合十 (已結業)

觀塘總係畀人一種好焗促嘅感覺，猶如一個石屎森林。但入到嚟呢間餐廳有種好似綠洲嘅感覺😮餐廳空間感十足，好似空中花園咁，好適合chill chill地同朋友聚一聚😆今次唔係叫咗好多嘢食，簡單一個沙律同甜品🍮🍽燒牛肉紫洋蔥沙律🥗大大碟食材好豐富😍牛肉個熟度啱啱好，唔會太熟大生，食到好濃嘅牛肉味😛不過最驚喜嘅反而係d菠蘿🍍好甜😆而個醬係辣辣地，有少少似泰式辣醬，酸酸甜甜咁，配落去好開胃👍🏻

燒牛肉紫洋蔥沙律呢個沙律材料幾豐富，除咗有新鮮菠蘿、蕃茄、紫洋蔥同沙律菜，仲有肉食下，燒牛肉香嫩惹味，配上帶點泰式風情嘅酸辣汁，係一個好開胃嘅前菜冬陰公海鮮扁意粉意粉我哋都揀咗比較特別嘅冬陰公味，食落唔會好辣但係酸酸地味道夠香濃，而且海鮮都有好幾款，有青口、蜆、蝦同帆立貝。巨型豬扒跟薯菜一上枱嘅時候都俾佢嚇一嚇，真係超級巨型份量十足！雖然好大塊但係肉質仲保持嫩滑，唔會好似平時食嗰啲豬扒咁韌，而且仲有香脆嘅薯條同蔬菜做配菜。多一士不如少一士 戀愛預告呢度仲提供唔少特色飲品，賣相夢幻令人充滿少女心，我哋就揀咗一杯沙冰同mocktail。多一士不如少一士係士多啤梨配乳酪沙冰，消暑清新，好啱夏天飲。

鬧市中的露營咖啡店 室外有原木帳篷，環境舒適▫️巨型豬扒跟薯菜 超大塊厚切豬扒，外層煎得香脆口感算嫩滑，多肉汁配菜有翠玉瓜，蕃茄，煙肉份量真係要同朋友分享 ▫️黑松露忌廉雞肉意式香草包雞肉好香松露味意式香草包可以焗耐啲 ▫️黑松露薯條薯條炸得夠脆蛋黃醬加埋松露會更香 ▫️多一士不如少一士🍓士多啤梨好濃郁加上乳酪，甜道適中好夏日嘅特飲 ▫️拿鐵咖啡咖啡味道香濃

今日終於可以去工廠大廈人氣”露營”餐廳，合十，一直都好想去，感受一下鬧市中既帳幕，點知連個天都唔鍾意我，落雨要坐入面，好彩，裝飾一樣咁靚。-燒牛肉紫洋蔥沙律👍🏻，菠蘿唔係罐頭貨，夠新鮮夠甜，牛肉亦燒得好香，肉質好有水準。-冬陰功海鮮扁意粉👍🏻，海鮮鋪滿成個意粉，冬陰公汁夠惹味，好食。-巨型豬扒跟薯菜👍🏻，豬扒真係非常巨型，入口軟熟多汁，煎得夠香，就算咁大塊豬扒，都唔會好乾，薯菜都烤得香口。-Apple smoothie, strawberry smoothie👍🏻，各有特色，配搭幾好，我就比較喜歡Apple smoothie. ******************************👍🏻好食 | 👌🏻可以 | 😔 難食評分 : 7.5/10簡評 : 食物唔錯，環境攞滿分，打卡一流

再次去觀塘合十，今次仲多咗幾個帳幕位置，一睇到就心心眼，約埋好朋友一齊去打卡先🥰🥰見到有人帶埋狗狗嚟打咭tim🐶我哋叫咗大阪燒薄餅，巨型豬扒跟薯菜💕大阪燒pizza 第一次食，幾特別🙆🏻‍♀️配料用咗芝士，雞肉，蟹籽，生菜，木魚絲，沙律醬同大阪燒汁，好豐富，而批邊薄薄的，好脆口🙆🏻‍♀️一齊食唔會好膩，推介👍🏻💕 牛油香草白酒蜆超肥美汁，好鮮甜，份量好多💕巨型豬扒跟薯菜超好大份，巨型豬扒肉質好嫩，加少少辣嘅燒汁一齊食好惹味🥰仲有翠玉瓜同薯條🍟好豐富💕飲品(多一士不如少一士)作為士多啤梨同粉紅色控🍓呢杯就啱晒啦，士多啤梨🍓乳酪加埋檸檬汁，健康得嚟，唔會太甜，仲好大杯添

合十合十絕對係觀塘新打卡地方，走文青🌵🍀波希米亞🪵🌴露營帳篷⛺️浪漫✨系列。門口位已經有打卡位置，就係一個波希米亞韆鞦，所以我同朋友一入門口就喺度先打卡 📷入到餐廳，我哋選擇室外位置，非常之浪漫，頭頂放滿燈飾，非常適合情侶💑都唔算熱，因為餐廳放滿風扇冷風機，所以我還可以😄至於餐廳出邊又係一番新景象，就係文青露營⛺️帳篷，真係好多打卡位置選擇。食物方面都唔錯。上網見到好多人推介巨型豬扒跟薯菜，超級大塊豬扒，兩個人都食唔晒，豬扒口感唔錯，新鮮一啲雪藏味都冇，而且熟度啱啱好。60度溫泉蛋卡邦尼啊意粉🍝溫泉蛋好好味好多汁，撈埋意粉食一流，最重要意粉爽口彈牙。香草🌿煙肉黃金蠔 🦪呢一個都推介，黃金蠔炸到外皮脆卜卜金黃色，但係估唔到入邊嘅蠔好新鮮，同樣多汁。價錢方面性價比都ok，適合同情侶或者一大班朋友去打卡，食下野傾吓偈。

又嬲又無奈，好難忘第一次經歷咁差😢😥😓 3個女仔lunchtime (埋單$678)，期待已久，滿心歡喜到餐廳慶祝生日，帶埋蛋糕🎂(2個月前專登訂咗陳·製造Chan de Patisserie嘅蛋糕)我哋食完飯，叫侍應可以收拾枱面及拎蛋糕出嚟🍽嘢食都ok嘅，但夏天無冷氣嘅環境食飯，因為大家已經食到好飽，所以蛋糕只係象徵式切完食咗2啖影相，剩返9成多，跟著叫侍應將蛋糕收返好去🎂坐多陣傾偈，俾完錢準備離開，叫職員拎返個蛋糕俾我哋，點知佢哋話掉咗😡🤬😤😠🤯大家都吓咗出嚟！！！😱What!? 掉咗？！好嬲, 為咗親愛嘅朋友，之前付出左咁多，想令佢開心，幾個月前已plan好，刻意訂咗個好辛苦先買到嘅蛋糕😢😭💔 竟然掉咗！🤬

我今日放工之後同女友人一同食晚飯，約咗喺APM搵食。偶然經過港貿中心回想起有一間室內同室外都有座位的餐廳，我於是便去了這餐廳室外的卡位，格調都幾浪漫，我們都覺得幾好氣氛。之後點餐方面，需要用到QR code來作網上點餐，非常適合現在疫情問題。燒牛肉紫洋蔥沙律（辣）牛肉薄薄的，嫩口多汁，醬汁有啲辣但非常惹味，我唔食得辣到想點返少少。沙律菜亦非常新鮮，再配上新鮮嘅菠蘿，完全唔覺得油膩。60度溫泉蛋卡邦尼意粉溫泉蛋感覺很滑，蛋白同蛋汁基本上與意粉混在一起，意粉都變得滑脫脫，配搭非常適合。巨型豬扒跟薯菜豬扒上菜時，我與友人一同覺得幾誇張，因為豬扒10分巨型，有兩隻手掌咁大。肉質方面，除咗Juicy之外，煮得非常之淋。薯條外脆內嫩，口感同味道都相當不俗。跟住送上餐飲，兩杯餐飲極具欣賞性質，顏色分佈極為耀眼戀愛預告淨係個名已經想叫，仲要有雪糕放係面，飲得又食得，好似戀愛咁精彩。阿婆的秘密蘋果蜜加上檸檬汁， 加上紅茶，甜得來又有點甘香，唔錯。

好耐冇寫過食評，因為呢間實在太正，要好好寫一下，是日一行三人黎到呢間餐廳午餐，因為幫朋友慶生日，提早book位，仲揀左戶外帳幕位，如果要坐帳幕位真係要提早book好，佢好full，佢帳幕位設最低消費要最少500蚊。因為去到未開門，但已經唔少人排隊等入，所以即使book左位，都要預早啲啲到拎位。因為係觀塘工商廈內，佢門口都平平無奇，但一入到去會有種別有洞天既感覺，成個人眼前一亮，一入到去會有千秋櫈打卡位。係千秋位附近只有三四張枱左右，算係室內位，行出去就係室外位，出邊會有大量吊燈既室外位，仲有藤椅等等既打卡位，幾靚！講左甘耐終於講到我是日要坐既帳幕位，帳幕位只有幾個，所以提多次想坐一定要提早book，同埋室外嘅關係，預左會偏熱啲，但好有glamping feel，仲要係觀塘綠洲既感覺，正！雖然坐室外，但唔洗擔心店員唔多理，因為店員間唔中都會行出嚟，而且用qr code自助落單，幾方便！講完環境，當然最重要都係食物啦！是日點左蟹籽蟹棒雜菜沙律、小食拼盤、烤法式牛扒100z跟薯菜、野飲點左粉碎性骨折、同埋幫朋友慶生日點少得蛋糕點左阿華田奶蓋瀑布蛋糕，仲可以加錢係蛋糕上寫字。先講沙律先，菜都幾

今晚來到觀塘港貿中心的「合十」用膳。地方很大，半露天的天幕，上面佈滿了亮晶晶的“星星”，還有户外帳蓬選擇，可以靜靜地“撐枱腳”，很是浪漫。這餐廳用二維碼點菜，有前菜、主菜、飲品和甜品多項選擇，落單後不一會便上菜，效率十分高。“燒牛肉紫洋蔥沙律”，燒牛肉肉質非常好，口感奇佳，牛肉味道突出，點上辣醬來吃，更加滋味無窮。配菜有香甜的燒菠蘿，紫洋蔥和紫椰菜散發獨特的辛辣味道，爽口宜人。“60度溫泉蛋卡邦尼意粉”，火腿甘香，巴馬臣芝士味濃，溫泉蛋滑，意粉入口又彈牙，味道頂好。“巨型豬扒跟薯菜”，豬扒真正巨型兼厚切，超級珍寶，但最令人驚喜的是肉質還非常之好，味道濃郁。薯條新鮮即炸，軟身可口。“阿婆的袐密”，一個神袐的特飲，原來是有蘋果蓉的蘋果茶沙冰。大口喝下，清涼透心，阿婆的袐密終於解開了！“戀愛預告”，夢幻紫色的汽水，下面有兩粒荔枝肉，預告了甜蜜的戀愛即將來臨！總括而言，這裏的菜式“大件夾好味”，真是又一個驚喜。

呢間餐廳室內嘅枱數只有3至4張，主要賣點都係outdoor 位置，有私隱度高嘅帳篷位置，🌞夏天會比較熱，不過店員會提供兩把無線電風扇 香葉煙肉黃金蠔$98個炸豪比起其他食店多咗煙肉包住，口感更有層次，更豐富 大阪燒薄餅$ 123薄pizza 底，上面有雞肉，蟹籽，生菜，鰹魚絲，芝士🧀蛋黃醬➕️日式燒汁，食落充滿和風味，而且雞肉冇雪味，都唔錯 巨型豬扒跟薯菜$188塊豬扒真係好巨型，不過有點兒硬，🈶️跟薯條，蕃茄🍅，露筍粟米芯煙肉卷 藍藍天空高掛我的夢$ 48顏色好靚，打卡一流👍🏻味道以椰漿為主，飲落唔會太甜 戀愛預告$ 58頂層係呍呢嗱味雪糕，顏色以紫色為主，味道似荔枝梳打

觀塘近來很多打卡 食店 呢間有帳幕的餐廳啱哂感受下大自然風的朋友餐廳分咗三個唔同區域, 室內冷氣區有兩張枱，室外有蓋位和帳幕區，帳幕區有私人角落，三五知己 就啱曬啦 ! 今日兩個人坐室外有蓋位， 每張枱都有吹風機提供所以唔算太熱.食物選擇都多, 有輕食. 小食. 主菜. 飲品都有超多款燒牛肉紫洋蔥沙律(辣)沙律有好甜的菠蘿，燒牛肉份量很多,又有好fresh嘅車厘茄，生菜份量唔算很多， 獨特之處係個酸辣汁，用嚟點燒牛肉絕配. 豬扒如斧頭扒好大塊， 伴菜除咗有新鮮炸起的薯條，熱騰騰又香脆. 還有煙肉配露筍，燒蕃茄和翠玉瓜，整體賣上有誠意又美味。大阪燒pizza超多的木魚絲很有日本風味Pizza 邊脆口，雞肉又入味，個醬汁很濃郁飲品啲名好特別阿婆的秘密個名好特別, 顏色美美. 其實係用上新鮮蘋果加蘋果蜜製成的蘋果紅茶 ,鮮甜而不是一般的糖漿嘅甜味。戀愛預告很清新的玫瑰花蜜配上荔枝汁，小小蝶豆花加梳打水，仲正係仲有雪糕 ,消暑一流。

一間以🏕露營帳篷打卡🏕為主既cafe，有啲可惜今次訂吾到。不過，環境幾chill，適合屋企人，一班朋友，情侶黎傾偈，食物質素，真心係幾吾錯。餐廳主打西式食物，部分飲品🍹亦有一啲搞笑既名，令我全部都想要。今次，主要得兩個人，所以都係叫左啲推介款式，分別一個小食，兩個主菜，一個甜品，兩杯特飲。我同朋友都食得超滿足🤭。 $68，幾特別嘅小食，芝士肉醬做餡料加埋田螺肉釀放咗入個酥皮盒。酸酸甜甜嘅番茄肉醬配上少少芝士，大大粒既田螺肉，十分有口感，酥皮盒亦十分酥脆。切開時，餡料既香味會傳入我的鼻🤭大阪燒薄餅 $123，完全係大阪燒既味道，但因為係薄餅，所以唔會十分飽腹又能食到大阪燒嘅滋味，薄餅很薄很脆，很不錯巨型豬扒配薯菜 $188，見到唔少人都叫，所以都叫黎試吓。🐖豬扒🐖真係大大塊亦都算幾軟腍，但juicy 度一般般，味道淡左少少。薯菜份量很足夠，兩人都食唔晒🤣阿婆的秘密 $48，蘋果🍎檸檬加紅茶既冰沙組合。味道酸甜爽口，但我覺得甜左少少，但飲落都好清新，幾好開胃戀愛預告$58，玫瑰花蜜加荔枝汁係成杯飲品既主調，蝶豆花為甜度添上微酸，再加梳打水和雪糕，做到紫色漸層，好看得黎又好飲玫瑰伯爵茶奶蓋瀑

Bookmark左呢間餐廳一段時間今次去完覺得名符其實咁正👍🏻餐廳內外環境都好靚戶外位置設計好chill 枱櫈都係用木系既質料天花既一串串燈飾令到環境更加打卡able😆呢度用手機嘟qr code落單幾方便 仲有show每樣野食既相香葉煙肉黃金蠔用左煙肉包住生蠔同香葉，再成舊拎去炸青醬意外地match! 加上仲有香葉令到成件事無咁油膩～而且令到蠔既味道提鮮大阪薄餅燒Pizza底好薄，所以唔算好heavy!味道同大阪燒一模一樣😛除左有鰹魚絲、生菜、蟹籽，中間仲有啲芝士同雞肉配上蛋黃醬同燒汁，甜甜地好惹味巨型豬扒跟薯菜真心超巨型，好適合share食🤣本身見到個豬扒咁厚身怕啲肉會好韌但食落仍然keep到肉質鬆軟個醬有少少黑椒味，但又唔會搶曬豬扒既味道😛薯菜比例平均，食完已經好飽🤣戀愛預告其實係玫瑰荔枝梳打～～碟豆花令到呢杯飲品好靚味道甜甜地，同個名都幾夾🤪阿婆的秘密真身係蘋果沙冰😛簡左少甜都已經夠味飲品入面有粒粒蘋果，好有口感食完飽飯之後飲呢杯都幾refresh

今次用餐真係有史以嚟難食到憤怒 極惡劣失望👎🏻嬲到第一次喺openrice留言分享。講明先 我本身都係weekend 周圍食食食 鍾意打卡嘅人。企出嚟分享！唔好中 伏伏伏！難得嚟到少去嘅觀塘，見呢間最近多人介紹（全部都係話打卡靚），就嚟排隊試吓。喺走廊等咗大半個鐘有啲焗。佢所謂嘅室內原來就係門口直望嗰兩張枱， 講真 比門外排隊等位啲人望住食飯 真係諗到都覺得好尷尬😅。冇諗住一定要坐帳篷位打卡。到我入座，室外都坐滿九成 但大部份枱已經食緊嘢。我好快用QR code落單但係唔知點解都等咗幾耐下。1.咸到腎虧嘅貴價意粉👎🏻👎🏻👎🏻👎🏻👎🏻嗌咗兩款意粉. 牛油大蜆，Parma ham蝦。諗住見到$140起跳嘅意份應該唔差得去邊。點知用叉一夾..兩碟份量都係細.全部食落都超超超咸，咸都隔走啲汁先食到.Parma ham質素超級差👎🏻冇火腿味 食橡筋咁.未食過咁難食嘅意粉.好想知道究竟有冇心機煮同入貨.重點係價錢都唔平.唔嬲先奇！性價比 零2.心太軟 唔熱唔流心👎🏻👎🏻👎🏻👎🏻👎🏻因為冇晒pancake 嗌咗心太軟.冇home made感覺.諗住佢都算係西餐Cafe…原來好差.一叉落去 厚而實嘅乾