口麻天辣

營業中

休息中

開拓左覓食新版圖啦🤣 原來南昌都幾多美食 今次來食我地最愛嘅辣嘢🔥 哩間主打一人餐 但份量意外地多 除左主菜外 套餐仲有小食 涼菜同白飯 好豐富‼️🔍：#jcfood_南昌 #jcfood_川菜✿ 天花頂酸菜魚 ✿ [$138]酸菜魚魚肉比較脆身 幾爽口 我地叫左小辣 唔係幾辣 食開辣嘢嘅可以直接叫中辣🌶️ 是日小食係香炸脆奶 涼菜係香辣土豆絲 麻辣藕丁 小食同涼菜嘅質素👍🏻✿ 噴火水煮牛肉 ✿ [$128]份量都係好多 牛肉幾嫩滑 yum🤤 底下面仲有薯粉 薯粉Q彈 加埋面頭啲炸蒜同芝麻一齊食好香 一樣都係可以叫中辣如果食開辣嘢😝✿ 黃金脆炸小酥肉 ✿ [$28]小酥肉一上枱已經聞到好香 香到即刻忍唔住食 新鮮炸起 食落去熱辣辣 同埋好脆 嚟到一定要試吓✿ 彩虹冰粉 ✿ [$38]飯後甜品 都係幾大份 適合share 解膩一流✿ 手打檸檬茶 ✿ [$33]近排好興手打檸檬茶 所以叫嚟試吓 甜度唔使少甜 正常糖就啱啱好 少甜會酸啲地址➸ 深水埗深旺28號v walk 2 樓★好食指數★：4/5★有加一★

終於搵到間餐廳係可以自私食水煮魚，一個套餐，包小食包甜品包主菜都係百幾，份量好夠！今次仲嗌咗兩個餐加一啲小食，叫咗一份水煮魚一人餐，再揀咗個清新藤椒湯！水煮魚同清新藤椒湯可以揀辣度同麻度，今次都係揀咗小辣。 水煮魚會用一個架上菜，會跟咗一碗白飯，再配有一個涼拌小菜，今次涼拌小菜係蓮藕粒，而另一個小食就係炸鮮奶，所以如果想額外叫甜品或者涼菜就可以睇咗套餐包嘅涼菜同甜品先再點。水煮魚入邊包括咗魚片，寬粉同芽菜，佢比起出邊嘅水煮魚唔會太油，味道夠辣，同白飯係絕配！套餐包括嘅炸鮮奶，外脆內軟，入邊質感有啲似布甸嘅質地，好食！另外叫咗個香辣豬扒串串，好有驚喜，好好味，肉質鮮嫩得來，唔會燒到好乾，配埋本身豬肉嘅調味，好有大漠串燒的味道，推介要加呢個小食！ 清新藤椒湯除左可以揀辣度，仲係自己揀材料，包左3款肉，3款菜加一主食，肉方面揀左蝦、豚肉同魚，菜揀咗蓮藕、萵筍、芋絲，主食揀左寬粉。個清新藤椒湯麻椒湯唔算辣之餘有椒味，啱晒想淺嘗辣嘢既人，蝦都彈口有口感，豚肉唔肥之餘都有咬口，魚片無骨同埋夠薄片！而幾個菜都比較爽口，寬粉係較厚身，比平時食既煙靭。食辣嘢點可以唔加嘢飲，叫咗杯手打檸檬茶，睇住店員真手

天花頂酸菜魚 （$138）餐廳主打一人前既套餐，呢個價錢除左有酸菜魚外，仲包埋一款小食，一款涼菜同埋一碗白飯，十分抵食酸菜魚魚肉鮮嫩，份量都好多，我選左小辣，辣度岩岩好，再加上餐廳好細心咁用蠟燭温住D魚，就算食得慢都唔會好快凍哂，抵讚清淑藤椒湯 麻辣燙 （$ 88）麻辣燙湯底味道濃郁，仲有好多款配料可選。我們選左鱸魚片，巴掌肥牛，牛百葉，萵筍片，金針菇，脆魔芋絲。配料份量都好多，牛百葉十分爽口，可以話係必點 再加埋麻辣燙必加既寬薯粉條吸哂d湯汁勁煙靭彩虹冰粉 （$38）食完咁多重口味野 ， 當然要叫返碗冰粉消消濟，甜度適中，配料好多，大滿足！兩個人share 食都得！— - - - - - - - - - - - - - - - - - - - - - - - - - - - - - - - -總括而言，餐廳食物性價比相當高，就算係一人套餐覺得兩個人食一個都夠食， 而且環境坐得舒服又可以打下卡，值得一試👍🏻

今日去咗機場送機之後嚟咗南昌行吓，呢度都有好多唔同嘅餐廳，我就俾啲一間粉紅色嘅餐廳吸引咗。我同朋友都好鍾意酸菜魚，所以叫咗個天花頂酸菜魚，呢道菜好好味，魚肉好鮮嫩，魚味都濃郁，同酸菜一齊食真係好開胃，湯汁都好鮮味，感覺好爽口！之後我哋都叫多咗個噴火水煮牛肉，因為驚太辣，所以揀咗少辣，感覺上廚師有跟香港口味調整，所以唔算好辣，好易入口，值得一試。而牛肉好嫩好滑，辣椒同牛肉嘅味道好搭配，令人忍唔住要一直食。麻辣牛展都好好食，牛展肉好多汁，加上辣椒同香料，味道好正。黃金脆炸小酥肉係一個好好味嘅小吃。麵衣好酥脆，肉塊好嫩，每一口都好爽脆，炸得好好。香炸脆奶好甜，脆皮包住著滑嫩嘅奶蓋，入口即化，好特別，甜蜜滋味好好。當然唔少得飲品，我地叫咗手打檸檬茶、紫米豆漿同五穀米漿。手打檸檬茶好清新，檸檬味好香，好解渴。紫米豆漿同五穀米漿都好有營養，飲落又健康又好味。呢到上菜好精緻，見到都滿心歡喜

約咗朋友嚟V walk傾嘢，撞正dinner時間，行過見到呢間酸菜魚餐廳好精緻，決定入嚟影靚相嘆我最愛嘅酸菜魚😝涼拌鳳爪：口感好滑嫩，肉質有啲彈性，同特製嘅調味料一拌，味道鮮美又微辣，有一啲麻辣嘅風味，好開胃，食咗一口就停唔住。麻辣牛展：入味，肉質鮮嫩好有嚼勁，配埋辣椒同香料炒熟，帶嚟一陣麻辣嘅刺激感，辣辣嘅味道同牛肉嘅鮮美完美結合涼拌萵筍絲：口感好脆爽，纖維細緻，同埋清淡嘅醬料一拌，帶嚟一種清新嘅口感同微微嘅甜味，好解渴同開胃，係夏天食嘅最適合。天花頂酸菜魚：魚肉好鮮嫩多汁，同酸菜一齊煮熟，湯汁酸酸甜甜，帶嚟一種酸味同清新嘅口感，魚肉同湯汁嘅結合好順滑酸甜清新番茄魚：酸甜番茄魚用咗新鮮嘅魚肉，配埋酸甜嘅番茄醬，魚肉鮮嫩多汁同番茄醬嘅酸甜味道好相襯，帶嚟一種鮮美同清新嘅味道手打檸檬茶：檸檬茶茶香濃郁，檸檬嘅酸味同茶嘅苦味完美平衡。是日小食(套餐包含)👅味道💛💛💛💛🍽氣氛💛💛💛💛💯回頭💛💛💛💛👩‍💼服務💛💛💛💛(5💛為最高)口麻天辣📍深水埗深旺道28號V Walk 2樓L2-127-128號舖

每次經過南昌V walk 見到「口麻天辣Moto Mala 」粉紅色裝潢 都會心思思想試😍捉緊午餐時段 試試精選午餐 午餐包埋主菜＋是日涼菜＋白飯 價錢由$88-$108 食物擺盤精美 用靚靚層架呈上🤩六款主菜天花頂酸菜魚｜噴火水煮牛肉｜川味水煮魚｜酸甜清新番茄魚｜獨門秘製麻辣豬手｜秘醬口水雞選了天花頂酸菜魚｜獨門秘製麻辣豬手酸菜魚酸度適中 魚片大片冇骨 麻辣豬手帶辣勁 滷得軟腍 餸飯一流😋是日涼菜 麻辣藕丁 細細粒份量慷慨 追加小食椒麻鳳爪｜黃金脆炸小酥肉鳳爪冇骨帶椒麻味道 食唔停口 小酥肉香脆可口追加甜品紅糖糍粑外脆內軟 沾上紅糖好夾😛飲品選了低糖紫米豆漿和五穀米漿 解辣不錯

今次專登過去南昌，呢間食酸菜魚嘅舖頭，雖然唔大，但係非常搶眼。我哋兩個叫咗一個海鮮麻辣燙同天花頂酸菜魚，第一個好快就嚟到，見到真係好驚喜，冇諗過呢個價錢個盤非常之大😍魚肉非常滑。啖啖肉，而且湯底唔算太鹹，配白飯非常適合，我哋就加咗手拉麵，面身香口彈牙。配料有好多選擇，肉類方面我哋揀咗鮮牛肉同埋豬肉，其他就選咗金菇、鮮豆皮、芋絲，一次過滿足晒幾種唔同嘅口感。湯底：藤椒湯小麻，就算唔太食得辣嘅朋友都唔驚㗎土豆絲都好好食，唔會太油。題外話，呢度嘅豆漿我真心推介，係樽裝嘅低糖豆漿，兩款口味都值得試！而且入咗半個鐘之後，想加多支已經賣晒，建議早啲落單其實原本我哋想試口水雞㗎，不過8:00入座都係賣晒，唯有下次請早。見到其他枱叫咗酸菜魚，咁樣擺出嚟非常之靚。份量亦都係好多，配上兩碗白飯，真係非常之飽肚。酸菜唔會太酸，亦都唔係偏甜，恰到好處，魚肉厚身好滑，大大片，我哋叫咗小辣。食食吓又望吓菜單，小食都有好多選擇，於是我哋又加咗炸鮮奶，好快手，外脆內軟！口感qq. 食得呢啲酸酸辣辣嘢，點可以冇咗最後解膩嘅甜品，冰粉！成個擺盤加埋環境真係好靚，識落都覺得好開心，成餐飯色彩繽紛特別一提，手機落單好細心，入

已經開左一段時間嘅舖頭，舖面以粉紅色做主題，但唔係食甜品，反而係食#麻辣 同酸菜魚，真係比較特別。有人約到，先知係呢間想食左好耐嘅嘢。舖頭細細，員工唔多，但設計一個人，都可以服務曬全間舖頭嘅傳菜收錢，煮食就其他人負責。所以睇完餐牌，就可以用QR Code自己落單。海鮮麻辣燙 清新藤椒湯 $88 雖然叫海鮮麻辣燙，但原來有好多選擇，唔係得魚，仲有肉。肉揀三款、菜三款，一款澱粉質，望落價錢偏貴，原來份量超大。今次呢個藤椒湯非常清，只有少少麻，但唔辣，非常開胃。值得一題嘅係，蔬菜好吸湯，同埋原來鮮豆皮唔係腐竹，而係切得好似麵條嘅百頁，所以真正嘅麵條可以出少啲，甚至作為代替品。 黃金脆炸小酥肉 $28肉切得唔大，外皮酥脆唔硬，加埋少少燒烤辣粉，非常吸引。紅糖糍粑 $28呢度嘅紅糖糍粑，唔係有紅糖嘅糯米糍撈花生，或者糖粉，反而係炸嘅。炸過多左一份香脆，但少少油味遮住甜味，所以令呢個甜品變成唔會好甜。手打檸檬茶 (少甜少冰)$33香水檸檬事先由職員用棍暴打，已經有基本香味酸味，之後將檸檬角同黃色西檸片放落茶度，有幾種清香，酸甜配合得宜，適合為呢餐作結。 總數：$177

呢間主打四川菜嘅食肆，裝修同埋餐具都別具心思，非常適合打卡，全部都係粉紅色和公主峰，簡直係女生嘅最愛。食物方面，份量大兼且有水準，價錢仲好抵食，唔怪得一路食，一路都有人排隊同埋叫外賣。天花頂酸菜魚晚餐（$138）：套餐有一個主菜+是日小食+是日涼菜+白飯，份量極多，仲要好好食。天花頂酸菜魚真係冇改錯名，店主都話係舖頭嘅招牌菜，眼見個個客人都有點這個菜。酸菜魚冇骨、肉多，基本上係啖啖肉，而且佢嘅味道調教得非常好，夠酸，酸菜份量好夠，而且上面仲有調味料，令酸菜魚更加好食。是日小食係麻辣牛𦟌，五香味十足，又腍，好食！是日涼菜係香炸脆奶，呢個係我食過咁多次炸奶最好食嘅一個，脆卜卜，裏面啲奶好似食緊燉奶咁，直頭想encore！海鮮麻辣燙（$88）：有藤椒湯同埋麻辣湯揀，我哋揀咗藤椒湯，味道都唔錯，好有椒味。配料揀咗大蝦、青口、嫩牛肉，份量都唔少㗎，有三隻蝦三隻青口，牛肉份量仲好多添！另外揀咗萵筍片、炸豆卜、大豆芽，三樣都好食，再加埋寬薯粉條，爽滑彈牙，食完都好飽肚㗎！彩虹冰粉（$38）：食完咁多辣嘢，梗係食返個冰粉，喉嚨都即刻冰涼晒！彩虹冰粉嘅配料都好多㗎，有紅豆、提子乾、丸子、酒釀米、花生、芝

上次留言有一次米飯比較硬，今次落單寫明希望米飯軟硬適中😄，今次真係改善左。仲有之前嘅小食係炸芝士（因我地無人食），今次落單留言希望小食唔要炸芝士，店家有比另一種酥肉好好。今次朋友一起食，都係讚，外賣盒靓加好味道😄。還有一點如果酸菜魚可以揀辣嘅程度就好了，下次叫嘅時候試試留言希望酸菜魚加辣😄。

行V Walk見到一間全間餐廳都係粉紅色嘅餐廳，原來係食川菜嘅～今次買咗外賣番屋企，連外賣兜都係粉紅色㗎😂.#口水雞 揀咗中辣，食落係辣中帶麻，好好送飯🍚#酸菜魚 揀咗小辣，不過食落辣過口水雞🌶️男朋友話食陣酸辣味食落似落咗酸梅😂都係好食嘅😃魚肉份量亦多跟餐涼菜試咗醋香蘿蔔同埋麻辣蓮藕丁，兩款都唔錯，一食就停唔到口🤣另外額外叫咗份麻辣牛腱($38)同埋黃金脆炸小酥肉($28)。我未開飯已經偷食咗好多小酥肉，可以叫埋嚟試試！😋

南昌vwalk商場原來新開了一間粉紅色酸菜魚餐廳，少女心爆棚，今日放工一於試吓外賣，雖然是小店，但是人流不斷。題外話外賣餐具全部都係粉紅色，好可愛。天花頂酸菜魚我們選了招牌酸菜魚，還可以細心挑選辣度，晚餐還包括小食涼菜和白飯。這家的酸菜魚是偏酸，特別適合食唔到好辣的我。呢份酸菜魚份量超級多，除了鱸魚，還有很多芽菜、萵筍和酸菜辣椒等配料。麻辣燙另外我們也點了麻辣燙，雖然聽過好多次但食真係第一次。今次湯底選擇了藤椒湯，相較冇咁辣，配料和配菜也可以各選三款。分別點了巴掌肥牛、牛柏葉、魚片頭、萵筍、鮮豆皮及大豆芽。呢個麻辣燙很出色，湯底但有少少麻，主食建議搭配寬粉，可以吸取所有湯汁精華，一個價錢食到咁多種配菜好抵。黃金脆炸小酥肉另外小食我們點了黃金酥肉，外層炸至金黃色，食落其實係炸豬肉粒，面層帶一點點椒鹽。紅糖糍粑當然唔少得甜品，必點招牌紅糖糍粑，外層炸到脆卜卜，入面好似年糕煙靭，加上面層有點黑糖，甜甜的滋味。飲品點了紫米豆漿和黑豆豆漿，全部都係低糖，十分健康。下次經過南昌一定要試吓呢間酸菜魚店，驚喜滿滿。

經過見口麻天辣嘅晚餐set有主菜, 是日小食, 是日涼菜同白飯, 揀左招牌天花頂酸菜魚同酸甜清新蕃茄魚試下😎 ▫️天花頂酸菜魚新鮮鱸魚嘅肉質嫩滑細緻，食落又冇骨刺，配上酸菜，湯底酸辣之餘帶點麻辣，叫左小辣嘅辣度岩岩好👍🏻 ▫️酸甜清新蕃茄魚同樣都係用新鮮鱸魚，魚片鮮嫩，配以酸甜嘅番茄湯底一起燉煮，味道酸甜，非常清新🍅 ▫️黃金脆炸小酥肉小酥肉炸得酥脆，入面咬落肉質軟嫩，香口又唔會覺得油膩。 ▫️麻辣牛𦟌牛𦟌嘅厚薄切得岩岩好，薄薄地有咬口，又麻又辣，好開胃👅

最近見到有朋友過嚟呢間粉紅色裝修嘅酸菜魚都打卡我都要過去試吓天花頂酸菜魚擺盤精緻，用過金架晾住餸菜上碟，架下面仲有蠋火暖住餸菜。魚片係新鮮嘅桂花魚肉切片，份量都好多，每片魚都幾大塊，魚肉無骨十分鮮甜，肉質又嫩又滑，酸度都啱啱好，仲有白蘿蔔同酸菜做配料口水雞我喜歡它濃郁的香辣口味和嫩滑多汁的雞肉。配料和調味料完美融合，每口都能感受到辣椒、花椒和香菜的獨特風味。入口後的辣勁和麻感 是一道令人垂涎欲滴的美味佳餚。

味道很好，外賣盒裝得也很乾淨和漂亮，帶回家後還是很好吃，打開外賣盒看起來也很有食慾。在餐廳吃過幾次也不錯，不過如果小吃土豆絲可以少點蒜蓉就好了😄，會繼續光顧，值得推薦！