吃吧 (僑建大廈) (已結業)

今天下班約了朋友在旺角近油麻地地鐵出口一間樓上Cafe享用晚餐。店舖在2樓一進去發現餐廳佈置得很有心思，放了好多手工啤擺設及場上圖案也很特色。餐廳雖然不是很大但也可擺放十數張枱。還有一間VIP房間大概可供12-14人入座。最低消費＄1500餐廳職員非常友善及為我們介紹菜式。我們點了小吃香炸海鮮拼盤有蝦、魚柳、帶子、魚餅、蠔 $98。海鮮雖然係炸但不會太乾，茨粉亦都啱啱好不會太厚及炸後保留着應有的水份。蝦同帶子夠軟熟十分不錯。點埋沙律醬汁十分惹味、伴碟嘅蔬菜都十分新鮮。主菜是原隻魷魚釀意大利墨汁飯$128。西班牙豬肋骨＄158。以木器皿放食物很特別。打開啤酒餐牌內發現好多手工啤可選擇。店員為我們介紹左香甜果味的甜手工啤酒Mongozo Coconut $62/bottle椰子手工啤。強烈感受到很椰香的味道，倒出來泡末細密，入口順滑及配埋一個很可愛既椰殼杯。推介很適合女生飲，因酒精濃度為3.6%。還有一款Floris Mango 手工啤 100%鮮榨芒果汁，口感絕妙，回味甘甜及果香繞齒。亦都係售$62/bottle. 還有Kwak $75/bottle.

大佬今日又帶我食好西，旺角隱世餐廳。是日餐廳主打手工啤酒，細佬我本身酒量唔好都要支持下，重越級挑戰左個酒精濃度8.6巴仙既手工啤。口感唔錯，入口有少少糖既味道，好特別👍🏻再黎既係大佬最愛既carbonara扁意粉，係有heart既，唔會hea住做，抵讚👏🏻炸雞冀,係鮮炸既，好juicyPotato chips with cream cheese中規中矩，source可以重味少少會更好Cheese pizza大佬唔鐘意食甜椒，所以差少少總結：絕對係有誠意既餐廳，但有啲難搵。

今晚相約朋友放工後食個晚飯，佢話好耐冇同我食個飯傾下計，要帶我去間有得飲番杯嘅餐廳碰個靚杯。位於繁忙地區旺角的一間樓上餐廳， 吃吧。最鐘意去樓上餐廳～因為CP值多數高D，但係多數要人介紹先會識食！吃吧主打手工啤酒＋西餐，入到尼感覺好舒服，柔和昏暗的黃色燈光讓人感到放鬆，好適合同朋友飲番杯，傾下生活瑣事。除左可以坐係落地大玻璃旁，仲有個角落感覺不錯！自成一角。主打手工啤酒當然唔少得木製啤酒筒，一大一細，好滴式。入到尼先發現原來930之後啤酒買一送一！一支啤酒平均＄70 左右，買一送一之係 ＄35 XDD 好抵呢！最後叫左杯平時比較少見的Honey味Floris啤酒，同款啤酒仲有蘋果同芒果選擇。Honey味大約同啤酒味佔5050，鐘意Honey的朋友一定要試下！另外友人叫左杯無酒精飲品  次次都比佢fake左，約人飲酒自己又唔飲。同樣係Honey愛好者： 蜂蜜青檸打，儲於針筒內的蜂蜂可按自己喜好落幾多就落幾多 主菜上場：西班牙龍蝦海鮮飯！重要嘅野要講3次：隻龍蝦好大隻，隻龍蝦好大隻，隻龍蝦好大隻！大過成隻手掌！非常容易拆開龍蝦肉！友人兩三下手勢己經拎左龍蝦肉出尼，一D都唔會痴住外殼，加分加

同事仔話有好餐廳介紹，係飲手工啤酒嘅餐廳，帶咗我哋去朝聖！餐廳位於商業大廈2樓， 距離油麻地地鐵站好近，非常方便！餐廳唔算好大，入面有普通座位，另外有吧枱位！先點一個小食！朋友話必點嘅係呢一度嘅黑松露煙火腿芝士多士！原來係黑色嘅多士，真係第一次食！滿滿嘅芝士睇落幾吸引！黑色係因為加左竹炭，烘到好脆，好多芝士係多士入面湧出來，仲可以拉絲，配搭鹹香嘅煙火腿，好滋味！嚟到呢度點少得叫手工啤酒，種類真係幾多，點咗一枝蜂蜜味嘅手工啤，朋友就點咗杯青檸特飲！淡淡的蜂蜜味，蓋了一點啤酒的苦澀，好易入口！叫咗兩個主菜～第一個係羊架配蜜糖芥末汁，沒有羊羶味，羊肉好稔身，肉質嫩滑，蜜糖芥末汁不會搶味，濃淡得宜！另外一個係澳洲肉眼扒，大大塊的肉眼扒，煎得好香，一咬落去好多肉汁，調味合適！連配菜嘅薯角都好正！食肉獸必點！餐廳好受年輕人歡迎，皆因手工啤近年大行其道，喜歡試不同手工啤酒嘅朋友一定要試下！放工同朋友飲番杯確係正！

能食到一間有水準，有heart 出的食品的餐廳，一點也不介意行多幾步上樓。餐廳不大， 坐窗口可以望到街景。有手工啤酒供應，9點後買一送一。啱曬夜貓！西班牙海鮮球， 大廚將魷魚和魚剁碎混入薯仔容，炸得香脆可口，美味的tapas！慢寫牛油香草法國野生雞仔，原隻雞上，慢煮，雞肉嫩滑，混洋蔥番茄粒，帶來開胃，味道更清新，bacon包住蘆筍，清甜蘆筍夾住甘香味。薰衣草蜜糖泡沫咖啡， 咖啡帶著清幽淡雅的薰衣草味及蜜糖香味， 甜度適中， 一杯在手，足以忘掉生活上的繁瑣事。

樓上好舒服既cafe～播住好多有taste既歌。黑松露 煙火腿 芝士多士 呢個多士都幾有驚喜 首先黑色已經好吸睛 咬落竹炭味道都幾重幾香，入面仲爆芝好多料！多士亦都烘到好脆 但竟然又唔會好乾👍🏼 有四舊兩個人要ko的話或許會有點兒膩🙈My fav!! Carbonara~~ 流心蛋好流心！意粉唔會過膩 汁都唔會太厚 味道唔錯 cafe黎講呢個都算高汁！！因為真係好多地方煮呢個carbonara煮得好差。。。當然唔少得飲手工啤酒！！呢個係好似champagne既cider 好特別～

旺角食嚟食去都係放題、打邊爐或雞煲😅今次比我發掘到間樓上cafe，環境舒適，好啱情侶或三五好友聚會，仲有vip房，即使一大班人都唔使驚嘈到人😁食物無論賣相或味道都幾好我哋order 左我喜愛的卡邦尼意粉、黑松露多士（芝士迷必食）、德國豬手🐷（皮脆肉嫩滑，唔「鞋」）仲有墨魚筒飯，份量足，如果係2個女仔既話就唔建議點，因為都幾飽，可能因為墨魚都幾頂胃，驚食左呢個唔使食其他野😆整體嚟講，食物質素高，個人覺得好味過一些西餐廳，最重要價錢也大眾化，值得推介會再去。

喜歡上去樓上Cafe, 雖然不是豪華裝修但給人cozy 的感覺，消費比較底，一餐二百蚊多，夠划算。吃吧供應手工啤酒，9點後還買一送一，可惜我不可能留到9點，只有試一枝。淡淡焙燒，煙燻，及帶著微妙的甜果味，有清新的感覺。來了個Tapas.西班牙海鮮球， 魚，魷魚及薯仔，打成泥狀，後炸，魚加魷魚以增添口感，香，脆，鮮味。我的main course 羊架配蜜糖芥末汁， 羊扒 半熟，外層香脆，內裏肉汁，豐腴啖肉 。 伴碟有Bacon 包裹蘆筍，bacon 的咸鮮味 與蘆筍的清新平衡相配。份量不大，如加少許錢有湯供應及咖啡更好。

下班的時候已經晚上9點，想約朋友吃飯，但沒有人理我，可能因為太夜吧，只好一個人吃吧。不知不覺來到油麻地。就選擇食這間"吃吧Chiba"。它在樓上2樓，在鬧區仿佛有「沙漠中的一點綠」的那種感覺。今晚一個人食飯，但卻很想喝酒，正好這里有各類手工啤可以選擇，芒果是我至愛，就選擇芒果手工啤，入口甘香，帶少少芒果香味，很特別的感覺，酒味不濃，容易入口，沒有一般啤酒的苦澀味，令我一飲就愛上它。用pizza送酒又另有一番風味，薄餅的皮很薄，又脆又香，一塊薄餅一啖啤酒，人間一大享受，無人陪食飯又如何，我已沉醉在美食和美酒之中。

身邊總有一些愛吃的朋友，他們總會找到一些較隱世而又有質素的餐廳。食過好吃，又会帶我來食。這樣的機會今天又落在我身上。今天朋友帶我來油麻地的樓上舖，位於銀座廣場對面。如非朋友帶領，還真不會上來這里搵食。心急的我趕緊推門進去。室內的裝修給我的第一印象是溫暖和乾淨的感覺，柔和的燈光令我感覺非常放鬆，座位之間非常寬敞。毫無壓迫感。配合背景音樂，與外界形成強烈對比，這里太舒服放鬆了，我不其然佩服朋友的覓食眼光。我們選擇窗口的位子坐好，彌敦道的繁榮就在眼前，而我此刻正舒適地坐在樓上的室內，聽著背景音樂，準備享受美食。感覺特別高貴和幸福。我們分別叫了2個主食，1個小食和2杯飲品。經過慢煮的牛柳，肉質保持得很鮮嫩，肉汁更加豐富，完全不韌，香嫰滑口。煮好的牛柳加上薯角及配菜放置上碟，外表亦非常精緻。豬肋骨是主角，外表金黃，意料之外是竟然有入口即熔的感覺，肉質非常入味，更加驚喜的是完全不韌，肥瘦適中的肉質滑嫰可口，朋友一邊吃一邊說「好吃、好吃」。作為配角的薯條，外脆內軟，非常香口，薯味十足，配合醬汁食更是豐味十足。薄薄的皮又香又脆，金黃的外表，芝士味配合恰到好處，增加了薄餅的香味而又不是功高蓋主的感覺，非

朋友話帶我去飲手工啤酒，上到去樓上cafe格局，裝修不錯，樓底較高，令人舒暢。座位間很寬敞，空間感十足。吧桌佈滿不少口味的手工啤酒，令人好想一試。但原來晚上2130後就有手工啤酒買一送一優惠，咁抵既價錢不錯既環境，很難令人婉拒，但我地上去既時間距離2130實在太耐，要等下一次再黎品嚐手工啤酒啦。🍻我們睇完陣餐牌，最後點選了：「黑松露.煙火腿.芝士多士$68」、「德國咸豬手$178」、「香煎上級盲槽魚柳$178」、「Kwak$75」、「Mongozo$62」。🍞🍖🐟🍟🍻「黑松露.煙火腿.芝士多士$68」黑炭的多士麵包，中間夾著黑松露、煙火腿、芝士等材料，撕開有芝士拉絲既效果，入口惹味，有黑松露的香味，煙火腿的調味，口感豐富有層次。🍞🧀🥓「德國咸豬手$178」店員會澆上酒精燃起火，整件豬手都火燒著，燃燒後豬手既外皮香脆，食落惹味，咸咸既豬手，肉質煙韌鮮嫩，而且脂肪不多，充滿德國風味。另配上薯角、德國腸1條切開內裡芝士十足。🐷🍖「香煎上級盲槽魚柳$178」伴碟花心思，盲槽魚柳煎至外皮脆身肉質嫩滑，食落淡淡魚肉，味道不會太濃。盲槽魚柳上鋪滿炸芋絲，食落香口脆身，底下以瓜類及紫薯蓉鋪底，層次豐富

吃吧 (to be continue旺角彌敦道566號橋建大廈2 樓2 室旺角區食西餐多國菜既地方 環境唔錯。以長木枱為主 地方算舒服Menu上有唔同既西餐小食 特飲同手工啤香炸海鮮併盤 98 蚊以木器皿放海鮮 有魚柳 帶子 蝦 蟹鉗 蠔 再加上新鮮生菜伴碟 , 海鮮雖然係炸 但唔會炸得太乾 茨粉亦剛剛好不會太厚 入面海鮮新鮮得黎保留應有既水份 一咬開入面熱辣辣 魚柳夠滑 帶子夠軟熟 蝦同蟹鉗都十分唔錯 點埋沙律醬幾好味 而伴碟既蔬菜都十分新鮮蘋果木煙薰西班牙豬扒168 外表放得十分美觀 首先用紫薯蓉做底 放上 蘿白豆等配菜 上面再以層層碟既方式將西班牙豬扒放上去 再鋪一層蘋果碎 豬扒切得厚度適中 食落去勁juicy保留應有既豬肉味 無論聞同食都有好香濃既木煙薰味 令人食指大動 , 一邊食豬扒 聞到蘋果木香仲有蘋果碎 令到整個菜式生色不少 而且下面既配菜 同紫薯都制作用心同新鮮 絕對係推介之作德國咸豬手 178用一枝鐵叉拮住豬手 倒以少少酒精 點火 好有感官效果 燒到豬手既皮更香脆 就可以拎落黎切成一舊舊豬肉 豬手肉 皮十分香脆 味道偏咸 脆皮下有適當既脂肪同筋肉位， 而肉質煙韌 十

跟好姊妹係旺角 shoping 完己經是21:00, 飯也未吃, 又肚餓又口渴, 在不要急……最緊要快的大原則下, 找來吃吧, 有得飲有得食。吃吧賣點係手工啤, 也有主食, 最緊要係佢地 21:30 後, 所有生啤/啤酒買一送一, 飲多2杯也不會肉赤, 爽! 簡約裝修今天廚師推介餐牌還有很多選擇生啤/手工啤選擇也不少今晚飲這個MONGOZO COCONUT 椰子手工啤 ($62/21:30後買一送一)這隻啤酒杯無得頂吧, 跟朋友對飲好好 FEEL呢, 椰子手工啤倒出來泡沫細密, 入口順滑, 椰子味自然, 看看樽背資料, 此手工啤來自比利時的, 成份找不到 EXXX 等化學數字, 真材實料, 多飲一 ROUND也飲得較安心。蘋果木煙薰西班牙豬扒 ($168)打開蓋……煙霧瀰漫, 原來是蘋果木煙燻效果。積木似的優雅 PRESENTATION, 由上層至下層分別是香草一條, 芒果肉粒, 西班牙豬扒條, 雜菜, 最底層是紫薯蓉, 配上意大利黑醋黑胡椒汁。西班牙豬扒焗得外層微焦, 肉汁飽滿, 肉質爽滑, 口感似吃緊瘦版猪頸肉, 只有微微的煙薰香, 伴上意大利黑醋黑胡椒汁吃, 酸酸甜甜帶點黑胡椒的

店舖係樓上鋪，人流並唔係好多，星期五都唔係太爆場，如果唔係係openrice見到，都未必知道有呢間餐廳黑松露•煙火腿•芝士多士($68)芝士多士係店內既招牌菜，唔好比佢黑蚊蚊既外表嚇親，查實係竹炭麵包黎架.竹炭麵包咬落超級酥脆，麵包內既餡料有煙火腿、菇、同埋主角芝士，味道好濃郁即食仲可以食到拉絲既效果，放左一段時間，多士都仲好脆口，而家諗番都覺得好滿足，沒有不吃的理由！介紹完芝士多士，講下其他野食啦P西班牙原隻海鮮飯($198)原隻龍蝦佔了海鮮飯分量一半，已經起好肉既龍蝦食起黎好方便，啖啖肉，肉質很彈，飯量不多但海鮮份量好豐富喔，配料有魷魚、魚、蝦、青口等！！！海鮮味十足，飯較為濕潤腍身，如果可以乾番小小就好曲奇朱古力味奶昔($68)賣相一流，面頭有曲奇同brownie，忌廉味較朱古力味重，沙冰既關係，到後期，朱古力味變得好淡，朱古力可以再濃味啲Floris Passion($62)味道清新，飲落帶甜甜既百香果味，唔苦好易入口而且酒精濃度只有3.6%，唔怕醉住番屋企啦！餐牌

約左好姊妹飯聚，今次揀左地點非常就腳嘅旺角，又可以近番鋪頭。7點幾到，等左一陣就食得。估唔到平日都可以咁多人，座無虛席。咁耐無見好姐妹，飲下野既同時，梗係叫番個小食拼盤慢慢食。「香炸海鮮拼盤」 $98入面包括有炸蠔、炸帶子、炸魷魚條，炸蝦🍤雖然經過炸過，但都唔會抽乾左海鮮入面啲汁炸粉又唔會好厚，食晒都唔會覺得好熱氣特別欣賞炸帶子同炸蠔，好好味👍🏻除左個拼盤，我地再點左個主食「澳洲肉眼扒 （10安士）」 $198肉眼扒表面煎到好香六成熟剛剛好，食落好juicy本身已用黑椒作調味所以未蘸醬汁都覺得唔錯配埋自製醬汁一齊食，味道更加惹味另外我地點左依支啤酒酒味唔濃，但就真係好好飲，好有果香