吃吧 (僑建大廈) (已結業)

朋友生日 上openrice諗左好耐食咩好因為我地大家都近旺角區 咁睇睇下搵到吃吧依間樓上cafe環境唔錯 都幾有feel 晚飯時間都幾多人我地兩個人叫左隻豬手 一個黑松露西多士 兩杯野飲 豬手黎到 店員會立即點火 等啲皮再脆啲搭配埋腸仔 黑松露薯蓉 好好食 兩個人份量剛好另外 黑松露多士好似係必食黑色多士好特別 多士好脆 mix得好好埋單總共 $404 唔算太貴 值得一試

一直都好想試依間樓上餐廳但係book極都book唔到。今次終於難得比我book到啦。餐廳裝修好靚好有氣氛,食物價錢亦唔算太貴。微脆嘅烤餅裏面夾住雞粒同埋有拉絲效果嘅芝士,面頭仲有蕃茄沙沙醬同埋忌廉芝士, 趁熱食味道一流。上枱嗰陣時見到隻好大嘅香脆豬手被串起 ,店員仲會係豬手上淋洒再點著火,即場為豬手再添上視覺效果。豬手炸到脆卜卜,但係裏面嘅肉質亦夠淋,配菜仲有大大條德國芝士腸,焗蔬菜同埋值得一讚嘅黑松露薯蓉。肉眼扒我選擇左5成熟,平時食牛扒我都選擇5成熟,但係吾係好多餐廳可以做到依個效果,經常性都煎得太熟。但係依一塊肉眼扒冇令我失望,真係做到五成熟嘅效果。切開之後外圍帶有啡色同粉紅色,裏面仲依然带有微微血紅色,肉質亦夠淋同juicy。依枝椰子手工啤酒非常之特別,我都係第一次見,非常之易入口,飲落有濃濃嘅椰子味 得黎帶有淡淡嘅啤酒香,仲要用埋椰殼黎裝 住飲,別有一番風味絕對值得一試，早知晏少少先黎,因為原來九點半之後手工啤酒仲有買一送一優惠。

野食整得幾精緻而且幾高質，環境好幽靜，傾計岩晒～👭黑松露煙火腿芝士多士👉🏻好似係呢到必食！黑松露味幾濃，趁熱食脆卜卜好好食😍蘋果木煙薰西班牙豬扒👉🏻豬扒整得幾嫩，少少黑椒味同煙薰味都好夾，食落唔heavy，幾好😋個底係瓜、茄等等，仲有紫薯茸。香煎上級盲槽魚柳👉🏻又煎得幾香哈哈🤣魚肉都唔韌，幾甜～但食到後尾有少少越黎越鹹既感覺😂個底同上面一樣Mongozo椰子味手工啤酒👉🏻好好飲！真心！酒味淡椰子味都幾出，好岩女仔飲😍重點係隻碗好靚😘曲奇朱古力奶昔👉🏻好飲，好濃朱古力味😚上面仲有塊曲奇可以食😆Btw, 呢到夜啲有時會有啤酒買一送一，好抵😆

當樓上cafe已經在飲食舞台俏俏淡出嘅時候，型格西餐連手工吧這等套路漸漸崛起……在旺角邊陲近油麻地、在繁華彌敦道拾級而上，一息間便遠離繁囂，豁然開朗別有洞天……說的是西餐、手工啤、小食、要乜有乜嘅聚腳點……chill然一新！今晚和情人點了美國肉眼扒、西班牙風乾火腿伴蜜瓜、香炸海鮮拼盤、蜜桃熱情果梳打和手工啤酒！……肉汁豐盈嘅肉眼足十安士，伴碟薯蓉混和黑松露，情人十個like……作為海鮮控，我就獨愛炸蠔，蠔仔細細隻，酥炸風味叫人一試難忘……特飲配以針筒糖漿，要幾多自己"打"……Floris 手工啤果味濃中帶酸，相當fruity, 餘韻悠長……這兒環境雅致舒服，仲有小型VIP區，建議坐落地玻璃位，望住街上趕路嘅行人，更感自家嘅幸福、悠閒！

最近驟雨經常，而且驟雨總是大得很但仍沒阻礙出外飯聚的雅緻好姊妹約，無理由推揀了間沒於wish list出現過的餐廳就點選了，嚐一嚐到步後先被隔離的貓貓cafe吸引著有一刻想轉陣衝過去入餐廳，8點也沒太多人反而入座後人潮漸多因為餐單太多想吃但2個人又不能吃太多最後揀了1個前菜，2個主菜，2杯野飲香草什菌，好濃的黑椒味，反而少了點香草味點了一杯 Kwak好似話有d棉花糖味，後期仲會有焦糖香個杯幾有特色，味道都幾好，但飲唔出d糖味呢個意粉幾好味平時多數係食意粉，但呢間反而係煮闊麵闊麵同卡邦尼汁配合得好好卡邦尼係會有少少漏但你仍然會一啖又一啖放入口平時我多數會點牛，少食豬扒但朋友牛不能所以點了豬頂端的應該是芒果蓉中間是豬扒（已切件）之後有些瓜同椒最底層是紫薯蓉配搭很新鮮食完飯，吹水是常識吧但原來有人安排了甜品謝謝小心意甜品是雪糕+brownie飯後在雨中慢步。。感覺太差太多人擔遮太多人係簷蓬下擔遮

去過多間樓上舖餐廳 還是吃吧!chiba讓我再度回味 由餐廳環境 擺設 裝潢 食物味道同用料 都好有保證所以今次帶埋識飲識食朋友 一齊吃吧!果然又有驚喜餐廳放了木酒櫃 仲有酒樽做裝飾 形成酒bar既感覺燈光柔和 有情調 環境寬闊 有bar檯 仲有個mini既 party area餐牌食物種類有沙律 小食 薄餅 主菜等 每款選擇多 仲有本介紹樽裝酒 我地點了 一份香草雜菌 一份香煎上級盲槽魚柳 同一份Ribeye Steak 10onz 5成熟雜菌份量多 有三款不同菌類 夠爽口同惹味仲唔油膩 有香草同胡椒襯托 到主菜煎盲槽魚柳 上菜一刻極具視覺享受 一層一層 顏色好繽紛 魚柳既肉軟軟的 唔會散 配上牛油檸檬汁同黑醋 好配搭底層配菜 有紅色既茄 黃色既椒 綠色既瓜 好新鮮又健康 而紫色既紫薯蓉 甜甜的 好鍾意因為唔會只有薯條咁單調同唔健康 加分!!!!又牛扒份量足 煎得剛好 肉厚又嫰 呢塊扒得左 配菜既一有色彩繽紛 蘆筍 烹煮得好淋 食完牛扒食佢就最配 朋友點了這支 係百香果味既水果白啤酒 係比利時出 淡淡既果味 極易入口 岩哂女仔朋友話下次要試手工啤 因為9點後買一送一我就點了綠茶沙冰

見到朋友推薦呢間餐廳又唸唔到旺角有咩好食就抱住嘗試既心態上去餐廳係唔顯眼既商廈入面淨睇門口以為餐廳非常細但入面別有洞天落地玻璃望住彌敦道去既日子撞正餐廳剛開門一個客人都未有所以份外寧靜，舒服。Tea Set選擇唔多飲品選配只限於$38既飲品其他要補錢卡邦尼意粉意粉硬度剛好上枱時，熱辣辣好味呢個真係重點推介包係烤好既炭包脆卜卜咖餡有兩款一係雞肉一係磨菇入面既芝士多到拉絲仲要入口有溶化既感覺旁邊既沙律茶 淋上草莓醬格外配合呢個多士 食到我地兩個番尋味果茶有凍同熱既選擇但我地所叫既青蘋果茶同熱情果茶既顏色係一模一樣咖😂😂吸管好短掂唔到個杯底如果可以加埋一枝長Spoon就更加好食下面既水果就不用麻煩了下次會再黎試食晚餐同飲手工啤酒

因為朋友仔介紹我先去試下呢間叫吃吧既餐廳由油蔴地地鐵站一出行5分鐘就到超級方便，上樓餐廳，環境舒服，不是太迫！睇過ＭＥＮＵ，價錢合理，而且菜式特別，好多都想試，今次我地四個女仔一齊食，叫左四道菜式第一道係小食，見到好多人讚同推介既黑松露煙火腿芝士多士外面香脆多士配以黑松露醬、Parma ham、芝士等，味度濃郁，黑色既多士真係好少見好搞鬼，入口脆身而且好勁黑松露味，仲要好多芝士流出黎，又爆芝士又香黑松露味，唔怪得咁出名！！沒有不吃的理由！第二道菜係烤雞意粉賣相反而簡簡單單無咩特別，不過都好好味！雞肉去提升意粉嘅香味同鹹味，味道變得好豐富，當中亦加入左少許香料，食落會有啖啖嘅餘香殘留係舌尖，第三道係西班牙原隻龍蝦海鮮飯龍蝦蝦身肉好新鮮彈牙，飯好入味但飯煮得爛左啲，海鮮有蝦、青口、帶子都幾有份量 好足科！喜歡海鮮既你必吃而最後一道就係重頭戲德國咸豬手Ｗaiter 係我地面前點火，燒多次更脆卜卜，豬手勁多肉，好香口，唔韌，脆卜卜嘅外層🐽嫩滑富膠質嘅肉質🍴原來焗薯簡簡單單配酸忌廉都幾好食，條腸好多汁但好咸!  呢道菜好特別，出場前記得拎定相家拍片呀！我仲點左杯青蘋果梳打，唔甜好清新，不過下次想

呢幾日實在太熱啦今日去旺角行完街淨係想快啲搵一間舒舒服服嘅餐廳坐低同朋友嘆一嘆 最尾我哋要誤打誤撞去到呢間大廈上面嘅一間樓上cafe Chiba~吃吧 一上到去見到佢個門面就覺得真係好得意，入到去感覺我覺得佢好新潮好正!  呢度其實係主打手工啤，佢有好多款式俾你揀，今次我哋揀左芒果味嘅呢一個手工啤～佢嘅酒精濃度唔高飲落其實果味更加重好啱女仔飲! 熱辣辣飲呢一個芒果手工啤簡直就係透心涼爽呀!另一飲品綠茶沙冰，綠茶控朋友表示有水準, 但如果唔要咁甜既朋友就要注意了, 因為佢都比較偏甜~ 望望餐牌主要有小食,意粉同主菜, 喺飲左酒既情況下，胃口開很大, 率先點呢個炸海鮮拼盤($108) 炸海鮮拼盤($108) 裏面有炸生蠔，炸魚手指，同埋帶子，一路飲手工啤一路食炸嘢感覺好! 爽! 唔知係未飲左啤酒，胃口就大開!!!見到Menu上邊有德國咸豬手 ($198) 就突然好想試過左一陣，嘩真係不得了! 店員將酒淋上豬手然之後就上演火燒豬手既戲碼～趁住熱就即刻食嘩佢啲皮真係好脆好正另一個主菜肉眼扒( $228)亦都相當出色肉身軟稔 點上醬汁再加上洋蔥圈 感出奇地夾 ! 好滿意的一餐呢~

行山除了可以與友人呼吸新鮮空氣做做運動外 仲有就係可以有藉口比自己食更多今日例牌行山後到油麻地覓食今次到友人推介的樓上餐廳吃吧名字十分趣緻xd餐廳內部裝潢用上了偏大自然風加上木材材質的佈置令人感到舒服的看過menu後我們決定嘗嘗多點不同款式的菜～波蛋煙肉芝士闊條麵$92這道菜本身已結集了我最愛的食材芝士 蛋 意大利麵幸好它並沒有令我失望反而食到唔停口熱度夠 可以將芝士 蛋和醬汁融合與一起流進麵入面 每一啖都是滿足與另一家銅鑼灣的意大利麵店有得比比飲品點了夏天消暑良品芒果沙冰$67與焦糖蜂蜜奶昔$69賣相十分吸睛飲完十分暢快 精神為之一震～小食方面點了墨西哥烤雞餅$85這個不得了雖則是小食 但份量一點都不少而且味道特別新奇 吃得啖啖滋味墨西哥烤餅薄脆 材料豐富內裡有不同椒類 加上烤餅面的蕃茄蓉同忌廉芝士真係惡魔既化身口感一流 食唔停口燒西班牙豬肋骨$172賣相相當不錯豬肋骨已經細心地切好岩晒懶人如我倆醬汁與豬肋骨十分配合肉質鮮嫩 骨肉已分離 不用擔心咬到牙痛 配菜有沙律同炸薯條都不錯非常滿足的一餐睇黎運動又要繼續運動才可以了

一個極之唔起眼既商業大廈，一個無咩賣廣告既餐廳，一個唔起眼既餐廳入口，偏偏就吸引咗我既好奇心， 膽粗粗就入黎試試佢。CHIBA 應該為普通話拼音"吃吧"初初仲諗是否用作吸引國內人，結果全部都係香港人餐廳內跟外面完全截然不同，明顯有格調， 而且座位向窗仲可以望到彌敦道嘅街景，相信係賣點掛餐廳menu 沒有很華麗， 但餐廳食物勝在一目了然我同先生先點了兩杯啤酒，呢度既啤酒選擇很多，絕大部份我都未見過， 經介紹下試咗這款叫Kwak,佢既啤酒泡好滑，味道略甘，但after taste有甘甜感，好奇妙既口感初初見誤以為係道具 但其後發現啤酒係木桶內倒出黎沙律係我地今餐既前菜，選左藍芝士合桃牛油果沙律，合桃仲係脆口， 襯埋藍芝士嘅獨特香味， 帶有牛油果嘅果香， 味道襯托得天衣無縫，可惜分量就比較細!主菜係烤西班牙豬肋骨 豬肋骨煮得好稔， 而且配埋豬肋骨嘅獨特醬汁， 特別開胃，而且薯條炸到好脆! 食到唔停得口最後點埋呢個夏威夷薄餅， 薄餅嘅餅底唔會好厚 而且仲非常脆卜卜， 薄餅又好香濃嘅芝士， 但亦唔會太漏!!埋單共543蚊， 以兩個人食到咁豐富黎計，一啲都唔算貴!最緊要係佢嘅質素有保證

今次其實已經係第2次來吃吧^^ 約左個一年冇見的朋友吃飯互相update下大家好多野傾呢 >v<身為designer 嘅我地... 8、9 點先放工當然唔可以浪費食9:00後吃吧啤酒買一送一嘅呢個好處！身處2樓的好吧門口小小的但入面都幾大，好鐘意佢嘅吧枱，氣氛都唔錯 ^^仲有木桶的draft beer menu真係要讚一讚，膠片設計，好特別。唔埋3721，坐低叫杯啤酒先互訴心中情，大家都要爆了！朋友叫的 foris passion fruit. 好香果味！不過偏酸！但係好彩朋友鐘意酸味～自己就叫左杯清清的啤酒 VedettWhite，志在係隻豪氣杯XDD店員推介 黑松露，煙火腿，芝士多士估唔到多士係黑色的XD 食完第2日包有驚喜XDD超多芝士，黑松露味唔太濃，所以唔會好溜口，真係超多芝士XD係咪所有design人都係肉食人仕 2個人都叫左紅肉XDD 配啤酒真係豪氣嘅一日！煎羊架配蜜糖芥末 我愛羊羊有3舊 點分呀佢的薯容都好正，係比軟多水份的薯容，但係當中的水份係來自忌廉嘅另外一份肉係牛牛，煎美國肉眼扒～大大塊中厚程度10oz 牛扒～5成熟

CHIBA Tea Set 🤔黑松露，煙火腿，芝士多士，hkd68 🤓 呢個多士都幾新潮🌚舊包係黑色冇乜黑松露味😂但入面啲芝士同火腿好正😍熱辣辣又脆卜卜，💯💯而且啲餡係多到爆，有啲沙律蛋既物體🤔係唔錯架～隔離仲會有啲沙律俾你～tea set 份量岩岩好呀😎Tea set 加20蚊可以加特飲😎佢呢個朱古力曲奇奶昔夠晒邪惡😈啲cream好多好好食係甜左啲咁～不過奶昔做得幾出色😊但就唔夠沙冰，比較水。而且愈飲愈口渴😂間唔中放肆一次好啦～

樓上bar 無朋友介紹真係唔知，一間主推手工啤酒的酒吧，不單止有各種特式啤酒，嘢食都唔錯。環境充滿情調，光線比較低暗，心境舒緩。呢碟海鮮拼盤，有炸帶子,炸蟹柳,炸蠔等香脆，金黃色，唔錯的前菜波蛋煙肉芝士闊條麵，芝士濃郁，份量適中。煙肉配上芝士汁，減輕乾澀感。此外，樽青蘋果酒，柔和酸中帶甜，濃厚蘋果香味，甘甜可口。酒精濃度不太高，可以入口。唔錯不喜歡飲酒的，可以叫梳打。呢杯熱情果梳打，甜度可自行調節，有針筒式插入果汁，香甜醒胃。

吃吧餐廳裝修得很寬闊，很有酒吧特色，燈光充足，不會太暗，牆身設計也很別說一格，很有特色。吃吧餐廳主推手工啤酒，啤酒味道任君選擇，每枝大約$60。我們order了椰子酒，椰子酒充滿濃濃的的椰子味氣味，未飲已經被吸引著，入口不苦，不太甜，女士應該較喜歡。然後order了一個燒豬手，聽說是很出名的，好多人去到都會食。上菜時，職員會為你燒香豬手才食用，豬手份量很大，女士share 食會更好，肉質鮮美，口感彈牙。另外，還order 了一個盲槽魚柳，食質軟綿綿的，入口即溶，如柳底下是紫薯，這個新的配搭也是我第一次品嚐的。感覺不錯，很開胃，也是代替薯蓉的另一選擇。