台灣館 (已結業)

九龍灣開咗一間新嘅台灣館，呢間野都幾得意，唔係淨係食台灣野，又港式嘢又有酸菜魚，咁見到都幾多人食，一於試一試！🍴招牌牛肉麵 $58湯底就正常，冇特別濃藥材或者牛肉味，比較似嗰種家庭式嘅湯水，比較淡味，似用紅蘿蔔煲出嚟，而牛肉就係用咗牛腩，煮得非常軟淋同埋入味，而個麵煮得太淋，一咬就爛，一啲口感都冇😂🧋胚芽珍珠奶茶 跟餐加$12 少冰少甜本來都冇乜期望，但估唔到呢杯奶茶出奇地好飲，同出邊啲茶飲店有得揮喎，飲落胚芽雖然唔算好多，但都好有口感，奶茶唔會好甜，珍珠煮真到好淋。推薦指數: 7/10朋友食嘅鹽酥雞滷肉飯比起牛肉麵好食10倍！所以如果去嘅話都會建議食滷肉飯，個價錢都算合理，食物質素都可以，正正常常。