古今二 (荃灣千色匯I) (已結業)

「古今二」壽司有創意！發現荃灣千色匯開咗分店！餓餓地入去試下先🤩！人人都叫龍捲風🌪️沙律，我同🐽🐽又點會執輸！沙律🥗成坐山甘高，相當豐富！🈶️蟹籽、脆卜卜、蟹柳、生菜！配埋醬汁食好開胃🤤！「午夜牛朗」係下面黃色卷物！有牛油果+芝士+三文魚！外層脆卜卜，幾特別🤪！「蜘蛛卷」由軟殼蟹、青瓜、牛油果、蟹柳組成！有d似平時食嘅加洲卷😆！雜錦天婦羅～食落唔算油膩！炸蝦厚咗丁丁！整體都ok gei ！

之前聽聞過「古今二」主打特色嘅卷物，去開附近就決定嚟試下😋龍捲風沙律🌪本身以為都係平時啲蟹柳沙律冇咩特別啦，點知沙律菜加埋中華沙律、脆片同醬汁又幾夾，而且好夠份量，係健康之選🥗古今卷物盛（加州卷、鰻魚牛油果卷、費城卷、火山）🍣火山有帶子、青瓜、牛油果、蟹柳，有睇頭之餘味道都唔錯⛰費城卷入面係芝士、牛油果同三文魚，幾有特色🥑壽司薄餅🍕原來壽司薄餅嘅餅底係將飯壓成圓形再攞去炸面頭嘅配料揀咗三文魚，三文魚刺身粒鋪滿pizza，味道同埋口感幾有層次感，依款日式pizza非常有驚喜，不妨試試！黑豚荔枝卷串燒🍡清甜嘅荔枝減低咗豬肉片嘅油膩感，燒得香脆啲就更好👍

今日放工要去朋友屋企慶祝生日就去咗朋友屋企附近嘅商場千色匯睇吓有咩外賣可以買上去先發覺呢度開咗古今二分店🤤因為之前食過觀塘分店對佢嘅卷物印象都幾深刻外賣自取仲有九折🤩所以好快就決定買古今二外賣上去佢裝修同環境都幾靚可惜放咗工六點後冇可能食到堂食同朋友兩個人食所以就決定卷物做主打🍙🍙叫多個沙律同小食配搭🥗由於朋友唔太食生野而我又好貪心地想食好多款卷物所以就叫咗個卷物盛E因為佢寫係熟食之選🤤🤤又有曬火山蜘蛛呢d拿手卷物總共有25件壽司+卷物😋😋😋先講下卷物盛E呢個主角壽司就有玉子 左口魚 鰻魚卷物就有火山 青龍卷 蜘蛛🤤🤤真係好夠飽好足料😂細食女仔可能3-4個人先食得曬好彩我同朋友夠為食食曬🤤🤤不得不講古今二卷物好食過壽司可能因為味道層次較豐富我係超鐘意牛油果🥑🥑而佢三款卷物都有牛油果 大滿足其中青龍卷面頭牛油果係勁有厚道有d餐廳牛油果卷物塊牛油果好薄最後會食唔到牛油果味😢😢青龍卷係食到creamy牛油果味另外仲想讚火山🌋佢面頭有蟹柳沙律醬等本身已經好惹味😋😋原來下面既卷物中間仲夾左好甜既帶子呢個配搭係意想不到地好味🤤🤤為左食下菜仲叫左個龍捲風沙律🥗特別之處係佢係蟹籽沙律中華沙律同生菜沙律

見唔同媒體都有去宣傳哩間食店去到荃灣就一於試吓啦環境闊落 枱與枱之間都保持距離餐牌悅目 因此都被吸引住叫咗五款科理首先 龍卷風沙律四人份量都唔誇張 份量十足一般日式沙律配料外仲有中華沙律係裡面令到個口感更有層次而且沙律醬好多 好好撈然後 叫咗兩款卷物午夜牛郎十分特別卷物外圍以飯焦包裏 有口感另一款 富士山 配搭合宜牛油果不用大粒再配以香濃饅魚 好滑好幼細同時賣相用心 值得一試接著 雜錦天婦羅有甜薯仔、鮮蝦、秋葵而秋葵入面有蝦肉十分有特色炸得好脆 而且熱辣辣最後 安格斯蔥牛卷燒汁帶出牛味 整個感覺好香滑有五舊 蔥及韮菜唔老 好易咬相比平時食開嘅日本料理有好多卷物 燒物真的有特式帶比食客新的體驗雖然不算便宜 但食物味道值得

荃灣千色呢間壽司店都開左一段時間！今日專誠去買外賣返去食😆餐廳係開係千色既open area! 新年就到都多左啲揮春😆睇佢啲lunch set menu都好似幾抵食🥰我地叫左個沙律🥗係有好多蟹柳絲舖係面 個底有中華沙律佢仲加左粟米片係面 個口感幾特別😆呢個清清地食左先幾開胃🤡然後叫左2碟卷物一碟叫龍卷風 一碟叫忘不了你睇佢好似好細但其實都好足料😆同埋呢個配搭真係好少見 好新鮮☺️然後食左啲熱氣天婦羅🍤🤣有大蝦 秋葵！不過少少美中不足既係拎到返屋企食有少少淋左☹️

今日嚟荃灣千色行街，經過見到呢間日本餐廳好吸引，夜晚禁堂食，好彩依然可以外賣返去慢慢品嚐。揀咗「蟹柳沙律」蟹柳蟹籽勁足料，沙律菜入口爽脆好新淨鮮，份量都幾多👍🏻壽司好多種類，卷物特別出色。每款個名都好型好有Power。好喜歡「金龍卷」芝士炸蝦三文魚卷物「蜘蛛」有青瓜．牛油果．蟹柳配軟殼蟹，外賣依然脆卜卜。小食幾款都好味，特別「黑豚荔枝卷串燒」包著荔枝肉，入口多汁好Juicy。今餐外賣確係好味有質數，下次會早d再嚟堂食試下其他款式。

今晚夜收工無暇煑飯，便去古今二買外賣回家吃。這店的日式創意卷物和小食都有特色，值得支持。龍卷風沙律新鮮好味，又好吃又好看。大大碗內有生菜，中華沙律，蟹柳絲，蟹子和薯片碎，吃落口酸酸甜甜有口感和層次，開胃!茄子燒大大條又香又軟，樱花蝦提升了茄子的味道，好味。網燒牛舌送啤酒一流。牛舌厚切入口有肉香，不油膩，愈嚼愈有味道。金龍卷見到都想吃。長長一條炸蝦卷物好好味，錦上添花再在上面鋪上三文魚和沙律醬，吃落去口感豐富又有層次感。火山望落去已覺很足料，令人有期待。原來是青瓜牛油果卷物加蟹柳，蟹子，蟹肉，帶子等，整體效果佳，清新好味。妹妹平時吃飯嚷着要減肥少吃點，今天卻很有胃口，吃得比我還多🤣。

係荃灣行街見到呢間咁多人排隊，店內裝修又咁靚，所以去排隊試下佢。（推薦）吞拿魚壽司Pizza $68聽到個名咁特別一於試下，估唔到真係好食到停唔到口。 上面用左生既吞拿魚碎，下面用熟左既飯加左d炸粉去炸 做個底，超香超夾，一定要試試。龍卷風沙律 ＄68用既菜都非常新鮮，配搭大量中華沙律同蟹柳。最特別係用左薯片碎放入去，好夾。網燒牛舌 ＄48牛舌燒到岩岩好，好香好多汁，一食就知係高質既食材，配搭自家醬汁酸酸地好好食。茄子燒＄35性價比極高，用左特制醬汁去燒，酸酸甜甜，再加上烤香左既櫻花蝦，回味無窮。古今卷物盛 ＄88（加州卷 鰻魚牛油果卷 費城卷 火山）全部都係高級食材，特別係火山，所謂真人不露相，原極以為係大量蟹柳絲，但食落有一陣好香好特別既感覺，再睇原來用左好多帶子粒，味道用口感即時提升。

尋日夜晚途經荃灣，見呢間古今二好多人排隊等拎外賣，我記得我之前食過其他分店都覺得好正，所以又跟住買埋一份啦。龍捲風沙律 $68龍捲風沙律係由蟹子、蟹柳、生菜同埋中華沙律撈埋嘅，咁多材料撈埋，感覺非常豐富，作為配菜幾好食，食完真係念念不忘。金龍卷 $88金龍卷其實係炸蝦同埋芝士做餡料，旁邊就係壽司飯包住，飯上面就鋪上三文魚。我好鍾意食中間有芝士嘅卷，可能因為我好鍾意食芝士掛，所以特別鐘意食呢個卷物。呢個卷物嘅三文魚、白飯、炸蝦同芝士配合得相當好，好食。煙花 $95煙花其實係辣味三文魚做餡料，旁邊就係壽司飯包住，飯上面就鋪上辣味吞拿魚茸。呢個名真係改得幾好，因為嗰卷物望落好似有睇煙花嘅感覺。呢個有八件㗎，份量幾足夠，夠食。超級龍捲風 $88超級龍捲風其實係鰻魚、芝士、海老、青瓜、脆片做餡料，旁邊就係壽司飯包住，整件卷物好似方形，每件卷物都好多好多餡料，好好味。 大阪自家製炸雞 $68炸雞每件都好大舊，拎住外賣翻屋企食嘅時候，已經不停咁聞到炸雞嘅香味。炸皮唔厚，炸皮好香脆惹味。呢間啲卷物真係食極都唔厭。

為食妹係個蟹柳控，平時食日本嘢都好鍾意叫蟹籽沙律嚟食。荃灣前排開咗一間食日式fusion野嘅餐廳，啲嘢食都好靚好吸引😍😍🥗龍捲風沙律 (折後$50 - openrice自取85折）呢個真係超級超級超級之好食！ （重要嘢要講三次）首先呢個沙律最多嘅唔係沙律菜，而係🦀蟹柳絲同埋海草(中華沙律）。平時啲日式餐廳都會將海草獨立咁作為一份沙律，但原來佢同蟹柳再加埋生菜一齊撈埋食係超級之好食😍😍😍😍！其實呢個沙律既份量一啲都唔少，但係食完都仲係會覺得意猶未盡好想再食🥰🥰。🍣卷物拼壽司 (火山+火炙左口魚邊及蒲燒鰻魚壽司）(折後$75 - openrice自取85折）個火山卷係咪同個沙律有啲似樣呢？冇錯佢哋都係有好多嘅蟹柳絲😍😍火山呢一個嘅蟹柳絲係混合左一啲帶子肉係入面，多左少少清甜，蟹柳絲表面似係燒過，但我覺得乾左啲。除咗上面有大量嘅蟹柳絲之外，啲卷入面都仲夾有蟹柳，食個時有少少牛油果味，都幾唔錯👍🏻至少2款壽司味道都唔差，左右魚都燒得好香，但就因為太大舊飯，所以一啖食一件個陣，唔係好食到魚味。總括嚟講，沙律係最好食架!😍下次再試下佢其他卷物，佢啲卷物都真係好靚！

睇到食評見呢間餐廳有好多好評，同老公出開荃灣，就決定去試下。未叫任何嘢，仲睇緊餐牌既時候。已經上咗個味噌湯。感覺有d奇怪。上菜既速度非常快，未夠3分鐘已經到咗。快過食快餐，感覺更奇怪。叫咗個B餐 牛肉壽喜燒鍋定食，味道中規中舉。要注意既係，個飯不是珍珠米，有點失望。而個壽喜燒汁不夠甜，味道不太夠。而老公叫咗個L餐，手握壽司盛併自選湯麵。我們追加咗個芝士年糕。個餐味道一般，壽司的飯壓得不夠好，有幾舊都有散開，影響食感！反而最好食係個芝士年糕。杯柚子荔枝梳打不過不失。睇其他人的食評，對呢間餐廳有點期望。可惜，係有點失望。

同家姐行開荃灣距話今晚想食壽司所以就去咗古今二到外賣返屋企食。龍捲風沙律入面有好多材料包括有蟹子，蟹柳，生菜，中華沙律同埋有啲脆脆片，撈埋醬汁一齊食口感好豐富。網燒牛舌一共有六片，每一片都好好厚切配埋啲醬汁一齊食酸酸地好開胃。茄子燒非常之大條面頭鋪滿晒好多櫻花蝦食落鮮十足啊。忘不了你創意卷物其中之一，外面用咗芒果包住入面係炸牛肉，芒果一啲都唔算仲好甜添，面頭再佈滿一啲芥茉醬同埋沙律醬成個組合真係令人好驚喜，非常好味。富士山創意卷物其中之一，入面其實係鰻魚配上牛油果，面頭鋪滿蟹柳絲同埋啲脆脆片，配埋啲醬汁恰到好處，食到停唔到口。

古今二千色匯餐廳多， 但要數有特色的，古今二一定 榜上有名。各種 特色創作手捲， 不會千篇一律。 無論是食物的賣相和用料 ，都會讓人食得 歡喜，食得安心放心。金龍卷活像一條金龍 ， 栩栩如生 。芝士炸蝦的壽司卷上頭配上厚切三文魚，再加埋少少 美乃滋作點綴，卷得紮實， 三文魚和炸蝦的配搭，為手捲帶來爽滑和脆的口感。龍捲風沙律除了有 大量新鮮的沙律菜 ，還有吃不完的 蟹柳絲和中華沙律 ，簡單得黎， 卻又會 一啖接一啖不停口 的吃， 爽而新鮮的沙律菜 ， 鹹香的蟹柳絲 ， 涼爽的中華沙律 ， 像極了會像口中爆炸的蟹籽，與及那淡淡麻醬作點綴，超一流。茄子燒肉質豐厚的茄子即叫即燒，加入櫻花蝦和特製醬油後變得非常惹味， 淨係香味已經叫人食指大動， 趁熱食就最好食。網燒牛舌牛舌切得厚薄適中，入口質感爽滑又有嚼勁， 側邊燒得焦焦香香，六大片一上枱已經超級睛， 讓人口水直流 。富士山另一款讓人愛得不要不要的創作壽司， 以牛油果和鰻魚為手卷中軸，配上大量蟹籽手撕蟹柳， 單睇賣相已經超澎湃超豐富， 入口蟹籽卜卜脆， 加埋蟹柳的鹹香，超讓人有意外驚喜的感覺。

托朋友福有得食日本野，我地兩個人叫左好多樣食物，估佢唔到樣樣都幾好食。龍捲風沙律超大兜，有爆多蟹子同埋蟹柳青瓜，調味都好好唔會太多沙律醬。牛肉鍋足料，入邊啲冬粉超好食。個卷物唔記得叫咩名，好似係火龍卷，三文魚加埋炸蝦一齊食，估唔到又幾夾。

呢間餐廳新開嘅分店喺荃灣千色匯，好耐以前已經聽講過佢哋嘅壽司好有創意🍣🍱開正喺我個區一定要黎試吓啦，果然冇失望呀🤤🤤想先讚一下，嗰日天氣好凍，一入座店員就先奉上一碗熱辣辣嘅麵豉湯🍲好貼心喔🥰龍捲風沙律（ $68 ）🥗🥗超級鍾意呢個沙律，本身以為只係好似前菜size，點知超級大碗🥙沙律菜加上中華沙律、蟹柳絲、蟹子、脆卜卜薯片碎，好開胃，甜甜酸酸又有口感，唔經唔覺最後成碗食晒🤩🤩辣妹（ $95 ）叫咗一個特色卷物🍣材料包括左芝士🧀辣吞拿魚🐟炸蝦🦐吞拿魚茸入口即溶配上脆卜卜嘅炸蝦，口感多重刺激，味道都好夾，可以再辣啲🙊🙊雜錦天婦羅（$85 ）🍤🍆🍠師傅炸天婦羅做得好好，有日本食高級料理天婦羅嘅感覺，渣漿好薄好脆✨✨而且其中有一款好似係秋葵釀咗蝦肉，好有驚喜，好似港式煎釀三寶咁哈哈🍢蒲燒鰻魚蛋包飯（ $88 ）🍱🍱賣相好吸引，隻蛋煎得勁靚，唔知係點整架呢，有大大塊鰻魚，我哋兩個人share都食唔晒冬菇串燒（ $25 ）🍄🍄冬菇切咗十字，上面再掃咗燒汁，但燒得有少少乾，下次想試埋佢其他卷物啊🤤🤤🤤