古今

營業中

休息中

今次朋友仔知我鐘意食日本野，就帶左我去銅鑼灣新開嘅古今分店慶祝生日。一去到睇見個餐單果然有驚喜，有好多好有特色的壽司卷物😂每款都有一個好特別嘅名。我地就先叫左個刺身，海膽真係好鮮甜，值得一讚。另外就叫左3款卷物海膽特色卷物：海膽鮮甜加上牛油果，正。原來朋友訂位時，知道有人生日，仲係碟上寫上Happy Birthday,有驚喜。 富士山：（鰻魚，蟹柳，牛油果，椰絲)味道好特別，而且好好食，面層加左椰絲，再配埋個特製醬汁，令到口感好豐富。 極金龍：（炸蝦，芝士，三文魚)三文魚配上炸蝦，不會太油膩，恰到好處！仲有我最愛嘅芝士，推介！鹿兒島豬肉海鮮火鍋:味道清甜，豬肉切薄身易入口，不過略嫌八爪魚太長身，女仕放入口無咁方便。仲有好多卷物都未試，一定會再嚟。

早前已聽聞朋友說古今二很好食賣相吸引之餘，味道都不錯...所以借著男朋友既生日，決定去試一試但原來最近佢地起銅鑼開左間對於我依的住港島既市民黎講實在太方便了一出 簡潔明瞭，令人感到舒服😌我地最主要都係沖住卷物來的所以都叫左3-4樣卷物火山 極·黑龍卷 烈火紅唇紅粉佳人轟天雷 見個名感到神秘所以就點左來試🤣雖然我已經吾記得啲卷物入邊有咩材料但真係每一道都好好味，味道同口感都配搭得好好！！加上要起香港揾到一啲特色既卷物都偏少大家不妨試試，相信令你一試難忘

刺生食物新鮮，卷物壽司好食、又特別、店内環環唔差，日本風格，舒舒服服，食物砌得好精緻，唔係一般餐廳咁，5個同事一齊去，平均每人120蚊，都ok, 不過都幾多人，差不多全滿座。點解去呢間食?因為銅羅灣返工食飯最煩惱，幾百間餐廳，日日食到都唔知再食乜好，見到有傳單就張張攞，睇下有咩岩食，早兩日見到有新間開張，攞張傳單keep住先，今日就黎試一下，試完真係要比個like佢！good good good good

今日一家大細經過澳門逸園中心，見到樓下塊水牌有張好特色卷物，就上左21樓試下，原來新開張舖。一開始見到個餐單都有d頭痕，因好多名都好特別，但好彩樓面有位靚仔人兄細心介紹，服務值得一讚。火山 上面應係d牛油果，蟹柳，帶子等材料的卷物，加埋d醬汁食落口粉紅佳人 應有三文魚，吞拿魚等用料係食到新鮮，感覺到師傅d醬汁係用心去做。但外面塊皮如能更粉紅相信外觀贏唔少分數。阿囡自選的卷物烈火紅唇：士多啤梨，炸牛肉，芝士呢款阿囡食到好，仲講到下次嚟一定要最食呢款壽司，估唔到士多啤梨嚟做壽司。極煙花：三文魚，拖羅，脆片，呢款我真係覺得最值得推介。另外還叫左刺身，天婦羅等刺身新鮮，不過天婦羅就不過不失，不過卷物真係好特別，好美味仲有好多款卷物仲未試到，一定會再嚟。希望下次試其他新款，會更驚喜。