古琴雅苑 (QRE Plaza)

營業中

休息中

同朋友嚟呢間慶祝生日，因為朋友鐘意食北京烤鴨，所以帶佢嚟食，個廚師係正我地面前扁啲皮出嚟，感覺好新鮮，醬方面加咗柚子醬同哈密瓜，所以食起上嚟更加fresh，無咁肥，而佢個松子魚都整得唔錯，不過就酸咗啲，而螞蟻上樹都有水準，平時唔鐘意飲湯，今次叫咗個雲吞上湯，竟然4個人都飲得囇，最後叫咗個甜品，腰果露，唔會太甜，容易入口

灣仔食肆何其多，但午飯時間，總是一位難求，難得有朋友預先拎定位，就算要排隊等電梯，都趕得切返工。古琴雅苑已不是第一次造訪，無他，地點就腳，價位亦相當合理。早前跟食友午膳，由於要遷就上班地點，二話不說，就在對面好了。菜色都是由另一位朋友order，也好，省時免得動腦筋。松花皮蛋拌豆腐（$69） 基本上都是現成食物的配搭，豆腐出奇地嫩滑，真心覺得好正，但皮蛋未至於溜心，蛋味淡，否則會加分。揚州水晶肉（$79） 好傳統的前菜，肉味幾濃，個人喜歡水晶位較多。宋嫂魚羹（$88） 玻璃芡似有還無，其實可以厚返些少，魚肉輕盈，味道調較得不錯，下點陳醋提鮮，效果更好。蜜汁火方（ 配荷葉包八件）（$188） 金華火腿薄切，都是一貫泡浸在蜜糖中，減輕咸香度，荷葉包新鮮熱辣蒸起，包埋一齊食，外層鬆軟，內裡咸甜夾雜，好味。烤北京填鴨（$358） 只得4位，仲要有細食女仔，半隻已經好夠，先上幾片鴨皮，用砂糖蘸點，有種入口即化的感覺。至於另外一種食法，當然係加入哈蜜瓜條包起一齊食，真是人間美 味。 蔥燒富貴魚（$228） 其實係多寶魚，不單魚肉，就連魚皮沾上蔥油都變得好惹味，加上無乜碎骨

今日同成班朋友嚟咗呢間好特別嘅京菜，一入到去個裝修都幾靚，啲人服務態度都非常之好，員工個個都好似好開心咁，值得一讚！我哋總共八個人叫咗個八人餐。頭嗰幾味頭盤都係嗰幾味野啦不過不失，個豆腐皮蛋幾特別，啲汁都幾香幾甜。主菜最好味就係蛋白帶子，做得幾好。個節瓜都唔錯，整得好林。但係最最最最最期待嘅都係個主角，就係片皮鴨啦！！！隻鴨係原隻上，個師傅係隔離即場切，師傅好好人好有禮貌，刀工非常好切出嚟唔會太多肉或者太多皮，個味道就梗係唔使講啦絕對係一流！值得推介！

朋友好想食北京填鴨 我地見到呢間野係openrice 好高分 極少負評就同朋友們黎試下但我同朋友們都覺得佢被overrated 片皮鴨一般 鴨肉唔算多汁鮮味 個人黎講prefer 佢切得薄同埋肉/皮比例差唔多 但佢就做唔到 餅皮ok 嘅 薄得黎夠煙韌其他菜式中規中矩點解佢係openrice 會咁高分嘅呢

父親節快到了，大家有甚麼表示嗎？爸爸上班好辛苦啊，送他北京填鴨＋法國紅酒如何？這天我們到了「古琴雅苑」吃飯，發現有「雙親節」套餐，惠顧四、六、八人套餐都可以獲贈法國紅酒一支，我們點了套餐，又加了一些單點食物，以下精選一些美味的跟大家介紹！記得啊，二人套餐是無得送的，要點四、六、八人餐啊。宋嫂鮮魚羹 $88精美四小拼 $168人多，等來等去，先點了湯品和前菜來醫肚。我本身不太喜歡魚湯，沒想過這個「宋嫂鮮魚羹」會叫我刮目相看，用了新鮮的石斑魚，一片一片的很有酒香，魚肉鮮甜不腥，加了少許醋去調味，好喜歡。「精美四小拼」包括花雕醉雞、揚州水晶肉、雞絲粉皮、拍開洋黃瓜，最喜歡的是水晶肴肉，入口即溶，中式啫喱是也。蔥燒富貴魚 $228多寶魚先以花雕酒和鹽醃過，炸至外脆內嫩，最後撒下孜然粉，一上桌已嗅到陣陣香味。多寶魚魚骨不多，吃起來啖啖肉，蘸一下旁邊的酸甜汁，很好吃；不能錯過的還有面頭的蔥，帶點清甜，很有提鮮作用。烤北京填鴨(半) $179今晚的主角來了，好喜歡這裡的片皮鴨。烤鴨每隻約2公斤重，能切出108片，配料方面，有青瓜、京蔥、哈蜜瓜，醬料也有蜂蜜黃梅醬和傳統京醬，好豐富！師傅先片出幾塊鴨胸

上星期和屋企人係灣仔電腦城睇完電腦之後，上openrice search食咩，搵到哩間古琴雅苑，係利東街隔離的食廈QRE裡面的19樓。上去之前我地睇定哩間餐廳食咩，招牌菜係北京烤鴨，價錢又唔貴。單點菜式好多選擇，未睇埋晚市套餐，平均300蚊已經有好多菜式，所以最後都點左套餐。職員話6月開始，下次再黎食套餐慶祝父親節，會免費送返一支$350的紅酒，性價比高，下次慶祝會黎。講返今次食既菜式，點左個4人套餐，十三香農家雞好香好惹味,椒鹽黃魚好香脆，精美四小拼可以一次試買款前菜，蝦苗咸肉炆蘿蔔炆得好入味，送飯一流，招牌北京烤鴨,係全個套餐最好味的菜式，師傅會企係度表演片鴨，好精彩,三兩下就片左一隻鴨出黎，每一塊都係精華所在，好脆好香好惹味，紅燒獅子頭正常的。古琴鴨肉炒飯，烤鴨肉加上欖菜,又係一道好菜!唯一希望唔限時，依家晚餐分兩段時間，所以提早預訂會好D，我地食6點果輪就容易點找位置。

近日有親友從台灣到港，要諗諗有嗱好招呼他們，由於大家年紀都不少了，還是喜歡中式的晚餐，可以食下傾下計⋯⋯想來想去，有朋友介紹去食北京菜，剛好早前去了一轉北京，都幾掛住北京烤鴨，所以親在香港找找看，最後挑了這間！幸好預早訂位，但餐廳都會分幾輪，每桌員有一個半小時，一坐低就立馬點菜，烤鴨有兩款，好在可以半隻形式叫，每款半隻就可以試到不同，確實和在北京吃的差不多，而佢地包的聊塊皮整得好食過北京。店員都會細心講解，很不錯！

今日又同同事們去左灣仔qre 食lunch慶祝生日, 古琴雅苑水準一向keep到，服務又貼心，有時一大班同事食lunch唔知去邊都會黎哩度，加上免切餅費，都唔錯！烤北京填鴨（$179）半隻，係餐廳招牌菜式，聽講烤鴨師傅係北京請黎，有信心保證。師傅手起刀落片出薄薄的烤鴨，皮脆肉嫩，令人忍不住吃了一塊一塊，今晚又要減下肥先得了。我地都點咗炸銀絲卷$39 兩件，好香脆，外脆內軟，點心都唔差啊職員推介話黎緊提早訂父親節套餐，會送一支$350的紅酒整體感覺唔錯而且有優惠會繼續黎

520同老婆去左灣仔拍拖，夜晚唔知食咩好，老婆想吃中菜，但中菜對兩個人黎講無咩選擇，最後去左古琴雅苑。去到見到人地食北京填鴨好吸引，但兩個人真係食唔晒，所以最後叫左3個小菜同小籠包。四小拼：不過不失，四個當中最愛醉雞，夠入味，酒香味濃！紅燒獅子頭：好入味，獅子頭好淋(應該加左唔少肥肉)，好好味，但食完有D罪惡感！乾扁四季豆：好爽口，唔油膩，夠野味！小籠包：一般，湯汁多，但小籠包皮厚左D。最後2人埋單$450左右，都好飽，係灣仔區同咁既用餐環境算合理，下次多人D再試試北京填鴨。

就黎母親節當然要做定功課搵好餐廳同媽咪慶祝啦媽咪咁辛苦照顧我們這一家所以我地又去性價比超高既古琴雅苑因為太多人係正日訂堂啦Full晒所以我地最後提早啲慶祝嘩嘩嘩因為五月六月係母親節同父親節，佢地推出了「雙親節套餐」因為提早預訂有優惠送「鮑魚帶子扣花菇」媽咪急不及待就已經開動我手機做唔到相機食先不過唔緊要有一張咬了一口的高質素及貴重的食材真的想不到是贈送完全免費媽咪勁開心爸B會唔會呷醋唔洗驚我已經問定店舖佢地原來父親節都有提早預訂優惠今次係送紅酒一杯岩晒爸B 啦今次醒啦，預訂埋先擔心又再Full晒

最近飯局很多，和朋友們一同到灣仔古琴雅苑品嘗午餐。烤北京填鴨(半隻 $179)味道豐腴，一口酥入口即融，北京烤鴨鴨皮香脆, 十分美味。小朋友4歲以下還有免費兒童餐，適合一家人。睇佢地facebook優惠5月3日- 6月30日，預訂6月1日-30日期間慶祝父親節，同時惠顧指定套餐，即贈Chateau De La Salle紅酒乙支，黎緊應該會再黎! 

同奶奶預祝母親節，見呢間係係有北京廚師處理既北京烤填鴨店就決定訂位，可能假期多人，6-8pm, 之後有第二場。估唔到我地6:20pm已經差不多坐滿。為左唔想諗食咩所以叫左你四人餐，但又想試其他野，所以加左個黃金蝦球，蔥油海哲黃瓜，螞蟻上樹同小籠包。個餐最出色係北京填鴨既餅，口感好好，厚薄適中。另外咸肉蝦米炆蘿蔔都好特別，椒鹽黃魚全條都炸到脆，唯一係小籠包啲皮太厚，差小小

朋友隔咗成年返香港，想搵間靚靚地的中餐食，呢類型的新派中茶就最啱！雖然台與台之間的距離好窄，但當晚隔離台好細聲所以無影響。片皮鴨：有半隻叫，師傅即場切片，上台仲係暖嘅！小籠包：可以試其他百頁毛豆：因為住家飯好少煮百頁，所有出街見到多數會點。百頁無乜味亦唔索味所以全靠魚湯帶起。星期五晚全滿，去之前一定要記得訂台！

依家我的工作主要在油尖旺區四處遊走，湊巧有天在尖沙咀開工，我就應古琴雅聚的邀請享受尖沙咀上班一族尊享午市套餐，呢個8人餐價值$863 (已折扣的價錢及已包括加一服務費)，人均一百蚊在尖沙咀食好西倒是不錯，最重要係我本身超愛吃片皮鴨，所以點都要抽時間去食好西~~~由於坐在同枱的小朋友比較肚餓，所以上了兒童餐，4歲或以下的小朋友可以免費享用，而且更有填色紙和顏色筆，讓小朋友不怕悶，昕昕依家6歲，如果要享用兒童餐就要$68份~~~意大利黑醋骨Honey Balsamic Spare Ribs，食落感覺好似食緊上海麵店的糖醋骨，酸酸甜甜得來，d肉唔會韌，食落感覺開曬胃~~~松花皮蛋拌豆腐 Preserved Egg with Beancurd，雖然看似簡單，但要有知音才能欣賞到其味道，可惜我不是知音人，只係感受到豆腐的滑~~~揚州水晶(餚肉)，第一次吃這樣就在鼎泰豐，這樣子凍上的前菜味道不錯，少少咸，肉感軟熟，四川菜雖然有同類，但是用薄切，感覺會不同~~~烤北京填鴨(全) Roasted Peking Duck (Whole)，整個午餐的焦點就是這道菜，對於食肉獸的我來說片皮鴨和飲宴的乳豬係我

餐廳有曱甴我唔係未見過食一餐飯見成打曱甴我真係第一次🔥🔥🔥🔥唔知以為自己去左寵物店 頭一隻爬去朋友身上 再有兩隻走出黎我哋叫你拍死左都算 再黎456隻又爬上的袋到 我哋只係要求調位 你hea X我 走左567枱都冇換枱俾我 再黎789隻我知你忙 叫你搞左佢 你拍死佢就算 我叫你換枱 有張大枱 你夠膽死換張2人枱俾我 第十隻爬到我後面我忍無可忍 真心食唔落 仲有的想嘔 企出門口10分鐘都冇人理我哋 有曱甴你都唔想 但係你個人處理手法真係好有問題 你只顧住門口的客繼續做生意 完全冇理過我哋感受 咩呀 博我哋出晒菜就走 冇得唔比錢呀 係都要我要求攞番個蛋糕 企到出門口要埋單你先話換枱俾我 免我張單茶錢同請我食糖水 你個副虛偽同嬉皮笑臉咁同我講你今晚瞓唔著同好對我唔住 仲話下次番黎請我食餐飯 大佬一家大細靠晒你呀 你收費都唔平 我企到出門口你呢頭話俾左枱我 個頭問都冇問將我大半餐未食嘅野掉左 仲敢收我錢 你有誠意就今餐都唔應該收啦 🔥🔥🔥🔥你只顧住收張枱 仲要我都未走你就俾下一輪坐番個張枱 真係離X晒譜 我話你唔應該再俾人坐個張枱 你又再hea一有位就換俾佢你仲要我再番黎 我冇信心都唔俾 最嬲