古今

營業中

休息中

同家姐行完SOGO，佢話帶我試有特色卷物嘅日本料理餐廳！地點就喺SOGO隔離嘅澳門逸中心，原來成座廈都係餐廳食肆！menu設計簡潔，主打卷物、壽司同刺身，天氣熱熱地食啱哂，仲有其他日本料理例如：串燒、鍋物之類。店員有禮，價錢親民！食物質數高！讚👍 🍣紅龍卷🍣 $124cream cheese醬放喺新鮮吞拿魚上，卷物裡面係炸蝦同芝士。一口份量，多重口感，上層creamy，加上吞拿魚鮮味，中間再食倒炸到卜卜脆嘅蝦！推介！好味！🐟西京燒銀鱈魚 $145主角銀鱈魚超有氣勢！表皮小小焦香，帶點醬油香甜嘅醬汁！ 上枱已經聞倒好香！ 兩片大大片嘅銀鱈魚，肉質嫩滑到冇得彈！油份適中食落唔會好乾！好味！🥗龍捲風沙律🥗 $82打卡又好味嘅一個巨型沙律！真係食得又睇得！頂層有高高在上嘅蟹柳，中層有大量蟹籽加爽口嘅中華沙律！配埋底層嘅生菜，沙律醬係我最鐘意嘅千島醬，原來仲加左薯片！估唔倒又幾夾，成個沙律清新又爽脆！🍢日式炸豆腐 $45賣相都極靚嘅炸豆腐，外脆內軟！炸皮啱啱好，唔油膩！面頭有好多木魚絲，豆腐軟綿綿好滑🫒枝豆 $51 最後點埋枝豆，咸咸地帶出枝豆味！份量多！唔錯！

今次同一位 Hellosss 朋友約喺銅鑼灣食飯，佢留意到陳卓賢都嚟食過古今，就已經諗定要同我嚟食啦！-古今係主打日式fusion菜嘅居酒屋，創意壽司卷物有成40幾款，刺身、熟食款式多，都真係幾啱我心水！-金龍卷 $103長長嘅金龍卷😍可以食到芝士、炸蝦、三文魚，味道已經調好，沾少少芥茉已經好提味！炸蝦夠熱夠香脆，三文魚肥美，好食！蜘蛛 $93用醬油型造出蜘蛛啲腳，擺盤確係有蜘蛛嘅神緒🕷️材料就有青瓜、牛油果、蟹柳、軟殻蟹，配搭得宜，醋飯味道都唔錯！網燒牛舌心 $88店員話個個食過都大讚好味，仲話「脷疊脷好滋味」！令我哋食之前已有所期待😂 首先見到牛舌夠厚切，繼而放入口咬係又香又軟又淋😳 確係抵讚👍🏻好味道！三文魚魚頭湯 $128魚湯鮮美濃郁，除咗大大個三文魚頭，仲有三文魚鮫，起出魚肉真係好嫩滑，塊魚面珠肉唔好錯過！菇、菜、豆腐都放頗多，夠哂重份量！十分推介！食物水準高，價錢大眾化。店員好有熱誠推薦菜式，今餐我哋食得好開心好滿足！一定要再回訪😊

「古今」係我好喜愛既一間日本居酒屋💓⭐️最喜歡佢地既卷物，不論製作、味道，以致presentation都非常精緻🥰 味道同賣相一致，相當不錯💓🌸火焰金龍卷 $98🌸上前菜沙律既時候，已經比胡麻豆腐同沙律菜既新鮮度吸引住💓🌸胡麻豆腐沙律$78🌸而佢哋既泡菜鰻魚炒飯，亦是我的大愛💐廚師將炒飯炒到一粒一粒，功架十足🏆炒飯入面會食到鰻魚粒，口感不錯😋 好味道👍🏻🌸泡菜鰻魚炒飯$138🌸🌸辣妹卷 $98🌸我地亦叫左辣妹卷，餡料有辣味吞拿魚、炸蝦同芝士， 三種唔同既combination, 味道好出好夾😋我地亦叫左🌸燒牛舌$45 🌸來佐酒🥃🎠環境方面，餐廳位於大廈既21樓。🎠窗口位既景觀係Hysan Place, 落地玻璃，相當開揚🕶餐廳亦用了不同的清酒瓶子作佈置🍶，幾有feel🎏 呢間餐廳已光顧左幾次，因為食物質素唔錯！同朋友聚會食飯relax 不錯的選擇🎏

𝙛𝙖𝙣𝙩𝙖𝙨𝙩𝙞𝙘 𝙨𝙪𝙨𝙝𝙞 𝙧𝙤𝙡𝙡𝙨 𝙛𝙧𝙤𝙢 𝙠𝙤𝙠𝙤𝙣! 𝙩𝙝𝙚 𝙤𝙣𝙚 𝙖𝙣𝙙 𝙤𝙣𝙡𝙮 𝙧𝙚𝙨𝙩𝙖𝙪𝙧𝙖𝙣𝙩 𝙨𝙥𝙚𝙘𝙞𝙖𝙡𝙞𝙯𝙚𝙨 𝙞𝙣 𝙘𝙧𝙚𝙖𝙩𝙞𝙫𝙚 𝙨𝙪𝙨𝙝𝙞 𝙧𝙤𝙡𝙡𝙨 𝙞𝙣 𝙩𝙤𝙬𝙣🔥.好多年前古今都仲係尖沙咀一間舖頭仔嗰陣，已經食過幾次，對呢啲壽司roll真係零抵抗力，不過自從嗰間執咗之後就好耐冇食過，今次經開銅鑼灣搵有咩食原來其中一間分店係sogo隔離，閒日晏晝冇乜人，靜靜地傾計食lunch都唔錯～ 彩虹卷用三文魚同吞拿魚刺身包住牛油果、青瓜、蟹柳，蜘蛛卷就將刺身換左做軟殼蟹，加埋佢地啲香辣沙律醬同燒汁好快清哂兩碟！驚唔夠飽叫埋個安格斯牛肉壽喜鍋，牛肉驚喜地幾鬆化，湯底好夠味，底下墊左啲粉絲同大量蔬菜，健康得黎又唔會太齋又飽肚～

今日係銅鑼灣見朋友，佢話好想食日本野，我上網見到有間鋪頭d卷物好令整得好有心思，咁岩我地都鍾意食卷物，就不約而同話食！🤍煙花Fireworks個賣相真係好令，佢係由辣味三文魚同辣味吞拿魚整成，除左d魚生好新鮮，應該係d芥末沙律醬令到佢辣辣地勁開胃。評分：4.523/5🤍紅龍卷真係成條龍咁栩栩如生！佢上面個吞拿魚鮮味十足，卷入面係炸蝦卷，層次分明而且好夾！評分：4.433/5🤍雜感天婦羅外皮酥脆而且炸粉少，口感好好，而且成條蝦都好新鮮爽口。點埋個天婦羅汁，清甜而不膩。評分：4.224/5🤍蟹膏帶子炒飯佢入面d帶子海鮮幾多，飯都炒得香，但係美中不足係蟹膏唔係幾夠，如果多番d就好！評分：4.001/5

由中學年代開始食既古今，佢既卷物一向都有水準，依家款式比以前多得很，有份圖文並茂既示意圖，啲名又改得幾貼切🤣呢晚全場爆滿，兩個侍應做到踢晒腳，但係都好有禮貌▪️ 紅龍卷（7.5/10）💲124擺盤夠曬吸睛😍濃味帶辣既千島醬，鋪係柔潤既吞拿魚上面，內裡有芝士同埋脆身炸蝦🍤成個配搭都好夾，一口size好快清曬🙈▪️ 蜘蛛（7/10）💲93呢個有少少青瓜同埋牛油果，但會係以蟹柳同埋軟殼蟹為主，入口保持酥脆，亦唔會油膩，比起紅龍卷清淡一點點🤭▪️ 西京燒銀鱈魚（6.5/10）💲145其實舊魚好肥美嫩滑，而且燒完油脂更加豐盛，有種入口即溶既感覺，本身應該達7.5/10，可惜落鹽太重手越食越鹹😳▪️ 網燒牛舌心（7/10）💲68呢個牛舌心帶爽，亦都唔會話燒到乾曬，不過有點兒鹹，要配上酸既柚子醋中和一下🧐▪️ 雞中翼串（6.5/10）💲32/2隻雞中翼個皮略脆，但係肉質就比較乾嚡身，勝在椒鹽調味得宜幾入味🐔▪️ 雞軟骨串（7/10）💲20雞軟骨口感爽脆，同樣係加上椒鹽調味😛🔎 整體評分（7/10）

之前喺觀塘食過古今二之後發覺CP值真係幾高所以今次去到銅鑼灣行街我又想食日本嘢嘅時候就問吓我朋友不如食呢一間啦呢間餐廳超級近崇光百貨，行多3分鐘就到啦！一上到去感覺真係好有日本餐廳fu餐廳係以木傢俬為主感覺好簡約清新呢度嘅短襪相當之出名所以冇理由唔叫黎試吓啦！我哋決定叫煙花同埋富士山🗻估唔到連菜式嘅名都相當之日本煙花其實係吞拿魚同埋三文魚混合嘅一個卷物飯上面全部都係吞拿魚粒辣辣地咁幾開胃，飯面捲着嘅係三文魚所以如果一啖食晒嘅話佢又食咗好多唔同口感嘅咁另一個叫做富士山，佢當中包括左牛油果鰻魚而上面都鋪滿豐富嘅蟹柳同埋脆脆！超級豐富因為朋友有食物敏感嘅關係可能未必食到啲醬汁所以店員亦都好細心咁將個醬料分開上！最後我哋都叫咗一個蟹膏帶子炒飯同埋鹽燒牛舌心呢個個個炒飯賣相幾靚而炒飯入邊有好多帶子粒絕對唔會好似鼻屎咁細粒😂😂籌得粒粒分明好友鑊氣調味亦都啱啱好而我最推薦嘅就係呢一個牛舌心！呢一個非常之淋！而且燒得啱啱好非常之香口😍

古今係一間日式Fusion居酒屋，主打新派創意卷物，入面所有菜式名都好特別，有火山、蜘蛛、辣妹同龍卷風等等，一定比到驚喜你。💚 辣妹 $103內有Cream cheese、炸蝦和辣味呑拿魚。仲有少少脆薯片，點埋啲醬汁，食落口感夠晒豐富，又唔會太乾。食完第一嚿好似停唔到咁，要大讚吓真係好好味！😋😋💚 紅龍卷 $124內有呑拿魚刺身、炸蝦同Cream cheese。你無睇錯，由於我太鐘意食呑拿魚，所以我地叫左2個差唔多嘅卷物。古今嘅份量真係好足，有成8件咁多，啲吞拿魚刺身好新鮮👍🏻👍🏻👍🏻不過我同朋友都係鐘意辣妹多啲🤣💚安格斯牛肉壽喜燒 $240呢個壽喜燒超大煲，超級足料😱入面有起碼有8片安格斯牛肉，仲有金菇、娃娃菜、京蔥、豆腐、洋蔥絲同粉絲作配料，兩個人真係食到超飽🤣所有菜上嘅時候都係未煮，所以大家要留意翻個煮食時間，不過我地唔小心令到啲牛煮到老咗，但配埋生雞蛋黎食即刻嫩口好多。味道: 🌕🌕🌕🌕🌗服務: 🌕🌕🌕🌕🌗價錢: 🌕🌕🌕🌕🌑環境: 🌕🌕🌕🌕🌑－－－－－－－－－－－－📍 古今銅鑼灣軒尼詩道525號澳門逸園中心21樓－－－－－－－－－－－－#tiufufoodie在銅鑼灣 #hkfo

好耐無食日本野啦! 而家夏天熱辣辣，最正莫過於食下新鮮壽司! 早前去左銅鑼灣既古今二 @kokon.cwb ，走雅緻路線的一間日式居酒屋風! 晚飯時段去到，都差不多滿座了! 放工肚餓，先來道招牌卷物先啦!..我地點左金龍卷🍣，賣相就好似一條金龍咁🔥 其實就係新鮮三文魚在上，然後壽司飯包裹住脆卜卜既炸蝦，加埋芝士，味道好豐富呀! 有層次! 好香好好食😋 必點哦..想飲啖湯，叫左清酒煮蜆🍶 有驚喜! 蜆肉大大粒，但最驚喜莫過於飲得出好濃好多既清酒! 令成碗蜆湯更香呢! 我地叫左芝士魚餅🐟，有4件，魚餅中夾有半溶芝士，記得趁熱食哦! 壓軸出場的還有這個蟹膏帶子炒飯🦀 份量超多!! 飯炒得香，加上蟹膏既濃郁，味道好惹味! 加上帶子，增加左口感，很不錯👍🏻..呢度仲有好多卷物都好吸引，下次要試埋其他先!

今日同frd兩個人一齊嚟食古今，之前食過佢啲卷物都已經覺得好好食又有創意🤔今次嚟食佢既lunch set，兩個人都揀咗一樣既餐，有六件炙燒壽司同烏冬或者拉麵加一碗麵豉湯。雖然烏冬/拉麵嘅份量算少，但壽司真係做得好出色😍😍個人覺得左口魚係最好食，本身唔係咁鍾意個蛋但呢度都整得唔差，三文魚都好大件🤩呢個lunch好食又抵食，下次要試下佢既鍋物先得🤤

🌟有留意開我就會知道我除咗鍾意食麻辣嘢，另外一樣最愛就係日本壽司🥰今個週末就搵咗一間位於銅鑼灣樓上鋪，主打特式卷物嘅日本料理店試一試🥴——————🐽 蜘蛛卷呢個蜘蛛卷賣相好特別，真係成個蜘蛛網咁樣，其實佢係軟殼蟹手卷，中間仲夾住我最愛嘅牛油果同埋蟹柳，算係一個幾唔錯嘅配搭🐽 金龍卷金龍卷中間包住吉列大蝦同忌廉芝士，面頭再有三文魚刺身及辣醬，雖然吉列大蝦同芝士食落都幾飽制，但面頭既刺身以及辣醬又可以中和到個飽制感，咁嘅配搭都唔錯😆🐽 芝士魚餅芝士魚餅感覺都幾特別，魚餅就好似平時食到魚蛋粉嘅魚片，但廚師加上少少甜嘅醬汁一齊燒，咬落去仲有淡淡既芝士！🐽 安格斯牛肉壽喜燒一個鍋有齊安格斯牛肉、豆腐、娃娃菜、日本粉絲、仲有各種菇類，絕對係平時食開吉野家打邊爐嘅強化版，而個個湯汁本身都已經夠鹹鹹，配上安格斯牛肉出奇地好食😁

收工後，與同事係公司附近食番餐好嘢後，再去上堂。龍卷風沙律賣相一流，整到真係好似龍卷風咁，面層有蟹籽、蟹柳、脆片;底層有中華沙律和西生菜。西生菜好新鮮，一入口有少少冰涼感覺，尤其依加夏天食，真係好清新。個沙律醬味濃，帶點微辣，好開胃。蜘蛛卷花了些心思，砌到成隻蜘蛛咁，卷物里面有青瓜，牛油果,蟹柳和軟殼蟹，軟殼蟹炸得香脆可口，連賣青瓜和牛油果一齊食中和左個油膩感。辣妹卷卷物里面有芝士和炸蝦，外層有些黑芝士，面鋪左一堆辣味吞拿魚，但食落一點也不辣，炸蝦食落卜卜脆，味覺和聽覺雙重感受，好滿足。蟹膏帶子炒飯炒飯炒得乾身，飯粒粒粒分明，帶子彈牙爽口新鮮。芝士魚餅魚餅食落好彈牙，粉少魚肉多，有驚喜。中間夾左一片芝士，芝士味唔太濃，唔會搶左魚餅既味道，兩者好和諧，而且就算凍左，味道都唔錯。整體黎講，環境都唔錯，上菜速度又快，服務質素好👍👍👍

價錢親民又性價比高既日本菜應該都係好多人既首選。最近去銅鑼灣【古今】，主打居酒屋風、各種類既日本食物都有。壽司、刺身、沙律、小食、串燒、飯、卷物等等，總有一樣岩你。今次就叫左2款卷物、炸軟殼蟹天婦羅、西京燒銀鱈魚同芝士吉列黑豚肉。2款卷物包括火焰紅龍卷：有火炙吞拿魚、炸蝦同芝士。火炙吞拿魚非常鮮味，又厚肉。炸蝦炸得香脆、同cream cheese好match。蜘蛛：有炸軟殼蟹、青瓜、蟹柳同牛油果。今次食呢個軟殼蟹肉偏少，所以唔會太腥。炸軟殼蟹天婦羅：分量好多，好新鮮熱辣！價錢都非常抵，但肉比較多既地方會偏腥，怕腥可以skip。西京燒銀鱈魚：有兩舊銀鱈魚，D肉好滑、又唔會好油，西京燒醬鹹左少少，但好食！算整得唔錯！芝士吉列黑豚肉：吉列黑豚肉肥瘦適中、新鮮熱辣又香脆。上面加左芝士非常香濃！

之前有朋友嚟食過，話依間野嘅卷物好正，叫我下次行開銅鑼灣可以嚟試吓，店舖個位置超方便！一落巴士就喺佢門口😂😂😂今次同老公叫咗三樣嘢食，勁高質素！叫左個辣妹卷物，少少辣，勁好味！另外再叫咗個原板海膽帶子炒飯，真係勁多海膽係入面，鍾意食海膽嘅會覺得好正！最後叫左個西京燒銀鱈魚，味道好惹味，有少少蜜糖味！講真味道同環境真係唔錯，係近年少數嘅高質日本嘢！我哋見到真係台台都有叫啲卷物，佢嘅卷物真係做得好出色，如果出開銅鑼灣嘅朋友，真係可以嚟試下😋😋😋

menu好有趣又吸引，上面嘅創意卷物全部都好靚。另外當然唔少得有壽司、刺身、天婦羅、串燒等等日本料理，都幾多選擇。卷物：蜘蛛即係軟殼蟹青瓜牛油果蟹柳卷，軟殼蟹炸得好爽脆，加埋牛油果同青瓜有少少清新嘅感覺，呢個食物配搭我like！日式炸豆腐呢個賣相都好靚，面頭有好多木魚，個皮炸得好脆，加埋裏面嘅豆腐好滑溜，perfect！蟹膏帶子炒飯呢個炒飯都好值得推介，炒飯有濃濃嘅蟹膏味，勁多粒粒帶子，飯炒得唔油但粒粒分明，蟹膏味好值得推介！