台蔡滷肉飯

營業中

休息中

點了爆蔥鹵肉飯，肉鬆芝士蛋餅，九層塔鹽酥雞餐，凍大紅袍仙草和凍茉香仙草。鹵肉唔夠香，太瘦，飯沒有飯香，也不夠黏，蔥花是交來的，已乾又唔香，只有酸菜是好食的。鹽酥雞一般正常水平，唔特別好食。蛋餅其實係現成手抓餅，卷入蛋、肉鬆和芝士，但芝士也不夠多，不難吃，但沒有很好吃。飲品茶味淡，好hea 。整體來說，水平好一般，就鹵肉飯而然我個人認為唔合格⋯⋯

每次經過都排長龍，今日門口路過剛好冇人就入咗嚟試吓啦，甘就嗌左招牌塔盬酥雞和藥膳排骨湯餐和大紅袍珍珠奶茶個湯幾好飲，藥膳味好足料，盬酥雞好好食，外酥內嫩，同在台灣食過的味道一樣，值的一試

今日勁想同大家分享下喺過江龍台式滷肉飯食到嘅驚喜！🍲 喺這間打卡熱點，我點左佢哋招牌滷肉飯系列，飯頭上舖滿咗香噴噴嘅滷肉，咸香中又帶點甜，搭配埋爽口酸菜同滑溜溫泉蛋，嘩，一啖飯一啖肉，滋味正宗得滯！老實講，跟條隊排到有少少嘈，但當啲九層塔鹽酥雞端上嚟嗰刻，細滑嘅肉質搭埋討好心頭嘅香脆外皮，真係即刻令人散發幸福嘅微笑！😄有關杯珍珠茉香奶茶嘅，雖然米妹自己會覺得啲茶味可以再濃烈少少，但啲珍珠咬落又Q又彈牙🧋真係宜家流行嘅台式滲入香港本土味！成個食完既感覺，係舌尖喺台港美食交流中漫遊，每一啖都能夠品嚐到港陽台灣獨有嘅小食情懷，唔錯嘅選擇，下次仲想再試喎！👍🏼

平時見到荃灣台蔡滷肉飯好多人排隊，今日提早 5:30 去食，果然唔使排隊。今日點咗涼拌鹽水雞餐附小碗台式滷肉飯，鹽水雞有淡淡的蒜香味，雞肉彈牙，配菜有菇有青瓜同蘿蔔絲，全部都好爽口，好食！我仲加左溏心蛋，加埋落滷肉飯一齊食，超正！滷肉飯嘅滷肉帶點甜味，酸菜帶點辣，食落好開胃；配埋杯白桃烏龍茶，好享受😋！而朋友就點咗碗紅燒牛肉麵牛肉係用牛展，肉質好軟嫩，湯汁夠香濃，帶點甜味，麵質爽滑，吸晒湯汁嘅甜味，好味！值得一試！

今日休息行過荃灣路德圍見，見到呢間台灣野食，呢間野每次經過都見到好多人排隊🤷‍♂️，今日兩點左右得1個人等緊，咁我就去排下試下係咪真係咁好食先。😋 呢間台灣野食，主要係食藥燉湯同滷肉飯，我叫左個藥燉排骨湯套餐，個餐有藥燉排骨湯同一碗細滷肉飯。 藥燉排骨湯酒香味幾夠，一般藥燉排骨湯都係濃味底，不過呢個湯頭就好似淡左少少，濃d會更好，排骨就夠晒淋，唔係好夠味，不過都接受，幾好飲。😋 到滷肉飯啦，食落都OK,不過個飯係辣嗰喎🙄，有少少奇怪，味道就一般般，唔難食既。總括嚟講，未食過可以一試，不過大前提係要排幾耐隊，如果要排成半個鍾呢，咁就未好食到呢個水平。仲有，呢度係有用膳限時同最低消費咖。 價錢就見人見智啦，我個餐加左個百香果鳳梨烏龍茶，埋單$97，我覺得貴左少少。

香港人都幾鍾意台式嘅食品, 台蔡滷肉飯為於荃灣海壩街, 大大個滷肉飯招牌, 加上台灣廚師和簡樸嘅木質裝修, 更覺地道親切。花雕麻油雞湯套餐材料豐富又滋補, 湯底清甜有著花雕酒香, 雞肉嫩滑, 加上吸曬湯汁嘅豆卜和杞子, 配以滷肉飯, 吃起來好滋味。紅燒牛肉麵套餐牛腱肉大大塊, 肉質嫩滑又有膠質, 紅燒牛肉湯濃郁得嚟辣辣地, 麵條爽彈掛滿美味牛肉湯汁, 吃起來唔會覺得肥膩。涼拌鹽水雞鹽水雞較為淡味, 由於味道唔咸, 吃多點都唔會感到口渴。涼拌筍絲滷海帶筍絲鹹香爽脆, 涼拌小食口感清新。酥炸花枝丸外層炸得酥香, 花好丸餡料好爽脆。椒鹽脆皮地瓜條地瓜條甜甜脆脆幾香口, 加上有椒鹽, 味道更突出。大紅袍珍珠奶茶(凍)大紅袍茶味清香, 淡淡奶香加上煙韌嘅珍珠, 甜度適中好潤喉。白桃烏龍茶仙草烏龍茶茶香加上白桃果香, 口感清新。

荃灣海壩街是美食集中地, 很多特色小店, 有時都會感到選擇困難, 這間台式食店主打滷肉飯和風味小食, 由台灣廚師主理, 全木質傢俬加添古樸味道。藥燉排骨套餐藥膳味好濃郁, 口感和肉骨茶很相似, 排骨肉質嫩滑, 湯底潤喉, 加上招牌嘅滷肉飯, 吃起來更加滋味。花雕麻油雞湯套餐麻油雞湯有花雕酒香, 煲完湯嘅雞仲係咁嫩滑, 都係配滷肉飯, 啱食。香腸蛋餅蛋餅酥香煙韌, 香腸甜脆, 加上醬汁和香葱, 口感有層次。大腸包小腸賣相最為吸引, 台式臘腸甜香, 糯米軟糯香滑。九層塔鹽酥雞椒鹽和酥嘅口感好突出, 雞肉嫩滑, 還有九層塔嘅清香, 味道好豐富。滷肉燙青菜鹹香嘅滷肉和清甜嘅白菜好配合, 簡單又滋味。百香果鳳梨烏龍茶(寒天)入口充滿茶香和果香, 加上寒天嘅爽脆質感, 口感豐富。百香果芒果冰茶(仙草)酸酸甜甜冰茶充滿果香, 加上軟滑嘅仙草, 感覺更加涼快。台蔡滷肉飯荃灣海壩街99號地舖#台蔡滷肉飯 #荃灣美食 #台灣菜 #滷肉飯 #藥膳排骨 #麻油雞湯 #蛋餅 #鹽酥雞 #手機食先 #美食打卡 #香港美食 #香港必食 #香港探店 #香港打卡 #香港旅遊 #香港必喝 #香港好去處 #taitsai

深受街坊歡迎的小店果然有原因，開業至今依然在排隊🔥價錢很良心！性價比絕對稱得上極高💯紅燒牛肉麵作為招牌每次都必點‼️牛肉份量多，濃郁湯底加上麵條真的很完美🫶🏼鹽水雞滷肉飯肉質彈牙，配上杏鮑菇，青瓜及紅蘿蔔等配料，點上秘製辣醬特別香口，而且辣度剛剛好🌶️他家的蛋餅也特別好吃，口味有幾款，這次點了香腸的，特別喜歡！前菜選了主打的九層塔鹽酥雞，香脆到不得了！調味也做得很出色呢！涼拌筍絲海帶也很推薦一試！飲品方面跟餐價錢非常划算！！十幾元的珍珠奶茶真的好贊！推薦大紅袍珍珠奶茶🧋總括來說，每次來到荃灣都忍不住要吃，因為真心平靚正💪🏼💪🏼💪🏼

見冇咩人等，就排下。排左大概10分鐘話要齊人入座，Ok,都比下一張檯入先ok我話行緊，老人家行得慢，但其實已經見到50米距離，我指埋比門口個姐姐睇阿姐姐面口極不耐煩，猛講幾次齊人入座突然就比新到未排過隊既人入座其實你限時60分鐘都係會趕人走你亦都睇到同行者仲有10步就入到，真係要咁死板？ 真係要面口咁差？唔知你啲野好唔好食，但櫈都未坐低就咁多好面色睇，我真係無福消受，幾好味都食唔落想受氣即管去排隊☺️ 我好公平，冇食過既其他都係評3分只針對服務。謝謝

今日見時間尚早1730，門口有三四人排隊，所以就諗住試吓排一陣！大約五至十分鐘就安排到入座！落單係掃Code!驚喜菜式係九層塔鹽酥雞，炸得好脆，雞肉仲好Juicy，不過九層塔得三片，如果多啲就會開心啲，雖然我一片都冇試過，比老婆食哂！不過佢話無物味😅整體覺得價錢尚算合理！如果有大腸麵線就更開心！（當初以為有）

平時見到D人 ， 日排夜排。今日見冇人就去試下。鋪頭地方細，基本隔離講咩你會一齊聽埋。坐就一定係唔舒服，咁就試下有咩食拎分啦。叫左個鹽水雞套餐加冬瓜檸檬飲品，尼個係台灣食係好好食。（尼到台灣人做）應該掂啦。叫埋鹽酥雞， 肉鬆蛋餅同埋牛肉麵。鹽水雞勁失望，先講雞！重重既雪味 食得出黎。 完全唔夠濃 唔夠味。配茶青瓜，紅蘿白淋晒出晒水。又冇味，成個餐92 加飲品。冬瓜檸檬淡如水⋯⋯鹵肉飯叫正常。 牛肉麵唔濃⋯⋯ 個麵似壽桃牌麵底咁⋯⋯牛肉正常加左飲大紅袍珍奶⋯ 一樣茶唔濃 淡！鹽酥雞成餐叫最好食，夠味先肉鬆蛋餅，皮厚唔鬆化！又乾。感覺似買超市雪櫃既蔥找餅做個底。食完返屋企成晚口乾口渴！第二日仲係咁⋯⋯ 味精勁强！唔知排隊為咩⋯⋯

走入去呢間小店，空氣中即刻飄嚟一陣陣滷肉嘅好香味，真係即刻餓晒！😋 滷肉飯嘅肥瘦配比好岩晒，肉味濃郁得嚟一啖飯一啖肉，想食完成碗😍。飯嘅質感好彈牙，每粒飯都飽滿得嚟充滿滷汁㗎。喺店裡面，我仲試咗個蔥抓餅，外皮香脆得好解渴，裡面蔥香味足，入口即化，軟熟熟真係正啊！🤤試完呢啲，我仲特登叫咗個鹽酥雞，啱啱炸起，外皮炸到金黃色，鬆化化，一啖咬落去就hea晒，雞肉又嫩又多汁，微辣嘅調味真係鬼滯呀！👻 真心推介呢間小店俾大家，既有親民小吃又有食到飽嘅滿足感，嚟荃灣唔試實在太可惜啦！下次一定要再嚟，希望唔使等太耐啦。

今日早收工，約埋朋友黎呢間朋友推介嘅餐廳食野。17：45到，已經要排隊，可見呢間餐廳真係好受歡迎。好彩等得唔耐，就有得入去食野！我叫咗個肉鬆起司蛋餅同埋一杯珍珠奶茶。蛋餅好好味，個邊脆脆地，d 餡料又豐富，好飽肚。珍珠奶茶唔會好甜。

難得同姐妹平日晚上約見面，捻起荃灣有間人氣台灣餐廳，係由臺灣人主理既，就黎試下，幸好時間尚早，前面只等兩檯，等左15分鐘就入座。小食方面叫左台灣蛋餅賣相幾好，夾起蛋餅時芝士係可以拉絲既，應該係剛剛整起，味道上同我印象中台灣食既蛋餅有些少分別，呢款比較似蔥抓餅皮咁比較酥脆，係好食，調味唔會好重，剛剛好，推薦一試。飲品叫左凍同熱既大紅袍珍珠奶茶，可以要求甜度同冰量，大紅袍茶味茶，珍珠軟硬適中，甜味適中（平時叫少甜/微甜），飲落，跟餐加＄18，一定要叫，同外面好飲既手搖質素差不多，推薦。姐妹叫左花雕麻油雞湯配小碗滷肉飯套餐她話呢碗食落去“很台”好舒服。我叫左藥膳排骨湯配小碗滷肉飯藥膳湯感覺係肉骨茶既淡味版，甜感比較重，排骨燉得好淋，好容易食，整個感覺同姐妹捻法一樣，食落好舒服。滷肉飯既肉係切得比較細既五花腩，煮的好入味，肥肉部分係入口即融既，滷肉汁都係甜D既醬汁，配酸菜好好入口，飯用台灣特級蓬萊米，飽滿有飯香，好好食。整體而言，食物質素好好，唔係食落好驚豔既味道，但就食落好舒服，可以一食再食，係好順口既台灣菜。

25-10-2023 (Wed)繼續同老公放假,到晏晝佢話要食飯了,於是走落荃灣,我哋先去到新開嘅豚豚食堂睇,老公睇到話係普通嘢,冇興趣食住,咁去壽司郎,又啱啱係食飯時間,算多人等,我哋唔得喇.之後老公記得我哋未食,而每次非工作日嚟到一係未開,一係排長龍嘅呢間台灣嘢,於是行嚟,我哋嚟到時都有一組客等𡁵,應該唔使等好耐,於是等啦,喺等嘅時候,見到門口黐咗張嘢,話喺出面等位嘅顧客,如有須要,可以攞把遮遮太陽,入座時還返就得,好體貼呀!好快我哋就有枱喇,睇完menu,由於我唔太肚餓,所以我只叫小食,老公就要個餐,我哋要咗:4. 叫餐加$15.00要$25.00嘅百香果鳳梨烏龍茶,走冰由於冷氣幾夠,所以唔使飲咁凍嘅嘢,於是叫走冰,呢個所有味道都有齊但唔太濃亦唔太甜,不過口感就嚡.4.5分1. $40.00嘅肉鬆起司蛋餅呢個耐少少到,無他嘅,要即做嘛,睇見佢大大件,影完即夾嚟食,因為要趁熱嘛,夾起係有拉絲,亦睇見肉鬆同炒蛋都唔少,食落,個餅脆口,夾咗甜甜地嘅汁食,老公同我都話好味,唔怪得咁多人排隊食.5分2. $40.00嘅大腸包小腸喺程班長食過,都知係咩嚟,糯米大腸煙韌,小腸貫徹嘅甜,但佢嘅醃