友利冰室 x 勿當奴 (D2 Place TWO) (已結業)

—————————————————🍝友利冰室x勿當奴二人餐基本發腐乳古法西式燒羊架唔特別多講～亦無野好講😈因為好好食～味道夠亦唔咸🤡日本明太子蟹肉炒意粉口感好Creamy🍝～明太子增加口感👍個意粉好味🤤🤤吉牛丼配溫泉蛋成碗飯配搭好夾～小編推介大家試試👍👍豉油無骨雞半隻無骨海南雞聽得多～豉油無骨雞小編真係第一次聽(可能見識小唔好見怪)🤡豉油味唔會太咸～雞肉肉質滑流😋好好味🤪🤪好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:必定再黎食過～未食過既要黎試·食過既一定明🤡上面唔突登打既菜式因為小編係觀塘店食過無分別都係咁好味👍👍

咁啱喺附近學興趣班，學之前就在D2 Place搵嘢食，見到網上多好評，一於就試吓佢。😊/雖然有二人套餐，但揀唔啱組合，所以分別叫了兩個全日餐，第一個係無骨豉油雞飯，第二個係招牌乳豬卡邦尼意粉🍝。/無骨豉油雞飯，雞肉嫩滑，份量都足夠，係幾好食嘅👍🏻👍🏻/招牌乳豬卡邦尼意粉，乳豬皮脆肉嫩好食，不過得3片，唔夠喉，卡邦尼意粉味道都好食，兩樣野分別都好食，但加埋一齊，又唔會覺得特別合襯😂😂，噱頭比較多的感覺。

今日同fd子叫左個二人餐食，總共128蚊，個餐有2個漢堡包、2兜薯條同4隻雞翼。個巨無霸超級大舊、舊牛肉好好食，其他配菜又超多汁。2個大男人都絕對食得飽。最有特色係友利坊既自製飲品，有益過可樂好多。薯條同雞翼相比，炸雞翼好食過薯條。最緊要除左快餐之外，友利坊仲有其他野可以選擇，中餐可以食燒味，燒味我推介食燒鵝，好香好多汁。西餐可以食威靈頓牛柳。味道:7/10環境:6/10態度:7/10價錢:6/10總分:26/40評級: B

行過門口比個名-脆弱雞腿包吸引左😂就決定揀呢間餐廳試下呢間餐廳除咗有漢堡包🍟之外，仲有其他意粉🍝飯類🍚可以選擇不過既然今日睇中咗個脆弱雞腿包，當然要連埋薯條汽水啦脆弱雞腿包🍔雞肉嫩滑，d汁啱啱好，唔會太多，最緊要個包都放置得好整齊，d 餡唔會歪嚟歪斜將軍噢堡個漢堡好似肉餅咁滑，可能粉多過肉，不過又幾岩我囗味❤️，平日出面啲快餐店漢堡包塊漢堡通常都好咸，呢度無呢個問題至於薯條係波浪紋🍟，炸得都幾脆加埋店舖d 壁畫就覺得好開心， 當然要同啲畫影番幾張相啦😂上校食雞食到好大隻喎勿當奴oppa

呢間冰室最特別嘅地方，當然就係佢嘅乳豬carbonara，真係好特別。雖然乳豬嘅數量唔算好多，大概得三塊，配合埋乳豬醬，呢個意粉真係好特別，真係一個Fusion菜。另外仲叫咗一個咖喱豬扒蛋包飯，蛋包飯隻蛋唔算好蛋漿，但係都好好食，因為咖喱汁加埋蛋包飯，真係非常之好食，吉列豬扒都好脆卜卜。仲有焗豬扒飯，呢個焗豬扒飯非常之好食，即叫即焗，雖然時間等得耐少少，大約15分鐘左右，其實都係正常時間嚟嘅，你嘅飯同埋個豬扒都非常之配合，不過比較甜少少，因為蕃茄嘅味比較重，仲有芝士，都係好好食。飲品方面就非常之簡單，因為都係全部沖好晒嘅樽裝嘢飲，有洛神花茶啦，港式奶茶啦咖啡啦等等。

上openrice search 左呢間店鋪, 見到咁多個正評就去試下。今次食左炸豚肉咖哩蛋飯,  賣相OK, 但冇諗過係咁差.......D飯同豚肉都係硬既......相信係隔夜.....蛋同杯飲品還可以但係都唔會有下次喇....

2022.7.18 星期一 3:45pm這個時間人不多，可以隨便坐。本來想叫餐凍飲，很多都售罄，所以叫了熱飲。凍熱飲都是自助的，都很方便。門口下單後，大約8分鐘就上枱了。•••••••••••••••••| 乳豬卡邦尼意粉 $68, 熱朱古力+$8 |💛意粉非常夠熱。乳豬都不會很細件，皮少少脆，肉很有油香。店員說沒有乳豬醬，但其實不用點醬都夠味。意粉多汁，還有很多煙肉和菇，整碟分量很多，十分足料。熱朱古力用機斟，沒有沉澱朱古力粉，甜度適中。

估唔到九龍睇場夜晚戲仲有$45戲飛雖然預咗細場細mon但環境新淨座位夠闊落荔枝角又方便真心推介講緊嘅係D2 place間新戲院原來對上一次入戲院睇戲已經係一年半前久違了🥲為咗食個快飯先入戲院揀咗哩間勿當奴就在戲院同一棟商場因為夫君話食過巨無罉好味又抵食而我覺得佢玩食字好有趣就係咁二話不說要試下除咗巨無罉仲試埋豬柳強但係豬柳蛋好一般塊肉好白似自家屋企製水準🫢反而係巨無罉的兩塊牛肉好好食好juicy值得一試而薯條就乾身咗少少試飲熱朱古力要自行用咖啡機沖味道就一貫機出的太甜咯

🙆🏻‍♀️ 小編諗起好耐冇去友利冰室X勿當奴食嘢，決定依日晏晝去幫襯！［ 亂闖試食 ］🍽 乳豬卡邦尼意粉 😋😋😋😋第一次試中西合璧嘅意粉，感覺好新奇！🍝卡邦尼意粉屬於正常水準，最令人期待嘅係乳豬，因為平時唔會專登叫嚟食。三件乳豬嘅皮都燒得相當脆口，咬落有微微豬油滲出，肉質都嫩，又唔會好鹹，係會食完一件又接住食一件嗰款好味！👍🏻 如果可以加多一兩件就更好喇！😉 依個午餐仲包一罐汽水！🥤午餐 💵💵 約港幣$70/人💁🏻‍♀️ 中午係佢哋最繁忙嘅時段，好多時都要排隊等堂食。趕時間嘅打工仔，可以考慮外賣自取，份量都差唔多㗎！🙆🏻‍♀️ 最後，喜歡嘅話，歡迎follow @foodirectory.hk ！

今日難得自己一個食lunch，決定碰碰運氣食呢間😆皆因想食佢個乳豬意粉好耐🤤我一點嚟到，都要排陣隊，大約十分鐘就到我落單，之後就拎住個牌仔自己搵位～飲品都係落完單之後喺雪櫃自己拎架～我就梗係叫久仰大名嘅乳豬卡邦尼意粉 ($68)啦🤤上面有三塊乳豬，下面就係好多汁嘅卡邦尼意粉😌我覺得個意粉係好好食，佢啲汁偏杰身，有好濃忌廉同芝士味，再加埋啲煙肉同埋蘑菇，真係啖啖都好creamy好好味！至於乳豬，可能佢痴埋咗啲汁同埋我比較遲先食，個皮唔算好脆，但皮同肉都好平均，算係過到吓口癮🤤食呢個算係一次過滿足咗兩個願望，始終覺得呢兩樣嘢都係分開食架喇🤣加$8會有飲品，我揀咗檸檬伯爵茶～去到雪櫃先見到佢話有薄荷葉，都怕會好似牙膏味😂但點知個薄荷葉淡淡嘅香氣係好match呢個茶，即刻變得好清香呢～好飲！終於完咗個心願，結果都係冇令我失望嘅～希望下次再試吓其他食物😌

已經食過好幾次儲埋啲相一次過出XD依間黃店性價比十分高✨而且野食都好特別～會顛覆左對冰室食物既感覺😎5人份量埋單都唔洗HKD500(⁎⁍̴̛ᴗ⁍̴̛⁎)仲包埋自家製既飲品 值得無限encore！！📌二人餐 HKD198斧頭豬扒配蘋果蓉黑醋醬乳豬卡邦尼意粉📌二人餐 HKD168秘製醬燒豬肋條原條鰻魚炒飯📌一人威靈頓牛柳配蜜椒汁 HKD128乳豬卡邦尼意粉🍝有3件脆卜卜既乳豬🐖 幾好食～卡邦尼醬汁幾creamy 煙肉🥓蘑菇配料都幾多意粉好味 幾推薦依個fusion組合👍🏻秘製醬燒豬肋條🍖好易切開 豬肉烤得幾入味又好淋身醬汁野味 一共有6條都算幾大份同多肉食配菜有薯蓉 翠肉瓜同紅蘿蔔🥕 薯蓉綿密好味😋一人威靈頓牛柳配蜜椒汁🫔牛柳切開仲係粉紅色五成熟係我最喜愛既熟度💗肉質幾軟易咬 都有牛味～酥皮焗得算脆 中間醬汁都幾濃味 少少咸斧頭豬扒配蘋果蓉黑醋醬🍗份量幾大 燒到邊位好脆口✨調味幾淡 配埋個醬都幾夾 酸酸甜甜咁🤏🏻同燒豬肋條有一樣既配菜～原條鰻魚炒飯🍽正常發揮 普通急凍鰻魚味～但炒飯幾好食 炒得好乾身 飯粒粒分明👌🏻

已經唔係第一次食勿當奴嫁啦，平時係荔枝角唔知食乜都會食下勿當奴，又抵食又快手又好味。今日唔食快餐食左個2人餐。二人餐($198)一人威靈頓牛柳配蜜椒汁老實講百幾蚊既餐有威靈頓牛柳食係零期望。牛柳比我想像中冧身酥皮多左少少蛋液，而整體都比較甜口，醬汁係港式既蜜椒汁，唔可以話同威靈頓牛柳唔夾，不過就太甜身了。最後都係個句百幾蚊既餐有威靈頓牛柳黎講其實已經好足料，味道都唔錯嫁啦。乳豬卡邦尼意粉非常有趣既組合！卡邦尼意粉本身已經係水準之上，加上香脆既乳豬睇落完全冇關係既兩件事意外既夾，佢跟埋既乳豬醬都意外地適合放係卡邦尼意粉上面。非常推薦大家試下呢個意粉！餐飲有汽水同自家製飲品我哋揀左花旗參蜜同蘋果茶。個人唔好花旗參蜜，但同行既人都話幾好飲，至於蘋果茶就一向係我最愛，亦係長期熱賣既飲品，佢既蘋果味好清新亦唔係好甜，可以解渴解膩。友利冰室 x 勿當奴 (荔枝角)荔枝角長順街15號D2 place 2期1樓109號舖滿分5個😋味道😋😋😋😋😋抵食😋😋😋😋😋環境😋😋😋😋服務😋😋😋😋😋

荔枝角 友利冰室×勿當奴呢間店食過幾次，因為係黃店，諗唔到食咩都會幫襯下。♡明太子蟹肉意大利粉♡我覺得個名應該係蟹籽蟹柳意大利粉。蟹肉食唔到，只係見到兩條蟹柳。我見識少，唔知佢係咪真係蟹腳，味道係幾鮮甜，仲食到兩塊蟹殼，可能真係蟹腳😂。明太子係咪即係蟹子？點解我嘅認知係唔一樣？可能我真係見識少。♡美國叉燒炒蛋飯♡叉燒好甜，蛋都滑，飯超多。其實今次主要想講下個服務態度。我哋5：52落單，坐低一陣食物就到，上菜都算快。我哋食完個叉燒炒蛋，侍應就急急腳收碗。食食下個意粉，仲未食完，傾緊偈。侍應又想收碗，但我哋話未食完，佢就走咗。終於食完個意粉，掉哂啲紙巾落碗度，示意佢收得，佢當然好快就收咗。咁我哋就繼續傾偈，飲嘢。未飲完嘢，佢就話唔好意思，食完請快點離開，出面有好多人等緊位。講完我哋呢枱，隔離個枱都係咁講，佢哋仲遲過我哋入。😑大佬，我坐低咗30分鐘咋，飲品都未飲完，就比人趕走。個心真係好唔舒服。我自認好人😝，廢是阻住你做生意，攞埋嘢飲走人。走嘅時候環顧餐廳一週，見仲有位置。點知出到門口，只係兩個人落緊單，無人排緊隊。我都比160元食餐飯，去好多餐廳都可以坐90分鐘，呢度30分鐘未食完就趕你走

友利真係想食好耐但一直都冇就到時間去食😶今次想去D2 place市集就隨便去咗食🙌🏻選擇真係頗多,有機會仲想再去食😆🔸脆弱雞腿包餐🍗$48炸雞有好脆有肉汁而雞肉都滑同冇雪味❄️包嘅沙律醬夠但菜就偏少🥬個包比M記好食🤣而餐仲包埋薯條🍟係粗薯條,薯蓉較但就偏乾😗🔸將軍噢堡餐 $48漢堡有兩塊豬柳漢堡同生菜🙌🏻而漢堡嘅汁偏少,朋友覺得麻麻🫢而餐同樣有薯條🍟同上一樣💦🔸菊花茶 +$8以為係好甜點知係唔甜,仲要飲落係健康嘅感覺✨應該係自家制😚

有事要去荔枝角一趟，妹剛好也要在附近上堂，在她上堂之前，她就帶我來到位於D2 place 2期的友利冰室 x 勿當奴食晚餐。雖然前方有人排隊，但只要齊人及已經想到吃什麼，店員就會叫人前去收銀處購票入座，並等待餐點送上。我們選了美國叉燒煎蛋飯及乳豬卡邦尼意粉，加$8配一樽富士蘋果伯爵茶。美國叉燒煎蛋飯，份量十足好多塊叉燒，每塊都大大件，啖啖肉，肉質軟稔。將煎蛋戳穿，蛋汁與飯撈勻來吃，可惜醬汁較少，整碗飯的味道較淡。雖然叉燒大件，但稍為欠缺那陣香濃的蜜汁的燒香味！飯與叉燒均不夠惹味，只勝在大份夠飽肚！乳豬卡邦尼意粉，卡邦尼意粉上鋪上3件乳豬，乳豬皮脆又啖啖肉，惟稍欠油香味。個人較為滿意卡邦尼意粉的味道，意粉彈牙，醬汁creamy又夠香，煙肉和蘑菇等配料炒得夠香，加入些許黑椒吊味，味道不錯～～～富士蘋果伯爵茶，伯爵茶味香，加上淡淡蘋果香氣，吃得飽飽時喝口茶就剛剛好。總算卡邦尼意粉的味道挺好，足以彌補那一點點的進步空間。