叉燒大王

營業中

休息中

【午餐會議記錄：叉燒大王】地點：沙田河畔花園D座地下39號舖時間：星期二中午12:45目的：快速簡潔食飯 + 減少踩雷📌主菜：黑椒薯仔牛柳粒味道方向：偏香口，黑椒味濃郁但唔辣牛柳：切粒、略有咬口，不會太韌薯仔：炒得入味，唔爛，有焦香配飯能力：強，建議點飯📌配菜：炒生菜火候：快炒，保持爽脆油量：適中，唔膩特別說明：無蒜，合適想清淡啲嘅人📌拼盤：燒味三品（叉燒、燒鴨、油雞）叉燒：半肥瘦，偏甜，口感正常燒鴨：皮脆，肉唔韌，冇乜羶味油雞：滑，但味道比較淡整體：三款組合平均，有選擇性食法📌前菜/湯類：蟹肉粟米羹粟米甜味明顯，蟹肉碎得嚟算有誠意羹身杰度中等，不過鹹，適合開餐前飲返碗📌其他觀察出餐速度：中等（等約7分鐘）環境：舖面企理，坐位唔算迫人流：街坊為主，亦有上班族外賣✅ 總結：適合想食傳統港式快餐而又唔想冒險嘅日子。整體味道實淨，價格合理，唔驚伏。

最近中午喺沙田搵地方食飯，經過叉燒大王，見人流唔少，就入去試下。叫咗四樣餸，一人食有啲多，不過想試多幾樣。第一樣係黑椒薯仔牛柳粒，黑椒味唔會太重，炒得香，牛柳粒幾嫩，唔鞋。薯仔切件炒得啱啱好，唔會過腍，整體係偏香口嘅炒餸，送飯一流。第二樣係炒生菜，冇加蒜，但炒得爽，冇出水，油量控制得好，夠清爽，配其他餸啱晒。第三樣係燒味拼盤，叫咗叉燒、燒鴨同油雞。叉燒偏瘦，冇太多肥膏，蜜味OK；燒鴨皮脆，肉唔韌，油雞就滑，但冇乜雞味，整體正常發揮，冇伏但亦唔算驚喜。最後係蟹肉粟米羹，質地偏杰，粟米量算足，蟹肉有但比較碎，味道偏淡啲，不過食落暖胃，當前菜幾好。整體嚟講，叉燒大王係一間穩陣嘅茶餐廳，冇乜特別裝修，但環境乾淨。出餐快，收費合理，適合返工放lunch或者住附近食家常便飯嘅選擇。

時間：晚上10點24分地點：沙田河畔 · 叉燒大王呢個鐘數，應該唔會再有人問你食飯未。你就坐咗入去，冇人打擾，冇人等你叫菜。你自己開局。第一樣嚟嘅係蟹肉粟米羹。熱氣浮起，甜香未入口已經安心。你攞匙羹輕輕舀起一口，粟米嘅甜混住蟹肉嘅細滑，落肚，暖晒成個人。嗰種感覺，就好似有個人喺你耳邊講：「唔緊要啦，你已經做得唔錯。」之後到咗黑椒薯仔牛柳粒。一上枱就香到不得了，黑椒炒到香噴噴，唔係辣嗆嗰種，係好實在嘅香氣。牛柳粒夠嫩，薯仔外香內粉，一齊送入口，好滿足。你冇講嘢，但咬咗三下之後，忍唔住微微點頭。炒生菜就係清新得嚟最有誠意嗰位朋友。冇花巧，冇蒜頭搶鏡，淨係用火候證明自己。脆得啱啱好，油而不膩，係整餐飯裡最靜靜地陪住你嗰個。最後，係一碟燒味拼盤。叉燒、燒鴨、油雞排排坐，每一件都切得乾淨利落。叉燒半肥瘦，燒鴨皮脆肉嫩，油雞啖啖肉。你一邊食，一邊喺心入面諗——其實一個人食都唔差，最緊要有啲味道，令你記得自己都值得好好對待。今晚，就喺沙田呢個小角落，俾叉燒大王，靜靜陪你食一餐飯。

中午去了沙田「叉燒大王」，是河畔花園地舖那家。環境算乾淨，坐得不迫，等位時間不長，出餐也算快。這次叫了四樣：•黑椒土豆牛柳粒：黑椒香味明顯，但不算辣。牛柳粒煎得幾香，不韌，馬鈴薯軟熟得來有點焦香。配白飯吃是OK的，算是較重口味​​的一款。•炒生菜：火候控制的好，菜炒得夠爽，沒有出水，吃起來清爽無油膩感。無蒜味，調味簡單，幾適合配番重口味餸。•燒味拼盤：叫了叉燒、燒鴨、油雞。叉燒偏瘦，不多肥膏，味道不會太甜；燒鴨皮脆肉不鞋；油雞肉滑但味道偏淡。整體屬正常發揮，無驚喜但無伏。•蟹肉粟米羹：羹不算太傑，不會太濃。粟米夠甜，蟹肉有，但碎一點。整體不油，味道不重，適合當頭盤或配飯。價格合理，適合快吃一頓又不要想太多的時候，沒有太大驚喜但勝在穩定，基本東西做得不差。

今日星期日早上喺我屋企附近嘅點心大排檔買咗鮮蝦腸粉和山竹牛肉球都好難食，但係因為肚餓照食，食完再瞓過，醒咗之後突然醒起，不如喺美團叫過叉燒大王嘅叉燒五寶飯食囉！好耐冇返撻呢間嘢，因為美團和foodpanda的餐廳選項多得滯，顧住試新嘢忘記咗，直至尋日食咗咖吔嘅海南雞飯唔夠鹹及星加坡喇沙唔夠好味，先諗起不如叫返呢間以前食開嘅，點知喺開飯網最近嘅食評有啲好差，所以唔抵得寫返個食評幫佢平反一次：叉燒好好食，不過好瘦，可能潮流興瘦，啱我！如果要肥叉燒，我諗要喺備注度寫明。燒鴨俾左燒鴨胸俾我，好好食，冇乜皮下脂肪，仲有一包酸梅醬跟住。紅腸正常。燒雞翼好好味，燒完都好Juicy ！鹹蛋半隻，味道除咗好好之外，最緊要就係蛋白好少鹹，蛋黃好夠油，好正！食咗唔方會高血壓！因為可能我住喺附近博康邨，連埋運費只係$82 ，睇嚟我以後要返撻呢間嘢，因為喺沙田區叫一個飯盒一般都會收雜費，加埋點都要$120左右埋單，長期食好似好奢侈咁。

舢舨充泡艇！冇料扮四條！竟然夠膽稱舖名為「大王」哪來的自信！？話說，當日店內氣氛相當嘈吵，又要搭枱，叫人心情煩亂！衛生也不佳，枱面和地板都很油膩。叉燒飯：舖名叫得叉燒大王，應該對燒叉燒好有信心，冇理由唔點來吃，最重要重是要肥的！我最厭吃瘦叉燒 .... 端來枱時，我就失望了，一看個樣就知不對口味，吃入口就知確實如此；叉燒實不夠焦香，也不夠蜜味，肉質雖然夠鬆軟，但距離「大王」這個稱號，還有一大段距離！貴香雞脾飯： 算是皮香肉嫩，味道也不錯，但鷄肉是 pink chicken .... 接受到的就接受到囉，我就接受不了， pink chicken 我是不吃的 ~收啦 .... 大王！本篇完 ~

今日，係威爾斯醫院睇完醫生後，去到河畔花園既交通安全公園巴士站等巴士。果陣大概下午五時多，突然有D肚餓，又唔想食打冷，行前少少見度依間野，就黎試下。既然叫大王，一於就叫左個叉燒飯同一個小菜，小菜名叫咩，我唔記得啦，佢係一碟野有幾塊切左正方形既豆腐，上面放左D魚肉，都幾好味！同埋覺得有D劍創意依碟餸，定唔知係我孤陋寡聞呢？因為之前未係其他餐廳或食肆度見過，之後我仲係屋企試煮，又當學多一樣餸。個叉燒飯都，咁岩切左件半肥廋叉燒比我，少少焦，但仲好食

今日到店外賣半隻燒鵝。回家打開，發覺好多件都斬到好大舊。我心想，斬到咁大舊，不如唔好斬，等客人全部揸住食仲好。更什的，是燒鵝肉質硬到離晒譜，味道又淡原全似無調過味一樣。原全沒有任何鵝味。希望唔係用咗急凍貨去代替新鮮貨。現今，想話幫吓香港食肆，結果發覺香港食肆倒閉的原因何在了。以前都有買過佢哋嘅燒鵝外賣，原全有一定水準。今次食品嘅質素係差到我要用時間寫食評，不吐不快。如果再是這樣，相信間舖都時日無多。

上星期放工去貴店買外賣，期間想貴店員工幫少少忙 但卻遭受到極不禮貌對待！實在無法面對極rude既人 尋常對話唔會出現既個種rude! 所以當日決定要在此comment! 但隔幾日 被告知留言可能會觸犯法律責任。本人只是一個普通人 唔識留言講實話以表達自己選購體驗係點觸犯法律責任，或者當日實在氣在心頭！所以留言語氣太重，現修改如下，（當時無影底食物相 亦無法即時反應、捕捉無禮員工做證據）「（當日）放工去買個外賣 去拎個時 問個呀姐可唔可以搭個姜蓉 個呀姐d態度超級惡劣大大聲鬧個客 「唔早d講 你下次唔早d講 我拎唔到比你架」我第一時間係shocked ！明白餐飲業繁忙時間係無法多謝前 多謝後買少少野 就算無服務都唔緊要但至少唔會係大大聲鬧個客？完全係將怒氣發洩係客人身上？作為消費者 購物體驗從來好主觀 體驗唔好 可以仲有下一次體驗係氣在心頭，真係好難再回頭其實之前都試過幾次 打電話落單 嗌燒味瀨粉外賣部員工亦以惡劣態度 回覆 尼d體驗對我個人而言已經唔係第一次！但今次實在令人氣在心頭！實在不想再有下次被怒罵既體驗！

2年前食過印象好好冇問題既，咁今日接阿女放學，咁耐冇去食過就去幫襯吓啦，但今日同阿女去食真係差咗好多好唔掂。我叫燒肉油雞飯，燒肉皮唔脆仲要好靭既，唔好話口感差連鹹味都無，好似食緊紙皮咁，仲有燒肉下面層肥豬肉啲肥膏多過肉，啲肉有蟹有冇汁，油雞又冇乜肉又瘦又乾身又冇油，肉仲要好嚡，我懷疑擺咗好耐咁。阿女叫左叉燒煎蛋飯，叉燒食落冇咩汁又係好乾身，隻蛋仲要全熟又係冇蛋汁。總括嚟講，瀝源街市$28燒味飯嘅質素好過佢。希望佢睇到我嘅留言，可以改善下啦，知燒味有陣時好彩數，咁啱斬定啲頭頭尾尾俾我就會好差，但可唔可以平均啲唔好全部都咁差呀。

我買100元半肥瘦叉燒，店員亦回覆我是半肥瘦叉燒，但回家打開一看，全部都是極瘦的，很柴皮，吃了幾件，受不了，全部丟掉店名是叉燒大王，但叉燒竟然完全不合格，感覺被騙，不建議幫襯

呢個星期叉燒大王買左兩次叉燒，都吾好食，仲一次比一次差。第一次比瘦叉，一般吧。第二次D叉燒直情係柴嘅，咬叉燒可以咬到我牙骹軟，仲哽胃… 真係西非利。招牌叫得「叉燒大王」，就係用靚叉燒嚟引流。三年前呢度D叉燒仲係正常，軟 + 半肥瘦。搞咩變哂樣，成為一個笑話呢。何解宜家D出品咁差？為左迎合D Aunt嘅錯誤健康觀念？2014年時代雜誌就推翻左1984對油脂嘅錯誤睇法啦。吾憂做就縮成本？針對旁邊間酒店帶嚟嘅外省大陸客吾識食，出品差D都無所謂哩。明嘞，呢間嘢縮皮，吾同隔離間酒樓爭生意，目標係低端/外省吾識食嘅。

---位於河畔花園的叉燒大王，一直以來都以其高質素的叉燒聞名遐邇，但今天我們不再贅述這個廣為人知的事實。這次我要讚賞的是他們的其他兩道招牌菜——東升斑和黃金鮮魷。東升斑的表現簡直讓人驚艷。這道菜將東升斑這種高級食材的風味展現得淋漓盡致。魚肉細膩柔嫩，每一口都散發出海洋的清新。配上精心調配的醬汁，既保留了斑魚的原始滋味，又賦予了它一種獨特的風味，這樣的匠心烹調令人讚不絕口。而談到黃金鮮魷，這道菜更是一個驚喜。鮮魷外層炸至金黃酥脆，內裡卻是保持了魷魚的彈牙質感，這種對比讓人一嚐就難忘。黃金色澤不僅讓人食指大動，其搭配的調味料更是點睛之筆，令魷魚本身的鮮味得到了極致的提升。叉燒大王的條東升斑和黃金鮮魷無疑是該店的隱藏寶藏，它們的出色演繹不僅令我驚喜，也證明了這家餐廳不僅僅只有叉燒一道拿手好菜。如果你是海鮮愛好者，這兩道菜絕對值得你來一試。整體而言，叉燒大王不僅在叉燒上做到了高水準，在其他菜品上同樣表現出色，堪稱一家全能型的餐廳。在此，我毫不吝嗇地給予這次用餐體驗9分（滿分10分）。---

果晚仲係新正頭，我哋一行人七個人附近唱完K就去搵嘢食，其實已經凌晨點半，附近嘅餐廳都收哂，絕望之際，竟然餐廳仲做我哋生意。個個見到間餐廳名就梗係想試個叉燒啦，點知一入到去就知道「冇叉燒」。。。冇計啦，已經夜深嘞，結果我哋嗌咗兩碗燒鴨麵，幾碗切雞米，諗住快快手食完就算。跟住我哋當中有位師兄，無啦啦口痕話想食小炒，我哋心諗，咪玩啦，就兩點喇結果最估唔到嘅事發生咗，竟然夜媽媽都仲可以叫小菜。我哋大家都呻笨，因為碟西蘭花炒帶子真係好好味，送啤酒一流，早知正正經經食小炒啦。

聞名如見面主打燒味嘅叉燒大王，跟一般連鎖快餐店唔同，睇完個餐牌，佢無特別單賣叉燒。難得運動完有餓嘅感覺，我哋點咗叉燒五寶飯、乾炒牛河、咸魚鷄粒炒飯、干燒伊麵、常餐 A 炒滑旦多士、常餐 A 沙嗲牛肉公仔，再補咗個肉絲炒麵先至夠，跟餐茶例牌。五寶藏叉燒突顯尊貴，快餐免問肥瘦，師傅水準高下立見，較普通出色嘅肉質配燒汁，好難話會唔好食，如果要揀下午茶餐，就變咗普通茶記。餐廳環境服務正常，年初一至年初四另加一服務費，價錢可以接受。