友利冰室 x 勿當奴 (D2 Place TWO) (已結業)

響D2 Place睇完戲，落返嚟啲舖都閂得7788見勿當奴仲未閂就緊係即刻衝入去啦#媽芝漢堡 Hi Auntie 🍔比起快餐店嘅漢堡扒佢冇咁重調味，同埋佢肉質juicy 啲#脆弱雞腿包 Weak Chicken 🍔塊雞唔係快餐店嗰種炸皮，係無咁香口但都ok佢嗰醬唔係用沙律醬，而係一隻橙色辣辣哋嘅醬，幾惹味#忌廉蟹肉薯餅 🦀之前都嗌過 - 食到蟹味但食唔到蟹肉#脆香雞翼 🐓同快餐店嘅口感同味道真係差唔多不過佢係單骨雞翼，食起上嚟比較方便飲品就嗌咗 #羅漢果茶 & #檸檬伯爵茶兩款都好飲，唔會話非常甜

疫情下既假日時段黎堂食，唔洗等位門口點完餐 掃安心、針卡記錄就可以入座當日坐左卡位 幾闊落舒服叫左餐飲既朋友，可以係雪櫃到自助拎野飲都有唔少特色飲品，例如 富士山蘋果伯爵茶店員稍後會直接送餐去你枱為咗乳豬卡邦尼意粉遠道而黎，不過不失🐖乳豬有誠意，有埋乳豬醬🍝意粉口感味道普通🐖反而豬肋骨有驚喜💕醬汁恰到好處，肉質鬆軟有咬口，仲有蔬菜幾舊西蘭花同紅蘿蔔伴碟，均衡飲食，加分！當日未試到'勿當奴'既漢堡餐，有機會再黎先~

今日一個人經過食個lunch, 只order 了叉燒炒蛋飯。$58。 價錢中規中矩，沒有包嘢飲。✅出菜很快✅賣相黎到見到個樣幾靚仔✅叉燒份量比起普通茶餐廳多，蛋同飯都夠✅其中有幾舊叉燒係半肥瘦，好好味，但唔係件件咁肥，不過瘦嘅都唔會覺得太鞋。⚠️美中不足係蛋真係無蛋香，我見之前評語都有人講過💛值得一讚嘅係員工好醒目好貼心，我嗰日未開餐就跌咗隻匙羹落地，我執返起打算問人拎嗰隻，個職員已經拎緊俾我，呢啲咪就係服務！💛讚！

結論: 性價比高嘅選擇今日去食lunch，叫左個美國穀飼叉燒煎蛋飯加罐zero。order完坐低冇耐就有得食！放低嘅時候仲出緊煙賣相都算吸引！講埋食物質素先，首先兩隻煎蛋一隻做到流心另一隻就熟左少少，佢用嘅係日本蛋但不過蛋味都係唔太夠。另外都配左兩條菜芯不過略嫌有啲油。叉燒嘅部份真係成個飯嘅重點! 成個飯有5-6大件，全部都係厚切得黎好淋身，有兩件仲有少少燶邊添！另外每件都肥瘦適中，味道都ok，唔會過甜或者唔夠味！最後講埋份量啦，真係超大份，平時食量大啲嘅食完呢個飯相信都要捧住個肚先走到啦

以前會去友利坊買燒味，無咗之後都一直想食。咁岩前幾日已經預訂咗友利嘅團購外送，今日又心思思想食佢嘅叉燒就過咗去食，仲加多個螺頭花膠燉雞湯。大大碗叉燒蛋飯，叉燒肥瘦岩岩好。片片厚薄均勻，肥瘦位都好平均。咬落口唔會太肥膩又唔會太乾太柴👍🏻我淨係食晒啲叉燒同蛋都夠飽🤭無味精湯相對淡同好稀。入面有兩片花膠碎，響螺片就搵唔到。不過好好彩咁有隻雞髀仔同兩舊雞肉。但啲湯渣都係乾乾柴柴唔好食⋯店員姐姐好有禮貌，服務態度好好🥰

呢間裝飾玩味十足，既提供茶記食品，日本出前一丁麵，意粉，蛋包飯，煲仔飯，仲又有漢堡包薯條，～～食物種類多蘿蘿🥰🐟魚柳包餐話說已經有兩年多無食過魚柳包😆 佢哋用嘅麵包軟熟，魚柳脆卜卜，醬汁剛好濕潤，唔好太多，好好味😋跟餐送汽水同薯條。 波浪🌊型嘅薯條好有特別，酥脆得嚟仲食到啖啖薯仔另加小食～脆炸雞翼😋😋， 熱辣辣又香脆， 仲要係單骨，好方便🍜沙嗲紐西蘭草飼牛柳日本一丁 一定要試呢個❗️ 牛柳軟腍又不失牛肉味，沙嗲汁辣辣地，香濃惹味😌 仲加咗芝麻粒，成個湯麵都勁香。配多士炒蛋，見到即刻呆左🤣🤣佢份量勁重手，我估有成三隻蛋，而多士又比一般茶記大件🤰🏻 飲品選擇除咗冷熱飲，仲有自家制系列同燉湯🤩 我就試咗香滑嘅樽仔奶茶，同健康嘅羅漢果茶😊

⚠️而家疫情嚴重大家要保重身體,唔出街就bookmark定遲d去,再吾係可以買外買返屋企慢慢食⚠️ 💛黃店📜”友利冰室 x 勿當奴 (荔枝角)📍地址:荔枝角長順街15號D2 place 2期1樓109號舖🤍 分店地址: 荔枝角📝評價💬📢 芝牛丼 $58豬柳強 $42M記就吾好食喇🙈呢間快餐店就值得食👍🏻👍🏻午市都真係幾抵食💛仲有椒鹽燒賣好好好好食💛芝牛 丼就好似去左日本咁😋😋😋好正芝士好足料😆😆真係好快就有得食 入面位置都多👅🏵環境指數:⭐️⭐️⭐️🏵味道指數:👅👅👅👅👅🏵抵食指數：💰💰💰💰🏵回購指數:❤️❤️❤️❤️❤️歡迎餐廳合作/試食🥰 可DM聯絡📩 #美食推介 #荔枝角美食 #荔枝角黃店 #黃色經濟圈 #黃店推介 #黃店 #黃店系列#instafood #美食分享 #hkfood #食好西 #吃貨 #hkfoodig #懲罰黃店 #foodiehk #良心小店 #hkfoodies #Yellowfood #852food #相機食先 #香港美食指南 #hkfoodblog #一路食一路post #美食地圖 #foodieksk黃店 #yellow荔枝角 #foodieksk西式 #fo

香港人節奏忙碌，茶餐廳，冰室，都係香港人首選，今次介紹一間好好食嘅冰室😋。「友利冰室」出咗好多唔同款式嘅茶餐，都別具特色，今次點咗個芝士牛肉飯🤤，同埋沙嗲紐西蘭牛柳出前一丁😋。咁鍾意食牛嘅我當然唔會錯過喇。佢個雙層芝士牛肉飯真係要講一下，上面層芝士真係有香又美味，一層厚厚嘅芝士，喺牛肉上邊，淡淡口感好正，味道完全滲咗落去👍🏻👍🏻出前一丁就唔使講啦，配牛肉仲要沙嗲牛肉🐂，贏曬啦冇得輸，點樣食都好味㗎啦🤭仲有炒蛋多士伴碟，真係好飽，大件夾抵食，仲配埋佢個嘢飲，一樽嘅方便攜帶拎走，值得一讚👍🏻👍🏻👍🏻環境質素🏚：❤️❤️❤️❤️🤍衛生程度🧽：❤️❤️❤️❤️🤍美味程度😋：❤️❤️❤️❤️🤍抵食指數🤩：❤️❤️❤️❤️🤍回頭指數🤩：❤️❤️❤️❤️🤍

第一次見到個名就覺得好有趣，咁岩去開荔枝角就黎試下~公眾假期1點多黎食，出面就要排隊叫野食，但其實餐廳入面好大，好多位，都唔洗等好耐。今次就叫左將軍漢堡餐，入門口買完比完錢之後，自己拎飲品，再有職員指示你坐邊個位。野食好快黎，個包係熱，將軍漢堡有好夠汁，塊肉就真係好普通，係市面上果D現成肉，不過咁嘅價錢，質素都算係咁….跟餐有波浪紋粗薯條，熱辣辣，好香口，有DD驚喜….以$48一個快餐黎講，中規中矩，唔好抱咁大期望，支持小店!!

有一次，朋友買外賣，共進晚餐，食過友利的豉油雞之後，念念不忘，於是年廿九團年再次買豉油雞飯。雖然年廿九要+20%，大大嚿豉油雞，分量十足，雞肉滑，豉油汁不多不少剛剛好，入味非常，飯嘅軟熟，又剛剛好，再加上我最愛的薑蔥油，個飯10分鐘來K.O. ！極力推介豉油雞 （碟頭飯，或者半隻雞）。上次叫了他們的椰子雞湯，響螺湯， 料十足， 湯沒有味精，叫餐只要加$28就有啦抵到爛。其他飯或意粉，都係性價比高的選擇，希望下次再試吓其他啦！食完之後仲可以隨便攞陳伯寫嘅揮春，大滿足！

係荔枝角拎完年糕就用拎得order咗個友利冰室×勿當奴既豉油無骨雞飯，到店啱啱好可以拎得💛打開因為個飯盒關係睇落好似唔係好多？但其實都有好多舊雞肉，有雞翼雞柳等（咁就變有骨啦唔係百分百無骨喎🤣）皮滑肉嫩幾入味，可以配薑蓉食，下底仲有兩條菜心都索到汁🙈不過個人就覺鹹咗啲，撈飯食都仲鹹少少🤏飯就依然係口感唔錯既香米同埋好足量😂我又淨三分一可以儲埋下次做炒飯用😂豉油無骨雞飯 7.0/9正常發揮既豉油雞，相比之下都係覺得叉燒更出色啲🙈其實我有少少被個外賣紙袋驚艷到😆係太子店擺外賣都係好常見果啲白色膠袋，但呢度就比咗個好厚身好有taste個黑色紙袋喎，同埋有YELL CARD係出邊可以自取💛

平日3點左右嚟到, 唔算太多人. 入門口買完野食會俾個號碼牌, 自己喺飲品櫃揀嘢飲🧃🥤 搵位坐低之後會有職員送上餐點, 嘢食好快就到齊.豉油無骨雞飯🐥🍚- 俾咗雞胸位, 好嫩滑👍🏻😋完全唔會”鞋” 都算有驚喜👏🏻 奶茶+$8 茶味濃脆弱雞腿包餐🍗🍔- 包入面有啲沙律醬+生菜絲配上熱辣辣嘅炸雞🍗味道簡單直接😂 熱辣辣波浪紋嘅粗薯條+少少鹽🍟👍🏻室內有好多張枱, 枱同枱之間都有隔板, 有幾位職員負責送餐&執枱.

友利冰室 勿當奴 派對到會套餐8-10 人到會套餐 $1680 免費送貨主菜x4 飯或意粉x4 小食x4 飲品x10 甜品（日本泡芙）x2 另加細乳豬$498由落單到送貨都好有交帶 送貨時間亦算準時 （唔好以為好正常 好多餐廳係呢一部份真係可以做得好差）雖然食物有甩漏情況 但最後都妥善處理。近期好多食肆都係剛開始嘗試做到會以幫補禁堂食的慘劇 所以都明白同理解的 最緊要之後有改善 撐住 加油💪最推介食物：威靈頓牛柳配蜜椒汁基本法腐乳羊架斧頭豬扒配蘋果蓉黑醋醬羅勒蕃茄牛柳絲炒意粉 牛柳真係好Juice 加埋蘑菇蓉同埋芝士係入邊 正 👍🏻建議屋企有焗爐嘅到咗之後焗返熱少少食比較遜色：三重芝士辣味脆雞乳豬（我自己加熱嗰陣燒燶左）雞真心太乾 乳豬太瘦無肉食 要改善同埋所有到會都唔建議叫炸嘢 冇好結果🤡

伏到一個點，見到個食就知伏左，豉油撈飯黎，我自己屋企炒都好食過佢，個鰻魚勁腥，離遠都聞到個魚係腥既，真係難食到完全唔想食，我地仲叫左個威靈頓牛柳，相比之下冇咁伏，但都係勁差，落左勁多鬆肉粉，完全唔知自己食緊咩，啲野食黎到又唔熱，真係建議大家唔好黎食，伏到一個點。

已經冇食麥當勞好耐啦🙃最近👧🏻👦🏽去咗友利冰室X勿當奴，試吓可唔可以代替先🙈📍勿當奴二人餐 $128脆弱雞腿包脆辣雞腿包曾經係👧🏻嘅至愛🤣勿當奴個包比想像中辣，但佢唔係淨係塊雞辣，仲架左個辣醬🔥怕辣嘅👦🏽就唔係好食到，不過👧🏻覺得好正🤣因為個包都有好多醬，所以塊雞唔係好脆🤔🤔不過雞肉都嫩👍媽芝漢堡相比下嚟個比較普通，佢採用嘅牛，類似豬柳漢堡不過佢係牛，佢每一塊都煎得好脆，但食落味道一般，唔係好食得出係牛味🥲🥲建議大家可以試其他漢堡包🙈脆香雞翼坦白講呢個真係有少少失望🥲因為雪味都真係比較重，同埋個皮唔夠脆🥲會點大量酸辣醬食😂😂😂椒鹽燒賣嚴格來講，呢個唔係椒鹽🤔🤔🤔因為係散左啲辣粉係上面😂粒燒賣都脆，如果真係用椒鹽嘅話會更加惹味😌薯條係用咗茶餐廳嘅波浪紋薯條🍟裏面嘅薯仔唔夠多，好多時都只係食到個炸皮，裏面係空心嘅🥲🥲同埋有少少比較油膩