叉燒大王

營業中

休息中

去完pixel exhibition 就行嚟呢頭食晚飯😃😃原來河畔花園係咁多餐廳💁🏻💁🏻 今次就揀左食中菜嘅叉燒大王😍 當然要叫一碟例牌叉燒啦($88)🤓果然係照牌菜！肥瘦適中，肉質易咬，蜜汁落得剛好，而叉燒亦燒得小小焦香👅👅 另外再嗌左碟地道鐵板生啫雞($72)🐥🐥 熱辣辣上，好香蔥味，雞件嫩滑🙆🏻‍♂️🙆🏻‍♂️ 而蔬菜嗌左雲南火腿浸娃娃菜($88)🥗🥗 娃娃菜夠新鮮，甜味好夠，火腿唔太咸嘅，湯都飲得😃😃

今天去吃個午餐set，一碗叉燒拼燒鵝瀨粉，一杯熱柚子蜜，60港幣，實在是超值。關鍵做燒味出名的水平一直保持，半肥瘦叉燒是一絕。外面和堂吃永遠排隊，晚上的廣東炒菜也非常棒。他家的古法頭抽雞是招牌！必吃！

秋高氣爽又係時候踩單車 踩完行左黎河畔花園呢頭揾食晚市時段間間都人山人海好熱鬧最後俾呢間叉燒大王吸引左 等左一陣就有位入座原來似酒樓有得開茶飲 我揀左最簡單普洱小菜方面又點可以吾叫叉燒呢 例牌$88吾算貴果然好味道 碟叉燒吾算得上肥叉 但瘦得黎又夠冧先好野加埋面頭蜜汁超惹味 清晒佢無難度另外叫左2碟菜 都係以半炸形成整推介酥脆淮山 好有特色平時好少有一碟咁叫薄薄既脆漿加上華鹽 食落好香口加上淮山本身口感夠爽 另一款醬燒脆皮茄子 感覺有點似煎釀三寶比一般茄子煲既茄子無咁軟啤啤厚切口感較好全餐畫龍點睛絕對係呢盅茶樹菇燉唐排好好飲好夠味既中湯 特別中意茶樹菇既香味濃得黎又吾太咸我飲左勁多碗個晚都無口渴 証明無落味精下次值得ENCORE呢餐人均只係$100頭 晚市小菜黎講抵食

今日去開沙田區，順便拜會一下叉燒大王。除叉燒之外，其他燒味亦造得很好！先飲返碗足料靚湯，茶樹菇燉唐排，湯料非常充足，燉湯很鮮甜。當然要食最出名、多次榮獲推介大獎的蜜汁叉燒王，肉質爽口多汁，燒得恰到好處。頭抽雞半隻，雞肉嫰滑，加上頭抽非常鮮味。金沙蝦膠蒸滑豆腐，嫰滑豆腐上加上彈牙蝦膠，再配上咸蛋黃，清淡中帶出鮮味。又新鮮又大隻貴妃蚌，最好用蒜蓉粉絲蒸，好味。蔬菜類點了甜甜蜜蜜的蜜豆合桃牛柳粒。仲有時令菜上湯蒜子浸豆苗。除了燒味，這裡的小菜亦做得很好吃，就算多人等位，下次也要再來😋

兩家人四大四小要搵食都唔易，細唔呢樣唔食果樣唔食就更煩. 本身想去打邊爐. 但一去到門口，其一個細路已叫曬救命唔想食. 好！今次就由細路話事，佢就揀左食叉燒喇8點半爆曬人，但都好彩好快有位細路大愛呢間的叉燒，的確鬆軟入味有咬口. 正！只係一碟例牌+1碟又飯就 KO 4個細路唔洗煩. 更正！大人就食羊腩煲. 足料，羊肉夠淋. 但就喊左 dd. 但朋友邊飲啤酒邊食佢就剛剛好.呢煲雞粥堅抵食. $88 夠曬4個大人食，足料夠香夠綿. 但都係喊左 dd.加埋碟金銀蛋豆苗. 飽曬！

今日同朋友去左沙田區shopping，朋友建議之後去沙田圍晚飯，聞說有間飯館小菜唔錯。我地6:45左右已到河畔花園附近，但唯獨其中一間食肆門外已有很多人等位，原來這就是我們今晚晚餐地點 - 叉燒大王好彩我們早到一步，等左大約15分鐘左右就有位，之後見到在外等位的人越來越多。等位期間見到有遙控取位服務，下次來可以試下。餐牌第一頁大字標題特選蜜汁叉燒王(例牌$88)，叉燒王原來榮獲多次推介大獎，還有多個媒體的推介。我地當然要叫個例牌試試。蜜汁叉燒王果然名不虛傳，燒得恰到好處，不會過乾過燶，肉質爽口多汁，令人回味。除左叉燒，我們點了個頭抽雞半隻($138)試試，果然也做得唔錯，頭抽很香，雞肉亦很嫰滑。茶樹菇燉唐排($118)，湯料非常充足，我們4人每人可分配到2-3碗，燉湯很鮮甜完全沒有味精。蒜蓉粉絲蒸貴妃蚌($78)，蒸得剛好，又新鮮又大隻，好抵食。金沙蝦膠蒸滑豆腐($62)，蝦膠彈牙，豆腐很嫰滑，再配上一些咸蛋黃，把本身清淡的豆腐，帶出更鮮味道。又是食豆苗的季節，見到價錢合理，我們點了上湯蒜子浸豆苗($88)，份量也不少。蜜豆合桃牛柳粒($98)，甜甜地好好味。我們吃到很滿足，有靚湯、海

今晚經過沙田，一向鍾意食叉燒既阿仔，見到叉燒大王， 即刻話要去食。入到去先知，原來呢間餐廳好出名，連TVB同好多傳媒都有採訪過。佢嘅叉燒重榮獲左第五屆「食神」全城食家美食推介大獎。我哋梗係要叫叉燒來試食一下喇！這隻蜜汁叉燒王真係唔係浪得虛名，叉燒肉質鬆化，肥瘦適中，仲要係厚切，真係好好味。然後我哋試咗佢嘅燉湯，今次係茶樹菇燉唐牌，個湯有好多料，茶樹菇很香，湯很清甜。蜜薯牛仔粒，牛仔粒好冧，薯仔好甜，有濃濃既蜜糖味。粉絲蒜蓉蒸貴妃蚌，很新鮮，很大隻，貴妃蚌上面鋪滿粉絲和蒜蓉，超好味而且仲係＄78嘅價錢有四隻，實在非常超值抵食。鬆脆豬頸肉，用炸粉包住豬頸肉，炸完之後再點沙律醬吃，這個食法都幾特別。想食一餐好味的家常便飯，這間餐廳是一個很不錯的選擇。

今日係沙田圍附近做野💼，難得係happy friday🎊，於是約埋同事係附近食埋飯🍽，係openrice見到呢間叉燒好出名又好靚口，果然名不虛傳，估唔到細細地一間鋪頭可以用food gulu拎飛，十分方便仲可以有網上外賣平台送外賣😱好貼心👍🏻7點幾己經坐無虛席，可見街坊都好支持😊原來咁出名😱嘩，啲叉燒好厚身😱同平時去食個啲有double咁厚，半肥瘦，微焦，咁先好食，啲蜜味濃但唔會好膩，好味👍🏻😋貴妃蚌，好大粒蚌！岩晒中意食蚌既我，好鮮甜，😍加上配搭蒜香同粉絲非常好味

今日幫朋友搬屋 搬完屋 成個人散左😩朋友為左慰勞我地一班「義工」特登請我地食返餐飯🍽🍽一睇店舖名 就知招牌菜係「叉燒」啦😀好早就爆場 好在可以用定foodgulu 拎位姐😝叉燒上枱時熱辣辣 「厚切」叉燒😱😱好好好犀利呀👏🏻👏🏻完全食落去感受到叉燒既肉質 肉汁香濃 加上蜜汁鎖實起叉燒表面 輕輕一燒 更加令蜜汁昇華到另一層次😘😘棒棒骨酸酸甜甜 好開胃肉質鬆化 直情可以當雞脾咁食棒棒骨非常大條 唔好睇少🤤如果想帶好味既叉燒 返屋企同屋企人分享可以去買燒味外賣咁就同其他人一齊開心share 啦😍😍

近期因自己家發生太多事，現在處理好，心情也平伏下來，很久沒有去找外母吃飯，今天就帶她到叉燒大王吃晚飯，嘩！好多人。好彩還算早，還有兩張細枱，地方整潔，店員服務也很有禮貌加個App就可在手機取票先，減短排隊時間還有很多餸菜選擇，種類也很多，燒味海鮮小菜各適其適叉燒一定要叫，香甜美味，軟腍汁水超多酥炸淮山：爽脆，淮山咬落有滑潺潺的感覺，感覺很有趣蜜薯牛仔粒，薯仔較多牛仔粒較少，因牛仔粒很好味，牛肉又腍又嫩豆苗上湯蒜子浸，上湯配上豆苗美味而入味，十分可口椒鹽斑馬賴尿蝦：椒鹽野味無比，賴尿蝦鮮甜美味，非常矜貴🦐濃湯瀨粉：普通

入沙田探媽媽多數都飲茶，因媽媽要照顧爸爸所以晚上都不會出街吃飯，近期因媽媽身邊少了一個人，才陪她出來吃晚飯。媽媽帶我去河畔吃叉燒大王，因她想吃叉燒，這裏地方不算大，但也很整齊，乾淨。另有燒味部，方便客人外賣，食飯時間也很多人。叫了茶樹菇燉唐排$118，是一個燉湯，非常好味，清甜香濃，茶樹菇爽脆，有好香嘅菇，湯內的肉排也很香叉燒例牌$88，份量也很多，肥美多汁，肉嫩又腍，而甜美豆苗上湯蒜子浸$88，炸蒜頭很香也好味，豆苗夠嫩身，配上上湯更美味濃湯河粉$18，因媽媽沒有胃口，所以叫了碗河粉給她，易入口，湯底也很濃美還有很多美味的小菜選擇下次再來

今天與友人行經沙田，便到附近嘅《叉燒大王》吃晚飯。一去到餐廳門口便見到一條排隊人龍，原來人們正在排隊買外賣燒味。我心想這餐廳嘅燒味應有咁上下的水準餐廳座位都算闊落，環境唔錯：故名思義，我們就叫了一客必食嘅招牌叉燒。叉燒嘅肉質十分鬆軟和甜美，很好味道，下次我們會再食：貴妃蚌：餐廳做緊推廣（$78 四只），超抵食鬆脆豬頸肉：大人細佬都喜歡吃，炸到很薄、很脆！豆苗上湯：所選的豆苗都算新鮮，味道唔錯蜜薯牛肉粒：份量不少，牛肉粒食落夠軟茶樹菇燉唐排：超好飲嘅燉湯，濃度適中且有老火湯嘅味道，這是喜歡飲中式湯人嘅必飲之選：

難得舊同學聚會，大家決定返沙田開餐，朋友提議河畔花園多選擇可以去到再揀食乜，一行四人有男有女，行完個圈最終揀咗連燒味外賣都排長龍既叉燒大王，嚟到先知佢有gulu呢個網上預先攞飛既程式，覺得好蝕呢~入到叉燒大王唔叫叉燒（$88），亞媽真係會話生舊叉燒好過生你!係我最愛既半肥瘦，蜜汁味濃，話咁快就清晒成碟茶餐廳既格局，燒味以外做埋小菜，仲要有羊腩煲（$248），價錢同出面差唔多，賣相同材料都好豐富，冬菇都有三粒又厚又爽，支竹、冬筍、馬蹄羊腩煲最佳配料，羊腩脂肪少啖啖肉炆得夠入味，落咗薑粒唔怕有羊羶味蜜薯牛仔粒（$88）鑊氣拍得住深水埗愛民生，蜜汁加上黑椒碎甜甜辣辣，牛肉爆香唔會老，薯仔炸得又夠粉係日本食過山芋天婦羅，估唔到呢度都有酥脆炸淮山（$58），淮山補脾胃益處多，炸過既淮山減少滑潺口感，灑上淮鹽食到停唔到口

今日又到同媽媽撐枱腳時間，陪佢送左兩位姨甥上校車之後就陪左佢係沙角街市買菜。當然，點可以俾媽媽捱肚餓呢？之前佢一直同我講呢間叉燒佢成日買番屋企斬料加菜，咁今日就一齊試下佢啦午市時間好多人下，不過好彩都唔係好使等啫。燒味飯為主。當然普通茶餐廳飯都有既。乳豬叉燒飯乳豬個皮脆到卜卜聲，望落以為好肥但其實還好。肉汁多而且肉質唔柴。叉燒個方面，餐廳果然無改錯名，果然係叉燒大王。採用半肥瘦叉燒，完全唔硬，蜜汁夠哂濃同甜沙嗲金菇牛肉炆伊麵一上枱已經聞到超香，超夠鑊氣，唔好以為好少牛肉，其實牛肉係哂底，多到你食唔哂丫！凍檸茶比例對我黎講係完美，夠哂甜亦夠哂茶味但唔苦澀夠哂高質丫！

今日又同老婆返娘家 ，同外父外母一齊食飯。 外父提議話去河畔試下間叉燒大王， 佢話每次經過都好多人，要試下是否真的咁好食！結果7:30pm去到門口，已經有七八張枱要等 ，好彩地方都算大等了不需半小時就有枱了。喺門口已經見到有好多人買外賣燒味， 我再 留意到其他客人都有點叉燒，畢竟店名叫得 ，我決定要一試……例牌叉燒半肥瘦肉質十分鬆軟。仲叫了一個羊腩煲，上湯豆苗， 脆炸淮山同埋蜜薯牛仔粒。先來了上湯豆苗， 豆苗鮮嫩 ，上湯夠味夠熱。估唔到脆炸淮山， 可以做到個效果好似天婦羅一樣， 完全冇油 ，仲有淮鹽喺面 ，十分脆口。 羊腩煲來了， 附送生菜一碟， 比我之前食過其他羊腩煲略大一點， 冬菇、腐竹、 都好足料，仲有馬蹄、 筍片。羊腩一啲都冇、騷味， 羊肉皮脂不算太肥，剛好！ 亦不見皮脂上有小毛 (小弟最怕)！再加了兩碗白飯， 我同外父都食到好飽了之後嚟埋碟蜜薯牛仔粒， 薯仔好似爆個油， 好脆口加上有蜜糖及黑椒，酸酸地十分醒胃 我們一行四人，十分滿足。想不到價錢真係街坊價， 不用收茶錢及加一， 價錢同我樓下茶餐廳差不多， 值得推介不錯嘅家常小菜！