古今二 (荃新天地)

營業中

休息中

古今二越開越多，荃新天地分店都有了～ 呢間餐廳好嘅位係是但叫一樣都係好味嘅🤗今次我哋前菜首先叫咗個沙律同埋玉子燒，沙律非常足料，好大盤，份量非常多，所有食材都感覺好新鮮。玉子燒都好出色，佢上面嘅調味都比到好多，玉子燒味道都好啱心水，唔會太甜，但係有保留到蛋香。最重要係佢份量啱啱好，有啲餐廳嘅份量係多得滯，食完即刻飽左。之後我哋仲叫咗海鮮麵豉湯，麵豉湯入邊加咗蜆，有海鮮嘅香味，麵豉湯入邊嘅材料都好足了，都睇到浮晒上面。麵豉湯有啲餐廳會整到太鹹，呢度我覺得啱啱好，感覺幾好。重點嚟啦，首先係一個辣味吞拿魚蓉卷，軟身嘅吞拿魚蓉配上脆口嘅穀物片，口感好立體，辣味都啱啱好，香得來唔會太過刺激。彩虹卷都好味，入邊嘅魚全部都係我鍾意嘅魚，仲要加上牛油果，成件事非常好。

🇯🇵作為日本控，當然係唔會食厭壽司刺身啦！但有時都想試下新口味，行商場既時間，見到呢間新開既日本餐廳，梗係要試下啦！🍱「古今二」主打創意壽司卷，將唔同既食材拼合，變成獨特的滋味。餐廳還有其他和食同小吃，氣氛輕鬆，窗邊位置仲有園林靚景，好適合同朋友黎Gathering！🥗柚想蝦你（$98）沙律Size好巨型，配搭非常豐富，食到有8種材料，包括甜蝦、蟹子，柚子、蘋果、中華沙律、生菜、車厘茄、牛油果，配上胡麻醬汁，酸甜開胃，超級Flash呀！🌪超級龍捲風（$88）呢個卷物內心好豐富，裡面有肥美嘅鰻魚、香脆既炸蝦、芝士同青瓜就增加左味道上既層次感，加上面頭既脆片，口感更令人大滿足呀！🎆煙花（$79）賣相就同煙花一樣璀璨，軟滑既吞拿魚蓉配上三文魚、粒粒蟹籽、同芝士，滿口都係油脂感，太邪惡了！👅另外仲試左唔同既小食，質數都唔錯，全部都即叫即製，一樣令人過足口癮呀！👍🏻炸雞軟骨（$66）✨日式小丸子（$48）✨蒜香牛油紫薯（$18）

✨彩虹卷師傅真係夠晒心思，好用心利用唔同顏色嘅刺身，加上牛油果切成顏色鮮艷嘅彩虹！味道方面都食得出啲刺身幾新鮮同埋厚切！✨ 蜘蛛呢個卷物材料有軟殼蟹、青瓜絲、牛油果仲有蟹柳！咬落口感覺卷物裏嘅材料都都幾豐富！軟殼蟹非常新鮮，鮮甜🤪✨ 自家玉子燒(6件）擺盤好有心思成幅畫咁！玉子燒甜甜地但係又冇出邊喺工廠整好嗰啲玉子燒咁假嘅甜！✨ 三河極炎活鰻鰻魚嘅皮燒得非常香脆，鰻魚肉質非常多汁，而且一啲碎骨都冇！✨ 海鮮味噌湯味噌湯真材實料，用左蜆肉蝦肉等珍貴嘅材料！唔會太鹹之餘仲飲到海鮮嘅鮮味！

位於荃灣西荃新天地嘅古今二分店，今日終於有機會嚟食晚飯，呢度其中一邊係有大玻璃窗口旁，光線充足又可以見到整個商場😍 龍捲風沙律🥗好多蟹子蟹柳嘅龍捲風沙律，仲有生菜同沙律醬，混合後好開胃 煙花辣吞拿魚同三文魚混合嘅特色卷物 富士山蟹柳、鰻魚、牛油果、脆片做嘅卷物 安格斯蔥牛卷🐮安格斯牛肉片卷入好多蔥，好香口醬汁有美味 照燒雞肉串燒🐥雞肉串雞肉好滑又好味 鹽燒三文魚頭🐟好有驚喜嘅鹽燒三文魚頭， 用心做嘅香脆外皮，入面肉質嫩滑

好味指數：😋😋😋😋😋推薦指數：⭐⭐⭐⭐⭐️ 朋友見到我之前個post話好想食😆又食古今二啦😍荃灣有兩間分店，呢間近楊屋道附近，我哋坐嘅位置可以望到街景😙✅龍卷風沙律$76配料：蔬菜、海藻、蟹柳、脆片今次選咗其他口味嘅沙律，一樣都係咁好食😋特別係個醬汁❗️我覺得係被卷物耽誤嘅沙律🥗✅彩虹卷$116配料：刺身、牛油果、青瓜、蟹柳✅蜘蛛$96配料：炸軟殼蟹、青瓜、牛油果、蟹柳卷物擺盤好靚💕材料配搭非常夾😙彩虹卷有三款唔同嘅刺身配卷物，蜘蛛係之前食完想再叫翻🤣但兩款卷物嘅牛油果唔夠多🥑牛油果控表示唔夠喉😝🙏🏻✅鹿兒島黑豚荔枝卷串燒$32呢款真係要再encore，好好食☺️荔枝嘅甜味同豚肉好夾😋✅照燒雞肉串燒 $39雞肉串燒嘅醬汁好好食，不過雞肉淋咗小小✅椒鹽雞腎$48雞腎幾有咬口，加咗椒鹽點都好食😋古今二 (荃新天地) (荃灣)荃灣楊屋道1號荃新天地1期1樓116號舖

古今既幾間分店都有去食過，間間既質素幾唔錯，今日又心思思想食，就黎荃新天地分店🍽水平都係非常👍👍餐廳🍴座位坐得舒服，好多枱都係窗口位，採光度好好，影相📸️打卡一流，自然光線真係最靚，食物質素亦好好❤️壽司🍣金目鯛限定 $150金貝鯛油脂含量啱啱好，少少肥美既感覺，但完全無油膩感，肉質非常細膩，口感食落好鮮嫩，味道亦好魚鮮香濃，非常好食😋古今日式煎餃（6隻）$56餃子🥟粒粒都好飽滿，煎得外皮好香脆，外皮係微微既焦香感，入面內餡係豬肉為主，調味調得啱啱好，超級龍卷風 $88鰻魚，海老，芝士，青瓜同脆片為主材料，口感勁豐富，鰻魚軟腍入味，魚香味十足，海老炸皮唔厚，口感酥脆得黎仲食到蝦既爽彈，配埋芝士嘅鹹香，仲有青瓜同脆片既爽脆口感，真係非常滿足，值得一叫龍卷風沙律🥗 $76大量既蔬菜，海藻，蟹柳同脆片，成個口感味道都好清爽好味，海澡同蟹柳分量都好足，仲有啲蟹籽，撈埋一齊食非常清新，作為前菜一流照燒雞肉串燒（4串）$39雞肉勁入味，照燒汁甜甜地咁勁好食，雞肉肉質好嫩滑蒜香牛油紫薯(1串）$18紫薯外層燒到有啲啡啡黑黑咁，本身對佢期待一般，但一食落口又有啲驚喜，味道咸甜咸甜咁，蒜同牛油香味濃郁

柚想蝦你 $98呢個咁特別既名其實係一份沙律。除左蝦和柚子，仲有牛油果、生菜、蘋果、番茄仔和蟹子。特別之處在於蝦係用刺身，淋上芝麻醬，係開胃冷盤。壽司薄餅 $108用壽司做的薄餅十分特別。米飯外層用炸粉裹著，造成外脆內軟。外面鋪上厚醬吞拿魚和蟹子，口感特別夾。超級龍卷風 $88份量十分足夠，材料相當豐富。軟熟的鰻魚與脆口的炸蝦，再加上有芝士點綴，帶出多層次口感。江戶燒牛仔骨 $78份量有三塊咁多，炭燒味濃郁！七味秋葵串燒 $18灑上七味粉，帶出的辣味可以彌補秋葵本身滑潺潺質感，增加惹味。相信本身唔喜愛秋葵都會願意多食幾條。蒜香牛油紫薯 $18牛油蒜蓉本就是完美搭配，淋上紫薯上燒，甜中帶香。

今日約咗朋友early dinner 再齊齊做運動佢竟然未食過古今 所以帶佢黎試試創意卷物蜘蛛 ($96)呢款係軟殼蟹配牛油果嘅卷物炸粉唔厚 但牛油果偏生有啲硬 冇上次食咁正金龍卷 ($98)呢款係三文魚炸蝦配忌廉芝士三樣食材非常地夾 一人有4件好滿足龍捲風沙律 ($76)呢個係我每次必點嘅沙律 因為佢大大盤 份量十足 而且啲配料俾得好大方有飛魚籽 蟹柳  爽脆青瓜 中華沙律 脆片照燒雞肉串 ($39)一客有四串 雞肉都嫩滑醬汁味道都幾濃  有啲重口味椒鹽雞腎 ($48)雞腎燒得岩岩好 食落爽口彈牙配上椒鹽同檸檬汁非常惹味冬菇串 ($25)燒過嘅菇係零舍好味 因為啲菇啲香味出哂黎 而且燒完仲好多汁

一直一直都幾想試試呢間，因為好似成日都見有朋友去食～終於我今次經過，就鼓起勇氣同朋友講我地可唔可以試下呢間🤣決定下次先食我地本身諗住去食嗰間餐廳～🥙柚想蝦你沙律 $98個沙律真係超級大盤！入面加左柚子汁麻醬又有勁多料～入面有蔬菜、海草、車厘茄、牛油果、蘋果、柚子、甜蝦～首先啲蘋果係用咗日本嗰啲蘋果仔，又香甜、又爽口又多汁🥰之後啲蟹子又好新鮮，啲柚子都係好fresh,好juicy又唔會苦😋 牛油果都係大大舊同埋幾滑身～最緊要係啲甜蝦無腥味😍真係好鮮甜～第一次食呢啲好似刺身嘅蝦😆（大家都知我真係麻麻地生野🙈但聽聞其實係熟的！）我覺得真係意外地唔討厭～嗰個蝦嘅質地都係爽口，唔係好霉嗰種～🔥火山 $128嘩呢個係表演黎～ 燒到成個碟都著火所以顧名思義叫火山🤣 但呢個又真係燒得幾好味～又夠香烤味～然後好得意嘅係佢嘅帶子同埋蟹柳都撕到一絲絲咁撈埋左一齊加上燒汁再一齊燒～所以就唔會好似其他差唔多類型嘅火炙壽司咁成粒帶子夾埋去燒咁樣～佢中間都唔係齋係飯，而係有成舊蟹柳同埋牛油果～所以口感同味道都幾rich～有味到唔洗蘸豉油～🍆櫻花蝦茄子燒 $68茄子都燒得好淋身，可以夾到一絲絲～真係爆多櫻花蝦，所以成

好姐妹上星期搬咁去荃灣西，小妹見今日放假就話入去荃灣約佢食lunch 同順便去附近行下街😆 好友就帶咗小妹去位於荃新天地嘅「古今二」食日本菜，之前我都聽過「古今二」係觀塘嘅名號，但一直都未有幾會試，原來佢已經係港九新界都開咗分店，荃灣仲有兩間添⭐️餐牌都有唔少選擇，有午市定食、刺身丼等，我地就想試下哩度嘅特色自創卷物同串燒，所以就選擇單點可以試多幾款美食😆龍捲風沙律 🌪️🥗睇擺盤嘅沙律山已經知份量足夠兩個人食，龍捲風沙律除咗沙律菜、中華沙律、蟹柳絲、蟹籽等，最特別嘅係個自製dressing ，帶有少少辣但唔會過份，作為前菜夠醒胃👍🏻串燒🍢串燒方面我地就叫咗3款，分別係冬菇串燒、照燒雞肉串、鹿兒島豚肉露筍，燒冬菇最怕就係乾爭爭，哩度俾到驚喜係冬菇塗上滿滿嘅照燒汁，唔會乾之餘更鎖住原有水份👍🏻大推豚肉露筍串，露筍夠爽脆而且清新感可以中和豚肉嘅油膩感，可以encore 卷物🍣我地叫咁兩款卷物 「蜘蛛」同「辣妹」，兩款卷物共同以木板上菜，睇得出廚師對食物質素外，係擺盤上都花絕心思。「蜘蛛」就有青瓜、牛油果🥑、軟殼蟹同蟹柳，好足料嘅卷物，軟殼蟹仲保持香脆、creamy 牛油果加上青瓜增添多重口感👍🏻

［古今二］位於荃新天地一期一樓，餐廳面積細細， 佈置簡潔 ，店內座位約有10多個，店外就設有數張二人座。 食物有刺身、壽司、卷物、串燒、天婦羅等日式料理。柚想蝦你沙律材料有柚子、甜蝦、牛油果、中華沙律、蘋果、蝦籽、沙律菜等，拌上日式芝麻醬，入口清爽，開胃前菜。 清酒煮蜆大大隻蜆，肉質新鮮，入口鮮甜，湯底清晰，加上海帶、菇菌類等，味清爽，超正。 鹿兒島豚肉露荀串燒豚肉露荀，外層豚肉燒至少少脆，但仍保留蘆筍清爽、多汁，口感脆嫩。蜘蛛以炸軟殼蟹、牛油果、青瓜、蟹柳等配料，軟殼蟹非常脆口，加上口感結實牛油果，配搭簡單，好好味。搖滾樂濃濃鰻魚油香，加上鰻魚肉質彈牙，配以脆口炸蝦、軟滑牛油果、芝士、軟糯米飯，口感豐富，鍾意食鰻魚的人，呢個係必食之選。

👧🏻Wodafoodie in Tsuen Wan✨🍣卷物控必試！！😋花多眼亂🤩😍一直都好鍾意呢間既卷物🍣間唔中諗唔到食咩就會黎encore 😙每次都試唔同既卷物 但款式太多我到依家都未試曬🤣✨🤼‍♀️相撲力士 $109一片片刺身 有三文魚呑拿魚 梅花間竹咁排列就好似相撲比賽咁一對一😆賣相好靚好吸晴！每件入面都有cream cheese 同蟹柳除左魚生既鮮味仲有芝士既濃香 好滿足😋✨🌪龍捲風 $72朋友少食生冷野 特登叫左呢個鰻魚芝士卷！龍卷風個名係因為上面灑左好多薯片碎🤣軟淋淋既壽司加埋脆口薯片 口感幾特別鰻魚加cream cheese無得輸 🥰每件卷物一口大小又精緻 好食👍🏻✨🍣限定金目鯛 $200金目鯛好新鮮 有壽司同刺身兩食😍✨蟹柳沙律 $58份量好多 蟹柳上面仲有好多蟹籽 撈埋沙律醬世一🤤✨ 鹿兒島豚肉露筍(1串）$45露筍好爽口 索曬豚肉既油 呢個配搭幾清新☺️✨ 蒜香牛油紫薯（1串）$18每次放題必叫 細細粒好甜又飽肚😋📍 古今二 (荃新天地) (荃灣)荃灣楊屋道1號荃新天地1期1樓116號舖👅更多同區推介☺️ #wodafoodieintsuenwan

༺古今二 ༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ⚜️龍捲風沙律 🥗一嚟到就見到勁大碗，絕對係夠幾個朋友👭一齊share，上邊放滿咗好多嘅蟹柳絲同埋蟹籽🦀，最特別嘅係佢嘅辣味沙律醬，成個沙律好惹味。⚜️埼肉 網燒牛舌👅四件 ，佢嘅牛舌真係好厚，食落仲要好Juicy添,而且又香牛肉🥩嘅味道，讚👍🏻⚜️雜錦天婦羅 ,天婦羅嚟到嘅時候熱辣辣好脆口，佢有蝦🦐，小紫薯🍠同埋秋葵。紫薯嘅味道夠晒香，個人係比較鍾意食傳統天婦羅炸蝦多啲。⚜️富士山 🗻呢個都算係幾大份，原本以為富士山係一個山嘅形狀，點知嚟到係一架船仔咁，睇落都好大份，佢係屬於卷物，入面有鰻魚🐠芝士🧀同埋蟹肉，上面鋪滿咗好多蟹柳絲同埋蛋碎。(建議食龍捲風沙律嘅話就唔好食富士山了，兩個都係勁多蟹🦀柳絲，味道有啲相似)⚜️金龍卷🐲 佢主要食材就係三文魚芝士🧀同埋炸蝦，佢嘅炸蝦真係真心脆卜卜，蝦🦐尾都可以食埋。三文魚夾埋芝士嘅味道冇得頂。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻餐廳

今日同媽咪撐枱腳，兩個都肚餓所以揀左好多野食！🤤健康一下嗌個沙律～龍卷風沙律有蟹籽，蟹柳，脆脆片，蟹柳底有好多中華沙律同新鮮生菜，食落口感好滿足！非常之大碗嘅沙律！之後到照燒雞肉串燒，醬汁好香，好快就清哂！另一款串燒蒜香牛油紫薯，呢個好得意！值得嗌黎試下！好香蒜味 入口咸咸甜甜好過癮呀！金龍卷！入面包住香口彈牙嘅炸蝦同埋芝士，面層就有厚厚嘅三文魚覆蓋，呢個好飽肚呀！而最飽肚嘅就係牛肉壽喜鍋喇！一上枱我內心嘩嘩嘩嘩嘩左出聲，非常大鍋，牛肉好多好誇張，係蓋住成個鍋，撥開牛肉望望個鍋入面仲有好多蔬菜，菇類同豆腐！牛肉滿之餘仲疊到好厚，食到我同媽咪都好飽好滿足，個鍋食到一半都要停一停抖一抖，208蚊真係好抵食！總結呢餐非常滿足，兩個都食到肚腩漲卜卜，環境同服務態度都唔錯，可以再幫襯！呢度埋單都係480蚊左右！抵食！另外佢仲有午市套餐，下次試下先！

今日又同朋友嚟到荃灣行街，順便食飯。之前去過依間餐廳嘅分店都幾好，今次就試吓荃灣分店。餐廳嘅食物種類多，卷物都好有特色，再叫啲串燒嚟食，啱晒同朋友一邊傾偈，一邊食嘢。🍗照燒雞肉串燒 - $39🍠蒜香牛油紫薯 - $18🥩江戶薄燒牛仔骨 - $78雞肉串醬汁入味，比較甜口，個人幾鍾意。紫薯嘅蒜香牛油味都幾重，表面仲燒得少少脆。入面就軟林林。牛仔骨易咬口，燒到啱啱熟，一咬就有肉汁流出來。🍆櫻花蝦茄子燒 - $68依個一定要食，櫻花蝦令成個茄子嘅味更加鮮甜，醬汁同櫻花蝦又十分夾，估唔到依個配搭幾驚喜。🍙彩虹卷 - $116除咗顏色靚之外，口感都幾豐富，又有刺身，又有牛油果，入面仲有蟹柳等。🍣搖滾樂 - $82呢個係鰻魚加炸蝦嘅卷物，炸蝦香脆，配上鰻魚加燒汁，值得一試。