216
11
4
港鐵觀塘站 A2 出口, 步行約4分鐘 繼續閱讀
電話號碼
51108132
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 支付寶 現金 銀聯 微信支付 OpenRice Pay
其他資料
電話訂座 詳細介紹
加一服務費
當面支付
食評 (240)
等級4 2022-06-22
344 瀏覽
APM開咗松本清當然要去潮聖一下,雖然地方不算大,但都足夠消磨一點時間。行到一半發現肚子有點餓,所以都係決定晚飯完再回來繼續血拼。港貿中心接駁住APM,真的很方便,而且估唔到有一間露天餐廳,半露天位置掛上多條燈飾,星空感覺很浪漫喔!藍藍天空高掛我的夢餐廳飲品名字非常特別,藍柑橘汁、椰漿、菠蘿汁等調配而成的沙冰,整杯粉藍色,感覺像是藍藍天空,味道椰子香氣十足,細味品嘗有一點點桔仔香味,應該就是藍柑橘汁,味道清新,好有東南亞風味。戀愛預告名字跟飲品顏色非常之襯,蝶豆花加上荔枝汁,底層還有玫瑰花蜜,甜甜蜜蜜感覺好有戀愛feel,而且粉紫色有點初戀專有顏色,非常少女心,味道清甜可口,荔枝味突出,加上雪糕,甜蜜得來又透心涼快。燒牛肉紫洋蔥沙律燒牛肉軟嫩可口,沙律菜清甜爽脆,淋上泰式酸辣醬汁,味道更加豐富,而且酸酸辣辣,非常醒胃,特別喜愛燒菠蘿,清甜多汁,燒過甜味更見突出。冬陰公海鮮扁意粉意粉沒有平常冬陰公的橙紅色彩,反而有點青綠色的感覺,第一口先品嚐到香茅的香味,慢慢冬陰公原本的酸辣香氣隨之而來,到最後辣勁突然衝擊整個口腔,感覺超爽快,調味真的恰到好處,令人有種不停想追住食的感覺,海鮮鮮味十足,尤其大蝦,蜆肉特別鮮甜,整體來講超滿意。巨型豬扒跟薯菜一上枱真的有點嚇親,巨型豬扒差不多有我2隻手掌大,而且非常厚肉,入口鮮嫩多汁,肉味鮮甜,伴菜烤得剛剛好,焦焦的特別香口。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-16
740 瀏覽
Bookmark咗呢間有靚靚帳幕嘅餐廳好一段日子……終於等到可以一行六人去打卡慶生!!因為想坐帳幕嘅話有minimum charge💁🏻‍♀️未計加一要消費滿$1200所以淨係想同男朋友兩個人去就有啲難度🫤不過佢怕熱,我都怕😮‍💨怕熱嘅人真係秋、冬天先好嚟!!我係之前黃雨後第二日嚟~雖然間中有少少微風,但空氣都唔太流通搞到好焗🐣就連呢個有漫天星星嘅有蓋室外區域都好焗!雖然有幾部冷風機同風扇,但吹出嚟嘅風都敵不過空氣唔流通😨第二次去嘅時候…同朋友喺呢個位坐咗五分鐘左右已經頂唔順要入番室內😅入到嚟好少少…但夏天嚟嘅話預咗食到出汗⚠️因為中門大開所以室內一樣焗⚠️🔹🔸🔹🔸講番啲嘢食🔸🔹🔸🔹<<攞你命三千>>($48)🍹係一杯有什果粒嘅水果茶~ That’s it!啲什果粒唔易食到因為佢俾幼筒~杯茶正常發揮~ 解渴嘅! 但偏貴! 🤷🏻‍♀️<<芝士肉醬田螺焗酥盒>>($68)🦪唔食田螺嘅我同朋友share~(其實係佢得三粒咁大把…)個酥皮盒真係好香好酥脆👍🏻甜甜酸酸嘅肉醬亦都減低油膩感!不過芝士味就唔太覺🧐<<泰式生蝦(8隻)>>($108)🦐其實冇expect過佢好食過喺泰國餐廳食嗰啲…但佢墊咗冰粒都冇令到d生蝦keep cool…微凍嘅蝦肉仲要唔爽!都幾失望🥴.<<大阪燒薄餅>>($123)🍕餅底係薄到好似紙嗰種~上面舖滿雞肉、生菜絲、蟹籽、木魚、沙律醬同大阪燒醬~咁都冇令佢腍咗! 入口仲好脆💯如果啲雞肉嫩滑啲會更好!To be honest…佢啲雞肉偏乾 + 少少嚡口!但整體口感同味道係唔錯!所以唔夠share嘅情況下,我哋都有encore多一個🤪<<迷你巨型豬扒香草包>>($178)🐷又「迷你」又「巨型」…咁即係迷你定巨型?!我就覺得係一個望落好似正常size但原來食落都好夠份量嘅豬扒包!入面嘅厚切豬扒冇大家喺Openrice 寫得咁juicy!(下面啲番茄就真係juicy喇~~ 唔好撈埋嚟講🤭)肉質算幾軟腍,唔韌唔嚡口!如果可以去埋骨就好d~ 切都方便d🙌🏻⚠️個包適合3-4人happy share㗎咋!好似我哋6個人share嘅話,真係好考刀工!!!辛苦晒朋友仔ʕ •ᴥ•ʔ<<桂花蜂蜜焗雞翼6隻>>($88)🐔賣相真心fail!!!! 好似乾柴咁!!但估唔到佢係有清甜嘅蜂蜜味~~桂花味就欠奉喇! 但隻雞翼啲肉質幾鮮嫩!如果大隻啲,個樣靚啲,隻數多啲,就更加對得住個價錢🤗<<龍蝦汁海鮮意大利飯>>($178)🦞我本身麻麻哋龍蝦汁因為偶爾會遇到啲有腥味 (˶‾᷄ ⁻̫ ‾᷅˵)因為未食飽所以試咗一啖又覺得佢可接受!略嫌濕咗少少🤏🏻喜歡龍蝦汁risotto 嘅可以一試☺️<<黑松露雜菌意大利飯>>($158)🍄呢個白汁稠度就做得較好!入口幾creamy 但黑松露味唔夠濃~菇菇種類都算多! 但菇控會嫌佢整體菇味都係爭d!唔夠出色😗<<香葉煙肉黃金蠔(4隻)>>($98)Sorry!! 原諒我個口大😫我一啖食晒隻蠔,影唔到佢本身係俾煙肉同九層塔包住😂隻蠔好多汁! 軟腍腍嘅佢俾塊煙肉包住,口感大增!煙肉嘅咸香味亦有提鮮嘅作用~九層塔嘅香味同佢哋又出奇地夾!呢個小食好有驚喜👏🏻外面嘅炸皮又薄又脆! 好食到想encore👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-13
686 瀏覽
一直bookmark咗呢間餐廳好耐,趁放假一於去試下。餐廳其實就係apm隔離嘅港貿中心,可以直接透過apm行去,好方便。餐廳係2樓,唔想等lift等太耐行樓梯都完全無問題。入到餐廳首先有個冷氣位,可以俾我地打卡,行過少少就已經係戶外位置。戶外位置都分左 2 part ,一part就係我地今次坐嘅,天花上好多燈,夜晚都幾浪漫。雖然無冷氣,但都有幾架大風扇吹住。不過怕熱嘅話就真係推薦你叫杯涷飲啦。我地兩個人就叫左一個前菜,兩個主菜,兩杯飲品。1️⃣香葉煙肉黃金蠔 外皮炸得香脆,蠔都大隻多汁,入面包住兩塊煙肉,但都唔會過鹹2️⃣冬陰公海鮮扁意粉意粉煮得幾好,有彈口,冬陰公味好出,酸辣味好夠,啱曬鍾意泰式嘅朋友仔3️⃣巨型豬扒配薯菜塊豬扒真係超大,配埋都幾多薯條,兩個人分都好飽。豬扒好厚身,食落啖啖肉,配左叉燒醬。4️⃣阿婆的秘密 (少生)其實係蘋果味沙冰,酸酸甜甜,幾清新5️⃣戀愛預告係蝶豆花飲品,打卡一流,上面有個雲呢拿雪糕,整體就偏甜少少。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-31
2704 瀏覽
觀塘近來很多打卡 食店 呢間有帳幕的餐廳啱哂感受下大自然風的朋友餐廳分咗三個唔同區域, 室內冷氣區有兩張枱,室外有蓋位和帳幕區,帳幕區有私人角落,三五知己 就啱曬啦 ! 今日兩個人坐室外有蓋位, 每張枱都有吹風機提供所以唔算太熱.食物選擇都多, 有輕食. 小食. 主菜. 飲品都有超多款燒牛肉紫洋蔥沙律(辣)沙律有好甜的菠蘿,燒牛肉份量很多,又有好fresh嘅車厘茄,生菜份量唔算很多, 獨特之處係個酸辣汁,用嚟點燒牛肉絕配. 豬扒如斧頭扒好大塊, 伴菜除咗有新鮮炸起的薯條,熱騰騰又香脆. 還有煙肉配露筍,燒蕃茄和翠玉瓜,整體賣上有誠意又美味。大阪燒pizza超多的木魚絲很有日本風味Pizza 邊脆口,雞肉又入味,個醬汁很濃郁飲品啲名好特別阿婆的秘密個名好特別, 顏色美美. 其實係用上新鮮蘋果加蘋果蜜製成的蘋果紅茶 ,鮮甜而不是一般的糖漿嘅甜味。戀愛預告很清新的玫瑰花蜜配上荔枝汁,小小蝶豆花加梳打水,仲正係仲有雪糕 ,消暑一流。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-27
2177 瀏覽
觀塘一直給人印象就是工廈林立,有種冷冰冰的感覺!今次男朋友約我去觀塘食飯,話給我一些驚喜!我第一時間諗到的,就是食物好好味嘅餐廳,因為觀塘也是有很多隱世美食!去到餐廳,發現裝修幾靚,戶外的用餐地方上面佈滿了串串的燈光,營造出燈海的浪漫感覺!下單是用網上形式,簡單方便飲品款式多,店員推薦了幾款,我哋揀的兩款都是店員推介的!左: 藍藍天空高掛我的夢$48藍色飲品好特別,佢係有菠蘿,椰子汁既味道,好有夏日的色彩。右: 阿婆的秘密$48就咁睇個名真係唔知味道係點,店員話有蘋果汁、檸檬汁等。飲落去好清新,飲到鮮榨果汁的味道,飲完好開胃!兩杯飲品都可以叫少甜,個人覺得好好,可以飲得健康一點牛油香草白酒蜆$98一上菜聞到好香的牛油味!!!牛油香草汁香而不膩,配上檸檬和香草,有清新的感覺,這個汁出奇地出色,我同男朋友都飲了幾口汁!蜆既份量好多,基本上入面密密麻麻,我地可以由頭食到尾,好抵食!香葉煙肉黃金蠔$98賣相十分吸引,炸到金黃色!這個黃金蠔沒有像平常的炸蠔一樣有著厚厚的炸粉!反而係用咗煙肉和香葉包起外層再炸,呢個配搭非常新穎。外層煙肉炸到非常香脆,咬落去十分juicy ,蠔汁出晒嚟,一啲都唔乾。冬陰功海鮮扁意粉$168滿滿泰式風味的意粉,冬陰功味配搭海鮮無得輸,冬陰功味道濃郁,非常開胃。而且海鮮份量多,是一道性價比高的菜式。呢個意粉有啲辣,適合喜歡泰式冬陰功的人!巨型豬扒跟薯菜$188豬扒的確非常巨型,比我的手還要大。豬扒的烹調程度啱啱好,肉質不會太硬,嫩滑得黎仲有啲juicy,豬扒味濃郁。厚厚的豬扒,咬落啖啖肉當晚落雨,我們坐的戶外地方有瓦遮頭,臨走時看到外面還有這個地方,望落都幾浪漫,下次可以再嚟試吓坐出面室內也有打卡位最後埋單$713。抵食!今餐除咗菜式味道非常好之外,餐廳環境亦相當美麗,好多打卡位。這是一間適合朋友聚會之外,亦適合情侶拍拖的餐廳。 繼續閱讀
(以上食評乃用戶個人意見 , 並不代表OpenRice之觀點。)