下午係有d熱，不過我哋枱隔離有冷風機吹住, 所以都仲接受到呢度係用電話掃code點餐, 幾方便~我哋叫咗兩個主菜，一個前菜同兩杯野飲share~好靚，好啱打卡嘅飲品～我叫左粉紅色果杯係士多啤梨乳酪奶昔~ 幾好飲！！唔算好甜～好飲！另一款就係比較清新嘅鮮果茶， 茶味濃、幾清新～菠蘿同埋傘子裝飾，有種旅行度假嘅感覺牛油香草白酒蜆 $98其實佢嘅份量都幾多! 牛油味濃！ 蜆肉鮮甜嫩滑！正巨型豬扒配薯菜 ($188)超級巨型嘅豬扒! 一個人一定食唔晒豬扒好厚身, 入味又煎得幾好～唔乾，仲係有汁的～冬陰功海鮮扁意粉 $168 海鮮幾多~ 有蝦、青口、 蜆肉、帶子～ 冬陰功味幾香，但唔算好辣~ 最後同朋友坐咗喺度幾個鐘! 呢度好啱同朋友傾偈吹水打卡！ 同隔籬枱保持一定距離～ 唔驚俾人聽到你傾乜

位於觀塘APM港貿的西式輕食Cafe，餐廳沒有幾個室內座位，主要係坐室外位置，所以大家要預熱天時會食到溶晒妝😂，不過其實都有大風扇吹住，學啊媽話 #心靜自然涼 ！另外，佢有期間限定嘅露營帳篷打卡位，大家有興趣都可以去打下卡📸！#慢煮雞胸配沙律薯條 🍖🍟推介！超Juice，勁淋勁好食😋，又大大舊，我諗目測有至少300g雞胸👍🏻！#巴馬火腿蝦球意粉 🍝唔好睇佢個顏色似普通蒜香，但其實落咗不少辣椒辣到飛起🌶，但係辣得好好食！#好有趣的飲品名 🍹

呢日探完朋友係附近，就帶呀b來到呢間最近好hit的打卡餐廳！一入門口已經見到個靚靚打卡位，入面佈置相當浪漫天花係滿滿的LED燈，外面係帳篷座位設計好特別呀！.🥗燒牛肉紫洋蔥沙律 $158沙律好大碟呀！勁多沙律菜仲有大大件菠蘿，牛肉加啲蒜片好香口，醬汁香辣惹味不錯👍🏻.🍝冬陰公海鮮扁意粉 $148濃濃的海鮮味道配上冬陰公辣辣嘅醬汁好惹味，大大粒蝦仲有蜆、青口、帶子，開心🥰.🐷巨型豬扒包 $178呢碟真係大推！大大件豬扒厚肉juicy，一啖咬落去勁多汁超正😆大件到兩個人都食唔哂😂.🍹粉碎性骨折 $58🍹綠帽子$58呢間mocktail名好得意有心思，兩杯都好igable打卡一流😂有雪糕爽😎兩杯味道也不錯，粉碎性骨折用上接骨木花、薄荷葉、青檸味道比較清新，綠帽子好濃厚嘅蜜瓜味道滿清甜🥰.果然不錯難怪咁多人來打卡😂食物質素不錯服務態度好好任我周圍影，又可以推入bb車，四點幾來食個下午茶涼涼地幾舒服😌happy holiday🥰

觀塘特別多Cafe, 今晚嚟到合十，侍應安排我哋去室內用餐，仲可以用到小屋仔，私隱度高方便傾計，有露營嘅感覺～打卡一流～｜燒牛肉紫洋蔥沙律｜ $158牛肉味濃、質地軟腍，加上醬汁酸酸甜甜，沙律菜亦清新乾淨，食落真係好開胃｜大阪燒薄餅｜ $123日式加西式配搭好有趣，上面係大阪燒有章魚燒嘅醬汁，木魚碎、生菜同蟹籽，下面就係香脆薄餅，配合埋一齊食又幾好味喎～｜迷你巨型豬扒包｜ $178豬扒巨型得很，食落鬆化，連埋香草包同蔬菜配料食，口感一流，薯條新鮮脆炸熱騰騰～～｜戀愛預告｜$58材料有玫瑰花蜜、荔枝汁、蝶豆花、梳打水、雪糕，顏色紫紫紅紅咁好吸引，難怪叫戀愛預告😎｜粉碎性骨折｜$58材料有接骨木花、薄荷葉、青檸、梳打水、雪糕，呢一杯就味道比較清新醒神，有助中和一下油膩感～

去到個門面已經覺得幾靚，職員服務又唔錯，可以讚吓。首先嚟兩杯drink，凍美式同戀愛預告。杯啡係香嘅，因為天氣熱，冰比例上多，但夠濃，所以溶冰後都唔覺太淡味。戀愛預告好睇都幾好味。黑松露薯條，有松露香，炸得唔油又香脆，好味道。Vegan all day breakfast，牛角包好香，牛油果夠熟，蛋夠滑，藜麥沙律都好新鮮，$108 值得一試。意式蔬菜薄餅（個人走煙肉同芝士），配料夠，底香脆，茄汁香濃，都好好味。加上呢間係animal welcome嘅餐廳，好多可愛嘅動物，職員對動物們都好nice，整體氣氛輕鬆，係一個唔錯嘅選擇。

有時會怕去打卡名店，人又多，食物質素又未必有保証，所以拖了一段時間才來這間在工作地方附近的餐廳。餐廳大部分座位都設在大平台上，室內好似得三四張枱，枱椅都是戶外簡約模式，夏天真的會較熱。因為是2点到，還有很多枱食客，被安排最外邊的位置，雖曬不到陽光，但陽光就在椅旁，真係熱出汗。金字型帳蓬一直曬到太陽，當天亦不見有人入座。巨型豬扒配薯條比較出名，豬扒大塊，有肉汁，薯條夠脆，跟的微辣醬都好惹味。莎樂美腸菠蘿薄餅賣相真的不吸引，味道正常，加配魚餅，不配不失溫泉蛋卡邦尼意粉味道有警喜，汁多味濃，加配雞翼，大隻又有肉汁。凍檸茶茶味不足，有些失望。不過以打卡餐廳來說，環境跟食物都用心。

餐廳有好多打卡位，有室內、室外。主要係室外座位。 室外夜晚有好多燈好靚，出面仲有帳篷位，好靚！宜家天氣開始熱，餐廳好貼心咁有風扇。叫杯凍飲就爽了！飲品名好搞笑，叫咗兩杯。▶️阿婆的秘密新鮮蘋果、蘋果蜜、檸檬汁 、紅茶蘋果切片，飲品酸酸甜甜，蘋果味幾香，帶有茶香！▶️攞你命三千雜果、 檸檬汁 、蜜桃汁 、紅茶 裝飾有菠蘿及一把遮仔，入面有好多雜果。果味及茶味幾重，好解渴！▶️芝士肉醬田螺焗酥盒好耐無食田螺，酥盒香脆，充滿芝士香。▶️巴瑪火腿火箭菜薄餅薄餅香脆，唔會太濟。件件pizza 都有巴瑪火腿～▶️巨型豬扒跟薯菜豬扒好大塊，好juicy! Yummy

在半露天茶座，連水都冇俾一杯，風扇又唔開，當時室外正午，天文台話28度，但感覺那裡有30度，對面桌的女士熱到面都紅埋。那個camping 露營位仲要有最低消費880元才可以坐。說回那午餐，食完份量只是勉強飽，我是女的都覺得唔夠，更何妨男的。天氣好熱，飲品飲完食物才到,那個飯唯有乾嚥。午餐價錢都唔平，一個餐加杯特飲都227元。味道都不是特別好味。

近年來都非常流行很多熱門的打卡咖啡室，位於觀塘的這一間合十也是其中一個熱門之選。這一間餐廳有室內位置，和室外半露天的座位可供選擇。半露天的座位就算在夏天的時候來也不會很熱，因為每一個位都有一部大風扇吹著。餐廳的裝潢有大自然清新的氣息，整個感覺很舒適，適合一群朋友談天聚舊。我們二人點燒牛肉紫洋蔥沙律，冬陰功海鮮意粉，迷你巨型豬扒包以及兩飲品：多一士不如少一士和綠帽子，這一間餐廳的菜式名字非常特别。首先是燒牛肉紫洋蔥沙律，牛肉烹調的熟度剛剛好，嫩滑牛味濃烈，配上新鮮的紫洋蔥以及其他沙律菜和餐廳特調的辣沙律醬汁，而且還有酸酸甜甜的菠蘿，整個菜式非常的開胃以及好吃，值得推介。第二樣是冬陰功海扁意粉，這個菜式用料非常足，而且所用的海鮮都很新鮮，有新鮮的沙白、大蝦、青口和元貝等等。而且扁意粉烹調的熟度也是剛好，軟硬度適中，最特別的是用泰式的冬陰功醬汁來烹調西式的意粉，令整個菜式都很特別很好吃！接著就是迷你巨型豬扒包，這個豬扒包份量非常之足夠，厚切的豬扒，配上新鮮蔬菜和芝士，豬扒烹調得非常之嫩滑多汁，每一啖咬下去都有很多肉汁，很好食。再配上新鮮炸起的粗薯條，令人一試難忘。到飲品方面，首先是多一士不如

餐廳在工商大廈內，在繁忙時間最好先訂位，餐廳開中午12:00，但大家留意，如果Book12:00就12:00先好去到。我是Book咗12:00的，大約11:50分到，餐廳未開要在門口等，但這電梯大堂沒有窗口(密封設計)，亦沒有冷氣，完全是焗+熱🥵🥵，感覺到d汗在背脊流動，見其他在等候的客人都不停地抹汗😬門口已貼有超大型餐牌海報。餐廳裝修很靚，視覺感很好，而室內座位非常少，只有四張2人枱，都是以露天座位為主。露天座位分3行，左右兩邊都非常多流動冷風機，不過是沒有冷風出，只有室溫風，而且望埋去都比較多塵，希望可以清潔一下吧😜。另外直得一讚是有洗手盆洗手，非常好。凍檸檬茶，跟Set Lunch不用加錢，散叫就$32，杯身好高，大家篤🍋🍋時小心倒瀉哦....散餐Order烤法式牛扒(10oz)，五成熟，諗住有翻咁上下水準，點之中伏🥴，完全零分。五成熟都偏乾身，無肉汁，無牛味，最慘中間有一條大根😤。午餐巨型豬扒，是餐廳推介，真係非常非常非常之大塊，食肉獸就啱晒😄，如果女士們應該食唔晒的。味道好，不會乾身，沒有什麼肥肉/肥油，如果再煎香些少就更好。(Set Lunch可惜無餐湯/沙律)跟餐薯菜👍，

哩度真係好舒服！有個好大嘅有蓋陽台，天花掛滿閃閃嘅燈環境開揚又大又靚～星期六嚟咗哩度食brunch 見到有客人帶埋狗狗嚟好開心！😍感覺好chill～🔸香葉煙肉黃金蠔（$98）炸起上枱，超級香脆熱辣！個炸皮似炸魚薯條個種咁，好香口！中間有九層塔、煙肉、同埋juicy嘅蠔，咸、香、脆、惹味！🔸大阪燒薄餅（$123）❤️我鍾哩個！個餅底好薄脆，唔會似平時啲pizza咁滯。餡料有雞肉、生菜、蟹子、木魚絲，大阪燒汁，好好味！🔸巨型豬扒跟薯菜（$188）真係好大塊又厚！好適合share食～豬扒醃得剛剛好，再煎到香口，啖啖肉，正！仲有炸薯條、烤蔬菜、煙肉卷，好豐富！🔸攞你命三千粒（$48）❤️新鮮雜果、檸檬汁、蜜桃汁、紅茶，味道香甜又清新，茶唔會澀，桃味好香、唔會太甜，好飲！🔸綠帽子（$58）❤️有哈密瓜雪糕架！！好好味！個底係哈密瓜+檸檬汁+梳打水+菠蘿汁超級香！口感清爽消滯～我喜歡哩個！

今日晚上有幸來到觀塘這達地方和朋友敘舊， 這個地方不但食物不錯， 室外還有帳幕的餐飲體驗。在帳幕裏吃晚餐份外特別！先講一講～～竟然在觀塘有這特別的餐廳，一定要來試一試。入門口是已有這張千秋給人非常舒適的感覺！再入里面就是室內這特別嘅環境！而我們就選擇了帳幕式的用餐體驗。雖然天氣開始熱但是晚間在帳幕裏仍然感到涼快！餐牌裏面有不同食物可供選擇我們今次試了Parma ham Pizza及日本廣島炸蠔。 還有它的重頭戲巨型豬扒跟薯菜。這個Pizza先來，這個Pizza很薄身及鬆脆,味道也很不錯特別是那Parma Ham。之後就來這個日本廣島蠔鬆化脆口， 也很新鮮很有甜味。最後就是重頭戲的巨型豬扒配薯菜。這個豬扒極之Juicy 又唔硬，好淋身。 簡直是絕頂的豬扒。豬扒背後有我喜歡吃的薯條。薯條鬆脆新鮮!這一餐只不過是$500左右， 就已經可以有這舒適特別的用餐經驗。

我們仨原本2 Feb, 2022 大年初二當日嚟食，電話無人聽都知可能新年放假，但都出嚟碰一碰運氣，最後摸門釘，終於要去觀塘買嘢順路可以食到，一入餐廳就見到亮點打卡位，另一亮點位於佔大部份枱既outdoor位置，privacy 既帳篷，今日27度左右每一枱都有風機吹住，唔會覺得熱而唔舒服，weekday都幾熱鬧，客人都算多雞肉餡餅配沙律沙律汁幾特別唔覺酸，呢款咸咸哋好清新，雞肉餡餅雞肉青瓜充足巨型豬扒跟薯菜大部分食評都介紹，唔試邊得，蕃茄新鮮juicy, 煙肉蘆筍粟米卷又脆又爽好正，巨型豬扒連舫都係軟淋好易切，質感軟熟，點少少黑椒汁更有風味