口麻天辣

營業中

休息中

✨口麻天辣✨🔹🔹🔹🔹🔹🔹🔹🔹🔹🔹🔹南昌 V WALK粉紅格調 酸菜魚的魔力天花頂酸菜魚：這是一款四川風格的菜品，將新鮮的魚片與酸菜、辣椒、大量的花椒及其他香料一起烹飪，如同天花板一樣高高在上。酸菜魚的口感絕佳，魚肉鮮美且無刺，酸菜的微酸帶出魚肉的鮮甜，而花椒的麻味令整道菜變得更加鮮明和多層次。是日涼菜（花椒鳳爪）：鳳爪皮膚富含膠質，經過精心烹調後，其口感獨特，既爽口又帶有微辣和麻香。對於喜愛嘗試多樣口感的食客來說，是極好的選擇。清新藤椒湯：*一道味道清新的湯品，含有藤椒，也就是另一種花椒，能帶出清新的麻味。湯中的各種食材，如魚片、青口、牛百葉、脆魔芋絲、蓮藕片、鮮豆皮和寬薯粉條，不但豐富湯的口感，也讓湯的營養價值大增。特别是脆魔芋絲和寬薯粉條吸附了湯汁的精華，提供了極佳的口感體驗。🔹🔹🔹🔹🔹🔹🔹🔹🔹🔹🔹🍽️ 食物名稱 :- 天花頂酸菜魚(是日涼菜花椒鳳爪+白飯（碗）)｜ HK$108-清新藤椒湯（盧魚片，青口，牛百葉，脆魔芋絲，蓮藕片，鮮豆皮，寬薯粉條)｜HK$88💰消費：HK$200🔸🔸🔸🔸🔸🔸🔸🔸🔸🔸🔸▫️地址：深水埗深旺道28號VWalk 2樓L2-127-128號舖
▫️營業時間：星

今次我地黎到V Walk呢間川菜店食飯，佢地既粉紅色裝修好靚，雖然係食川菜既中菜店，但感覺更似打卡既cafe，仲有bar枱坐，我地本身驚人多等位就買左外賣番屋企一齊食😛呢間餐廳佢地主要係做一人晚餐，佢地既一人既餐都好豐富，首先揀一份主菜，再有一份是日小食，同一份是日涼菜，配埋白飯，總共3樣餸，餐廳都好好，我地叫左3個餐，佢可以比我地轉其他小食涼菜唔洗限住全部一樣👏🏻是日涼菜麻辣藕丁：小小辣，幾香口，又脆脆地咁，做前菜幾好🌶️香麻土豆絲：川菜其中一樣必點既餸，辣辣地唔算好油，通常我地食熱既炒土豆絲，變成涼菜都唔會好奇怪🥔涼拌萵荀絲：感覺口感同土豆絲差唔多，而呢個係唔辣既版本，變成蒜蓉調味🧄是日小食黃金脆炸小酥肉：呢個攞到番屋企要趁熱食，唔係個皮淋左就影響質感，有辣粉既炸豬肉粒，岩曬鐘意食炸野既朋友🐷香炸脆奶：呢味餸都係川菜館多數有既一味，整得外見內軟既炸鮮奶，我叫夠2份先夠分😆主菜天花頂酸菜魚（$138）呢度一人份量黎計算係好多，辣度揀左少辣，我覺得辣度適中，湯用湯撈飯勁快食曬，酸菜同魚都好食🐟噴火水煮牛肉（$128）水煮牛肉係配埋寬粉係裡面，牛肉整得嫩滑，少辣都係辣度適中，同埋份量一樣係

叫左2️⃣個套餐，4️⃣個小食，1️⃣個甜品，2️⃣個嘢飲，埋單都只係💰399，出面其他酸菜魚單點都二三百，最緊要係平、靚、正，呢間真係超抵食‼️天花頂酸菜魚 套餐💰108配有是日涼菜係麻辣牛展同一碗白飯，🐟魚嘅份量超級多，兩個人食都夠曬，魚係無骨嘅，件件都好嫩滑Q彈，酸度同辣度都搭配得剛剛好，好適合🇭🇰香港人嘅口味，食落仲有種獨特嘅香料味同芝麻香酸甜清新番茄魚 套餐💰98配有是日涼菜係麻辣藕丁同一碗白飯，從來未食過🍅番茄魚，估唔到都好好味，嫩滑嘅魚肉搭配番茄酸酸甜甜嘅味道，加上呢間舖特別嘅香料，真係好滋味☺️黃金脆炸小酥肉💰28上面撒左啲香料粉，聞到都流曬口🤤，個酥肉炸到金黃色，炸得皮薄肉嫩，皮薄得黎又夠香夠脆，又完全唔乾唔柴，食到lamlam脷👅炸雞翼💰28個雞翼大大隻，仲以為炸粉厚，點知個皮不單止薄，咬落仲好脆，食落仲有椒香味，味道唔錯👍🏻彩虹冰粉💰38配料超多，有提子乾、酒糟米、紅豆、丸子、花生碎、黑芝麻，多種配料嘅搭配，口感好豐富，提子乾同紅豆酸酸甜甜，花生碎同黑芝麻脆香脆香，真係一啖滿足曬🥰👩🏻‍🍳性價比：9/10👅味道：8/10🌃環境：7/10

因為朋友岩岩生左個好得意既BB, 但其他朋友都好難就時間, 最後只能夾到平日,為左爭取時間, 所以我地收工我地就買外賣上去食我地選左間叫口麻天辣既川菜, 因為佢成間餐廳走新派型格路線, 以粉紅色為主色, 非常吸精, 而且價錢合理, 所以我地就試D一間我地總共叫左三個SET, 每個SET都包飯, 小食同埋涼菜, 涼菜係土豆絲, 酸酸地幾開胃；而個小食係小酥肉, 香脆得黎有少少微辣, 真心幾正，其中一個小食要了炸鮮奶，外脆內香滑噴火水煮牛肉SET-$128我地一致覺得噴火水煮牛肉係佢嘅招牌菜, 味道鮮美, 辣度適中, 牛肉肉質鮮嫩多汁, 配以豆芽, 辣椒, 薯粉, 令人垂涎欲滴, 噴火水煮牛肉嘅湯汁濃郁, 帶有微辣嘅香氣, 食後令人回味無窮, 送飯一流川味水煮魚SET-$138魚肉鮮嫩多汁, 湯汁濃郁香辣, 選用無刺的魚類, 令人食得放心, 魚片切成薄片, 所以食落保持到鮮嫩的口感秘醬口水雞SET-$118雞肉鮮嫩多汁, 秘醬香辣醇厚, 口感豐富, 好味到就算係平時唔食皮既朋友, 今次都忍唔住食埋皮呀總結, D間口麻天辣性價比幾高, 食完有D羡慕朋友, 屋企隔離就有D間咁好味既餐廳

1️⃣秘醬口水雞(送是日涼菜&白飯) $88點了少辣，因為整家人每人對辣度有不同的接受程度，少辣剛好令每人都可嚐嚐這道菜。雞件很多，而且肉質嫩滑，充滿雞味。雞皮爽彈，連平常不愛吃雞皮的家人都搶著吃。2️⃣清新藤椒湯 $88可選3葷4素，我點了:鱸魚片、青口、嫩牛肉、脆魔芋絲、炸豆卜、萵筍片、寬薯粉條湯底易入口，少許麻感令人想一口接一口地喝。魚片很鮮嫩，可以整塊夾起，不會一夾就散。豆卜吸收了很多湯底，在口中爆汁的感覺很爽。萵筍很爽脆，薯粉也很彈牙。3️⃣炸雞翼(兩隻) $28炸得剛剛好，表皮脆之餘，雞肉仍能保持多汁。4️⃣香辣豬扒串串 $38有咬口，加上香辣調味粉，惹味十足。5️⃣椒麻鳳爪 $28鳳爪去骨後仍保持完整一隻，吃起來很方便。口感爽口彈牙，吃得出背後的功夫不少。6️⃣手打檸檬茶 $33近期大熱的手打檸檬茶在口麻天辣也能點😍香水檸檬香氣濃郁，茶底也做得不錯👍🏿7️⃣黑豆漿$16 8️⃣五穀米漿$16兩款飲料都是低糖的，十分健康。能看出餐廳的確用心選擇飲料。

平日晚上去都滿座，朋友又想食酸菜魚，所以就等位食，見到menu 已經覺得幾抵食！叫左一個晚市套餐，有主菜、小食、涼菜同白飯🔸天花頂酸菜魚 $138份量十足，鋪滿炸蒜，食落好惹味！魚嘅份量都好多，魚塊都好嫩滑！🔸黃金脆炸小酥肉是日小食及涼菜都是指定的，咁啱係我想食嘅小酥肉！炸到外脆內軟，好食！🔸麻辣牛𦟌酸酸辣辣很開胃，肉質亦非常嫩口！🔸海鮮麻辣燙 $88可以任選三款葷菜、三款素菜及一款粉麵，也太大碗了吧！叫左香濃麻辣湯，所有配菜都十分掛湯！🔸紅糖糍粑 $28外脆內煙靭，配上紅糖，非常夾！🔸香炸脆奶 $28外脆內軟，濃濃的鮮奶香，好吃！總結，所有菜式份量十足！性價比十分高

-口麻天辣-📍深水埗.一個人都可以好好享受酸菜魚套餐。係V Walk見到一間成店都係粉紅色嘅餐廳，以為係打咭Cafe，望一望Menu先知原來係食酸菜魚嘅地方。.天花頂酸菜魚 ($138)估唔到酸菜魚嘅上枱都可以咁IGable。套餐有一大碗酸菜魚，一碟涼菜 (椒麻鳳爪)，一款小食同一碗飯，超級豐富。.酸菜魚用上大量爽脆酸菜，乾身辣椒和香蔥粒等。鱸魚片好滑身，而且沒有骨，煮得好入味好入味。.小食仲有炸鮮奶，食落唔油膩，香甜酥脆。.海鮮麻辣燙-清新藤椒湯 ($88)可以選擇三個配料，三份蔬菜，加一份主食，食料滿滿大大碗都只係$88，實在太抵食了吧！.滕椒湯味道好突出，麻度選擇咗中麻，食落好香藤椒味，又有刺激嘅麻辣，而且唔會好油膩。.主食點了鱸魚片、牛肉和豚肉片。魚肉質好滑，份量仲要好多。牛肉同豚肉都好新鮮，肉質好軟，一啲都唔老。.蔬菜就選擇咗金針菇、蓮藕片和花菜，襯埋味道濃郁嘅藤椒湯，非常好食。配合滕椒湯，花菜係必點嘅推介。.寬粉好厚身，而且份量都好多，食落好煙靭，吸收晒湯底嘅香味，超級好食。.黃金脆炸小酥肉 ($28)小酥肉外層炸到香酥，肉質很軟。.涼拌萵筍絲 ($22)涼拌萵筍絲份量都好

乍暖還寒，心癢癢很想吃辣，這家粉紅色包廂的麻辣店燈火通明又有吧台，一個人去吃也不尷尬。甫入餐廳，見吧台上排好一列的金色手提上菜托盤，就知是女生聚餐勝地。水煮牛肉香辣濃郁，牛肉新鮮嫩口，寬粉晶瑩有嚼頭，麻辣湯底佈滿芝麻、青蔥、芽菜、炸蒜、花椒子和乾辣椒，配上白飯吃個不停。托盤備有燭台，最到最後油還未凝，很貼心。小辣容易入口，嚐辣之友可選大辣，定必如菜名一樣有噴火效果！套餐跟上涼拌辣蓮藕，非常爽脆。月頭發了薪水就好好犒賞自己，於是要了一客黃金小酥肉，炸得岀色灑滿香辣椒鹽，好美味。甜品吃了香炸脆奶和紅糖糍粑，真是我的最愛，外脆內軟，一份奶香滑；一份米香糯，果然很妙。最後喝一杯五穀米漿，低糖調製，喝起來味道像八寶粥，滿足了。雨還沒停，吃飽飽撐傘再岀走。An eye catchy mala speciality restaurant in pink! Tender and flavoursome beef boiled in chilli sauce, alongside a bunch of bean sprouts and wide glass noodles. Garnished with

咁啱我同朋友都好鍾意食麻辣，佢就介紹我哋呢間新式嘅四川菜，餐廳裝修新穎環境以清新嘅粉紅色為主調，價錢合理菜式都幾豐富～ 我哋叫咗兩個午餐同幾款小食share，麻辣控表示非常滿足呀😌-噴火水煮牛肉唔好睇佢好似好多辣油其實識落都唔算太辣嘅～ 牛肉食落好嫩滑，有濃郁嘅麻辣香味，裡面仲有芽菜同薯粉，食落口感豐富，非常足料🐮-清新藤椒湯麻辣燙估唔到呢度都有麻辣燙食，仲可以自選配料添👍🏻 我地揀左鱸魚片、嫩牛肉同埋魚片頭，蔬菜就揀左萵筍片、金針菇同大豆芽，主食就係我最愛嘅寬薯粉條🥹 藤椒湯底非常濃郁惹味，配料每款份量都好足料，尤其係肉類都俾得幾多～-黃金酥脆小酥肉每次食川菜都一定要叫小酥肉，呢度嘅小蘇肉炸得幾出色。外層金黃酥脆嘅小酥肉包住咗嫩滑多汁嘅肉，咬落好juicy惹味～-麻辣牛展牛展切成薄片，入口即溶，味道惹味有濃郁滷水味，食落幾清新。-彩虹冰粉次次食完辣嘢都會叫冰粉 呢度嘅冰粉非常足料幾抵食，有芝麻、花生粒、小丸子、紅豆等等，食落唔太甜，非常清新解膩😋😌

天花頂酸菜魚🐟$138（套餐包一碗白飯、一款涼菜及小食）呢道招牌菜用既係鱸魚，鱸魚片同酸菜既份量都好多，而且底部用蠟燭熱住，所以一路食都keep到個温度。湯底有好多花椒粒、蔥段、芝麻同辣椒仔等去調味，我地叫左少辣，但覺得唔係好夠辣，如果辣啲應該好味啲! 個人唔會特別推介呢道菜，因為鱸魚片帶皮，食到有魚既腥味，魚肉唔係特別滑，而且仲食到有少量細骨絲，同埋個湯底望落都幾油下! 不過就勝在夠抵食，套餐包左一份黃金脆炸小酥肉同埋涼拌萵筍絲。椒麻鳳爪$28全餐覺得最好味既竟然係佢既無骨鳳爪，辣辣地，好入味，好好食！香炸脆奶$28外皮香脆，一啖咬開，入面係熱辣辣既牛奶條，雖然奶味唔算好濃，但都幾好食！餐廳地方好細，得幾張枱，有啲迫，啲人出出入入都要就一就。另外，餐廳職員既態度麻麻地，對食客既語氣都唔係咁友善。不過，出面食酸菜魚閒閒地都$200起，但呢餐2個人食都只係用左$194，仲要唔使加一，真心抵食! 見佢好多菜式都落好多調味料，如果唔怕重口味，都可以試下!

約左朋友上佢新屋house warming ，諗吾到食咩就落去Vwalk八掛下。無意中，發現間裝潢好美觀，充滿少女粉的酸菜魚餐廳🍴吸引我地買外賣番屋企食。首先抵讚的是外賣包裝好貼心， 用上坊間少有全粉紅色盒，而且貼心到釘封好膠袋不怕漏汁。題外話，其餐廳裝潢一樣少女心大爆發，堂食仲有金屬架一邊助熱酸菜魚，儀式感滿滿。晚市套餐都幾抵食，一個價錢包括了主菜、是日小食、是日涼菜以及白飯。我地點了兩個晚市套餐，分別是風味獨特的天花頂酸菜魚（$138）和噴火水煮牛肉（$128）。主菜🍲天花頂酸菜魚：毫不吝嗇的正宗新鮮鱸魚魚肉🐟，魚肉嫩多汁，無骨可放心食用，雖然是少辣但香港人絕對啱食，吾會太辣，反而贊過油花椒味十足，而海量酸菜每整碟菜生色不少，酸酸地越食越開胃，湯汁用黎佐飯一流。噴火水煮牛肉：叫得噴火牛肉就知有幾辣，主要是麻為重，香、麻、辣🔥好過癮。牛肉質感好嫩口，竟然仲有闊條寛粉同芽菜索汁吸水煮汁，不得了。涼菜🥢麻辣牛𦟌：牛𦟌質感好有咬口，口感細嫩，仲有豐腴辣椒和香料，好獨特香辣刺激，青瓜片可做到解辣作用。椒麻鳳爪：無骨非常貼心，帶點泡椒香氣，都有5-6 隻份量，好中口味！吾會過咸或過辣，想食多幾

每次在附近健身後，好多時都會幫襯呢間餐廳，因為佢嘅酸菜魚大大份，店面位置不大，平日嚟到通常都要等一陣位✅天花頂酸菜魚配涼菜同白飯（$108）爐魚片好多，超足料🥰魚肉鮮嫩，沒有骨或者雪藏味，加埋海量嘅酸菜，超開胃，加上下面跟住個火，個湯保持熱辣辣，冬天食好暖胃✅ 清新藤椒湯（少麻）配3款葷菜同4款素菜（$88）簡左鱸魚片,大蝦,嫩牛肉,金針菇,萵筍片,炸豆卜配手打麵，勁多配料，個湯好香又清爽，手打麵索晒啲湯汁，超入味！仲叫咗一啲小食✅黃金脆炸小酥肉外層炸得酥脆香口，而且仲熱辣辣，啱啱炸好嘅感覺😍入面肥美多汁✅香炸脆奶外層炸得酥脆，食落有濃郁的奶香，甜品嚟講都好食

.南昌原來開左一間專門食川菜嘅餐廳 - 口麻天辣成間舖頭都佈滿粉紅色..川味水煮魚 138價錢好抵食，份量足夠2-3人食足料，有好多辣椒乾，口味可以自選辣度及麻香度有好多豆芽、薯粉，套餐更已包含前菜，小食 - 炸鮮奶，及白飯..清新藤椒湯 88藤椒湯好清新，選了大麻，麻味好香濃，配菜可以自由選擇，選擇了鱸魚片、大蝦、青口、萵筍片、脆魔芋絲、花菜、手打麵，配料份量好多，絕對足夠2人享用，性價比極高..香辣豬扒串串 38一份有兩串，新鮮即叫即燒，香脆，肉質爽嫩..麻辣牛展 38略嫌麻辣牛展的麻辣味唔夠多，建議可以再辣多d，但本身味道已適合大部分人口味，偏好辣嘅人士可以問一問餐廳可唔可以加辣🫣..手打檸檬茶 33手打檸檬茶的檸檬味好香濃，用嘅檸檬好新鮮，沒有苦澀嘅感覺，茶味亦非常香濃..黃金脆炸小酥肉 28黃金脆炸小蘇肉外層香脆，內層肉質爽嫩。..地址：口麻天辣 (深水埗)深水埗深旺道28號V Walk 2樓L2-127-128號舖..

最近愛上食酸菜魚，突然間諗起之前係呢間食過一次，今日決定lunch time 再去食過，地方都細細地，但係好粉紅色，有吧枱，都可以一兩個/幾個人都可以，～水煮酸菜魚 （有分辣量，無辣，少辣，中辣，大辣） 我選小辣 加白飯，份量好多，酸菜都多，魚好夠滑。～ 麻辣豬手 推介 決定試一試，好軟軟 麻辣夠辣，如果喜歡食得辣可以叫中辣，朋友食得辣，覺得小辣唔夠辣，～餐前蓮藕😍小食，好爽口，份量好多兩個人根本食唔哂，份量太多。

原來vwalk商場隱藏左呢間專門食酸菜魚水煮魚小店！睇環境細細間 好似bar檯形式咁食川菜都係一次～ 但估唔到食物水準咁高，好有驚喜，款款都係熱辣辣快靚正，最緊要價錢真係算好抵食！點水煮魚套餐 又包涼菜土豆絲 又包小食小酥肉 仲有白飯，基本上兩個人share都好足夠～ 水煮魚本身自帶芽菜同寬粉，魚肉好嫩滑 無腥味 小辣個辣度都食得好舒服 屬於容易handle的辣度🌶️ 另外點左款麻辣燙 湯底試左清新藤椒湯 麻味為主 基本冇咩辣度 配料可以自選三款肉類三款菜類 推薦大家揀嫩牛肉片、蓮藕同鮮豆皮 同湯底好夾好惹味！整體性價比同質素都好高 已經諗好下次再同屋企人一齊食 絕對值得encore！