台灣館 (已結業)

-🔸法國長豆炒帶子 $98🔸古早味珍珠奶茶 +$13-今晚一個人食飯，又唔想煮飯，嚟到新居附近行吓覓食。依間餐廳喺得寶商場，地方闊落坐得舒服，仲有大窗口好光猛。揀咗個晚市小炒套餐，跟餐配白飯一碗，飲品半價，我揀咗台式嘅珍珠奶茶，好耐冇飲喇，鍾意咬吓軟糯嘅珍珠呢！長豆炒帶子賣相吸引，帶子都有成9-10粒，大大粒絕不欺場。長毛豆亦非常新鮮靚仔，炒得非常翠綠，口感爽脆，仲另外伴有三色椒一齊炒作顏色點綴呢！

餐廳係得寶商場入面，餐廳裝修明亮，座位都幾闊落。乾煸法國長豆呢碟小炒份量好足，仲要啲長豆都好新鮮，落咗好多既肉碎同辣椒乾去炒，所以食落都幾惹味，但佢又唔算太辣啱啱好。招牌小炒王小炒王係其中一個好鍾意既小菜，呢碟小炒王都好大碟，再加上一碗滿滿既飯，十分滿足呢。佢小炒王既配料都好多，有大大條既魷魚同埋蝦乾，所以食落幾有鹹香味。凍冬瓜茶/冷泡烏龍茶食小炒再飲杯清甜既冬瓜茶都幾夾。面佢既冷泡烏龍茶就幾適合唔飲甜野嘅朋友。

🌎台灣館 (牛頭角)九龍灣得寶商場係一個美食天堂 有好多特色餐廳 今日黎呢頭食野見到新店 原來食台灣小菜同水煮魚既 店員推介左我食既小菜唔錯 餐廳環境好闊落 ▫️章茶鴨$88烤焗過鴨肉依然保持肉質質素，肉質偏硬 唔會好鹹 食落去散發出陣陣煙燻的香味，蘸了甜醬汁更加美味！▫️乾煸法國長豆$77（推介）小菜混入肉碎炒香 肉粒好野味 鹽鹽地送飯一流 配合埋新鮮既法國長豆 清甜爽口 我第一次食法國長豆 原來咁好味嘅 店員指係街市好難買到呢種菜架 ▫️綠茶胚芽珍珠奶茶$13飲品價錢好實惠 奶茶唔會好甜，而且帶點綠茶清香 加上珍珠口感煙煙銀銀 唔錯架！💵人均消費：100✨環境及衛生：7/10🙋🏻‍♀️推介指數：6.5/10📍牛頭角牛頭角道3號得寶商場1樓210號舖

得寶住客最新抵食之選 驚喜之下突然進入嘗試第一次 第一次叫了干鍋砂煲雞， 十分入味，拌飯一流， 還有很多的薯仔。再叫了一個蒜蓉炒台灣A菜很難得的在外吃到十分有鑊氣的炒菜。 😋😋之後三次也有再點蒜蓉炒A菜第二次晚餐 叫了一個套餐是麻辣雞煲 還有都可以自選辣度有一個火爐保持雞煲很熱 十分惹味 很容易吃掉一碗白飯值得一讚的還有珍珠奶茶🧋 每次必點！ 有台灣的味道 每次想起都想再喝一杯 作為街坊已試了不少菜式 推介干扁法國長豆 烤魚 和珍珠奶茶！

約左朋友係九龍灣得寶商場收工食午飯話想食台灣野，就帶咗我嚟呢間餐廳食台灣野，呢間餐廳有好多每日精選午餐，我哋就叫咗個台式三杯雞同香辣干鍋豚肉。首先講吓個香辣干鍋豚肉個鍋入邊有啲咩材料先，包括有洋蔥，青椒，豬頸肉同埋薯仔粒，啲豬頸肉切到薄片另外啲薯仔都夠曬淋好好食。另外個台式三杯雞入面嘅配料同干鍋豚肉都差唔多都係有啲洋蔥青椒另外雞肉方便食落都好滑口，配埋啲醬汁好惹味。飲品方便我哋就叫咗個冷泡玄米煎茶，係成個茶包袋裝住嘅，不過飲落我就覺得比較淡口少少。只一杯我哋就叫咗椰島珍珠奶茶飲落好有椰子味珍珠都非常之彈牙。

呢排真係愛上台灣菜，今次去台灣館食台灣小菜！一見到餐牌有樟茶鴨，諗都吾諗就決定左！其實味道類似燻茶鴨，此菜皮酥肉嫩，色澤深紅油亮，味道鲜美，具有特殊的樟茶香味兒！跟飯點醬食，可以食上多碗！另外再點了蒜片牛柳粒，一口牛粒軟腍惹味炸蒜片金黃，一啖一口，牛香一爆不可收拾，燒汁誘發肉的香味，簡單得來食得很滋味！飲品也很特別！冷泡玄米茶的米香味依然！柚子蜜酸酸甜甜，十分開胃！餐廳環境也很不錯！因本人最喜歡望街景，坐窗邊就最好不過！

逢星期三 都要去九龍灣係徳福 淘大呢啲 食得太多連鎖餐廳於是行遠少少 去得寶搵食 見到有台灣野食 就諗都唔洗諗入左去坐🤣估唔到餐廳咁大 好寬敞 好多卡位但睇完menu 竟然發現台灣館有中菜🤣就一試酸菜魚酸菜烤魚條魚煎得好香口👍🏻👍🏻魚肉仲好嫩滑酸菜唔會過份酸 就咁食都ok 仲有啲雲耳 吸埋啲湯 好醒胃自己一個食下食下 竟然食晒😂😂😂如果有埋薯粉底就正啦🙈🙈🙈胚芽奶茶胚芽份量都多奶茶係偏奶的 叫左小甜 岩岩好👍🏻

晚餐時間人在牛頭角得寶商場，點指兵兵選擇臺灣菜，就來到臺灣館覓食。第一次來到臺灣館，點了半隻麻辣雞煲配飯做主食，另外蒜片牛仔粒，臺灣胬肉飯，還有小菜涼拌青瓜。首先說說麻辣雞煲，這個鍋一上來已經香得不得了，小小麻辣超惹味，送飯一流，我個人認為係食過雞煲中算頭三甲好食的雞煲，必食。再來蒜片牛仔粒多汁，蒜香好味，醬汁夠味送飯也不錯。胬肉飯的胬肉份量夠多，煮得也香，還有炸豆腐，超級地道好吃。還是説回這個雞煲，實在好吃最後打包一鍋回家再吃。

黎到餐廳環境十分精緻，重台式古早風既牆壁設計，連杯碗都有影上台灣館同公雞既自家製印象，非常有心思👍🏻👍🏻芝士黃金蝦 $78芝士黃金蝦食到粒粒鹹蛋黃，加上蝦大小適中，用新鮮海蝦而唔係普通蝦仁做食材，除左重鹹蛋黃味亦都食到蝦本身嘅鮮味。黃金蝦配埋飯一齊食更加惹味😋😋蒜片牛仔粒 $88蒜片牛仔粒食落同芝士黃金蝦一樣有驚喜，牛仔粒食落鮮嫩唔會鞋口，配上蒜片燒汁層次更加分明，亦係送飯一流之選💯💯冷泡玄米煎茶（套餐+$6）玄米煎茶幾特別，同平時喺街度買到嘅茶唔同，呢度嘅茶味特別濃，同埋感覺都有自己調配個茶包用料再整成飲料嘅，作為送飯、食重口味菜式既調和，都非常之適合🥳🥳凍草莓珍珠奶茶（套餐+$13）草莓珍珠奶茶都睇得出係別出心裁嘅，頭先講過，呢度嘅茶係特別濃茶味既，加上奶茶本身都係有經過餐廳特別沖製，味道方面都比較偏台式口味多啲，同埋草莓味都係不含藥水味而自然草莓味，所以大家真係可以喺呢度，台灣館飲到台灣奶茶嘅果個口味呀🤩🤩

#牛頭角美食 ♡ 台灣館 ♡位於牛頭角既德寶商場多左好多餐廳裝修台式既台灣館係其中一間近卡位位置仲有落地玻璃座位感覺好寬敞餐廳除咗台灣菜原來仲有港式小炒🥢食物性價比高𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥黃金日本南瓜咸蛋黃配南瓜，估唔到係超級夾，南瓜鋪滿曬金黃色既咸蛋黃，咬落去香口又好juicy，好邪惡但必食，份量又多，用黎送飯一流😋❥ 招牌小炒王餐廳既招牌菜，炒得好有鑊氣，超多材料，有魷魚、蝦干、海量既韮菜、腰果等等，味道好豐富🥢❥ 椰島珍珠奶茶🧋椰香味好重，唔會太甜，珍珠有咬口，如果鐘意椰子既朋友唔好錯過❥柚子蜜個人覺得偏甜，飲前可以攪混d個底先飲𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧📍牛頭角牛頭角道3號得寶商場1樓210號舖#foodie #hkfoodie #hkfood #hkrestaurant #hkig #food #foodpron #likesforlike #hktstfood #foodstagram #restaurant #hktstfood #美食 #九龍灣好去處 #香港美食 #tasty #cafe #relax #healt

而家得寶商場多咗好多食肆喎，行過見到有間叫《台灣館》，都心血來潮想食下台灣嘢，就試試佢先.座位好闊落，仲可以望出去出面馬路街景，感覺好開揚.除咗台灣菜式，仲有港式家常小菜，雞煲、烤魚、酸菜魚等等都有.台灣滷肉飯 $58 : 好大碗，抵食嘅，而且真係滷肉 唔係肉碎，不過太濕身有啲杰，擺耐咗就會變到一 pat pat.黃金日本南瓜 $88 : 好食！南瓜甜甜哋再加鹹蛋黃，唔會太膩，平衡返.冷泡茶 $12 : 清香、解渴、解膩、唔澀.

九龍灣開咗一間新嘅台灣館，呢間野都幾得意，唔係淨係食台灣野，又港式嘢又有酸菜魚，咁見到都幾多人食，一於試一試！🍴招牌牛肉麵 $58湯底就正常，冇特別濃藥材或者牛肉味，比較似嗰種家庭式嘅湯水，比較淡味，似用紅蘿蔔煲出嚟，而牛肉就係用咗牛腩，煮得非常軟淋同埋入味，而個麵煮得太淋，一咬就爛，一啲口感都冇😂🧋胚芽珍珠奶茶 跟餐加$12 少冰少甜本來都冇乜期望，但估唔到呢杯奶茶出奇地好飲，同出邊啲茶飲店有得揮喎，飲落胚芽雖然唔算好多，但都好有口感，奶茶唔會好甜，珍珠煮真到好淋。推薦指數: 7/10朋友食嘅鹽酥雞滷肉飯比起牛肉麵好食10倍！所以如果去嘅話都會建議食滷肉飯，個價錢都算合理，食物質素都可以，正正常常。

話說約咗朋友去佢屋企打牌, 見未齊人就同佢兩個人去附近商場裏面嘅台灣館食個early dinner先, 咁一陣就可以直落打夠4圈先走。一入到餐廳已經有侍應招呼我哋去卡位坐底, 餐廳既左手邊有一排窗, 感覺好開揚同舒適。打開餐牌一睇, 雖然餐廳叫台灣館, 原來除左台灣菜式, 仲有小菜可以選擇。我哋覺得幾特別, 所以就叫咗個宮保雞丁同黃金鮮魷試下。黃金鮮魷一嚟到嘅時候已經聞到好香既鹹蛋味, 鹹蛋完美咁包住整件鮮魷, 但食落就一啲都唔膩。另外, 鮮魷都好厚肉同有咬口, 真係唔錯。而宮保雞丁好惹味又夠鑊氣, 少少香辣而不嗆鼻, 連食唔到辣嘅朋友都密密食。我就最鍾意裏面嘅腰果, 十分爽脆, 增添唔同嘅口感。更不得不讚廚師刀工不錯，雞丁及配菜切得大小均勻，令外觀加分不少。食完小菜又想試吓佢哋嘅台式飲品，珍珠控朋友叫左胚芽珍珠奶茶，我就叫水蜜桃紅茶。兩杯飲品都幾大杯, 水蜜桃紅茶有濃厚水蜜桃味, 甜度適宜。而胚芽珍珠奶茶十分香濃, 珍珠Q彈, 值得一試。

平時經過九龍灣都係去德福同淘大多,但有時如有不妨行遠少少去到得寶果邊都有好多餐廳小店可以試下.今次黎到見到呢間新開既台灣館既菜式選擇都幾多而且價錢又親民入左去試試.水煮牛肉以一大鍋送上份量好豐富而且賣相豪華, 牛肉量及配料都好足. 牛肉肉質滑嫩而且唔會韌,入口亦唔會好鬆易帶有肉既嚼勁. 水煮湯底雖然鋪滿辣椒及紅油,但味道唔會過辣之餘又充滿香味,少辣中又帶點麻香. 底下有大量芽菜,爽脆充滿水份. 除芽菜外鍋內亦有清香又清脆既篙筍,木耳蓮藕等等,2個share夠晒. 魚香茄子以砂鍋送上,整體唔會好油膩及濃香,一鍋有齊鹹,辣,甜鮮香.茄子入口夠軟腍,咬開帶有陣陣茄子香甜,又吸盡醬汁香味.鹹鹹香香既肉末及茄子下飯一流.冬瓜茶香甜帶出冬瓜香,冬瓜糖唔會過甜膩.柚子蜜充滿柚子香,酸酸甜甜好解膩.

某日中午經過德寶商場，見到依間款式選擇都幾多既台灣館就衝左入去食。依度既環境好簡潔，門口有幅紅磚切成既特色牆，好有台灣feel。食物種類都幾多，以台灣菜為主。除左台灣菜，仲有好多中式同港式既菜式，今次我地就試左美極生炒牛肉飯同酸菜烤魚。美極生炒牛肉飯好有鑊氣，飯粒粒粒分明好乾身，估唔到台灣館都可以食到咁地道嘅香港味酸菜烤魚係鮮炸過，好香脆，用黎送飯一流。套餐係包飲品既，冷泡抹香綠茶，百香果紅茶，夠哂冰涼啊😊