古今

營業中

休息中

今日同朋友去完銅鑼灣行街，揀咗SOGO隔離嘅澳門逸園中心入面嘅「古今」食lunch，之前食過其他分店，所以今次試吓銅鑼灣呢一間。餐廳用咗和風裝修，擺咗唔同嘅清酒樽做裝飾，座位闊落，環境坐得舒服。見到餐牌有好多唔同嘅選擇，我哋嗌咗搖滾樂、富士山、鹽燒白鰻、大阪自家製炸雞同鹿兒島豚肉露筍。搖滾樂係有鰻魚、芝士、炸蝦同牛油果蓉包住嘅卷物，上面嘅鰻魚充滿鰻魚汁，令到下面嘅卷物口感唔會太乾；富士山有蟹柳、鰻魚、牛油果同脆片嘅卷物，外觀非常之吸引，用蟹柳、蟹籽同脆片堆砌咗個富士山出嚟，入面有沙律醬同鰻魚汁，夾埋舊卷物一齊食幾有口感；燒白鰻喺出面比較少食到，肉身唔算太肥美，但勝在唔多魚骨，鹽燒出嚟都好惹味；炸雞一碟有六件，炸得香脆可口，配自家製嘅沙律醬一齊食好正；鹿兒島豚肉包住切段嘅蘆筍一齊炭燒，蘆筍索晒豬油嘅香味！下次同多d朋友一齊嚟食嘅話，就可以試多啲佢嘅特色卷物啦！📍銅鑼灣軒尼詩道525號澳門逸園中心21樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

🐔 大阪自家製炸雞(六件) 💰$78炸雞炸得金黃香脆，每件炸雞都好大件，雞肉肉質嫩滑多汁🐽 鹿兒島黑豚荔枝卷串燒 💰$32咬落去第一啖係食到黑豚味，跟住就係荔枝嘅清香味，未試過食荔枝既串燒，出奇地個味好夾又好特別💛 蒜香牛油燒帆立貝 💰$42帆立貝size夠大，蒜香同牛油嘅味都好出，帆立貝燒到啱啱好🍣 搖滾樂 💰$113即係鰻魚手卷，入邊夾咗芝士同炸物，咬落有三重口感（鰻魚味、芝士滑、炸物脆），份量都好夠飽肚🍣 富士山 💰$98手卷嘅面頭係蟹柳絲同埋蟹籽，餡料夾咗青瓜同鰻魚，份量好足夠

銅鑼灣有間餐廳出名食特式卷物🤤叫古金～今次就去左銅鑼灣試吓先😋日式麻醬胡麻沙律 $88沙律🥗份量好多～有豆腐，沙律菜，有番茄，有蟹籽食落口感好豐富😋蜘蛛 $103依個卷物叫蜘蛛～其實就係軟殼蟹加牛油果加蟹柳依個配搭一流～軟殼蟹炸到脆卜卜加埋紫菜香味🤤🤤三文魚牛油果卷🥑 $65個卷物細細個～一口一啖三文魚腩油脂豐富～同牛油果好襯😋 鹽燒白鱔 $38白鱔好肥美～好厚肉燒到個皮好脆卜卜😋雞腿肉串燒 $32雞腿肉🍗一啲都唔乾

之前食過其他分店都覺得幾正，咁啱喺銅鑼灣又見到有古今，食個下午茶都係幾唔錯嘅選擇🥰✅煙花辣味三文魚、辣味吞拿魚、脆片面頭滿滿嘅吞拿魚蓉，微微辛辣感更加好食🌶️✅蜘蛛炸軟殼蟹、青瓜，牛油果、蟹柳軟殼蟹同牛油果嘅味道好夾，而且呢個卷物勁巨型，要分幾啖先食得晒🤣✅大阪自家製炸雞又係一件巨型炸雞，俾平時食開嘅大份，而且都幾脆吓✅串燒鹿兒島黑豚荔枝卷串燒鹿兒島豚肉露筍豚肉卷配搭荔枝一齊食，香甜嘅荔枝會令到豚肉更好味，而夾住露筍感覺就比較清新啲💛好味指數:4.5/5💛💜回頭指數:4.5/5💜📍古今 (銅鑼灣)銅鑼灣軒尼詩道525號澳門逸園中心21樓

我今日去左銅鑼灣時代廣場附近辦事，順道去位於銅鑼灣軒尼詩道525號澳門逸園中心21樓的古今食午餐。環境優雅，充滿日本風情，坐得舒適，也可望到街景！我點左M22火山$128，B1龍卷風沙律$88，Y4炭燒孜然羊架$88，F16七味唐揚雞軟骨$78。龍卷風沙律賣相不錯，材料新鮮可口，是前菜的首選；火山好有特色，上檯後才點火，熄火後才進食，卷物熱辣辣，好味又好食！雞軟骨炸得香脆，甚有咬口；羊架燒得外脆內腍，肉汁豐富，真心推介！整體黎講係高水準的日本菜，價錢親民，店長有禮好客的服務，令人感受親切，值得推介！

是靚晚，突然諗起好耐冇食古今🤤今日叫左蜘蛛、午夜牛郎，再加少少串燒，同大阪自家製炸雞🐣蜘蛛🕷️，其實係炸軟殼蟹🦀，中間仲有青瓜，牛油果同蟹柳，係某人至愛👍🏻軟殼蟹係即炸，夠晒熱夠晒脆👍🏻午夜牛郎，中間有三文魚，牛油果，芝士，食落好rich但唔膩👍🏻大阪自家製炸雞，超大舊，份量唔少，雞肉嫩滑多汁，調味剛剛好，炸得鬆脆唔會太硬，好吃😋串燒，怕太飽只叫左黑豚豬頸肉串燒同鹿兒島黑豚荔枝卷串燒。串燒燒得幾香口，送啤酒一流🍻又係滿足嘅一餐～

位置喺銅鑼灣SOGO隔離咋，去開銅鑼灣其中一間食開嘅舖頭，今日中午同朋友食咗呢啲，當然少不了一定要嗌卷物📌金龍卷 ($105)有三文魚、炸蝦同芝士，仲要有成八件，配上燒汁，好滿足！📌富士山 ($98)呢款應該係招牌菜，又非常豐富有多嘅蟹柳絲、又有鰻魚同埋我好鍾意嘅牛油果，所以配搭得非常之好，加上有脆片，成件事好香口📌黑豚豬頸肉串燒（1串） ($32)燒得啱啱好，唔會太燶，肉質口感不錯📌鹿兒島豚肉露筍（1串） ($45)估唔到蘆筍同埋豚肉真係好夾！推薦📌日式章魚小丸子（6粒） ($48)小丸子燒得外脆內軟，又唔會太多粉，係好食嘅章魚小丸子呀！💁🏼‍♀️服務：有加一，職員好樂意為你服務，成日都會幫你斟茶次次嚟一定會叫卷物，另外，佢啲午餐set都好抵，去開銅鑼灣可以試吓

仙台牛煎定食賣相一流🤩🤩🤩🤩🤩 打咭一流，只可惜牛舌火候控制不佳，導致牛舌入口好韌，感覺自己吃塑膠似的😵😵😵😵😵醬汁調味又太鹹，整體體驗實在令人極度失望😒😒😒😒😒 牛舌控完全唔推介☹️☹️☹️☹️☹️ 不過服務人員十分有禮貌及體貼，餐廳環境及衞生都很好，希望店主可以採購品質較好的牛舌，以及廚師留意一下烹調方法，現今講求健康飲食生活，過鹹會引致高血壓，絕對影響健康🫠🫠🫠

我都算係呢間分店既常客,之前一個月總會同frd黎幾次,每次都係一個著黑色衫黑黑實實既男仔同一個有小小外國人feel既女仕service 我地,幾個frd幫襯完都覺得食物同服務幾好前幾日再去幫襯,有一個著住西裝既人做樓面,用餐過程我同同行既朋友 留意到佢有食物又唔出不斷對住部手機,有時連個人都唔見咗😅另一個男仔就不斷做嘢,幸好當晚唔算爆場😅我完全唔知道佢到底係樓面定係服務大使😅但係佢又俾唔到任何服務我地

二訪！食過翻尋味😁因為被佢地嘅創意卷物吸引住，今日想食就即刻行動啦☺️位於銅鑼灣的「古今」，係一間主打創意卷物的餐廳，招牌的創意卷物造型特別，連名稱都花了心思。居酒屋室內裝修簡約，採用和式風格，座位寬敞舒適，而且擁落地大玻璃，吸納戶外天然光，採光度十足！金龍卷 $105(三文魚・炸蝦・芝士)卷物入面包著炸蝦🦐及芝士🧀，面頭放有肉質鮮味嫩滑嘅三文魚、沙律醬同照燒汁，但食落唔會好膩，味道好豐富。煙花 $108(辣味三文魚・辣味吞拿魚・脆片)煙花卷🎆入面包著辣味三文魚，而綿滑的吞拿魚蓉則鋪滿卷物上面，再灑上脆片，一啖咬落去，口感層次豐富。埼玉網燒牛舌 (4件) $78牛舌肉味濃郁🐮，肉質爽口鮮嫩又多汁，一咬落去肉汁噴發，配搭微酸嘅醬汁，可以中和番油膩感，又能提升牛舌鮮味。日式章魚小丸子 (6粒) $48章魚小丸子粒粒飽滿🐙，外皮燒得香脆金黃，內裡的粉漿口感頗軟熟，章魚粒好彈牙，椰菜爽口，面頭嘅醬汁富醬油香，令味道更有層次，而木魚花灑係最面，增添口感。

午飯有時會想喺銅鑼灣食好西，今次試咗朋友推介嘅木系日本料理，主打創意壽司卷。埼玉 網燒牛舌廚師推介。厚切帶炭火香，牛舌爽口，油脂同肉汁豐富。 日式章魚小丸子章魚小丸子表面帶脆口，配合自家製醬汁，仲有唔少木魚碎同紫菜絲。小丸子入口軟腍，章魚粒煙韌，整體唔會太厚粉。 金龍卷天婦羅炸蝦加上沙律醬配搭上層嘅三文魚同火炙芝士都幾夾，多重口感。蜘蛛紫菜包飯入面有炸軟殼蟹、青瓜、牛油果同蟹柳，軟腳蟹脆卜卜，牛油果呈濕潤奶油感嘅。

創意卷物，款式多又美味。每次都叫自己盡量不重複，次次都無失望。卷物的名稱未能望文生義，雖然有圖片看，但其實都不是太清楚卷物的味道和口感會是怎樣，就是帶着這種未知，次次都有驚喜。卷物是創意和驚喜，串燒則穩定和放心。🏅埼玉網燒牛舌（4件）$78嫩、滑、爽、彈，百吃不厭。每次都叫一客。🏅M26 蜘蛛 （$103）炸軟殼蟹、青瓜、牛油果、蟹柳、蟹籽。外軟內脆，香口美味。🏅M27 富士山（$98）上層推滿蟹柳沙律、卷物內是鰻魚、牛油果，外面灑黑芝麻和脆片。清新鮮味。🏅日式章魚小丸子（6粒）$48外脆內軟，不會滿口粉的感覺。外皮香酥，章魚粒彈牙，淋上特製的醬油，更添滋味。

我係古今嘅小粉絲🤭🤭銅鑼灣分店已經係第二次食，呢度主要用木嚟裝修，充滿日式感覺！另外佢枱與枱之間嘅位置都好充足，坐得好舒服！佢哋嘅創意卷物係最出名，今次嗌咗「金龍卷」同「蜘蛛」，兩個卷物放埋喺同一碟睇落去勁豐富🤩🤩「蜘蛛」裏面包着嘅係炸軟殼蟹，仲有牛油果、青瓜同蟹柳絲，食落去好清新！「金龍卷」頂層係三文魚同沙律醬，加埋裏面嘅吉列炸蝦，外脆內軟，唔使點豉油都好夠味！再食埋埼玉網燒牛舌，已經超級滿足！望到隔籬枱嗌咗一個叫「火山」嘅創意卷物，店員會幫佢喺隻碟側邊點火，勁打卡able，但係我已經食唔落啦😂唯有下次再嚟食啦！

放工約左朋友食飯佢話想食日本野🍤🍱🍣就帶咗佢去我嘅鍾意食嘅呢間古今二Cwb分店都係我第一次去餐廳格局當然日系🏮坐得都非常舒服🪭食飯時間都好多人～等咗一陣先有位💛琦玉網燒牛舌💲7️⃣8️⃣呢個一擺上枱就聞到好香🤤同行朋友唔食牛都話燒得好香肉質肥美多汁彈牙 油脂感爆燈💥必點之選⚡️💛日式章魚小丸子（六粒）💲4️⃣8️⃣💛金龍卷💲1️⃣0️⃣5️⃣上方有三文魚嘅就係金龍卷🍤飯卷入面有炸蝦同芝士🍤🧀依家諗起都有少少餓🥹炸蝦炸得好脆 加埋芝士、三文魚配搭非常出色🩷💛蜘蛛💲1️⃣0️⃣3️⃣下方就係蜘蛛 飯卷入面有蟹柳、青瓜同軟殼蟹🥒🦀呢個比起金龍卷清新少少🤤不過我兩個都咁鍾意食😆😆

之前食過呢間日本菜，個名好特別，古今二，故事起源於一位漂洋過海的師傅。他在旅途中學習了不同文化的烹調技巧，並將其融合在自己的手藝之中。返回香港後，開設了一家小店，名為「古今」，這裡的味道十分獨特，而古今二則是古今的延續，第二代💫金龍卷三文魚、芝士、炸蝦，表面的芝士咬落去入口即溶，建議可以加少少wasabi去食，中間炸蝦仲要係卜卜脆，太棒了✌🏻蜘蛛估唔到蜘蛛都有得食，蜘蛛係咩黎？即係炸軟殼蟹+蟹柳+牛油果+青瓜，睇落真係好似蜘蛛咁，好有睇頭☺️網燒牛舌估唔到呢度嘅牛舌又幾好食喎，每一塊都好香口，肉味較重，食完之後都想再encore✌🏻日式章魚小丸子小丸子比較正路，當係前菜之一，木魚比較多，建議可以夾埋一齊食，第一粒咬落去好燙口，之後就識得要小心啲🤣🤣好味指數：8/10性價比指數：8/10餐廳名稱：古今餐廳地址：銅鑼灣軒尼詩道525號澳門逸園中心21樓電話：31889915